Ростовая икона святого первомученика и архидиакона Стефана 29 х 40,5 см
Икона святого первомученика и архидиакона Стефана сделана из меди и покрыта серебром и золотом методом гальванопластики. Рамка и основание выполнены из дерева, фон сделан из темно-синего бархата.
День памяти: 9 января, 17 января – собор 70-ти апостолов, 15 августа – перенесение мощей, 28 сентября – обретение мощей
Святой апостол Стефан – самый первый мученик, пострадавший за веру в Иисуса Христа в 34 году н.э. Он был прекрасным оратором и обращал в веру своими проповедями иудеев, за что был схвачен фарисееями и приговорен к побитию камнями.
Молитвы святому первомученику архидиакону Стефану
Молитва первая Первомученику Стефану
Первый во диаконех, первый и в мученицех показался еси, святый Стефане, апостоле, исполнь бо веры и силы во учении и в знамениих велик явился еси, и никтоже возможе противустати премудрости и духу, имиже глаголал еси, лице же твое на сонмищи видено бысть, яко лице ангела. Темже, исполнен Святаго Духа быв, видел еси отверстое небо и славу Божию и Сына человеча, Господа нашего Иисуса Христа, одесную стояща Бога Отца. Таже и от жестоковыйных и убийц иудеев камением пред лицем Преблагословенныя и молящияся о тебе Девы, Матере Его, побиваемь, преклонь колена, возопил еси гласом велиим: Господи, не постави им греха сего! И тако дух твой Господу Иисусу радостно предал еси. Сего ради молитвенника и предстателя тя стяжахом, колена души и сердца нашего преклоньше, тя молим: воздежи руце твои ко Господу, и сподвижи всему роду человеческому Предстательницу и Ходатаицу к Сыну Своему, Пресвятую Матерь Деву, и о нас, присно прогневляющих грехом и леностию, моли Благаго Спаса нашего, да подаст нам благодать во благовременную помощь к покаянию и твоим предстательством и заступлением Пресвятыя Матере Своея в день он, страшный и праведный, да не поставит пред нами грехи наша, но по щедротам Своим, тобою умолен быв, да речет души нашей: спасение ваше есмь Аз во веки веков. Аминь.
Молитва вторая Первомученику Стефану
О великий первомучениче Христов, апостоле и архидиаконе Стефане! Тебе, яко верному Христову подражателю, приносим мы грешнии молитвы своя недостойныя, твоему милостивому предстательству о нас пред престолом Божиим тепле верующе. Ты, еще жив, печать Господа Иисуса Христа в себе всегда имел еси, не токмо своими добродетельми, знаменьми и чудесами, изобильно тобою совершаемыми, сию показуя, но явно на лице твоем, сияющем, яко лице Ангела, печать благодати Божия носил еси. Славу Божию и Сладчайшаго Иисуса, стояща одесную Бога, твоима телесныма очима узрел еси, Духом Святым осияваемый. Еще же печать Божества, в тебе пребывающую, явно показал еси всей вселенней, егда в смертный мученический час твой не токмо о всех людех, но и о вразех усердно молился еси, молитву Сына Божия на Кресте воспоминая. Сию печать Божества в себе богатоносиши, и скорбьми прибегающих к тебе видеши, и к престолу Божию молитву о сих усердно приносиши. Подаждь и нам, Боговидче преславный, Христа Спасителя нашего всем сердцем любити, волю Его вседушно исполняти, во имя Христово вся скорби с терпением носити, и не токмо о присных, но и о всех людех, и о вразех своих уседно молитися, да и наши грехи покрыет Господь твоими теплыми молитвами, наипаче же благодатию и человеколюбием и милосердием Своим: яко Тому подобает всякая слава, честь и поклонение Отцу и Сыну и Святому Духу, ныне и присно, и во веки веков. Аминь.
Тропарь первомученика и архидиакона Стефана
глас 4
Царским венцем венчася/ твой верх от страданий,/ яже претерпел еси по Христе Бозе,/ мучеников первострадальче Стефане,/ ты бо, иудейское обличивый неистовство,/ видел еси твоего Спаса одесную Отца:/ Того убо моли о душах наших.
Тропарь первомученика и архидиакона Стефана
глас 4
Царским венцем венчася/ твой верх от страданий,/ яже претерпел еси по Христе Бозе,/ мучеников первострадальче Стефане,/ ты бо, иудейское обличивый неистовство,/ видел еси твоего Спаса одесную Отца:/ Того убо моли о душах наших.
