Икона святого великомученика Дмитрия Солунского 18,5 х 29 см
Наведите для увеличения

Икона святого великомученика Дмитрия Солунского 18,5 х 29 см

Артикул. СДС-01 В наличии
Количество:   
9000 руб.
Вид иконы: Именные иконы
Формат: 18,5х29см
Материал: дерево (ясень), медь, золочение, серебрение
Бесплатная доставка по России

Икона святого великомученика Димитрия Солунского выполнена из меди и покрыта серебром и золотом методом гальванопластики. Рамка и основание выполнены из дерева (ясень) и покрыты лаком. Фон сделан из темно-синего бархата.

День памяти: 8 ноября

Святой великомученик Димитрий Солунский – святой-воин, покровитель славян, военных и заключенных. На Руси был настолько любим, что многие князья называли своих первенцев в честь святого Дмитриями. В память о многочисленных случаях заступничества святого великомученика Димитрия Солунского за наше Отечество, он изображается на иконах в воинских доспехах, с копьем и мечом. В честь Димитрия Солунского была названа Дмитриевская родительская суббота (суббота перед днем памяти Димитрия Солунского), во время которой поминаются павшие русские воины.

Информация об иконе Икона святого великомученика Дмитрия Солунского 18,5 х 29 см

Молитвы святому великомученику Димитрию Солунскому

МОЛИТВА ПЕРВАЯ

Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя со дерзновением Небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрити град сей, обитель сию (или храм сей) и всякую страну христианскую. Исходатайствуй у Царя Царствующих на враги победу и одоление, всей державе православной мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоугодное Владыце нашему Христу Богу зде творяще, сподобимся молитвами твоими наследовати Царствие Небесное для вечнаго прославления Его со Отцем и Святым Духом. Аминь.

МОЛИТВА ВТОРАЯ

Святый великомучениче Христов Димитрие! Предстоя со дерзновением Небесному Царю, испроси у Него прощение согрешений наших и о еже избавитися нам, окаянным (имена) от всегубительныя язвы, огня и вечныя казни. Моли благость Его, еже ущедрити приход (или дом) сей и храм наш. Испроси нам благодатное укрепление на дела благая, да благоугодное Владыце нашему Христу Богу зде творяще, сподобимся молитвами Твоими наследовати Царствие Небесное и тамо прославляти Его, со Отцем и Святым Духом, во веки веков.

МОЛИТВА О ЗАСТУПНИЧЕСТВЕ ВАШЕГО НЕБЕСНОГО ПОКРОВИТЕЛЯ

Моли Бога о мне, святый угодниче Божий Димитрий, яко аз усердно к тебе прибегаю, скорому помощнику и молитвеннику о душе моей.

Канон первый великомученика Димитрия Солунскаго, глас 4.

Песнь 1

Ирмос: Моря чермную пучину невлажными стопами древний пешешествовав Израиль, крестообразныма Моисеовыма рукама Амаликову силу в пустыни победил есть.

Божественным мучения венцем увязен, при Бозе ликуеши, блистании отонудными сияя и просвещения исполняем, великомучениче досточудне.

Яко суща Истины свидетеля, и даже до крове подвигшася, блаженне, терпеливно; твердо же противление к мучителем показавша, тя Владыка прият.

Злобы обретателя низложил еси на землю, Димитрие, мученическим твоим копием убив, Божественною благостию, паче ума силою, на сие, блаженне, укрепляем.

Богородичен: Безматерен якоже Бог первее Сый, бысть еже по нам Безотчий из Тебе, Богородице Всепетая, плоть прием по единению, еже паче слова и разума.

Песнь 3

Ирмос: Веселится о Тебе Церковь Твоя, Христе, зовущи: Ты моя крепость, Господи, и прибежище, и утверждение.

Вменися в ничтоже мучителей от тебе повеление; Слово бо Божие паче всех, страстотерпче, предчествовал еси.

