Ростовая икона святого праведного Иоанна Кронштадтского 29 х 40,5 см
Наведите для увеличения

Ростовая икона святого праведного Иоанна Кронштадтского 29 х 40,5 см

Артикул. СИК-02 В наличии
Количество:   
22500 руб.
Вид иконы: Именные иконы
Формат: 29х40,5см
Материал: медь, холодная эмаль, золочение, серебрение
Бесплатная доставка по России

Образ святого праведного Иоанна Кронштадтского сделан из медной основы и покрыт серебром и золотом методом гальванопластики. Рамка и основание выполнены из дерева, фон сделан из темно-синего бархата.

День памяти: 2 января (день блаженной кончины), 14 июня (День прославления святого праведного), 1 ноября (День рождения святого праведного)

Святой праведный Иоанн Кронштадтский – почти наш современник, жил в 19 веке в Кронштадте – пригороде Санкт-Петербурга. Иоанн Кронштадтский был праведником, горячим молитвенником, помогал всем нуждающимся, особенно тем, кто страдал от алкоголизма.

Информация об иконе Ростовая икона святого праведного Иоанна Кронштадтского 29 х 40,5 см

Молитвы святому праведному Иоанну Кронштадтскому

МОЛИТВА ПЕРВАЯ

О великий чудотворче и предивный угодниче Божий, богоносне отче Иоанне! Призри на нас и внемли благосердно молению нашему, яко великих дарований сподоби тя Господь, да ходатаем и присным молитвенником за нас будеши. Се бо страстьми греховными обуреваеми и злобою снедаеми, заповеди Божия пренебрегохом, покаяния сердечнаго и слез воздыхания не принесохом, сего ради многим скорбем и печалем достойни явихомся. Ты же, отче праведне, велие дерзновение ко Господу и сострадание к ближним своим имея, умоли Всещедраго Владыку мира, да пробавит милость Свою на нас и потерпит неправдам нашим, не погубит нас грех ради наших, но время на покаяние милостивно нам дарует. О святче Божий, помози нам веру православную непорочно соблюсти и заповеди Божий благочестно сохранити, да не обладает нами всякое беззаконие, ниже посрамится Правда Божия в неправдах наших, но да сподобимся достигнути кончины христианския, безболезненныя, непостыдныя, мирныя и Тайн Божиих причастныя. Ещё молим тя, отче праведне, о еже Церкви нашей Святей до скончания века утвержденней быти, отечеству же нашему мир и процветание в Правде Божией испроси и от всех зол сохрани, да тако народи наши, Богом храними, в единомыслии веры и во всяком благочестии и чистоте, в лепоте духовнаго братства, трезвении и согласии свидетельствуют: яко с нами Бог! В Немже живем, и движемся, и есмы, и пребудем во веки. Аминь.

МОЛИТВА ВТОРАЯ

О, святый праведный отче Иоанне, Всероссийский светильниче и предивный чудотворче! Ты от младенческих лет Богом избран был еси и, духом пламенея, яко истинный пастырь, житием, словом, любовию, верою, чистотою людем послужил еси. Сего ради молим тя, праведный отче: моли Человеколюбца Бога Церковь святую миром и тишиною оградити, землю Российскую во благоденствии сохранити, пастыри благодати и истины преизобильно исполнити, власти умудрити, православное воинство укрепити, немощныя исцелити, развращенный исправити, юныя воспитати, старцы и вдовицы утешити и нам всем во Царствии Небеснем сподобитися со всеми святыми прославляти Отца и Сына и Святаго Духа ныне и присно и во веки веков. Аминь.

