Ростовая икона святого благоверного князя Олега Брянского 29 х 40,5 см

Молитвы святому благоверному князю Олегу Брянскому

МОЛИТВА ПЕРВАЯ

О, преподобне отче, благоверне княже Олеже, угодниче Христов усердный, молитвенниче ко Господу теплый, защитниче в бедах и утешителю в печалех неустанный! Воззри, преблаженне, мило­стиво на град твой и виждь чада твоя, смиренно ти припадающия и служити тебе хотящия. Не отвергни требующия твоея помощи, но яко благодетель и ходатай, моли присно Господа Бога и Спаса нашего Иисуса Христа, да благословит страну Россий­скую, в мире и благоверии ю сохраняя, грады умножая, достояние Свое соблюдая. Вознеси, богоносне отче наш, сие малое моление недостойных раб твоих Владыце Христу, да утвердит во Святей Православней Церкви живый дух правыя веры и любве, благоче­стие непоколебимо, любомудрие христопоследовательно, да дару­ет пастырям ревность попечения о спасении людей, во еже неверующая просветити, заблуждшия наставити, отпадшия обратити и привлещи. Изряднее же, да вся чада Церкве Православныя чисты сохранит от мирских искушений, похотей плотских, суемудрия, суеверий и наваждений вражеских. Ей, угодниче Божий, не презри нас, молящихся тебе, но помози нам ско­рым предстательством твоим, да всяких бед, напастей и скорбей в сей жизни временней избежавше, кончину непостыдну обретем, и тако на земли богоугодно поживше, жизни райския на небеси сподобимся, идеже вкупе с тобою прославим человеколюбие и щедроты в Троице славимаго Бога, Отца и Сына и Святаго Духа, во веки веков. Аминь.

МОЛИТВА ВТОРАЯ

Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей.

МОЛИТВА ТРЕТЬЯ

О преподобне отче, благоверне княже Олеже! Воззри, преблаженне, милостивно на дом (приход) сей и люди, в нем живущия, и не отвержи требующих твоея помощи, не презри нас, молящихся тебе, но помози нам (имена) скорым предстательством твоим, да всяких бед, напастей и скорбей в сей жизни временней избежавше, кончину непостыдну обрящем, и тако на земли богоугодно поживше, жизни райския на небеси сподобимся, идеже вкупе с тобою прославим человеколюбие и щедроты в Троице славимаго Бога, Отца и Сына и Святаго Духа, во веки веков. Аминь.

Тропарь преподобного и благоверного князя Олега Брянского

глас 8

От юности возлюбив Христа всем сердцем, преподобне / славу земную, яко преходящу, оставил еси / и царство земное в ничтоже вменивше, / лику инок радостно причелся еси / и труды многими град Брянск, аки солнце пресветло, озарил еси: / тем, быв Троицы украшение, моли, княже Олеже, Христа Бога, спастися душам нашим.

Кондак преподобного и благоверного князя Олега Брянского

глас 4

Уподобился еси плодоносней леторасли от корене честнаго, Олеже благородне,/ истину возлюбив и нетленный Христов живот./ Темже молитвою, бдением и пощением светильник великий быв твоим учеником,/ просвети, блаженне, Отечество твое и спаси души наша.

Величание

Ублажаем тя, / благоверне княже Олеже, / и чтим святую память твою, / ты бо молиши за нас / Христа Бога нашего

Акафист святому благоверному князю Олегу Брянскому

Кондак 1

Избранному угоднику, дивному предстателю, града Брянска покровителю князю Олегу Пресветлому принесем похвалы, яко присному душ наших заступнику и теплому нашему молитвенику: ты же, о звездо богосветлая, осиявая нас неоскудно, да избавившиеся от бед и скорбей, со умилением вопием ти: Радуйся угодниче Божий, княже Олеже, града Брянска чудотворче.

