Ростовая икона святой мученицы Татьяны (Татианы) Римской 29 х 40,5 см

Молитвы святой мученице Татиане (Татьяне) Римской

МОЛИТВА ПЕРВАЯ

О, святая мученице Татиано, невесто Сладчайшаго Жениха твоего Христа, агнице Агнца Божественнаго, голубице целомудрия, страданьми, яко одеждами царскими одеянная, к ликом небесным сопричтенная, ликующая ныне во славе вечней, от дней младых Богу обещавшаяся святая служительнице Церкве, целомудрие соблюдшая и паче всех благ Господа возлюбившая! Тебе мы молимся и тебе мы просим: внемли прошением нашим сердечным и не отвергай молений наших. Даруй чистоту тела и души, вдохни любовь к Божественным истинам, на путь добродетельный введи нас, ангельское охранение испроси у Бога нам, наши раны и язвы телесныя исцели, в злострадании терпение даруй, греховныя язвы уврачуй, юность нашу огради, старость безболезненну и безбедну даруй, в смертнем часе помози. Поминай наши скорби и отраду даруй. Посети нас, сущих в темнице греха, на покаяние настави скоро, возжжи пламень молитвы, не оставь нас, сирых, да славяще страдания твоя, возсылаем хвалу Господу сил, всегда, ныне и присно, и во веки веков. Аминь.

МОЛИТВА ВТОРАЯ

Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей.

Тропарь к святой мученице Татиане (Татьяне) Римской

Кондак, глас 4.

Светло во страдании твоем возсияла еси, страстотерпице, от кровей твоих преиспещрена, и, яко красная голубица, к Небеси возлетела еси, Татиано, темже моли присно за чтущия тя.

Акафист святой мученице Татиане (Татьяне) Римской

Кондак 1

Избранней невесте Христа, Вседержителя твари, похвальная пения восписуем, чистоту жития твоего девственнаго восхваляюще и лобызающе честная страдания Твоя; ты бо ныне ликуеши в чертоге небеснем твоего Жениха Христа. Поминай прославляющих тя пении сими, да зовем ти:

Радуйся, благоуханный цвете девства, славная мученице Татиано.

Икос 1

Ангелов Творец избра тя из древняго Рима, да песнопоеши житием твоим святое имя Божие, от лет детства твоего воспитана бысть в страсе Божии и добродетелех, сего ради зовем ти:

Радуйся, юнице сладкоблагоуханная; радуйся, Божественное Писание возлюбившая.

Радуйся, благочестие в себе воспитавшая; радуйся, богобоязненному родителю внимавшая.

Радуйся, от него семена веры приявшая; радуйся, в страсе Божии воспитанная.

Радуйся, паче всех благ вечная блага возлюбившая.

Радуйся, благоуханный цвете девства, славная мученице Татиано.

Кондак 2

Видящи богобоязненный родитель твой житие твое, всечестная, насладися дарований Божественных в тебе, паче бо знатности своея и власти консульския любляше Христа, всяк день хвалу Ему поя: Аллилуиа.

Икос 2

Разум небесный тебе даровася, егда достигла еси юности твоея и восхоте тогда житие твое проводити в девстве и целомудрии. Христос же Бог, укрепляя тя в сих добродетелех, прият тя в небесная селения. Сего ради приими от нас пения сия:

Радуйся, птице, парящая в Небеса; радуйся, девство и целомудрие бысть твои криле.

Радуйся, Бога предпочетшая миру; радуйся, юность свою Христу посвятившая.

Радуйся, ластовице Божественнаго сада; радуйся, токмо ко Христу любовию пламенеющая.

Радуйся, служившая Ему день и нощь.

Радуйся, благоуханный цвете девства, славная мученице Татиано.

Кондак 3

Сила Божественныя любве в тебе содела тя служительницей Христу, бысть бо избрана и поставлена на славное служение диакониссы, и оттоле, служащи Церкви в радости велией, возглашаше непрестанно: Аллилуиа.

Икос 3

Имеющи ревность о Церкви Божией, в новом звании подвизалася еси, труды и подвиги усугубляя и подобно безтелесным Ангелом служа ближним во Христе. Мы же, отягченнии грехми, сице глаголем ти:

Радуйся, молитвою услаждавшая житие твое; радуйся, в звании диакониссы послужившая.