МОЛИТВА ТРЕТЬЯ

О великий угодниче Христов, святый праведный отче Иоанне Кронштадтский, пастырю дивный, скорый помощниче и милостивый предстателю! Вознося славословие Триединому Богу, ты молитвенно взывал: Имя Тебе Любовь: не отвергни меня, заблуждающагося. Имя Тебе Сила: укрепи меня, изнемогающаго и падающаго. Имя Тебе – Свет: просвети душу мою, омраченную житейскими cтрастями. Имя Тебе – Мир: умири мятущуюся душу мою. Имя тебе Милость: не переставай миловать меня. Ныне благодарная твоему предстательству всероссийская паства молится тебе: Христоименитый и праведный угодниче Божий! Любовию твоею озари нас, грешных и немощных, сподоби нас принести достойные плоды покаяния и неосужденно причащатися Святых Христовых Таин. Силою твоею веру в нас укрепи, в молитве поддержи, недуги и болезни исцели, от напастей, врагов, видимых и невидимых, избави. Светом лика твоего служителей и предстоятелей Алтаря Христова на святыя подвиги пастырского делания подвигни, младенцем воспитание даруй, юность настави, старость поддержи, святыни храмов и святые обители озари! Умири, чудотворче и провидче преизряднейший, народы страны нашея, благодатию и даром Святаго Духа избави от междоусобныя брани, расточенная собери, прельщенныя обрати и совокупи Святей Соборней и Апостольстей Церкви. Милостию твоею супружества в мире и единомыслии соблюди, монашествующим в делах благих преуспеяние и благословение даруй, малодушныя утеши, страждущих от духов нечистых свободи, в нуждах и обстояниих сущих помилуй и всех нас на путь спасения настави. Во Христе живый, отче наш Иоанне, приведи нас к Невечернему Свету жизни вечныя, да сподобимся с тобою вечнаго блаженства, хваляще и превозносяще Бога во веки веков. Аминь.

МОЛИТВА ЧЕТВЕРТАЯ

Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей.

Тропарь праведного Иоанна Кронштадтского

глас 1

Православныя веры поборниче,/ земли Российския печальниче,/ пастырем правило и образе верным,/ покаяния и жизни во Христе проповедниче,/ Божественных Таин благоговейный служителю/ и дерзновенный о людех молитвенниче,/ отче праведный Иоанне,/ целителю и предивный чудотворче,/ граду Кронштадту похвало/ и Церкве нашея украшение,/ моли Всеблагаго Бога// умирити мир и спасти души наша.

Кондак праведного Иоанна Кронштадтского

глас 3

Днесь пастырь Кронштадтский/ предстоит Престолу Божию/ и усердно молит о верных/ Христа Пастыреначальника,/ обетование давшаго:/ созижду Церковь Мою, // и врата адоване одолеют ей.

Акафист святому праведному Иоанну, Пресвитеру Кронштадтскому, Чудотворцу

Кондак 1

Избраннаго и вернаго во иереех Божиих восхваляем тя, богоносне отче Иоанне! Ты бо Евангельской Истине последуя, Христу всем сердцем сораспялся еси, струю чудес и исцелений всем верным источаеши и ко спасению их направляеши. Мы же, молитвами твоими в вере, надежде и любви укрепляеми, благодарно зовем ти: Радуйся, Иоанне, земли Российския молитвенниче предивный.

Икос 1

Ангела молитвы и проповедника покаяния ведаем тя, блаженне отче. Ходатайствуеши бо за нас у Престола Божия, да в разум истинный приидем и жизнь свою на путь спасения направим, взывая тебе:

Радуйся, благодати Божия сосуде избранный; радуйся, Премудрость Божию, яко млеко матери, сладостно впитавый.

Радуйся, Ангелу хранителю твоему, яко Товия древле, вседушевне последовавый; радуйся, боголюбивых родителей целомудренный плод чистоты непререкаемый.

Радуйся, в повиновении родителям своим благословение Божие стяжавый; радуйся, от юности твоея водительству Духа Святаго прилежавый.

Радуйся, всем сердцем твоим Бога возлюбивый; радуйся, в меру возраста Христова богомудренно возраставый.

Радуйся, Иоанне, земли Российския молитвенниче предивный.

Кондак 2

Предвидя, яко многия беды и соблазны грядут на Церковь Русскую и чада Божии в смятении будут, яко пастырь добрый, душу свою за паству свою готовый положити, глаголал еси людям: «Убойтесь соблазнов, стойте в вере Православной, мужайтесь, и крепитесь, и славьте Господа, взывая Ему: Аллилуиа».

Икос 2

Разумом Божественным просвещаемый, богословия струи животочныя источил еси, всеблаженне отче Иоанне, в посте и молитве словеса Божия со слезами в сердца верных сея, к свету истиннаго богопознания чад земли нашея призывал еси. Тии же, в любви Божии укрепляющеся, пояху тебе таковая:

Радуйся, Евангельския Истины пламенный ревнителю; радуйся, глаголов жизни вечныя неумолкаемый возвестителю.