Икос 1

Ангела образом аще и человека естеством яви тя небеси и земли создатель от благочестиваго корене Михаила Страстотерпца, Великаго князя земли Черниговския, яко отрасль пречестную произрастив, небесным ходатаем града Брянска тя содела. Тем же житие и подвиги твои Олеже святе, чтуще согласно вопием ти: Радуйся, благочестивых родителей плод Богодарованный. Радуйся, розго Благоверного Михаила, стяжавшаго мученический венец, Радуйся, достохвальный подражателю черноризицам чиноначальницы, дщери Михайловы, преподобныя Евфросинии Суздальския. Радуйся, от младенческих пелен в жилище Духу Святому предуготованный. Радуйся, яко еси от сонма святых князей Российских, Богом избранный. Радуйся, несокрушимую веру явивый в себе. Радуйся, любовию ко Христу еще в юности пламенивый. Радуйся, образ незлобия и смирения даже до конца показавый. Радуйся, подвижнического венца от младости возжелавый. Радуйся, добродетелей сокровище пребогатое. Радуйся, подвигов иноческих исполнение превысокое. Радуйся, угодниче Божий, княже Олеже, града Брянска чудотворче.

Кондак 2

Видя умными очима зраки праведных предков твоих, Михаила во орде от Батыя за Христа смерть приявшего и Евфросинии преподобныя, паче всех Российских постниц просиявшия, потщался, еси благоверне княже Олеже, подражати сим, аще и млад был еси. Мы же прославляя Бога, о тебе дивно произволивша, воспеваем: Аллилуиа.

Икос 2

Разум Богопросвещенный от юности стяжавая, к небесным чистии помыслы устремил еси, сердце и слух склонил ко гласу обидимых и безпомощных, милосердие и любовь бедным и сиротам явив; сего ради приими от нас сицевая: Радуйся, милости из детска преисполненный. Радуйся, печальных благий утешителю. Радуйся, вдов и сирот питателю. Радуйся, в бедах сущих предстателю. Радуйся, скорбных сердец целителю. Радуйся, смиренного отрочества Христова подражателю. Радуйся, родителей и знаемых свято почитавый. Радуйся, сверстником твоим пример благонравия подававый. Радуйся, от грехов и страстей свободу улучивый. Радуйся, многоплодный клас веры в душе твоей произрастивый. Радуйся, благоговейное отроча, снискавшее дары страха Божия и благочестия. Радуйся, угодниче Божий, княже Олеже, града Брянска чудотворче.

Кондак 3

Силою благодати Духа Святаго укрепляем, блаженне княже Олеже, вознамерился еси, приняв крест, последовати Христу, егда иноцы печерстии принесоша во град Брянск образ пресвятыя Богородицы, сущу недугующу родителю твоему, благоверному князю Роману, сего ради Господь, испытуяй сердца и утробы, свыше благослови тя, зовуща ему: Аллилуиа.

Икос 3

Имея едино помышление в сердце твоем, еже послужити Христу, плотское мудрование отложил еси, и, яко воин благоискусен, броню спасения стяжав, да ратуеши на враги невидимыя, темже ублажая твое изволение вопием ти сице: Радуйся, носителю благодати Духа Святаго. Радуйся, образе нищеты духовныя. Радуйся, оградивыйся несокрушимым щитом веры. Радуйся, приявый непобедимое оружие - животворящий крест Христов. Радуйся, древняго благочестия блюстителю. Радуйся, отеческих подвигов ревнителю. Радуйся, светом благоразумия осиянный. Радуйся, преподобием и кротостью увенчанный. Радуйся, яко еси благовонное Богу молитвы кадило. Радуйся, отечества нашего дивное прозябение. Радуйся, рода князей украшение. Радуйся, угодниче Божий, княже Олеже, града Брянска чудотворче.

Кондак 4

Буря страстей и треволнений житейских не возможе поколебати тя, преблаженне княже Олеже, обаче научи благоискусно искати пристанище спасения твердое: темже сугубо возсия в души твоей нетленная красота безстрастия, угодная вседетелю Богу, ему же воспевал еси: Аллилуиа.

Икос 4

Слышав сестру твою единоутробну, княгиню земли волынския Ольгу глаголющу, яко умерши мужеви ея, един ей есть жребий на земли прията образ иноческий, сам поревновал тоя произволению и первее в вертограде родителей твоих уединенно водворился еси, после же прияв иноческое пострижение, отошел на место, свыше ти показанное, да тамо мирно Господеви поработавши. Мы же образу мужества духовного дивящеся, восхваляем тя сице: Радуйся, презревый славу и власть наследственную. Радуйся, сокрушивый тщеславия гордыню. Радуйся, земныя почести в ничтоже вменяяй. Радуйся, царствия горняго искавый. Радуйся, отречением высокая стяжавый. Радуйся, труды ко трудом, посты ко постам прилагавый. Радуйся, яко молитвою и бдением царство небесное улучил еси. Радуйся, яко иго благое на рамо подъял еси. Радуйся, от младости на вся подвиги иноческие укрепивыйся. Радуйся, невинности сосуде. Радуйся, уединения цвете. Радуйся, угодниче, Божий княже Олеже, града Брянска чудотворче.