Свещник световиден мучения в скинии был еси, Божественным Светом сияющ, мучениче страстотерпче Димитрие.

Врачеваний тя источник священный и дивный, град твой и сокровище некрадомо стяжав, всяким веселием обогатися.

Богородичен: Врачуя образ истлевший земных, Пречистая, сим из Тебе облачится, пребыв якоже бе Человеколюбец.

Седален, глас 4.

Яко доблему страдальцу и воину крепку Всецарюющаго Христа, взываем псаломски: радуйся, мучеников украшение и лепота; радуйся, светлая Церкве звездо и стено, и пристанище прибегающих к тебе, великомучениче славне Димитрие, тя поющия спасай от всякаго вреда чуждаго и озлобления вся.

Песнь 4

Ирмос: Вознесена Тя видевши Церковь на Кресте, Солнце Праведное, ста в чине своем, достойно взывающа: слава силе Твоей, Господи.

Победившаго лжу нечестия, Божие Всевысочайшее видев Слово, славою венча тя, Димитрие, поюща: слава силе Твоей, Господи.

На лесть победу возставив, победительный венец правды приял еси, Димитрие, зовя Зиждителю твоему: слава силе Твоей, Господи.

Направляем дланию жизноносною, к пристанищем достигл еси тишайшим, идеже, ныне радуяся, зовеши, Димитрие: слава силе Твоей, Господи.

Богородичен: Яко тварей всех Священнейшая, Мати Бога быти Едина сподобилася еси, Сего бо рождши, мир благодатию Богознания просветила еси.

Песнь 5

Ирмос: Ты, Господи, мой свет в мир пришел еси, Свет Святый, обращаяй из мрачна неведения верою воспевающия Тя.

Огнь любве Божественныя в сердцы прием, огнь угасил еси безбожнаго идолонеистовства, славне Димитрие.

Избавляя ны от бед, явися, Димитрие, молитвами твоими покрывая верою и любовию восхваляющия тя.

Иже верою к твоему усердно притекающе храму, Димитрие, недугов и страстей душетленных вскоре избавляются.

Богородичен: Слово Божие, Отцу Единосущное, Твой бывает, Богомати, паче ума же и слова, Сын, Тебе Единосущен.

Песнь 6

Ирмос: Пожру Ти со гласом хваления, Господи, Церковь вопиет Ти, от бесовския крове очищшися, ради милости от ребр Твоих истекшею Кровию.

Согласно сошедшеся, поем славную и светоносную твою память, и чудес полную, и дарований Святаго и Честнаго, всеблаженне, Духа.

Разреши моя пленицы согрешений молитвами твоими, яко бо непобедим мученик дерзновение имаши ко Владыце, и буди ми прибежище и покров, Димитрие.

Богородичен: Чисту Тя посреде терния обрет, яко чистейший крин и удольный цвет, о Богомати! Жених во утробу Твою Слово вселися.

Кондак, глас 2

Кровей твоих струями, Димитрие, Церковь Бог обагри, давый тебе крепость непобедимую и соблюдая град твой невредим; того бо еси утверждение.

Икос

Сего великаго вси воспоим, сошедшеся верою, яко оружника Христова и мученика, Димитрия, в песнех и пениих совзывающе Владыце и Зиждителю вселенныя: избави ны труса и нужды, Человеколюбче, молитвами Богородицы и всех святых мучеников Твоих. На Тя бо вси надеемся избавитися бед и скорбей, Ты бо еси наше утверждение.

Песнь 7

Ирмос: В пещи Авраамстии отроцы персидстей, любовию благочестия паче, нежели пламенем опаляеми, взываху: благословен еси в храме славы Твоея, Господи.

Преукрашен Божественною славою и благодатию, мучениче страстотерпче, сияеши световидно и просвещаеши зовущия: благословен еси в храме славы Твоея, Господи.