Радуйся, равноангельным житием твоим достойно украшенный; радуйся, у Престола Божия о людях ходатаю верный.

Радуйся, от юности Церкви Христовой всем сердцем прилепивыйся; радуйся, Христу сораспятися о людях вседушевне возгоревыйся.

Радуйся, любовию Христовою сердце твое, аки ниву благоплодную, возделавый; радуйся, людям, в скорбех и печалех изнемогшим, состраданием и молитвою облегчение подававый.

Радуйся, Иоанне, земли Российския молитвенниче предивный.

Кондак 3

Силою Божественныя благодати, яко углем горящим у жертвенника Божия возжжен, светильниче многосветлый во граде Кронштадте просиял еси, отцев наших похвало, отче Иоанне. Сице бо во тьме греховней обуреваемых и соблазном богоборчества колеблемых зарею Божественнаго разума просветил еси и научил еси пети: Аллилуиа.

Икос 3

Имея любовь велию к людем, Кровию Сына Божия искупленным, потекл еси к неимущим благочестия, трезвения и страха Божия и отчаянием обуреваемым, пастырю добрый Иоанне, сих же кротостию и смиренномудрием покорив Христу, научил еси благодарно взывати тебе таковая:

Радуйся, сущих во тьме и сени смертней премудрый просветителю; радуйся, о спасении людей, в пучине греховней обуреваемых, благостный попечителю.

Радуйся, неведущих Бога и окамененных сердцем к покаянию пробуждаяй; радуйся, Божественною премудростию в писаниях твоих нас озаряяй.

Радуйся, сердец строптивых и злонравных благодатное умягчение; радуйся, ленивых и коснеющих совестию щедролюбивое обличение.

Радуйся, Слова Божия и правды Его проповедниче неустрашимый; радуйся, житием благонравным козни духов злобы поднебесных победивый.

Радуйся, Иоанне, земли Российския молитвенниче предивный.

Кондак 4

Бурю злонравия воздвизаему на Церковь нашу Святую ведал еси, отче Иоанне, яко верный страж дома Господня, научал еси овцы Христовы бдети и право ходити в истенней вере и в заповедех Господних непорочно пребывати, да чистым сердцем и усты непрестанно взывают к Богу победную песнь: Аллилуиа.

Икос 4

Слышаще о тебе, яко ты еси сосуд избранный и благодатных даров преисполненный, подвигов милосердия и нищелюбия ревнитель, вдов и сирот, страждущих и обремененных утешитель и о нераскаянных грешницех молитвенник слезный, не токмо от Кронштадта, но и от всех конец земли потекоша к тебе людие Божии, исцеления от тебе получаху. С ними же и мы, о гресех своих кающеся, яко ходатаю о нас пред Богом теплу, умильно зовем ти:

Радуйся, сеятелю правды, слезами твоими землю нашу освятивый; радуйся, обличителю неправды, души верных от прелести греховныя свободивый.

Радуйся, свете сердец кротких и разумных, путь к Богу указуяй; радуйся, ученьми твоими, яко кормилица кроткая, нас греяй и питаяй.

Радуйся, всех скорбящих и обремененных неложное упование; радуйся, болящих и от духов злых страждущих благодатное врачевание.

Радуйся, сосуде избранный, дары Духа Святаго туне верным источивый; радуйся, не о людех токмо, но и о скотех милосердовавый.

Радуйся, Иоанне, земли Российския молитвенниче предивный.

Кондак 5

Яко небосветлая звезда священнолепным житием твоим просиял еси, пастырю Христов Иоанне! Богом дарованное тебе наследие от волков, губящих е, словом Божиим ограждал еси, пастырски взывая: возьмите Крест Господень, на Нем же Христос Царь Славы рукописание грехов наших изглади, в Немже миру востание во веки. Мы же, сим знаменающеся, поем с тобою Богу победную песнь: Аллилуиа.

Икос 5

Видевше тя Российстии людие дивно на свещнице церковней сияюща, правды Божия ищуще, к тебе притекаху, и яко другу Христову, исповедаху грехи своя. Мы же, обремененнии многими прегрешениями, к тебе, блаженне Иоанне, прибегаем и тако глаголем:

Радуйся, яко силою благодати, яже в тебе, немощнии духом в любви Божии укрепляются; радуйся, яко твоими молитвами кающиеся плена греховнаго свобождаются.