Тропарь первомученика и архидиакона Стефана
глас 4
Подвигом добрым подвизался еси,/ первомучениче Христов, и апостоле, и архидиаконе Стефане,/ и мучителей обличил еси нечестие,/ камением бо побиен от рук беззаконных,/ венец от яже свыше десницы приял еси/ и к Богу взывал еси,
Тропарь первомученика и архидиакона Стефана
глас 4
Подвигом добрым подвизался еси,/ первомучениче Христов, и апостоле, и архидиаконе Стефане,/ и мучителей обличил еси нечестие,/ камением бо побиен от рук беззаконных,/ венец от яже свыше десницы приял еси/ и к Богу взывал еси, вопия:// Господи, не постави им греха сего.
Кондак первомученика и архидиакона Стефана
глас 6
Первый сеялся еси на земли Небесным делателем,/ всехвальне Стефане,/ первый на земли за Христа кровь излиял еси, блаженне,/ первый от Него победы венцем увязлся еси на Небесех,/ страдальцев начало,/ венечниче, мучеников первострадальне.
Ин тропарь первомученика и архидиакона Стефана
глас 3
Апостолом совсельник/ и страстотерпцем первострадалец,/ Христов служитель, прехвальне Стефане,/ первее бо совершив мучения течение,/ безчисленныя роды человек равно Подвигоположнику Христу приведе./ Темже яко апостола и страдальца верховнаго/ чтуще тя, молим:/ моли Христа Бога/ даровати нам велию милость.
Ин тропарь первомученика и архидиакона Стефана
глас 3
Апостолом совсельник/ и страстотерпцем первострадалец,/ Христов служитель, прехвальне Стефане,/ первее бо совершив мучения течение,/ безчисленныя роды человек равно Подвигоположнику Христу приведе./ Темже яко апостола и страдальца верховнаго/ чтуще тя, молим:/ моли Христа Бога/ даровати нам велию милость.
Кондак первомученика и архидиакона Стефана
глас 6
Первый сеялся еси на земли Небесным делателем,/ всехвальне Стефане,/ первый на земли за Христа кровь излиял еси, блаженне,/ первый от Него победы венцем увязлся еси на Небесех,/ страдальцев начало,/ венечниче, мучеников первострадальне.
Кондак первомученика и архидиакона Стефана
глас 3
Владыка вчера нам плотию прихождаше,/ и раб днесь от плоти исхождаше,/ вчера Царствуяй плотию родися,/ днесь раб камением побивается,/ того ради и скончавается,// первомученик и Божественный Стефан.
Кондак первомученика и архидиакона Стефана
глас 3
Владыка вчера нам плотию прихождаше,/ и раб днесь от плоти исхождаше,/ вчера Царствуяй плотию родися,/ днесь раб камением побивается,/ того ради и скончавается,// первомученик и Божественный Стефан.
Ин тропарь апостола, первомученика и архидиакона Стефана
глас 3
Апостолом совсельник/ и страстотерпцем первострадалец,/ Христов служитель, прехвальне Стефане,/ первее бо совершив мучения течение,/ безчисленныя роды человек равно Подвигоположнику Христу приведе./ Темже яко апостола и страдальца верховнаго/ чтуще тя, молим:/ моли Христа Бога/ даровати нам велию милость.
Величание первомученика и архидиакона Стефана
Величаем тя,/ страстотерпче святый Стефане,/ и чтим честная страдания твоя,/ яже за Христа претерпел еси.
Акафист святому первомученику архидиакону Стефану
Кондак 1
Избранный от множества ученик Господа и Спаса нашего, яко исполненный веры, Духа Свята и премудрости, на служение вдовицам молитвою и возложением рук апостольских, явился еси первый во диаконех, и тако в сем чину Господу даже до смерти мученическия послужил еси, яко имеяй велие дерзновение ко Господу, от всяких нас смертоносных бед и скорбей свобождай, да с любовию зовем ти: Радуйся, апостоле Христов, первомучениче и архидиаконе Стефане.
Икос 1
Ангелоподобная чистота твоя, серафимская любовь и вера в Господа Вседержителя соделаша тя, святе Стефане, сосудом избранным и жилищем Духа Всесвятаго; сего ради вси в Господа Иисуса Христа верующии дивляхуся святому житию твоему и возглашаху тебе со умилением сицевая:
Радуйся, истинный учениче Христов.