Радуйся, в темницах узников посещавшая; радуйся, им узы врачевавшая и украшавшая.

Радуйся, добропобедное постничества правило; радуйся, ко крещению жен приуготовлявшая.

Радуйся, благодати крещения споспешнице; радуйся, бедных и вдовиц окормлявшая.

Радуйся, в беде и несчастии отраду носящая

Радуйся, благоуханный цвете девства, славная мученице Татиано.

Кондак 4

Бурю злых напастей претерпе нечестивый царь Антонин Илиогабал, егда тело его, влекомо по граду, с поруганием ввержено бысть в реку Тибр, воином же возведшим на царство Римское Александра Севира. Ты же, всеславная мученице, пострадала за Христа во дни его царствия, песнопоя Богу: Аллилуиа.

Икос 4

Слышаще и видяще яко млад есть царь Александр Севир, нечестивии консулы притесняху христиан, злочестивый и зверонравный епарх Ульпиан убийство галилеян помысля, повеле кланятися римским богам. Бысть бо страх велий тогда и потече яко вода кровь мучеников. Ты же, всеблагая Татиано, не убоялася еси страха человеческаго; сего ради мы с любовию восклицаем ти:

Радуйся, заблуждению царя Александра Севира посмеявшаяся; радуйся, Христа и идолов не сочетавшая в поклонении.

Радуйся, токмо единому Христу послужившая; радуйся, идолы яко сатану вменившая.

Радуйся, Ульпианова страха не убоявшаяся; радуйся, сочетанию со Христом себе приуготовлявшая.

Радуйся, правоверия цевнице; радуйся, страха смертнаго низложительнице.

Радуйся, благоуханный цвете девства, славная мученице Татиано.

Кондак 5

Божественный свет осия житие твое, святая мученице, егда приспе время страданий твоих. Ты бо, облеченная светом, взошла еси в горнило страданий и бысть радостны раны твоя смертныя. Ангели бо служаху тебе и восклицаху непрестанно Богу: Аллилуиа.

Икос 5

Видя чистое житие твое, вожди язычестии яша тя яко христианку и ведоша в языческий храм на поклонение. Ты же вознесе молитву Христу Богу, и паде Аполлон, бог языческий, обвалися капище идольское, и мнози идолопоклонницы смерть прияша. Мы же, чтуще силу молитвы твоея, глаголем:

Радуйся, Аполлону не поклонившаяся; радуйся, силу молитвы стяжавшая.

Радуйся, молитвой идолы сокрушившая; радуйся, тобою бо капище проседеся.

Радуйся, тобою бо идолопоклонницы посрамишася; радуйся, тобою бо научишася поклонятися Единому Богу.

Радуйся, страх поколебавшая; радуйся из Аполлона беса изгнавшая.

Радуйся, тень беса и рыдание диавольское показавшая.

Радуйся, благоуханный цвете девства, славная мученице Татиано.

Кондак 6

Проповедует житие твое велию любовь ко Христу и подвиги. Ты бо подвигами и молитвою низложила еси идольское зломыслие. Ты бо молитвою посрамила мучители, когтьми железными терзающих тело твое, изнемогоша бо мучители и возопиша: Терпим бо сами жестокая мучения за праведницу сию. Ты же ликующе пояше: Аллилуиа.

Икос 6

Возсия свет Христов в воинех, мучивших тя, егда увероваша в истиннаго Бога возопиша ти: Прости ны, служительнице истиннаго Бога, прости, ибо несть нашея воли на страдание твое. И от того часа бысть чада Божия. Мы же, восхваляюще чудеса милости Божия, зовем:

Радуйся, страданием ко Христу возводящая; радуйся, Ангелами охраняемая.

Радуйся, за своих мучителей молившаяся; радуйся, светом Христовым озарившая воины.

Радуйся, приведшая их в воинство небесное; радуйся, осмь воинов страданием за Христа венчавшая

Радуйся, молитвою твоею им очи отверзшая, радуйся, мучения своя на мучителей перенесшая.