Кондак 5

Светоносному лучу уподобился еси, преподобне княже Олеже, егда познав, яко велия благо можеши принести отечеству и во образе иночестем, на месте пустыннем поселился еси, благоприятно бысть творцу твое хотение, во еже работати ему в преподобии и выну пети песнь: Аллилуиа.

Икос 5

Видевше боголюбивии людии града Брянска праведное по бозе житие твое, славяху тя и попремногу чествоваху щедроты и подвиги твоя, ты же смирение истинное возлюбив, и похвалы человеческие пренебрег, гордынею не уязвлен пребыл еси. Сего ради приносим ти таковая: Радуйся, возлюбивый святыню дома Божия. Радуйся, в телеси твоем живой храм Духу Святому уготовивый. Радуйся, древним пустынножителям добре подражавый. Радуйся в посте и молитвах выну пребывавши. Радуйся, христоименитым людем благочестия учителю. Радуйся, рабов Божиих усердный служителю. Радуйся, яко непрестанным бдением безплотным уподобился. Радуйся, яко ничтоже суетно ти приразися. Радуйся, воздержания наставнице. Радуйся, постниче достолюбезне. Радуйся, сластолюбцев посрамление. Радуйся, угодниче Божий, княже Олеже, града Брянска чудотворче.

Кондак 6

Проповедник веры православный и ревнитель благочестия словом и житием был еси, благоверне княже Олеже, единем бо желанием горяще, да всех во граде твоем приведеши ко Христу и научиши вкупе с тобою воспевати ему: Аллилуиа.

Икос 6

Возсиял еси в дебрях град Брянск, окрест облежавших, яко утренняя заря и яко звезды небесные озариша добродетели твоя, вся тамо жившия, о нихже и ныне никтоже умолчит, прославляти тя сими похвальными словесы: Радуйся, яко столп в тьме греховней заблудшим возсиявый. Радуйся, путь шествующим по тебе от земли на небо показавый. Радуйся, наставниче иноков пустыннолюбивых. Радуйся, пастырю пасущий на пажитех животных. Радуйся, благодати чистая струя. Радуйся, страны Брянския слава и утверждение. Радуйся, маслино, елей милостей Господних источающая. Радуйся, лозо упованием обетований непреходящих напояющая. Радуйся, зерцало умиления. Радуйся, хранилище отречения. Радуйся, яко токи богодухновенных учений излиял еси. Радуйся, угодниче Божий, княже Олеже, града Брянска чудотворче.

Кондак 7

Хотяй достойне подвигом добрым подвизатися и веру нераздельну со святыми соблюсти, первее укрепил еси ум чтением Божественных словес и житий отеческих, таже навыкл еси подражати подвигам святых, последи же вся временная во уметныя вменил и богатства многая оставил еси, нищ и убог пребывая, да непреткновенно приносиши Богу песнь: Аллилуиа.

Икос 7

Новая фиваида явися ти преподобне княже, добрь Брянск, в ней же обители во имя первоверховных Апостол основание положи: тамо бо храм мал и келии убоги создав, велиими труды и бдением непрестанным украси равноангельское твое житие. Пением, пощением и молитвами образ быв твоим учеником. Сего ради приими Отче преподобне сицевая: Радуйся, багряницу княжескую на власяницу иноческую вольне пременивый. Радуйся, постом, бдением и молитвами Христу Богу добре угодивый. Радуйся, яко обитель и храм во славу Святых Апостол воздвигл еси. Радуйся, яко пристанище благотишное пловцам моря житейскаго уготовал еси. Радуйся, скверны греховныя избежавый. Радуйся, сугуб совершенства стяжавый. Радуйся, неусыпнаго бдения учителю. Радуйся, трезвения умнаго и безмолвия любителю. Радуйся, ради Господа вся красная мира презревый. Радуйся, пламень страсти попаляяй. Радуйся, росо, души верныя услаждая. Радуйся, угодниче Божий, княже Олеже, града Брянска чудотворче.