Радуйся, апостолом единонравный.
Радуйся, Духа Святаго исполненный.
Радуйся, благодатными дарованиями сияющий.
Радуйся, паче всего мирскаго Господа возлюбивый.
Радуйся, вся красная мира сего ради Господа оставивый.
Радуйся, Небесное Отечество взыскавый.
Радуйся, Ангелом собеседниче.
Радуйся, добрый воине Царя Небеснаго.
Радуйся, не обязавыйся куплями житейскими.
Радуйся, истинный Христов служителю.
Радуйся, от юности добрый и верный рабе Христов.
Радуйся, апостоле Христов, первомучениче и архидиаконе Стефане.
Кондак 2
Видел еси архиереев Анну и Каиафу, Иоанна и Александра, и прочия, елицы быша от рода архиерейскаго, на свой нечестивый суд апостолы Христовы позвавшия, и озлобление их на вся ученики Христа Господа ведал еси, Стефане; сего ради в сердце твоем готовился еси стопами апостолов шествовати, всякое безчестие за Господа приимати, и Тому во веки взывати: Аллилуиа.
Икос 2
Разум богопросвещен имея, о дивный первомучениче, светло уразумел еси, яко вера во Христа Господа зовет вся за имя Его безчестие и раны всякия от владык и князей мира сего носити, позор на сонмищах и соборищах терпети, и тако был еси предуготовлен всякое поношение за Христа радостно приимати. Сего ради восхваляем тя, глаголюще:
Радуйся, юным и чистым сердцем твоим Христа возлюбивый.
Радуйся, Того Единаго в житии твоем возжелавый.
Радуйся, ангельскую непорочность стяжавый.
Радуйся, скверн мира сего не приобщивыйся.
Радуйся, в молитве пламенный.
Радуйся, в скорбех терпеливый.
Радуйся, за имя Христово всякое гонение прияти себе уготовавый.
Радуйся, скорбьми многими путь в Царствие Небесное себе устроивый.
Радуйся, и нам в скорбех помогаяй.
Радуйся, от тяжких искушений нас свобождаяй.
Радуйся, престолу Господню предстояй.
Радуйся, молитвы о нас грешных Господеви приносяй.
Радуйся, апостоле Христов, первомучениче и архидиаконе Стефане.
Кондак 3
Силою свыше облечен, подвигом добрым подвизался еси во имя Господа, славный воине Христов Стефане, уготовляя себе быти мучеником за Христа Спасителя, Емуже из глубины сердца твоего выну взывал еси: Аллилуиа.
Икос 3
Имея богатство Божиих дарований, святе Стефане, всеми дарами Господу Христу работати восхотел еси, и всем верным ведом был еси, яко добрый ученик Христа и Его славных апостолов. За сие твое благое изволение ублажаем тя сице:
Радуйся, добрая лоза винограда Христова.
Радуйся, силою Христовою воистинну плодоносен явившийся.
Радуйся, Господа Христа путем шествовати восхотевый.
Радуйся, истине Христовой всего себе поработивый.
Радуйся, житию Христову подражавый.
Радуйся, глаголы Христовы в сердце твоем запечатлевый.
Радуйся, Духа Святаго жилище.
Радуйся, кладезю мудрости Божественныя.
Радуйся, яко из чрева твоего реки воды живы истекоша.
Радуйся, яко струи воды сия мнозем во спасение послужиша.
Радуйся, Божественныя премудрости исполненный.
Радуйся, устами твоими Бога во Святей Троице прославивый.
Радуйся, апостоле Христов, первомучениче и архидиаконе Стефане.
Кондак 4
Буря смущений порази юную Церковь Христову, егда бысть роптание еллинов ко евреем, яко презираеми бываху во вседневном служении вдовицы их. Ты же, святче Божий, веруя мудрости апостолов, усердно взывал еси к Богу чистыми устами своими: Аллилуиа.
Икос 4
Слыша святии апостолы роптание еллинов, созвавша множество ученик, реша: «Не удобно есть нам, оставльше слово Божие, служити трапезам.» Верни же, зряще твою верность и любовь ко апостолом святым, единодушно возглашаху тебе, святее Стефане, сице:
Радуйся, добрый послушателю апостольских вещаний.
Радуйся, любовию ко апостольской проповеди дух твой окрыливый.
Радуйся, всякому слову апостольскому всеусердно внимавый.