Радуйся, благоуханный цвете девства, славная мученице Татиано.

Кондак 7

Хотя воврещи на поклонение идолом, тя ведоша в судилище и мучением предаша беззаконнии язычницы. Ты же явилася здрава и цела, лице же твое бысть светло и радостно, и страхом объят бысть судия нечестивый, повеле паки и паки предати тя горьким мучениим. Тя же охраняше Ангели, служители Бога, поюще: Аллилуиа.

Икос 7

Новаго чуда бысть свидетели, яко сосца твоя урезанная источиста вместо крове млеко и тело твое обнаженное мучений ради и ножем секомое, источи благоухание. Разъярився нечестивый мучитель и повеле крестообразно на земли распрострети тя и бити жезлы железными. Мы же, чудящеся страданием твоим, рцем ти похвалы таковыя:

Радуйся, Христу сораспятая доблественне; радуйся, мучителей устрашившая и удивившая.

Радуйся, к изнеможению их приведшая; радуйся, цевнице мужества веры.

Радуйся, яко тело твое источи благоухание неба; радуйся, урезанными сосцы воскормившая сонмы мучеников за Христа.

Радуйся, яко и ныне благоухаеши молитвою к Богу; радуйся, не оставляющая нас своею помощию.

Радуйся, благоуханный цвете девства, славная мученице Татиано.

Кондак 8

Странное чудо видим на тебе, всеблаженная, како в темнице нощию молящеся и воспевающе Христу хвалы, небеснаго света сподобися озарения и Ангелов Божиих купно славословление приимаше. Тако и ныне в райских селениих со Ангелы песнопоеши: Аллилуиа.

Икос 8

Весь рачитель злобы бысть епарх, егда паки узре тя здраву и светлу, изведену из темницы на судилище, хотеша ласкою соблазнити тя на поклонение идолом. Ты же, ведая силу молитвы твоея, в храм Дианы направи нозе твоя, устремися же бес из богини злочестивыя и возопиша: Горе мне, горе! камо бегу; огнь бо снедает мя. Сего ради, победительнице бесов, вопием ти радостно:

Радуйся, лести епарха не внявшая; радуйся, в храм Дианы вошедшая.

Радуйся, молитвою низведшая с неба огнь и капище Дианы разрушившая; радуйся, молитвы великий пламеню.

Радуйся, яко бесы присутствия твоего трепетаху и бежаху; радуйся, крестным знамением безстрашно себе осенявшая.

Радуйся, в молитве очи к небу возводившая; радуйся, лучи благодати от неба испросившая.

Радуйся, благоуханный цвете девства, славная мученице Татиано.

Кондак 9

Все естество ангельское удивися силе молитвы твоея, егда множество не ведящих Бога падоша и смертный страх прияша, опаленнии огнем, и восхвалиша Бога, дивнаго во святых своих, песнею: Аллилуиа.

Икос 9

Витии многоглаголивии не могут восхвалити тя по достоянию, славная мученице Христова. Кто бо возможет величие страданий твоих изрещи? Кто подвиги твоя воспоет достойно? Токмо надеясь на неизреченную милость твою, дерзаем принести ти сия похвалы:

Радуйся, сладость христианских сердец; радуйся, нам приносящая милость от Бога.

Радуйся, молитве научающая нас усердно; радуйся, прошением нашим внемлющая.

Радуйся, яко скоро прошения приносиши Богу; радуйся, яко горьких мучений избавляеши.

Радуйся, благоуханная ветве райская; радуйся, чертогов Отчих жительнице.

Радуйся, Царствия Небеснаго наследнице.

Радуйся, благоуханный цвете девства, славная мученице Татиано.

Кондак 10

Спасительнаго твоего подвига зряще течение, восхваляем страдания твоя, ты бо претерпе бичевания, крестообразное к полу пригвождение, тела изсечение, сосцов вырывание, биение и осмеяние, в темнице заключение и иныя злострадания. Ныне же, венцем Царствия Небеснаго венчавшися, со всеми святыми взываеши: Аллилуиа.