Радуйся, яко труды твоими алчущии и жаждущии Правды Христовой насыщаются; радуйся, яко благовестием твоим врази Христовы посрамляются.

Радуйся, яко молитвами твоими силы ада содрагаются; радуйся, яко воздеянием рук твоих, врата небесная верным отверзаются.

Радуйся, в умилостивление за народ наш молитву, яко кадило благовонное, херувимски Богу приносивый; радуйся, за неведущих правды и любве Божия молитися нас подвигнувый.

Радуйся, Иоанне, земли Российския молитвенниче предивный.

Кондак 6

Проповедницы чудных деяний твоих, блаженне Иоанне, явишася мнози: богатии и нищии, старцы и юноши. Ты бо всем любовь свою изливал еси. Темже не токмо православнии, но и иновернии силою молитв твоих милость Божию обретаху, поя Богу: Аллилуиа.

Икос 6

Возсиял еси житием твоим в Церкви Православней лучезарнее сияния севернаго, светом Евангелия Христова Отечество наше просвещал и от сетей вражиих чада ея ограждал. Темже и ныне молим Господа Сил, да любовь святая утвердится в сердцах наших, во еже ни скорбь, ни теснота, ни смерть не возмогут нас разлучить от любве Божия. И тако достигше сего, тебе воззовем:

Радуйся, яко Божиим смотрением грядущая на ны предвозвестивый; радуйся, тесным путем в заповедех Божиих ходити нас научивый.

Радуйся, в скорбех и печалех сущим источник радости в Бозе указавый; радуйся, оную радость, яко зеницу ока, свято хранити нам завещавый.

Радуйся, десницею и шуйцею оружие Правды Божия содержавый; радуйся, в словесе истины и любви нелицемерней Сыну Громову уподобивыйся.

Радуйся, порфирою покаяния всех облекаяй; радуйся, диадимою благодати славно увенчанный.

Радуйся, Иоанне, земли Российския молитвенниче предивный.

Кондак 7

Хотя Всеблагий Господь спасти люди земли нашея и, яко злато в горниле огненнем, очистити я, вложи в уста твоя, всеблаженне, дух премудрости и разум провидца, во еже чрез покаяние сердечное и сокрушение слезное преуготовити я, в вере непоколебимых, к жертвенному служению, да со всеми святыми, в земле Российстей просиявшими, ангельски вопиют Богу: Аллилуиа.

Икос 7

Новаго избранника Божия, всеблаженне Иоанне, ведяще тя у Алтаря Господня за всех молитвою слезною Христу сраспинающася, боголюбивии людие с верою к тебе притекаху и душевне и телесне исцеляхуся. Темже и мы, в немощи сущии, молим тя прилежно: воздвигни руце твои и не премолчи за ны ко Господу, якоже отец о чадех своих, да умножит Господь милость Свою на нас, приносящих ти сицевая:

Радуйся, у Престола Божия прилежный о нас печальниче и ходатаю; радуйся, покаяния слезнаго усердный глашатаю.

Радуйся, образе неусыпнаго делания, Христу Богу работати прилежно нас наставляеши; радуйся, яко на Божественней страже веры апостольския стояти нас утверждаеши.

Радуйся, образ воздержания и целомудрия добре показавый; радуйся, суеверия, ереси и злохуления от стада твоего отсекавый.

Радуйся, сущих во тьме неведения славный просветителю; радуйся, душ человеческих от суеты житейския мудрый восхитителю.

Радуйся, Иоанне, земли Российския молитвенниче предивный.

Кондак 8

Странное чудо видим на тебе, предивный пастырю Христов Иоанне! Сама бо Пречистая Матерь Божия ублажи тя и последующих тебе и с радостию благоволение Божие всем возвести: о милейшие вы чада Отца Небеснаго! Сице бо радость Церкви Небесныя о подвизе земныя предвозвести. Сего ради и мы, надеждею на предстательство о нас Матери Господа Сил согреваеми, вопием Царю всех веков: Аллилуиа.