Радуйся, апостолы, устроители Церкви Христовы, почитавый.
Радуйся, устами Христовыми апостолов именовавый.
Радуйся, таин Божиих строителей в них видевый.
Радуйся, яко самовидцы Слова и слуги Христовы тех быти веруяй.
Радуйся, никакоже противу апостольских вещаний глаголати дерзавый.
Радуйся, яко в руце апостолов Церковь Христова предана, вещавый.
Радуйся, Апостольскою сию именовавый.
Радуйся, столпе церковный.
Радуйся, церковная красото.
Радуйся, апостоле Христов, первомучениче и архидиаконе Стефане.
Кондак 5
Боготечныя звезды, святии апостоли, верующим во Христа рекоша: «Усмотрите, братие, мужи от вас свидетельствованы седмь, исполнены Духа Свята и премудрости, их же поставим над службою сею: мы же в молитве и служении слова пребудем». Сия слышав святый Стефан, всем сердцем радующеся, возопи премудрому Господу: Аллилуиа.
Икос 5
Видеша во Христа верующии Стефана - мужа исполнена премудрости, веры и Духа Святаго, перваго его нарекоша быти достойна службу диаконскую пред лицем апостолов исправляти, и возгласиша ему сицевая:
Радуйся, добрый сотрудниче духоносных апостолов.
Радуйся, житию их подражателю прилежный.
Радуйся, и еллинов и евреев единою и тоюжде любовию питавый.
Радуйся, о вдовицах мудре пекийся.
Радуйся, нищих кормителю.
Радуйся, любве Христовы живый проповедниче.
Радуйся, по слову Господа всем служити восхотевый.
Радуйся, нозе святых омывый.
Радуйся, сирых отец чадолюбивый.
Радуйся, нагих одеяние.
Радуйся, в печалех утешителю.
Радуйся, от напрасныя смерти избавителю.
Радуйся, апостоле Христов, первомучениче и архидиаконе Стефане.
Кондак 6
Проповедник словом и делом истины Христовы явился еси, святый первомучениче Стефане, егда святии апостолы помолившеся, возложиша руце свои на тя и на соизбранных с тобою, и слово Божие ростяше и умножашеся число ученик во Иерусалиме зело: мног же народ священников послушаху веры. Ты же с прочими диаконы радостно взывал еси Господу Христу: Аллилуиа.
Икос 6
Возсия паче солнца светлейше слово твоея проповеди, святый архидиаконе Стефане, ты бо, исполнь веры и силы, творил еси знамения и чудеса велия в людех, иже познавше тобою Христа распятаго возглашаху тебе благодарными усты со умилением похвалы сицевая:
Радуйся, огненный проповедниче Евангелия Христова.
Радуйся, чудес великих дивный совершителю.
Радуйся, иудейскаго зловерия обличителю.
Радуйся, таин Божиих мудрый изъяснителю.
Радуйся, Троице Пресвятей покланятися научивый.
Радуйся, серафимскую песнь во славу Святыя Троицы во уме, в сердце и устах твоих имевый.
Радуйся, Духа Святаго светильниче пресветлый.
Радуйся, тогожде Духа Святаго благодати новыя люди причастники сотворивый.
Радуйся, златословесный учителю.
Радуйся, неустанный проповедниче.
Радуйся, Царствия Божия достойный наследниче.
Радуйся, и нам молитвою твоею врата райская отверзающий.
Радуйся, апостоле Христов, первомучениче и архидиаконе Стефане.
Кондак 7
Хотя Христову истину явити всем иудеом, яко избранником Божиим от всея земли, имже и словеса Божия вверена быша, стязался еси, святый апостоле, с мужами от сонма Либертинска, и Киринейска, и Александрска, и от Киликии и Асии, побеждая их глаголами Духа и премудрости, вопиял еси источнику разума и премудрости, Спасителю мира победную песнь: Аллилуиа.
Икос 7
Новую благодать и силу в твоих премудрых словесах узреша и невозмогше противостати Христовой истине, великий первомучениче, врази твои подучиша мужи, глаголющия, яко слышаша от тебе глаголы хульныя на Моисея и на Бога изрекающа. Сподвигоша же на тя люди, и старцы и книжники и, нападше на тя, восхитиша и приведоша тя на сонмище свое нечестивое. Мы же, зряще тя на беззаконное судилище влекома, со слезами в похвалу сице тебе глаголем:
Радуйся, неустрашимый проведниче Христовой веры.