Яко багряницею, украшен твоею кровию, имея вместо скиптра, славне, крест; со Христом царствуеши ныне, мучениче Димитрие, благословен еси, зовый, в храме славы Твоея, Господи.

Богородичен: Препрославленная, Просвещенная, Мати Дево, вся, чтущия Тя Всеистинную Богородицу, огради; благословена Ты в женах, Всенепорочная Владычице.

Песнь 8

Ирмос: Руце распростер Даниил, львов зияния в рове затче: огненную же силу угасиша, добродетелию препоясавшеся, благочестия рачители отроцы, взывающе: благословите вся дела Господня Господа.

Омрачил еси весь вражий гнев, славне, и, борения неотъемлемою силою Христа облечен и победоносец быв, мучениче Димитрие, вопиял еси: благословите вся дела Господня Господа.

Мучеников благостояние показав, мучеников благозвание, мучениче, наследовал еси; банею омывся святою, яже вторыми не оскверняется греховными прилоги, копием прободаем, и зовый: благословите вся дела Господня Господа.

Чудес твоих множество, паче ума дарований, ихже тебе подаде Христос, всем показует, славне, и благодать исцелений, яже паче слова, яве твою благодать проповедает нам, вопиющим: благословите вся дела Господня Господа.

Богородичен: Едину во всех родех, Деву Матерь и Богородицу Чистую, песнословим: Та бо спасения нашего Ходатаица, яко мира Избавителя, Слово рождшая, Емуже вопием: благословите вся дела Господня Господа.

Песнь 9

Ирмос: Камень нерукосечный от несекомыя горы, Тебе, Дево, краеугольный отсечеся, Христос, совокупивый разстоящаяся естества; тем, веселящеся, Тя, Богородице, величаем.

Раздери узы прегрешений тя поющих, страстотерпче, устави страстей прилоги, молву разори ересей и напастей утиши бурю молитвами твоими.

Направи к стезям правым Небеснаго Царствия священнейшую твою паству, венценосче мучениче Димитрие, на пажить спасительную, на место вечное.

Да венцев славы и Небеснаго Царствия получения поющим тя сего улучити моли, мучениче Димитрие, Жизнодавца Господа и Царя Сил.

Богородичен: Яко корень, источник и вину нетления Тя, Дево, вси вернии, надеющеся, хвалами почитаем; Ты бо Ипостасное нам Безсмертие источила еси.

Светилен

Крестом вооружил еси Нестора, чрез онаго Лиеву разорив гордыню, Димитрие, на тризнищи, якоже Христос, отверзаеши копием ребра твоя, имиже стадо твое храни.

Акафист святому великомученику Димитрию Солунскому

Кондак 1

Дивный воеводо града Солуня, великий угодниче Христов и славный страстотерпче, святый Димитрие, источаяй мирови милости миро, похвальная восписуем ти, чтущии святую память твою. Ты же имеяй дерзновение ко Господу, от всяких бед избавляй нас, верно зовущих ти:

Радуйся, святый Димитрие, славный великомучениче и чудотворче.

Икос 1

Ангелов Творец и Господь Сил яви тя, досточудне, ангела во плоти, мученика тверда и сильнаго предстателя верных. Прибегающе убо к заступлению твоему, сицевая радостная тебе приносим:

Радуйся, звездо блистающая на тверди церковней; радуйся, светильниче, чудесы мир озаряяй.

Радуйся веры непоколебимый столпе; радуйся, христиан несокрушимый щите.

Радуйся, Фессалии светлое украшение; радуйся, Солуня похвало преславная.

Радуйся, апостолов согражданине; радуйся, мучеников совсельниче.

Радуйся, молящихся к тебе прошения приемляй; радуйся, о всех нас Богу моляйся.

Радуйся, святый Димитрие, славный великомучениче и чудотворче.

Кондак 2

Видяще себе безчадна, благочестивая родителя твоя прилежно моляста Бога о даровании чада. Прием же Всевышний молитвы ею, и помянув милостыни, яже творяста убогим, дарова им тебе, блаженне. Сего ради с веселием возописта Богу: Аллилуиа.

