12 июля - День памяти славных и всехвальных первоверховных апостолов Петра и Павла
Святые апостолы Петр и Павел были в числе двенадцати апостолов Иисуса Христа. Апостол Петр является символом раскаяния. Он трижды отрекся от Иисуса Христа, после чего раскаялся в содеянном и был прощен Господом. Апостол Павел до призвания на служение Иисусом Христом был язычником, но затем обрел истинную веру.
Молитва Апостолам Петру и Павлу
О святии апостоли Петре и Павле, не отлучайтеся духом от нас, грешных раб Божиих (имена), да не разлучимся вконец от любве Божия, но крепким заступлением вашим нас защитите, да помилует Господь всех нас молитв ваших ради, да истребит же рукописание безмерных грехов наших, и да сподобит со всеми святыми блаженнаго Царствия и брака Агнца Своего, Емуже честь и слава, и благодарение и поклонение во веки веков.
Святый верховный Апостоле Петре, каменю веры, на Христе, краеугольном камени, в Церковь исповеданием назданный! Моли, да и аз, умными помышлении и плотскими похотении всегда колеблемый, на тоемжде Христе, Камени живом, избранном, честном, верою наздан всегда совершаюся любовию в храм духовен, в священство свято, вознесити жертвы духовныя Богови Иисусу Христу. Святый верховный Апостоле Павле, сосуде избранный Христов, благодати и славы Божия преисполненне! Моли имущаго власть над тварию Творца, да мя, ныне сосуд погубленный, сотворит Себе сосуд в честь, освящен и благопотребен, на всякое благое уготован. Аминь.
Тропарь апостолов
глас 4
Апостолов первопрестольницы/ и вселенныя учителие,/ Владыку всех молите/ мир вселенней даровати// и душам нашим велию милость.
Кондак апостолов
глас 2
Твердыя и боговещанныя проповедатели,/ верх апостолов Твоих, Господи,/ приял еси в наслаждение благих Твоих и покой:/ болезни бо онех и смерть приял еси паче всякаго всеплодия,// Едине, сведый сердечная.
Святые апостолы Петре и Павле, молите Господа о нас!