Радуйся, народ твой весь ко Христу привлещи желавый.
Радуйся, всякая лживая учения в народе израильском обличивый.
Радуйся, противящихся Божией истине к молчанию приведый.
Радуйся, яко ложная противу тебе свидетели обличивый.
Радуйся, яко влеком на судилище, радостно за Христа позор приимал еси.
Радуйся, яко за Господа Иисуса Христа безчестие терпел еси.
Радуйся, яко за имя Его пресвятое хулы, и клеветы, и всяк зол глагол приял еси.
Радуйся, мучениче Христов неодоленный.
Радуйся, врага спасения нашего низложивый.
Радуйся, апостоле Христов, первомучениче и архидиаконе Стефане.
Кондак 8
Странно бысть неверующим во Христа, злобы сатанинския служителем, юнаго и святаго Стефана на сонмище своем лукавом видети: вси бо сидящии в сонмищи узреша лице его, яко лице Ангела. Мы же верующе в Господа, достойне прославляющаго святыя Своя и, восхваляюще великаго апостола и первомученика, ангельским светом светло озареннаго, радостно вопием нашему Спасителю песнь: Аллилуиа.
Икос 8
Весь любовию ко Христу Господу горя, не убоялся еси, первомучениче, лукаваго сонмища иудейскаго, словеса же Господа и Спасителя своего: «Егда приведут вы на соборища, и власти, и владычества, не пецытеся, како или что отвещаете или что речете: Святый бо Дух научит вы в той час, яже подобает рещи», - памятуя, безбоязненно ожидал еси беззаконнаго судии злаго вопрошения. Сего ради и мы, созерцая лице твое, яко лице Ангела, своими нечистыми устами дерзаем тебе глаголати:
Радуйся, ангельским сиянием осиянный.
Радуйся, огнь благодати Божественныя яве восприявый.
Радуйся, мудрый исповедниче святаго Евангелия Христова.
Радуйся, провозвестниче несказанныя Божественныя благодати.
Радуйся, яко кроткий агнец волком на съедение отданный.
Радуйся, на сем судилище беззаконном безгрешному Агнцу Божию уподобивыйся.
Радуйся, сиянием лица твоего вся сидящия в сонмище осиявый.
Радуйся, ожесточение сердец их яве уразумевый.
Радуйся, мужественный рабе Христов.
Радуйся, похвало и главизно мучеников добропобедных.
Радуйся, крепкая надеждо к тебе прибегающих.
Радуйся, непостыдное упование правды ради гонимых.
Радуйся, апостоле Христов, первомучениче и архидиаконе Стефане.
Кондак 9
Всякое естество ангельское обрадовал еси, святый первомучениче, егда на лукавое вопрошание первосвященника не токмо не умолчал еси, но Духом Святым водимый, пламенное исповедание любве твоея к закону Божественному, в Ветхом Завете данному, изъяснил еси, пророка Моисея, закон и храм Иерусалимский восхваляя и вся верныя научая единому во обоих заветах Законодавцу Господу во веки воспевати: Аллилуиа.
Икос 9
Витий суемудренных суетным преданиям и злым измышлениям старцев, паче нежели закону Божию и Моисею веровавших, посрамил еси, святый апостоле, архидиаконе и мучениче Христов Стефане, вси бо сущии в сонмищи ясно уразумеша лжу глаголавших о тебе, яко ты словесы хульными Бога, Моисея, Закон и храм поносил еси: изрек бо еси в сонмищи словеса похвальныя и Божию закону в Ветхом Завете данному, и праведником, ради Господа в законе сени и писаний подвизавшимся. Научаемии тобою почитати словеса Завета Ветхаго, яко воистинну словеса Божия, а нечестия иудейскаго отвращатися, сице в похвалу тебе глаголем:
Радуйся, всех словес Завета Ветхаго почитателю.
Радуйся, яко сей завет ко Христу детоводящий мудре изъяснил еси.
Радуйся, доблести веры патриархов Авраама, Исаака и Иакова, яко рабов Божиих послушливых, показавый.
Радуйся, скорби Иосифа и мудрость его в Египте прославивый.
Радуйся, тяжкия и горькия работы фараоновы народа твоего в Египте живо описавый.
Радуйся, молитвы, труды и скорби пророка Моисея во избавление народа израильскаго достойно возвеличивый.