Икос 2

Разум божественный имея, яко отроча богодарованное, возгнушался еси языческия прелести, мудре. Родительское же благочестие возлюбль, добродетельми аки лествицею от силы в силу восходяй, благодать Божию приобрел еси, юже испроси получити и нам, почитающим тя звании сими:

Радуйся, благочестивым родителем молитвенное прозябение; радуйся, благочестия их наследниче.

Радуйся, рождением своим возвеселивый многих; радуйся, от утробы матерния благодатию свыше осененный.

Радуйся, благоуханный крине девства и нетления; радуйся, освещенный душею же и телом.

Радуйся, вместилище дарований Божиих; радуйся от юности идолослужение презревый.

Радуйся, истинное богопочитание даже до смерти возлюбивый; радуйся, яко благочестием твоим угодил еси Христу.

Радуйся, яко благодатию Его мног плод сотворил еси; радуйся, святый Димитрие, славный великомучениче и чудотворче.

Кондак 3

Сила Вышняго сотвори тя, Димитрие, храбра во бранех, врагом страшна, всем людем именита. Темже и злочестивый царь Максимиан вручи тебе град Солунь, повелевая, яко суемудрый, гнати Христианы, поющия Богу: Аллилуиа.

Икос 3

Имеяй благоприятную по благочестию ревность, яве пред неверными исповедал еси Христа, прехвальне, и тех веровати и покланятся Тому научил еси, и яко вторый Павел был еси солуняном, с нимиже вопием ти:

Радуйся, Церкви Христовой драгий бисере; радуйся, града твоего украшение.

Радуйся, божественную ревность в сердцы своем носивый; радуйся, мучителей коварства победивый.

Радуйся, идольския прелести обличителю; радуйся, идольское терние посецаяй.

Радуйся, благочестия учителю; радуйся, на стези спасения наставителю.

Радуйся, врагом видимым и невидимым неприступне; радуйся, воине Христов непобедиме.

Радуйся, святый Димитрие, славный великомучениче и чудотворче.

Кондак 4

Бурею одержим помышлений злобных, нечестивый царь смятеся, уведев тя, всечестне, вернаго быти раба Христова, к вере в Того приводяща и идолы низлагающа, солунян же научающа славити трисвятое имя Божие и пети Тому: Аллилуиа.

Икос 4

Слыша, яко дышащий на тя, Димитрие, яростию Максимиан грядет в Солунь, молитвою и пощении предуготовил еси себе к мучению, повелевая Луппу, верному ти рабу, вся имения твоя и богатства привременная расточити убогим. Темже, восхваляюще тя, с любовию зовем:

Радуйся, прещения мучителева не убоявыйся; радуйся, да Христа приобрящеши, вся расточивый.

Радуйся, суетную славу мира сего во уметы вменивый; радуйся, небесную славу у Христа Бога нашего получивый.

Радуйся, яко состраждеши всем требующим от тебе помощи; радуйся, сущим в нуждах скорый заступниче.

Радуйся, нищих обогатителю; радуйся, сирых предстателю.

Радуйся, убогим помощниче; радуйся, алчущим питателю.

Радуйся, святый Димитрие, славный великомучениче и чудотворче.

Кондак 5

Боготечней звезде уподоблься, Димитрие, дерзновенно Солнце Правды проповедал еси тьмою одержимому царю. В темнице же им заключенный, славословил еси в ней, яко в чертозе светле, Христа Бога нашего, с веселием поя Тому: Аллилуиа.

Икос 5

Видя добра ненавистник диавол течение, достоблаженне, скончатися имущее, завистию снедаемь, устремися на тя во образе скорпии. Ты же, поправ того, узрел еси во светлости велицей ангела Господня, укрепляюща тя и венец райский тебе подающа, приими убо и от нас земных малый венец похвалы сицевыя:

Радуйся, трубо, неверным Христа Бога возвестившая; радуйся, свиреле, услаждающая слышание верным.