Икос 10

Стена и адамант тверд была еси, егда на растерзание зверем ведена являешися, лев бо у ног твоих ласкашеся и не растерзаша тя, но егда хотяху отъяти льва, сей абие разсвирепе и разтерза сановника Евмениа, указуя силу христианскую. Сего ради глаголем в страсе:

Радуйся, зверей в агнцев претворяющая; радуйся, молитвою их умягчающая.

Радуйся, за смерть Евмениеву мучимая; радуйся, на древе повешенная.

Радуйся, железными когтьми стружаемая; радуйся, в волхвовании оклеветанная.

Радуйся, нас клеветы избавляющая; радуйся, от злаго волхвования нас сохраняющая.

Радуйся, благоуханный цвете девства, славная мученице Татиано.

Кондак 11

Пение непрестанное вознося ко Господу, была еси вместилищем силы и славы Божия. Сего ради молим тя: умоли Господа за нас грешных, святая мученице Татиано, да ниспослет и нам чудеса милости Своея, песнопоющим ныне: Аллилуиа.

Икос 11

Светоподательная свеща бысть во страдании твоем, святая мученице, озаряя светом сердца языческия, да обрящут тобою истиннаго Бога, да водворятся их души в селениих райских. Сего ради умильно восклицаем ти:

Радуйся, носительнице света благодатнаго; радуйся, солнце лежащих во зле.

Радуйся, ты бо нас светом озаряеши; радуйся, ты бо нас к блаженству ведеши.

Радуйся, в капище Зевса заключенная; радуйся, его низложившая и разсыпавшая.

Радуйся, власов лишившаяся; радуйся, яко язычницы мысляху, яко во власех твоих чары обретаются.

Радуйся, и по острижении власов чудотворящая силою Христовою.

Радуйся, благоуханный цвете девства, славная мученице Татиано.

Кондак 12

Благодать от Бога получивши, к смертному часу пришла еси, егда бысть в капище Зевса заключена, и поутру, егда приидоша язычестии жрецы, видевше Зевса повержена, а тя ликующу, паки ведоша тя на судилище, и бысть смерть твоя от усечения мечнаго. Ты же, славная мученице, готовящися к селением небесным, взывала еси: Аллилуиа.

Икос 12

Поюще твое усечение мечное, восхваляем отшествие твое в вожделенное отечество, идеже ныне ты ликуеши со Ангелы и со всеми святыми во славе невечерней. Сего ради приими от нас словеса сия:

Радуйся, мечем усеченная за Христа; радуйся, с родителем твоим пострадавшая.

Радуйся, венцев мученических сподобившаяся; радуйся, со Христом сочетавшаяся.

Радуйся, со Апостолы ликующая; радуйся, со святыми мученики хвалу Богу возносящая.

Радуйся, не лишившая нас радости твоея; радуйся, наши сердца зажигающая Божественным огнем.

Радуйся, идолов наших попирающая; радуйся, начертавшая нам славу Христа.

Радуйся, благоуханный цвете девства, славная мученице Татиано.

Кондак 13

О, всеславная и великоименитая мученице Христова Татиано, девства и чистоты сосуд златый! Ныне милостивно призри на молящияся ти и прилежно просящия твоего молитвеннаго у Бога предстательства. Даруй нам чистоту тела и души, избави нас мучений греховных, да выну Господу зовем: Аллилуиа.

Этот кондак читается трижды, затем 1-й икос «Ангелов Творец ...» и 1-й кондак «Избранней невесте...».

Канон мученицы Татианы, глас 2.

Песнь 1

Ирмос: Грядите, людие, поим песнь Христу Боту, раздельшему море и наставльшему люди, яже изведе из работы египетския, яко прославися.

Мученическими озарена светлостьми, чистому предстоиши, мученице, Жениху твоему, душетленных прегрешений просящи избавится хвалящим тя.

Богатство тленное, мученице, совершенно пренебрегла еси, на Небесех нетленное и пребывающее ищущи усердно, и, радующися, прошла еси мученическое страдание.

К ранам, к болезнем и биением многовидным безбоязненно, мученице, отлучилася еси: споспешествующую бо имела еси благодать Спасову и укрепляющую тя.

Богородичен: Источник безстрастия рождшая, уязвеннаго страстьми, Отроковице, исцели и огня вечнаго исхити мя, Едина Богоблагодатная.