Радуйся, пророчество Моисея о Христе Господе лукавому сонмишу изъяснивый.
Радуйся, егоже восхождение на гору Синайскую и явления ему Господа красно возвестивый.
Радуйся, Моисеево послушание Господу в созидании скинии добре указавый.
Радуйся, Иисуса Навина и Давида труды честне изобразивый.
Радуйся, мудрость Соломонову воспевый.
Радуйся, добрый и послушный рабе Христов.
Радуйся, апостоле Христов, первомучениче и архидиаконе Стефане.
Кондак 10
Спасения всем сыновом Израилевым желая, ясно учил еси, святый первомучениче, всех сидящих в сонмищи, яко вси пророцы и праведницы словом и делом в Ветхом Завете о Христе Господе прорекоша и к вере во Христа Спасителя вся вел еси, да и вси израильтяне, и вси людие из глубины сердца своего возопиют ко Господу, нас ради на кресте распятому: Аллилуиа.
Икос 10
Стеною крепкою во исповедании Христова Евангелия был еси, святый первомучениче и архидиаконе Стефане. Сего ради и в лукавом сонмищи тогожде Христа, яко Праведника, злонравными иудеями убиеннаго, безбоязненно проповедал еси и всех беззаконных убийц Господа - нечестие обличил еси. Таковому твоему великому дерзновению дивящеся, вси христианстии роди велегласно вохваляют тя:
Радуйся, беззаконнаго соборища иудейскаго явное обличение.
Радуйся, Христа Господа сему сонмищу проповедниче неустрашимый.
Радуйся, яко конец почитания храма Иерусалимскаго яве предрекл еси.
Радуйся, яко всех иудеев, во Христа неверующих, жестоковыйными именовал еси.
Радуйся, яко у тех же неверующих необрезанное сердце и необрезанная ушеса узрел еси.
Радуйся, и отцев их, и их самех, яко Духу Святому противящихся, гневно обличивый.
Радуйся, оных убийцами пророков наименовавый.
Радуйся, яко самех первых убийц Господа, Анну и Каиафу, на сем сонмищи явно обличил еси.
Радуйся, яко весь синедрион убийцами и предателями Господа дерзновенно наименовал еси.
Радуйся, грехов людских обличителю. Радуйся, покаяния проповедниче.
Радуйся, братолюбия наставниче. Радуйся, апостоле Христов, первомучениче и архидиаконе Стефане.
Кондак 11
Песни хвалебныя приими от убогих сердец наших и уст наших, дивный мучениче и апостоле Христов Стефане, исполнь бо Духа Святаго, воззрев на небо, видел еси славу Божию и Иисуса одесную Отца Своего стояща, и рекл еси: «Се вижу небеса отверста и Сына Человеча одесную стояща Бога». Таковому видению и гласу твоему дивящеся, радостно восписуем Господу, дающему сладость лицезрения Своего святым Своим: Аллилуиа.
Икос 11
Светоноснаго зрака твоего, небеснаго видения и гласа радостнаго, исповедающаго славу Господа, с небес сшедшаго во спасение рода человеческаго, не возмогше понести обличаемии тобою иудее, сердцами своими зле распыхахуся, зубы своими скрежетаху и устремившеся единодушно на тя, и извлекоша тя, блаженне Стефане, из сонмища вне же града поставивше, камением побиваху тя, злонравнии. Мы же, мучениче Христов преславный, с любовию провождающе тя на место блаженныя кончины твоея, прославляем мужество твое, велегласно глаголя:
Радуйся, первый в мученицех, кровию своею веру во Христа распятаго запечатлевый.
Радуйся, своею кровию землю освятивый. Радуйся, яко и самих апостолов подвигом мученическим предварил еси.
Радуйся, яко за собою тысящи и тьмы тем мученик и мучениц за славное имя Христово привел еси.
Радуйся, яко за Господом Иисусом Христом безбоязненно шествовал еси и поношение Его славно понесл еси.
Радуйся, светом страданий твоих блистаяйся.
Радуйся, темже светом и нам путь ко Христу верно показующий.
Радуйся, светильниче пресветлый, Божиим несозданным светом озаренный.
Радуйся, тьму неверия и всякия нечистоты светом веры твоея разгоняющий.
Радуйся, светлых селений райских обитателю.
Радуйся, потемненныя и спящия совести нашея добрый пробудителю.
Радуйся, яко тобою благочестно имя Христово прославляется.