Радуйся, яко мужеством твоим небожители возвеселил еси; радуйся, в темнице мрачней святым ангелом утешенный.

Радуйся, пресветлый на небесех чертог, яко мученик, унаследовавый; радуйся, во плоти безплотныя враги победивый.

Радуйся, козни их, аки паучину разоривый; радуйся, светлый конец победы приемый.

Радуйся, венцем от Царя славы венчанный; радуйся, сугубыя благодати от Него сподобивыйся.

Радуйся, велие дерзновение к Нему стяжавый.

Радуйся, святый Димитрие, славный великомучениче и чудотворче.

Кондак 6

Проповедник злочестия Максимиан радовашеся, яко прекрепкий борец его Лий убиваше Христианы. Блаженный же Нестор не терпя того безчеловечия, у тебе, мучениче, благословение испроси, и шед низверже того на копия, поя Богу: Аллилуиа.

Икос 6

Возсиявый в Солуне просвещение истины, святе, предпослал еси ко Господу Нестора, чрез посечение от нечестивых. Таже и сам, повелением царевым, копиями избоден был еси за Христа, пред Нимже помяни и нас, поминающих страдания твоя и вопиющих ти:

Радуйся, на Лиево низложение Нестора молитвами твоими укрепивый; радуйся, яко по умерщвлении Лия, смерть мученическую купно с Нестором приял еси.

Радуйся, яко за Прободеннаго на Кресте нас ради копиями избоден был еси; радуйся, со славою на небеса по смерти от ангел провожденный.

Радуйся, в немерцающем свете душею пребываяй; радуйся, с мученики и со всеми святыми ликовствуяй.

Радуйся, покрове песнословящих тя; радуйся, молитвенниче о чтущих святую память твою.

Радуйся, святый Димитрие, славный великомучениче и чудотворче.

Кондак 7

Хотя блаженный Лупп благословение от тебе, страстотерпче Христов, получити, взя по кончине твоей перстень твой и ризу, кровию твоею омоченную, и многа чудеса и исцеления теми сотворив, усечен бысть во главу, да поет купно с тобою и Нестором в Троице славимому Богу: Аллилуиа.

Икос 7

Новый храм созидая тебе, досточудне, исцеленный тобою Леонтий, обрете в земли святыя мощи твоя, источающая миро, егоже благоухания исполнися весь град и множество болящих исцеле. Темже уврачуй и облагоухай и нас, вопиющих ти сице:

Радуйся, благоухание добродетелей от юности возлюбивый; радуйся, нрав ангельский от младенчества стяжавый.

Радуйся, сосуде благодати; радуйся, храме непорочности и чистоты.

Радуйся, яко Господь обитель в тебе сотвори со Отцем и Духом; радуйся, яко Той прослави мощи твоя нетлением благодати.

Радуйся, благовонное Миро от тех источаяй; радуйся, освящение и цельбы теми подаваяй.

Радуйся, яко паче нарда и смирны благоухаеши; радуйся, яко благоуханием твоим зловоние страстей отгоняеши.

Радуйся, землю и одежды твоя кровию твоею освятивый; радуйся, язвами своими наша язвы душевныя и телесныя врачуяй.

Радуйся, святый Димитрие, славный великомучениче и чудотворче.

Кондак 8

Странное и дивное чудо сотворил еси, пречудне, возвращавшемуся восвояси храмоздателю твоему, приим бо той плащаницу от святых твоих мощей, волнующуюся и многоводную реку немокренно прейде. Темже прославляемому в тебе Богу сердцем и усты воспеваше: Аллилуиа.