Икос 8

Весь желанием Божиим распаляем, носитель любве Христовы явился еси, пастырю добрый. В ней бо милость и истина сретостася, правда и мир облобызастася; всякая же лесть упразднися, еретическое же злонравие, яко тля, попалися, скорби же человеческия елеем милосердия твоего утолишася. Мы же, нерадивии, сокровищ сих не стяжахом, праведным судом Божиим многим скорбем и печалем достойни явихомся. Но, ведуща тя помощника неусыпна, умильно зовем ти:

Радуйся, любве Христовой неутомимый носителю; радуйся, мира и правды ревностный сеятелю.

Радуйся, веры православныя незыблемый хранителю; радуйся, благочестия и добронравия насадителю.

Радуйся, о всем мире печальниче и слезный молитвенниче; радуйся, Церкве Христовой немеркнущий светильниче.

Радуйся, отцев наших похвало, нам же надеждо и утешение; радуйся, Богоизбранный пастырю, Святыя Руси благодатное украшение.

Радуйся, Иоанне, земли Российския молитвенниче предивный.

Кондак 9

Всем сущим в бедах и скорбех житейских воздвиже Господь на радость пастыря и чудотворца предивна Иоанна, да хромыя и расслабленныя, слепыя и от духов злых томимыя исцелит, в пагубнем пиянстве и супружестей неверности растлеваемыя к непостыдней жизни призовет, а яже во озлоблении сущия к Богу приведет и сице в душах верных царство Правды Божия насадит, да воспоем вси спасительную песнь Богу: Аллилуиа.

Икос 9

Витии многовещаннии недоумеют изъяснити силу молитвы твоея, Иоанне предивне, егда три юноши, дерзнувшия поглумитися о тебе и молитве твоей, спасительне наказал еси. Узрев же я кающихся и слезно молящихся, исцеление злохулителю от Бога испросил еси. Тии же, познавше молитвы твоея силу чудодейственную и любве твоея милосердие теплейшее, яко Божия провидца, ублажиша тя похвалами таковыми:

Радуйся, благое икономство чина своего богомудренно соблюдый; радуйся, данный тебе залог, Тело Христово, цел и невредим до последняго твоего издыхания сохранивый.

Радуйся, скрижали Богоначертанныя обою Заветов достойне возвестивый; радуйся, Церковь Христову благочестием пастыря добра прославивый.

Радуйся, истиннаго просвещения и христианскаго благочестия ревностный насадителю; радуйся, кающихся грешников, сирых и убогих милостивый покровителю.

Радуйся, мудрый путеводителю, стези правды юным указуяй; радуйся, судие нелицеприятный, зломудрствующия любовию наказуяй.

Радуйся, Иоанне, земли Российския молитвенниче предивный.

Кондак 10

Спасти хотя души ближних своих, ересьми и маловерием обуреваемыя, противу кознем диавольским воздержанием и смирением вооружился еси, отче Иоанне, апостольское и святоотеческое веры исповедание твердо сохранив. Жертвенною же любовию Христу сраспинаяся, душу твою за спасение народа Божия положив, Царствия Небеснаго достигл еси, идеже со Ангелы и лики святых непрестанно Бога славословя, поминай нас, славную память твою празднующих и поющих Богу: Аллилуиа.

Икос 10

Стена твердая бысть любовь твоя ко Господу, в ней же утвердися сердце твое, богоносне отче Иоанне. Сего ради всем, притекающим к тебе с верою, прибежище и утверждение явился еси, да всяческая Христу приобрящеши. Темже и нам, к тебе припадающим, буди стена крепка и ограждение непреодолимое, да не посмеются о нас, хотящия нам злая, во еже в мире и любве Христове пребывати и приносити сия похвалы:

Радуйся, светильниче неугасимый, огнем Духа Святаго возжженный; радуйся, крине, присно благоухаяй, росою благодати Божия напоенный.

Радуйся, росо сладкоплодная, благодатными дары верных оживотворяющая; радуйся, соле земли, от греховнаго тления нас сохраняющая.

Радуйся, в море житейстем обуреваемым тихое пристанище; радуйся, яко душевне и телесне изнемогающим о помощи Божией умоляеши.

Радуйся, сердцеведче предивне, верныя от лжемудрствования ограждаяй; радуйся, силою молитвы чистыя союз супружеския верности укрепляяй.