Радуйся, апостоле Христов, первомучениче и архидиаконе Стефане.
Кондак 12
Благодать Божия воистину спребываше тебе, славный апостоле и первомучениче Христов Стефане, крестную бо смерть на Голгофе Спаса Господа, в руце Отца Своего дух Свой предавшаго, воспоминая, молился и глаголал еси, камением от рук беззаконных побиваемь: «Господи Иисусе, приими дух мой». Молитву же Спасителя о распинателях своих в сердце своем нося, преклонь колена возопил еси гласом велиим: «Господи, не постави им греха сего». И с сею молитвою славное земное поприще твое скончал еси. Мы же, восхваляя таковое светлое успение твое, Господу Богу, давшему тебе благодать Сыну Божию в кончине твоей уподобитися, из глубины души вопием: Аллилуиа.
Икос 12
Поюще славное житие твое, восхваляюще апостольския труды твоя, умильно воспоминающе блаженную во Христе кончину твою, доблестный первомучениче Христов и архидиаконе Стефане, молим тя: дух непоколебимой веры правыя испроси нам от Господа и Спаса нашего, сердце чистое и сокрушенное да пребудет в нас выну, апостольскую ревность в проповеди Евангелия возгревай в нас, да тако будем готовы всякия скорби за Сладчайшаго Иисуса терпети, и тебе, славнаго первомученика, восхваляти сице:
Радуйся, великий Христов апостоле.
Радуйся, пастырем Церкви Христовы светлый образе.
Радуйся, верный Христов свидетелю.
Радуйся, славы Божия пламенный ревнителю.
Радуйся, добрый вдовиц питателю.
Радуйся, нещадный лицемерия искоренителю.
Радуйся, истины Христовы крепкий исповедниче.
Радуйся, в тяжких обидах наш твердый заступниче.
Радуйся, Христу Господу всего себе посвятивый.
Радуйся, в кончине твоей вседушно Христов ученик явивыйся.
Радуйся, страстотерпче незлобивый.
Радуйся, убийцам твоим милости Божией и прощения дивный ходатаю.
Радуйся, апостоле Христов, первомучениче и архидиаконе Стефане.
Кондак 13
О великий апостоле Христов, первомучениче и архидиаконе Стефане! Приими сие малое, в похвалу тебе составленное, моление наше и, яко велий ученик Сладчайшаго Сына Человеческаго, Спасителя нашего, святыми твоими молитвами споспешествуй и нам добрыми учениками Господа быти, да о Его вечной славе помышляюще, всякаго зла и в сей, и будущей жизни избегнем, и выну хвалебную песнь Ему да воспеваем: Аллилуиа.
(Этот кондак читается трижды, затем икос 1 и кондак 1)
Житие святого первомученика и архидиакона Стефана
Святой первомученик Стефан почитается Православной Церковью как архидиакон и апостол от 70-и. Он жил в 1 в. и был первым христианином, пострадавшим за веру. Главные сведения о житии св. Стефана Первомученика дают «Деяния святых Апостолов» Евангелиста Луки.
Происходил Стефан из евреев диаспоры, которых именовали эллинистами из-за влияния на них греческой культуры Римской империи. Когда апостолы начали проповедовать, церковь расширилась. Возникла необходимость избрания помощников для управления делами милосердия и раздачи благотворительных пособий. По предложению апостолов избрали 7 наиболее мудрых и сильных в вере мужей: Стефана, Филиппа, Никанора, Прохора, Николая, Пармена, Тимона. Апостолы возложили на них руки и те исполнились Духа Святого. Их стали называть диаконами, т.е. служителями.
Старшим среди диаконов, архидиаконом, был Стефан, отличавшийся даром слова и непреклонностью веры. Он проповедовал Евангелие в Иерусалиме и обратил многих в христианство. Его проповедь сопровождалась чудесами: святой исцелял наложением рук. Успехи апостольского служения Стефана возбудили гнев фарисеев, защищавших Закон Моисея. Архидиакон, исполненный Святого Духа, легко разоблачал их воззрения. Видя свою беспомощность в диспутах со святым, придерживающиеся Ветхого Завета и религии иудеи оклеветали Стефана и донесли первосвященнику, что он в проповедях хулит Моисея, Бога, Иерусалимскую церковь.