Икос 8

Весь горя любовию и усердием к тебе Леонтий вторый в честь твою, святе, созда храм во Иллирии, отечестве своем, и тамо, якоже и в Солуне, множество болящих и страждущих от дух нечистых, молитвами твоими исцеляшеся, и ина многа совершахуся чудеса. Имже мы, дивяшеся тебе, вопием:

Радуйся, любовию прославляющим тя крепкий заступниче; радуйся, созидающим во имя твое храмы чудный покрове.

Радуйся, здравия подателю; радуйся, недугов врачевателю.

Радуйся, токи крови уставляяй; радуйся, епарха Марина от струпов и гноя свободивый.

Радуйся, одеждою твоею, якоже Павел убрусцами, чудодействуяй; радуйся, имевшему ю Леонтию немокренный на реце путь показавый.

Радуйся, яко повинуются тебе быстрины речныя; радуйся, яко дуси злобы бегают от призывающих имя твое.

Радуйся, яко предстательством твоим и мы уповаем от наветов вражиих сохранитися; радуйся, яко заступлением твоим и мы веруем от потопа иных бед избавитися.

Радуйся, святый Димитрие, славный великомучениче и чудотворче.

Кондак 9

Всякое естество ангельское удивися, Димитрие святый, великаго твоего дерзновения делу. Хотящу бо Господу врагом предати Солунь, и явлением ангельским, повелевшу ти оставити град, не оставил еси того, славне. Темже сподобивыйся ужаснаго видения и слышания, Иллюстрий с трепетом возглашаше: Аллилуиа.

Икос 9

Витии многовещанныя не возмогут разумети, как плененныя иногда девы, образ твой, святе, пленившему их князю швением уготовавшия, внезапу восхищени быша тобою, и у гроба твоего поставлени, бдению на память твою совершающуся, благословяще убо о тебе Господа, со умилением зовем ти:

Радуйся, за истину на земли, даже до крови пострадавый; радуйся, на небеси со дерзновением престолу Божию предстояй.

Радуйся, благопотребная оттуду верным посылаяй; радуйся, от бед призывающия тя свобождаяй.

Радуйся, яко во озлоблении сущим скоро помогаеши; радуйся, яко Господь молитвам твоим благоутробно внемлет.

Радуйся, чудес неисчерпаемый кладезю; радуйся, знамений неоскудеваемый источниче.

Радуйся, плененных свободителю; радуйся, варварския дерзости укротителю.

Радуйся, печальным утешение посылаяй; радуйся, скорбящим радость подаваяй.

Радуйся, святый Димитрие, славный великомучениче и чудотворче.

Кондак 10

Спасти хотя град твой от глада, являлся еси, Димитрие, во пристанищех морских и отоцех, повелевая имущим пшеницу плыти с тою в Солунь. Темже тобою от смерти избавленнии, благодарственне пояху о тебе Богу: Аллилуиа.

Икос 10

Стена явился еси граду твоему несокрушимая, богомудре, и необоримый защитник всем призывающим тя, зане тако благоволи о тебе небесе и земли Творец. Темже и нас научи приглашати тебе:

Радуйся, милосердия великий любителю; радуйся, о бедствующих сострадательный попечителю.

Радуйся, от глада верныя спасаяй; радуйся, от нашествия языков тех изымаяй.

Радуйся, множицею избавивый солунян от уз работы горькия; радуйся, губительную язву и иный вред от них удаливый.

Радуйся, воеводо, никимже в мужестве одолимый; радуйся, ратоборче, николиже в силе оскудевающий.

Радуйся, вся на град твой устремляющияся, яко Моисей Амалика, низлагаяй; радуйся, яко Сампсон, иноплеменники прогоняяй.

Радуйся, царем верным на враги одоление подаваяй; радуйся, христолюбивым воином на брани помогаяй.

Радуйся, святый Димитрие, славный великомучениче и чудотворче.

Кондак 11

Пение всякое побеждается, прехвальне, пред сиянием славы твоея и величием чудес. Егда бо Иустиниан царь, возжеле имети в Софийстем храме часть мощей твоих, огнь изыде от гроба твоего на посланные от него, возбраняюще прикасатися раце твоей. Темже удивленнии со страхом возопиша Богу: Аллилуиа.