Кондак 8

Странно и дивно бысть житие твое преподобне во обители, егда последуя угоднику Божию Феодосию, лавры печерския начальнику, сам быв Игумен, вся послушания, яко раб, исполняше, бдя неусыпно, во власяницу и вретище одевашеся, вмале на древяне ложе покой имея, паче же на всяк час неустанно вопия Богу: Аллилуиа.

Икос 8

Весь равною ко всем горяще любовию, достохвальне княже Олеже, наставляя братию обители твоя, да вси едино будут во благочинием исполнении обетов иночества, служении церковнем, чтении и пении; того ради подвигавши согласно звати тебе сице: Радуйся, теплою молитвою прибегающих к тебе от зол ограждавши. Радуйся, бедствующим многомощне помогавши. Радуйся, посетителю в немощех сущих. Радуйся, заступниче в напасти впавших. Радуйся, яко иноков добре наставляеши. Радуйся, яко о всех чадах церкви Господа умоляеши. Радуйся, путеводителю дивный. Радуйся, вождю духовных воинов благоискусный. Радуйся, благочестия столпе. Радуйся, скорбных сердец врачевателю. Радуйся, российского иночества насадителю. Радуйся, угодниче Божий, княже Олеже, града Брянска чудотворче.

Кондак 9

Естество ангельское подражая, от всякия беды, скорби и напастей еси, преподобне княже, приходивших к тебе с верою. Временная блага яве и тайно в нуждех сущим разделяя, да купно с тобою вси всещедрому Богу возглашают: Аллилуиа.

Икос 9

Витийство человеческое не довлеет достойне восхвалити тя, преславне княже Олеже, многа бо моления и пощения в животе твоем совершил еси, неисчетны слезы и воздыхания ко Господу принеся еси, дивныя и преславныя подвиги сотворил еси, обаче мы от простоты сердца, любовию подвизаеми, возглашаем ти таковая: Радуйся славословием немолчным Ангелом уподобивыйся. Радуйся, неусыпающим молитвенником сопричетшийся. Радуйся, на враги видимыя и невидимыя нам споборниче. Радуйся, преподобных и праведных сонаследниче. Радуйся, яко в скиниях райских торжествуеши. Радуйся, яко во обителях отца небеснаго ликовствуеши. Радуйся, луче триипостасного света. Радуйся, деннице церкви российския. Радуйся, святости крине. Радуйся, спасения гласе. Радуйся, горлице духовная, весну грядущего века показующая. Радуйся, угодниче Божий, княже Олеже, града Брянска чудотворче.

Кондак 10

Спасти хотя душу свою, пример благий показал еси, святе Олеже, имже вся ны учиши нерадити о плоти и суетах мирских. Неленостно же искати богоугождения: помози убо нам подражати тебе в сем непрестанно, да обыкнув украшатися добродетелями, воспоем умильно Господеви: Аллилуиа.

Икос 10

Стена тверда и заступление был еси, благоверне княже Олеже, всем инокам обители твоея: оваго во отечески назидаше, оваго кротце обличаше, иные с любовию увещевая, оные грозно осуждая, наипаче же пред кончиною твоею, вся ко спасению потребное заповедал еси им; темже и нас убогих упаси добре и надеждою крепкою нам буди, да зовем ти сладце: Радуйся, оградо собраннаго тобою стада духовных овец. Радуйся, вождю путь верный указующий. Радуйся, щите крепкий присно ны защищаяй. Радуйся, мечу Божий, злая и душевредная посекаяй. Радуйся, кормчий хотящих спастися. Радуйся, необуреваемое пристанище житейскаго плавания. Радуйся, горняго мира украшение. Радуйся, дольняго мира ограждение. Радуйся, благодеяния многая источающий. Радуйся, милостию твоея вся покрывающий. Радуйся, со святыми на небеси вечно царствующий. Радуйся, угодниче Божий, княже Олеже, града Брянска чудотворче.