Радуйся, Иоанне, земли Российския молитвенниче предивный.

Кондак 11

Песнь достохвальную приносим ти, всеблаженне отче Иоанне, всем житием твоим прославившему Бога. И якоже видехом тя на земли долу у Престола Господня за всех и за вся Владыку мира умолявшаго, сице и ныне на Небеси горе вознеси молитвы твоя, во еже непоколебимей быти Церкви нашей, да из рода в род в Отечестве нашем благочестно славится Имя Триединаго Бога поющими Ему: Аллилуиа.

Икос 11

Светозарную свещу, во мраце жития сущим, зрим тя, Богом избранне отче Иоанне, ты бо на Небесех у Престола Божия в сонме святых и Сил Небесных о нас присно ходатайствуеши, воззри на нас, чад твоих, облегчи наша скорби и исцели наша недуги, да зовем ти:

Радуйся, яко в подвизе твоем Имя Пресвятыя Троицы дивно прославися; радуйся, яко благочестием веры твоея Церковь Христова украсися.

Радуйся, яко состраданием к ближним твоим скорби, и болезни, и печали всяческия утоляются; радуйся, яко молитвами твоими кающиися грешницы Царствию Небесному приуготовляются.

Радуйся, спасительных благ земных и небесных щедрый подателю; радуйся, от враг видимых и невидимых надежный избавителю.

Радуйся, яко в земном Едеме, Церкви Христовой, подвигом добрым просиял еси; радуйся, яко доброты райския, уготованная праведным, восприял еси.

Радуйся, Иоанне, земли Российския молитвенниче предивный.

Кондак 12

Благодатных даров Духа Святаго кладезь преисполненный яви в тебе Господь, отче наш Иоанне, да тобою и мы сих причастницы будем и тако познаем милость Божию к нам, яко не отступит, ниже посрамит нас Господь, егда благодарными усты и чистым сердцем, уповающе на милость благоутробия Его, воспоем Ему: Аллилуиа.

Икос 12

Поюще твое достохвальное житие на земли и славу, юже стяжал еси на Небеси, молим тя, блаженне Иоанне, вознеси о нас молитвы Богу, да помиловани будем в день судный и, спасаеми твоими молитвами, тако тебе воззовем:

Радуйся, богоизбранне и богопрославленне пастырю земли Российския; радуйся, яко воспел еси имя Божие, аки орган мусикийский.

Радуйся, пророком и апостолом добре поревновавый; радуйся, бежати гнева Божия и творити плоды покаяния мудре наставивый.

Радуйся, об Отечестве и народе нашем теплый молитвенниче; радуйся, веры православныя истинный исповедниче.

Радуйся, пресветлый лучу, путь к жизни вечней осияваяй; радуйся, неисчерпаемую благость Божию нам открываяй.

Радуйся, трапезо неоскудеваемая, от неяже монаси и мирстии питаются; радуйся, учителю Правды Божия, еюже старцы и юноши украшаются.

Радуйся, яко ихже даде тебе Господь, сотворил еси я Богу в радование; радуйся, яко от небожителей приял еси о Господе целование.

Радуйся, Иоанне, земли Российския молитвенниче предивный.

Кондак 13

О всеблаженне отче Иоанне, всероссийский пресветлый светильниче и предивный чудотворче! Приими хвалебное сие пение и умоли Христа Бога в мире и благочестии утвердити Святую Церковь, нас же всяких бед избавити и в единомыслии веры в союзе любве Христовы соблюсти, да единеми усты и единем сердцем воспоем с тобою Богу: Аллилуиа.

Этот кондак читается трижды, затем 1-й икос и 1-й кондак

Житие святого праведного Иоанна Кронштадтского

Иоанн Кронштадтский (в миру – Сергиев Иван Ильич) родился в 1829 году, 31 октября по старому стилю. Родина святого – село Сура, входившее в состав Архангельской губернии. Иоанн стал первым ребёнком в семье дьячка местной церкви Ильи Михайловича. Надо отметить, что и дед, и прадед Иоанна тоже служили в церкви. Молитва и пост – вот что было главным в этой семье, возможно поэтому в ней и появился человек, целиком посвятивший свою жизнь беззаветному служению Господу.