Икос 11

Светозарную звезду, сущим во тьме неразумия, зрим тя, святе. Служащу бо у гроба твоего Онисифору тьмою святотатства держиму, двукратным явлением твоим возбранил ему похищати свещи, возжигаемыя верными у мощей твоих. Сего ради со благоговением зовем ти:

Радуйся, прежде мученическия кончины свято поживый; радуйся, по кончине чудесы прославивыйся.

Радуйся, яко жив во граде мощми твоими почиваеши; радуйся, яко присноживый чудеса теми содеваеши.

Радуйся, яко правду милостию растворяеши; радуйся, яко огнем ревности по славе Божией гориши.

Радуйся, святыя мощи твоя неприкосновенны имеяй; радуйся, касатися им дерзающия, яко молния опаляяй.

Радуйся, согрешающих вразумителю; радуйся, святотатцев наказателю.

Радуйся, освящение подаваяй благоговеющим к тебе усердно; радуйся, миром облагоухаяй чтущих тя верно.

Радуйся, святый Димитрие, славный великомучениче и чудотворче.

Кондак 12

Благодать приял еси, Димитрие, целити всяк недуг и всяку язю в людех. Подаждь убо и нашим душам и телесем исцеление, да Богу, даровавшему нам тебе, помощника и врачевателя, благодарственне воспоим: Аллилуиа.

Икос 12

Поюще твоя чудеса, ублажаем тя, досточудне, пред нечестивыми Христа Бога дерзновенно исповедавша, прославляем мученическую кончину твою, почитаем память твою, и сицевая радостная тебе приносим:

Радуйся, стопам Христа Спасителя всех ревностный последователю; радуйся, страстем его мужественный подражателю.

Радуйся, с небесными силами прославляяй Бога; радуйся, с Царицею небесе и земли моляяйся о мире.

Радуйся, многоцелебнаго мира сподобляяй верных; радуйся, разслабленныя телом и духом исцеляяй.

Радуйся, святый Димитрие, славный великомучениче и чудотворче.

Кондак 13

О, святый великомучениче и верный угодниче Христов, Димитрие мироточиве, малое сие песнословие от нас приемше, моли Христа Бога нашего, да вселяется и благоухает в сердцах наших святыня православной веры, да умножается в житии нашем елей благих дел, да не угаснут светильники наши в полунощный час сретения Небеснаго Жениха, и да сподобимся вместе с тобою воспевати Ему в вечном Царствии: Аллилуиа.

Этот кондак читается трижды, затем икос 1-й «Ангелов Творец...» и кондак 1-й «Дивный воеводо...»

Житие святого великомученика Димитрия Солунского

Димитрий родился в семье проконсула, который управлял Фессалониками. Этот город получил своё название в честь сестры Александра Македонского (греческий вариант – Салоники, в славянской традиции – Салунь). В Риме в то время было целых четыре императора, но все они были враждебно настроены к христианам. Родители Димитрия верили в Христа, но веру свою скрывали от посторонних. Сыну своему они, тем не менее, смогли привить христианские добродетели и воспитали его в благочестии. После смерти отца святой Димитрий занял его место и стал управлять городом. Своих религиозных убеждений он не скрывал и был готов пожертвовать ради Господа нашего не только положением, но и жизнью. Многих горожан он обратил в христианство.

Тетрархи, естественно, узнали об этом. Возвращаясь из похода, Максимиан остановился в Салониках. Димитрий был осведомлён об этом визите и подготовился к нему. Он раздал своё имущество нуждающимся, а сам истово молился Богу. Когда тетрарх вызвал мученика к себе и потребовал отречься от веры христовой, Димитрий наотрез отказался. Его, по приказу Максимиана, бросили в темницу.