Песнь 3

Ирмос: На камени мя веры утвердив, разширил еси уста моя на враги моя, возвесели бо ся дух мой, внегда пети: несть свят, якоже Бог наш, и несть праведен, паче Тебе, Господи.

Не поколеба столпа твоего сердца стекшее мук треволнение, утвердися бо на камени любве Христовы, всехвальная, к Немуже взывала еси: яко несть свят, паче Тебе, Господи.

Человеческую немощь Понесый, впери силою немощь твою на некрепкаго змия. Тем, мученице, на землю низвергла еси, верно зовущи: яко несть свят, паче Тебе, Господи.

Потоки изсушила еси беззакония струями кровей твоих, блаженная, сладости же потока ныне наслаждаешися и во Свете Невечернем обитаеши, зовущи: яко несть свят, паче Тебе, Господи.

Богородичен: Зачатие и рождество Твое паче слова, веки бо Создавшаго словом родила еси, Избавльшаго безсловесия мира концы, Отроковице Неискусомужная, Егоже моли всегда, еже спасти нас.

Седален, глас 4

Сугуб совершивши, мученице, подвиг на земли, сугуб и венец сподобилася еси прияти от руки Жениха твоего: постилася бо еси, страсти плотския обуздающи, пострадавши же законно, врага низложила еси. Темже мольбами твоими спаси ны от напастей.

Песнь 4

Ирмос: Пою Тя, слухом бо, Господи, услышах и ужасохся: до мене бо идеши, мене ища, заблуждшаго. Тем многое Твое снизхождение, еже на мя, прославляю, Многомилостиве.

Красно душевное устроение благолепием благочестия Татиана носящи, еще же мучения светом преславно сияющи, к чистому Жениху вселяется.

Железом твое лице стружущия пребеззаконныя невидением Небеснии Ангели мучаху, посланнии к твоей от Бога, мученице, помощи, иже твоему терпению удивишася.

Законно Христа проповедающи, победила еси пребеззаконнующия, жертва же непорочна благоприятна совершеннейшая Тому принеслася еси, взывающи: Тебе любящи, Спасе, закалаюся.

Богородичен: Ко пристанищу тихому мя направи, Богоневесто Всесвятая: буря бо мя волнует и смущение греха люте, ветры колеблемь лукавых духов, оскорбляющих мя.

Песнь 5

Ирмос: Просвещение во тьме лежащих, спасение отчаянных, Христе Спасе мой, к Тебе утренюю, Царю мира, просвети мя сиянием Твоим: иного бо, разве Тебе, бога не знаю.

Твою честную и блаженную страсть подражающи, безстрастием Тебе сочтавшаяся страждет преусердно, на уды ссекаемая, Жизнодавче Христе, зовущи: иного, разве Тебе, бога не знаю.

Страх Божий во утробе мыслию приемши, дух спасительнаго исповедания и мучения родила еси преславно, доблемудрая, твердым страданием и сопротивная начала посрамила еси.

Светлыми сияеши зарями, уясняема Духа Святаго светолитием, и озаряеши верных сердца, греховный мрак разоряющи, мученице, страстотерпице Христова досточудная.

Богородичен: Светлый Солнца Облаче, осияй ми зарю, решащу мрак моих прегрешений, даждь ми руку, впадшему в тину греховную, воздвигни мя, лежащаго, Едина падшаго Адама исправление.

Песнь 6

Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.

На древе яко позна простерта Тя мученица честная, терпит повешение и строгания телесная за любовь Твою, Всемощне.

Сверепейший зверие устыдешася посреде тризнища мужески страждущия тя, Феклы первее первомученицы, еяже ревность стяжала еси, приснопамятная.

Представше Небеснии Ангели посреде темницы, тя светом осияша, от болезней изымающе и яко Божию агницу прославляюще.

Богородичен: От всех родов избра Тя, доброту Иаковлю, Юже возлюби Творец, Всенепорочная, и из Тебе, возсияв, явися.

Песнь 7

Ирмос: Богопротивное веление беззаконнующаго мучителя высок пламень вознесло есть. Христос же простре Богочестивым отроком росу духовную, Сый благословен и препрославлен.