В 1839 году мальчика отдали в приходское училище города Архангельска. Иоанну учёба давалась очень тяжело, но уже в детские годы он совершил своё первое чудо – благодаря упорному труду и горячим молитвам стал первым учеником, блестяще окончил учёбу в семинарии и был принят в Духовную академию Санкт-Петербурга. В 1855 году он окончил академию и получил степень кандидата богословия. Юноша мечтал о миссионерской деятельности в Северной Америке и Сибири, но ему была уготована иная стезя. Однажды Иоанну приснился сон – он служил службу в Кронштадтском соборе. Сон оказался пророческим и через два дня после посвящения в сан (10 декабря 1855 года), Иоанн стал диаконом в этом храме.

К своим обязанностям праведник относился ревностно – о его проповедях ходили легенды; он помогал бедным и больным, часто отдавая не только последние деньги, но и одежду. В кронштадтском соборе отец Иоанн прослужил ровно 53 года, до самой смерти.

В 1867 году Иоанн обрёл чудотворный дар – он стал исцелять не только души, но и тела прихожан. Через десять лет имя Иоанна Кронштадтского знала вся Россия. К нему приходили тысячи людей из всех областей страны. И не было человека, которому отец Иоанн отказал в помощи. Но не чудесные исцеления и не беспримерная щедрость стали причиной всенародной славы. Иоанн воплотил главную заповедь Господа нашего – он любил ближних. У этого человека не было «личной жизни». Аскет и девственник (он и в браке был целомудрен), каждую минуту своей жизни отдавал другим.

Иоанну Кронштадтскому жертвовали очень много денег. Но когда он умер (а это случилось в 1908 году), никакого имущества и никаких сбережений у святого не было – всё полученное в дар Иоанн тратил на благотворительность: строил монастыри и больницы, помогал бедным, организовывал приюты для обездоленных. Кроме того, отец Иоанн написал несколько богословских трудов.

Дни памяти этого святого – 14 июня по новому стилю. Похоронен Иоанн в усыпальнице, находившейся в Иоанновском монастыре на Карповке. Храмы его имени построены в Москве, Санкт-Петербурге, Суре, Волгограде, Владивостоке, Запорожье, Архангельске, Ростове, Чебоксарах, Сан-Диего (США), Гамбурге (Германия).

Мощи Святого праведного Иоанна Кронштадтского находятся в Иоанновском ставропигиальном женском монастыре по адресу: г. Санкт-Петербург, Набережная реки Карповки, 45.

Всего храмов, посвященных Святому праведному Иоанну Кронштадтскому около 100 (с учетом приделов, посвященных ей).

Санкт-Петербург, Россия

Церковь Петра и Павла с приделом Иоанна Кронштадтского

Адрес: г. Санкт-Петербург, Пискаревский проспект, д. 47, корп. 22

 

Москва, Россия      

Церковь Иоанна Кронштадтского в Жулебине

Адрес: г. Москва, Саранская ул., 1

http://pravoslavie-zhulebino.ru 

Алексеевский ставропигиальный женский монастырь

Адрес: г. Москва, ул. 2-й Красносельский п-ок, д. 7 с

Икона со святыми мощами святого праведного отца нашего Иоанна Кронштадтского

 

Белгород, Россия

Церковь Иоанна Кронштадтского

Адрес: г. Белгород, ул. Центральная, 1-А

 

Брянск, Россия

Церковь Иоанна Кронштадтского

Адрес: г. Брянск, ул. 50-й Армии, 1

http://www.hraminfo.ru

 

Волгоград, Россия

Церковь Иоанна Кронштадтского

Адрес: г. Волгоград, ул. Туманяна, 38

 

Ростов-на-Дону, Россия

Церковь Иоанна Кронштадтского при РГУПС

Адрес: г. Ростов-на-Дону, площадь Народного ополчения.

По молитвам Святого праведного Иоанна Кронштадтского люди излечивались от тяжелейших болезней, к нему можно обращаться с любой нуждой и бедой. Икону можно подарить:

- русским людям для молитв о судьбе Отчизны, о тихом и безмятежном житие;

- злоупотребляющим алкоголем и их родственникам для просьб о молитвенной помощи и избавлении от этой пагубной страсти;

- жителям Санкт-Петербурга и Кронштадта для молитв о своих родных городах перед покровителем этих городов;

- мужчинам, носящим имя Иван.