В городе устроили гладиаторские бои в честь приезда императора. Ради развлечения Максимиан заставлял сражаться и христиан, которые не хотели принимать язычество. Большинство из них были обычными горожанами, не имевшими никакой военной подготовки. Естественно, что победить профессиональных воинов они не могли. Один из гладиаторов, которого звали Лий, отличался богатырским телосложением и особой жестокостью. Он убил много христиан на поединках и стал любимцем Максимиана. Христианин по имени Нестор, идя на бой с Лием, попросил благословения у святого Димитрия. Мученик благословил юношу и тот одержал победу, сбросив Лия на копья с помоста. Максимиан был взбешён. Он приказал казнить Нестора, а на следующее утро и Димитрия. Воины ворвались в темницу святого когда он молился и пронзили его копьями.

Останки Димитрия отдали на съедение диким зверям, но звери не тронули их. Ночью христиане забрали тело и предали его земле. Раб Димитрия, Лупп, взял себе перстень своего господина и его ризу. Эти вещи оказались чудодейственными – с их помощью Лупп исцелял больных и увечных.

В третьем столетии нашей эры над могилой Димитрия был возведён храм. В этой церкви происходило много исцелений и других чудес. Во время её реконструкции были обретены мощи Димитрия и помещены в киворий. Строение было шестиугольным, а внутри его находилось ложе из серебра, на котором был изображён лик Димитрия. Верующие входили в киворий и, зажигая свечи, обращались к великомученику с просьбами. В VII веке пожар уничтожил киворий, а мощи святого были перенесены в другое место, где была построена гробница из мрамора. Затем мощи оказались в аббатстве, расположенном близ итальянского города Сан-Лоренцо-ин-Кампо. В 1980 году мощи Димитрия вернули в Салоники, где они и хранятся по сей день.

Святой Димитрий особо почитаем русской православной церковью. Он, например, является небесным покровителем Камышина. В этом городе в честь святого возведён храм. Некоторые исследователи считают, что Димитрий был представителем одного из славянских племён. День памяти святого великомученика Димитрия – 8 ноября по новому стилю. (В этот день, в 306 году, Димитрий был убит).

Всего храмов, посвященных Святому великомученику Димитрию Солунскому около 500 (с учетом пределов, посвященных ему). Ниже приведен список ряда храмов, где есть частица мощей Дмитрия Солунского.

Санкт-Петербург, Россия

Свято-Троицкая Александро-Невская Лавра

Частица мощей св. вмч. Димитрия Солунского

Адрес: г. Санкт-Петербург, наб. реки Монастырки, 1

 

Москва, Россия

Храм прор. Божия Илии в Обыденском переулке

http://www.hram-ostozhenka.ru

Адрес: г. Москва, ул. 2 й Обыденский пер., 6

Храм св. вмч. Димитрия Солунского на Благуше

http://hram-dimitria.ru/

В воскресение вечером, если нет полиелейной службы, служится акафист великомученику Димитрию Солунскому.

Адрес: г. Москва, ул. Ибрагимова, д. 6а

 

Салоники, Греция

Храм Димитрия Солунского г. Салоники

Адрес : Αγ. Δημητρίου 97, Θεσσαλονίκη. Ιερός Ναός Άγιος Δημήτριος Πολιούχος Θεσσαλονίκης, Салоники

Святому великомученику Димитрию Солунскому молятся о защите нашей страны, родного города от иноплеменных захватчиков, для защиты семьи от врагов и недображелателей. Перед иконой могут молиться святому Димитрию военные об укреплении их в несении своего долга, успехе в этом нелегком деле и даже продвижении по службе. Мужчины, носящие имя Дмитрий, просят покровительства святого в своих делах, а также помощи в разрешении скорбей и в житейских делах.

Икону можно подарить:

- любому православному человеку - на любой праздник;

- военным людям, так как Димитрий Солунский считается их покровителем;

- мужчинам, носящим имя Дмитрий, особенно на крещение, День ангела и День рождения.