Благомощно непобедимая, сечема, сосцев отъятие претерпела еси терпеливейше, огнем же Небесным, мученице, попалила еси чтити не хотящия Бога, Егоже вся тварь поет, славящи.

В сердцы носящи огнь Божественныя любве, непорочная, пламень попра, огня подоборабнаго не ужасеся, отроков образующи древних и мужество и крепость.

Зверей сверепство тебе повинеся, львов зияния невредно преминула еси, Богу тя прославльшу, Того прославившую, Егоже страдания твоею исполняющи плотию, всехвальная.

Богородичен: Жизнь Ипостасную нам рождши, смертию смерть яве потребльшую, страсти умертви плоти нашея верою чтущих Тя, Чистая, яко Богородицу и Всеславную.

Песнь 8

Ирмос: В пещь огненную ко отроком еврейским снизшедшаго и пламень в росу преложшаго Бога, пойте, дела, яко Господа, и превозносите во вся веки.

Удобрившися добродетельми, украсилася еси добротами мучения и Жениху обручилася еси, паче всех человеков краснейшему, добротою сияющему безсмертия, Татиано Богомудрая.

С безплотными слугами в темнице Творца славословила еси, сияющи славою Божественнаго блистания и всем неприступна пребывающи, держимым тьмою прелести.

Сокрушение твоих удес истни врагов коварства, кровей течение нечестия лютыя потоки, честная, изсуши, пучина чудес нам явльшися.

Богородичен: Спаси, ущедри ны, щедраго Бога нам Спаса рождшая паче слова, огнепальных помышлений и страстей изымаюши зноя Твоими молитвами, Чистая, Препрославленная.

Песнь 9

Ирмос: От Бога Бога Слова, неизреченною мудростию пришедшаго обновити Адама, ядию в тление падшаго люте, от Святыя Девы неизреченно воплотившагося нас ради, вернии, единомудренно песньми величаем.

По многих муках мечным тя судом лютый осуждает судия, еяже восхождению восплескаша Небеснии чини. Христос же всесильною десницею венча тя, мученице, законно пострадавшую.

Сочтася с мученическими светлейшими стады, яснейши приближившися Богу, видиши, яже видят Ангели, яко дева в чертозе водворяешися, Жениха твоего, честная, молящи, спастися любовию тя почитающим.

Запечатанный источник тя, заключен же оград, возложение честно и священно, невесту Христову нетленную, заколение и жертву, агницу и добрую голубицу Владыки всяческих, Татиано, проповедуем.

Богородичен: Гласы прекланяема тепле Тя молящих, Едина верных Прибежище, спаси, ущедри, Владычице, соблюди от вреда и всякаго языков нашествия верою и любовию присно Тя величающия.

Житие святой мученицы Татианы (Татьяны) Римской

Татиана Римская, раннехристианская святая 3 в., почитается Православной и Католической церквями в лике мученицы.

Родилась Татиана в Риме в знатной семье. Отец её трижды занимал высокий пост консула. Тайный христианин, он воспитал дочь в христианских добродетелях, помогал в изучении Святого Писания. Достигнув юного возраста, Татьяна решила посвятить себя Богу и не выходить замуж. За благочестивую жизнь её поставили диакониссой одного их храмов Рима. Девушка помогала женщинам подготовиться к крещению, посещала больных и заключенных, облегчая страдания, вела богоугодную жизнь.

Когда к власти пришёл император Александр Север (правил в 222-235 г.г.), гонения на христиан усилились. Пользуясь неопытностью 16-летнего правителя, его сановники подготовили указы, по которым христиан преследовали и заставляли под страхом смерти поклоняться языческим богам. Особенно свирепствовал римский епарх Ульпиан.

По его приказу Татиану схватили и отвели в храм Аполлона на поклонение идолу. Житие св. мученицы в изложении Дмитрия Ростовского описывает, что после молитвы диакониссы к Единому Богу произошло землетрясение, и многие жрецы и представители власти погибли под обломками здания. Идол упал, а из него выбежал злой дух и с воплем скрылся за пределами храма. Тогда язычники устроили Татиане суд, выкололи ей глаза и истязали тело. Но ангелы стояли рядом и обрушивали невидимой рукой побои на мучителей. Девушка молилась о вразумлении палачей, и Бог ответил ей. Его голос услышали воины и тут же уверовали в Спасителя. За это им, всем 8-ым, отрубили головы.