Кондак 11

Пение немолчное принесл еси Пресвятей Троице в час кончины твоея, достохвальне княже Олеже: хвала Богу благодействующу, глаголал еси, возлежа на смертном одре, зрю уже брег моря житейского, имже досем ношашеся моя утлая ладия: темже со упованием радостно пришел еси во обители горния, идеже со ангельскими лики поеши песнь великую: Аллилуиа.

Икос 11

Яко светоприемную свешу, углем благодати возженную, видеша ученицы, лице твое, угодниче Божий, в час кончины светом невечерним осиянное, сего ради скорбь разлучения с тобою дивным сим утешением растворивше с трепетом и радостию взирама на пречестныя мощи твои и отшествие твое прославивше звании сими: Радуйся, по трудех временных покой вечный улучивый. Радуйся, земное течение достохвальне скончавый. Радуйся, венец безсмертныя жизни приявый. Радуйся, престолу вседержителя ныне предстоящий. Радуйся, добродетелями мирови светящий. Радуйся, святынею твоею град наш просвещаяй. Радуйся, иночествующих образ, добрых подвигов подаваяй. Радуйся, яко лучи невечерняго света лик твой озариша. Радуйся, яко ризы веления честнии мощи твои облекоша. Радуйся, лампадо небеснаго блистания. Радуйся, горнило молитвеннаго курения. Радуйся, угодниче Божий, княже Олеже, града Брянска чудотворче.

Кондак 12

Благодать и милость испроси нам у Христа Владыки нашего, благоверне княже Олеже, окорми предстательством твоим, отжени от нас всякого врага и противника, научи подражати тебе, да избавльшеся искушений, прелести и бед, прославляем тя по достоянию, воспевая песнь благодарения Господу: Аллилуиа.

Икос 12

Поюще подвиги дивнаго жития твоего и честное преставление твое угодниче Божий Олеже чтим память твою вси, яко небесного предстателя и помощника, от Господа нам дарованного. Ты же и по представлении град свой не оставляющий, посети милостию приносящих ти похвалы сицевая: Радуйся, во славе от земли на небо преселивыйся. Радуйся, лику избранных тамо приобщивыйся. Радуйся, православному царю нашему на враги споборствуяй. Радуйся, христолюбивому воинству нашему во бранех способствуяй. Радуйся, яко пределы отечества нашего неусыпно защищаеши. Радуйся, яко град Брянск и обитель тобою созданную, присно покрываеши. Радуйся, воине царя царствующих. Радуйся, князей Российских доброто. Радуйся, боголюбивым душам благодати подателю. Радуйся, молитвениче наш усердный. Радуйся помощниче наш скорый. Радуйся угодниче Божий, княже Олеже, града Брянска чудотворче.

Кондак 13

О пречудне и преславне угодниче Божий благоверне княже Олеже, приими сие малое хваление от недостойных раб твоих, огради град наш (обитель твою) и молитвами твоими сохрани нас от враг видных и невидимых, от недугов и скорбей, от смертоностныя язвы и грядущия муки, да и ныне и во веки воспеваем Богу: Аллилуиа.

(Этот кондак читается трижды, затем икос 1 и кондак 1)

Житие святого благоверного князя Олега Брянского

Святой преподобный и благоверный князь Олег Брянский – сын первого Брянского князя Романа Михайловича, внук Черниговского князя Михаила Всеволодовича и племянник княгини Ефросиньи Суздальской, которые тоже причислены к лику святых. Предки благоверного князя не только оставили след в светской истории Руси как её патриоты и защитники, но и почитаются Православной Церковью за христианские подвиги и укрепление веры в тяжёлый период монголо-татарского нашествия. Так, Михаил Черниговский в 1246 г. мученически погиб в Орде, категорически отказавшись от предложения Батыя принять ислам. Благоверный князь Роман Брянский по своей крепкой вере в 1288 г. получил исцеление от Свенской (Печерской) иконы Пресвятой Богородицы, а сестра его преподобная Ефросинья причислена к святым за то, что укрепляла христианство в своих землях строгой благочестивой жизнью и делами.