Святого привели в синедрион на суд. В ответ на обвинения первомученик доказательно пересказал историю еврейского народа, которому были даны заповеди, но который преследовал пророков, возвещавших о приходе Мессии, а позже предал Христа. В этот момент Стефан увидел открывшееся над ним небо и стоящего там одесную Отца Иисуса. Об этом он сказал присутствующим, что сильнее разозлило их.
Лжесвидетели потащили его с криками за город в Иссафатскую долину и там на берегу Кедрского потока забросали камнями. Невдалеке на горе стояла Богородица с апостолом Иоанном Богословом и молились. Умирая, святой просил Бога простить своих мучителей. Это произошло ок. 36 г.
Свидетелем убийства 30-летнего архидиакона был его родственник юный фарисей Савл, стороживший одежды убийц. Спустя некоторое время после случившегося с ним чуда он крестился и стал известен как апостол Павел. Смерть Стефана была началом преследования христиан, в результате которого они разошлись по миру, распространяя веру Христову.
Тело юноши оставили, и ночью иудейский учитель Гамалиил похоронил святые останки в своём имении Кафоргамале вблизи Иерусалима. Вместе с сыном Авивом он позже принял христианство. Их погребли возле Стефана.
Мощи архидиакона обретены в 415 г. и перенесены в Иерусалим. Об этом рассказывает палестинский священник Лукиан в «Послании ко всем Церквам об открытии мощей мученика Стефана». При открытии мощей в окрестных селениях исцелились и избавились от бесов 73 человека. В 428 г. жена императора Феодосия II Евдокия перенесла мощи в Константинополь, а позже в Иерусалиме на месте гибели первомученика воздвигла базилику (ныне церковь св. Стефана доминиканского монастыря), где тоже поместила частицу мощей.
Мощи святого почитались широко. В наше время они есть в Риме, Венеции, на Афоне в монастырях Ставроникита, Зограф, Костамонит, Ватопед. В Троице-Сергиевой Лавре хранится десница святого, а в Киево-Печерской Лавре – перст первомученика. Частицы мощей находятся в московских храмах свт.Николая в Пыжах, свв.апостолов Петра и Павла в Ясеневе.
Св. первомученик Стефан покровитель Степанов. К нему обращаются с молитвами об исцелении, о помощи в любых нуждах, укреплении в вере.
Дни памяти св. первомч. Стефана в Православной Церкви по н.ст. 9 января, в Соборе 70-и апостолов 17 января, 28 сентября (обретение мощей), 15 августа (перенесение мощей в Константинополь). Католическая церковь поминает святого 26 декабря.
Известны древние храмы в честь святого в Риме, Меце, Вене, Загребе; в Кастории и в монастыре первомч. Стефана на Метеорах в Греции. Православные храмы есть в Мирожском монастыре Пскова, в Москве, монастыре имени святого в с. Степановка Донецкой обл., г. Кривой Рог Днепропетровской обл., с. Предгорное Восточно-Казахстанской обл. (Казахстан), г. Урбниси (Грузия) и др.
Всего храмов, посвященных Святому первомученику Стефану, около 40 (с учетом приделов, посвященных ему).
Москва, Россия
Церковь Стефана Архидиакона при ТЦСО "Царицыно"
Адрес: Россия, г. Москва, ул. Веселая, д. 11.
Ярославль, Россия
Церковь Спаса Преображения на Городу с приделом Стефану Архидиакону
Адрес: Ярославская область, г. Ярославль, ул. Почтовая, 3 (Которосльная набережная)
http://spasa-na-gorodu.cerkov.ru
Вологда, Россия
Церковь Николая Чудотворца во Владычной слободе с приделом Стефана архидиакона
Адрес: Вологодская область, г. Вологда, ул. Гоголя,108 близ пересечения с ул. Добролюбова
Псков, Россия
Мирожский монастырь. Церковь Стефана
Адрес: г. Псков, Мирожская набережная, 2
Кидекша, Владимирская область, Россия
Храм Стефана Архидиакона с. Кидекша
Адрес: Россия, Владимирская обл., Суздальский р-он, с. Кидекша
Бараново, Костромская область, Россия
Храм во имя архидиакона Стефана
Адрес: Костромская область, Буйский район, с. Махрово, п/о Бараново
Святой апостол Стефан исцелял больных наложением рук, обладал даром слова и был прекрасным проповедником. К нему обращаются в любой нужде, скорбях и болезнях, особенно мужчины с именем Степан. Икону можно подарить:
- мужчинам с именем Степан (Стефан), - в их день рождения или именины.