На следующий день на удивление невредимую Татьяну снова пытали, били железными палками, но ангелы отражали удары, так что 9 мучителей умерли, а остальные обессилели. Её отправили в тюрьму, ангелы поддерживали великомученицу и вместе с ней прославляли Бога.

На третий день девушка предстала перед язычниками без следов пыток. Святую повели в храм для принесения ею жертвы Диане, но Татьяна неустанно обращалась к Иисусу. Началась гроза, и молния сожгла идолов храма, поразила язычников. Девушку снова мучили, но добиться отречения от веры так и не удалось.

На четвёртый день, бодрую и укреплённую Богом святую отправили в цирк на растерзание льву, но зверь сделался покорным и не тронул Татьяну. Он бросился на одного из сановников и умертвил его. Мученицу опять подвергли истязаниям, но ни крючья, ни огонь не вредили ей, а лишь изматывали палачей. Тогда Татиану остригли, думая, что она колдунья, и сила её в волосах, и на 2 дня заперли в храме Зевса. Когда пришли, то увидели поверженного Зевса и опять удивились спокойствию и красоте Татианы. Святую казнили, отрубив голову. Таким же образом расправились с её отцом. Это произошло 12 января 226 г.

День памяти мч. Татианы Римской 25 января по н.ст. Татьянин день начали широко праздновать в России с 1755 г., когда императрица Елизавета Петровна подписала указ об учреждении Московского университета, созданного по идее М. Ломоносова и графа И. Шувалова. Граф сделал подарок своей матери Татьяне в день её именин, подав прошение 12 января. При университете освятили церковь в честь св. Татианы. Студенты и профессора стали считать святую своей покровительницей. В церкви крестили М. Цветаеву, отпевали Н. Гоголя, А. Фета, В. Ключевского, С. Соловьёва, многих профессоров. С 2005 г. 25 января в России отмечается государственный праздник День российского студенчества.

Так как св. мч Татиана Римская прежде всего считается покровительницей тех, кто учит и учится, к ней обращаются школьники и студенты с молитвами об успешной учёбе, получении профессионального образования, учителя и преподаватели – о помощи в просвещении и научных изысканиях. Диакониса также помогает всем по их искренней молитве преодолеть трудности в делах, укрепляет в вере, защищает заключённых и оставшихся без крова, исцеляет болезни. Она небесная молитвенница за всех Татьян.

Многие храмы в честь святой построены при вузах: университетах во Владивостоке и Омске, Юридической академии в Одессе, Народной украинской академии в Харькове, Алтайском техническом университете в Барнауле. Есть храмы в Смоленске, Москве (Люблино), Санкт-Петербурге, Мелитополе, Кривом Роге, Челябинске, Новочеркасске. Храм свв мчч Софии и Татианы действует при Московской детской клинической больнице №13 им. Н. Филатова.

В наше время самая большая часть мощей мученицы (десница) находится в Михайловском храме Свято-Успенского Псково-Печерского монастыря. Частицам мощей можно поклониться в храме мч. Татианы при МГУ им. М. Ломоносова, Всех Святых (в бывшем Ново-Алексеевском монастыре в Москве), иконам с частицами мощей в Ново-Спасском монастыре Москвы и Ново-Иерусалимском монастыре в г. Истра Московской обл.

Икона святой мученицы Татьяны будет великолепным подарком новиспеченным студентам или тем, кто только готовится им стать. По молитвам к Святой Татьяне школьники и студенты будут усерднее учиться и добиваться поставленных целей.

Перед иконой Святой Мученицы Татианы также молятся женщины с именем Татьяна о заступничестве их Святой покровительницы перед Господом.

Икону можно подарить:

- школьникам, студентам, которые хотят хорошо учиться и получать необходимое образование;

- всем работникам образовательной сферы;

- девочкам, девушкам и женщинам, носящим имя Татьяна.