Родился святой Олег Брянский около 1245 г. Кроме него у княжеской четы, Романа и Анны, были сын Михаил и дочь Ольга (по некоторым данным и сын Дмитрий). При крещении получил имя Леонтий. Примерно в 29-летнем возрасте Олег вместе с отцом сражался против литовцев (1274 г.), помогая князю Льву Галицкому. Об этом повествует Ипатьевская летопись (её часть «Галицко-Волыньская летопись»). В том же году Олег Брянский посетил свою сестру Ольгу, бывшую замужем за Владимиром Васильковичем, Волыньским князем, известным основателем монастырей и создателем храмов. По некоторым источникам, в 1286 г. вместе с отцом Олег участвовал в неудачном походе на Смоленск.

Отказавшись от княжества в пользу своего брата, благоверный князь Олег Брянский стал иноком Петровского (позже Петропавловского) монастыря под именем Василий. Обитель была построена им, по преданию, в 1275 г. Здесь преподобный провёл остаток жизни в строгом посте и молитвах и умер около 1307 г. (по другим источникам в 1285 г. или 1289 г.). Похоронили святого преподобного и благоверного князя Олега Брянского в храме Петропавловского монастыря. Вскоре он был канонизирован.

В нач.18 в. на месте деревянной церкви построили каменную Введенскую церковь. В 30-х годах 20 в. с целью сохранить святые мощи Олега Брянского их перезахоронили под алтарём этого храма, а в 1995 г. обрели и положили в раке церкви. Некоторое время святые мощи князя почивали в Воскресенском кафедральном соборе Брянска. В 2012 г. их торжественно перенесли в построенный Свято-Троицкий кафедральный собор, где они находятся и в наше время.

Иконе с частицей мощей святого Олега Брянского можно поклониться в храме Александра Невского в Пскове, в церквях во имя святого, находящихся в Киеве, Новосибирске.

К святому благоверному князю Олегу Брянскому обращаются военнослужащие и их близкие с молитвами о благополучной службе и честном исполнении долга, руководители и чиновники просят о помощи в управлении государственными делами. Святой помогает защитить страну от врагов, сохранить дом от разорения, нужды, оградить от недругов. Он считается покровителем Брянской земли. Олег Брянский святой заступник мужчин по имени Олег.

День памяти благоверного князя 3 октября по н. ст., тогда же с 2003 г. отмечают Собор Брянских святых. Олега Брянского поминают и в Соборе Волынских святых 23 октября н. ст.

Известные храмы во имя святого преподобного и благоверного князя есть в Успенском монастыре Красноярска, в Лужках Истринского района и Осташево Волоколамского района Московской области, г. Менделеевск (Татарстан), Пятигорске, Ессентуках, Лермонтове Ставропольского края, Харькове.

Всего храмов, посвящённых Святому преподобному князю Олегу Брянскому, около 9 (с учетом приделов, посвященных ему).

Брянск, Россия

Кафедральный собор во Имя Святой Троицы г. Брянск

Адрес: г. Брянск, пр-т. Ленина, 58

Находятся мощи Святого благоверного князя Олега Брянского.

Красноярск, Россия

Успенский мужской монастырь. Церковь Олега Брянского

Адрес: г. Красноярск, п. Удачный, ул. Лесная, 54

Московская область, Россия

Храм св. Новомучеников и Исповедников Российских на Бутовском полигоне пос. Бутово

Адрес: Московская обл., Ленинский р-он, пос. Бутово, ул. Юбилейная, 2

Находится частица мощей Святого благоверного князя Олега Брянского

Нижний Новгород, Россия

Вознесенский Печерский мужской монастырь

Адрес: г. Нижний Новгород, Приволжская слобода, 108

Находится частица мощей Святого благоверного князя Олега Брянского

http://www.pecherskiy.nne.ru/

Полоцк, Беларусь

Полоцкий Спасо-Евфросиниевский женский монастырь

Адрес: Республика Беларусь, Витебская обл., г. Полоцк, ул. Евфросинии Полоцкой, 89

Находится частица мощей Святого благоверного князя Олега Брянского

До того, как Олег Брянский принял иноческий постриг, участвовал вместе с отцом в многочисленных военных походах, поэтому почитается как покровитель военных, особенно новобранцев. Молятся Олегу Брянскому о помощи в военном служении новобранцы и их родные, об укреплении духа и перенесении военных тягот.

Икону можно подарить:

- военным людям, особенно новобранцам и солдатам срочной службы, а также их родным, для молитв об укреплении духа и стойкого перенесения всех тягот военной службы; 

- мужчинам, носящим имя Олег.