8 апреля – Собор Архангела Гавриила
Святой Архангел Гавриил – вестник, который принес Богородице радостную весть от Господа о том, что она родит Спасителя всех нас, а праведному Захарию – новость о том, что у него будет сын – Иоанн Креститель.
Православная церковь отмечает день его памяти на следующий день после Благовещения (7 апреля).
МОЛИТВА ПЕРВАЯ
О, Святый Архангеле Божий Гаврииле! Присно предстояй престолу Всевышняго, прерадостный благовестниче и усердный споспешниче нашего спасения! Милостиво приими от нас недостойных тебе приносимое сие хвалебное пение. Исправи молитвы наша и, яко фимиам, на небесный алтарь кадильный вознеси их. Озари умы наша светом веры православныя, воспламени любовию сердца наша ко Христу Спасителю нашему, обрати и укрепи желания наша на спасительном пути Евангельских заповедей. Да в сем веце тихо и благочестно поживем во славу Божию, в будущем же не лишимся Царствия Небеснаго, егоже получити да сподобимся благодатию Христа Бога нашего, ходатайством Пречистыя Его Матери, и твоими многомощными молитвами, и да прославим с Тобою и прочими безплотными силами Небесными и всеми святыми Единого в Троице славимого Бога: Отца и Сына, и Святаго Духа ныне и присно, и во веки веков. Аминь.
МОЛИТВА ВТОРАЯ
Святый Архангеле Гаврииле, радость неизреченною с Небес Пречистой Деве принесший, исполни радостию и веселием сердце мое, гордостию преогорченное. О, великий Архангеле Божий Гаврииле, ты благовестил еси Пречистой Деве Марии зачатие Сына Божия. Возвести мне грешному страшный день смерти моея и умоли Господа Бога за грешную мою душу, да простит Господь грехи мои; и не удержат меня демоны на мытарствах за грехи мои. О великий Архангеле Гаврииле! Сохрани меня от всех бед и от тяжкой болезни, ныне и присно и во веки веков. Аминь.
Тропарь Архангела Гавриила
глас 4
Небесных воинств Архистратиже,/ молим тя присно мы, недостойнии,/ да твоими молитвами оградиши нас/ кровом крилу невещественныя твоея славы,/ сохраняя нас, припадающих прилежно и вопиющих:/ от бед избави нас,// яко чиноначальник Вышних сил.
Кондак Архангела Гавриила
глас 2
Архистратиже Божий,/ служителю Божественныя славы,/ Ангелов начальниче и человеков наставниче,/ полезное нам проси и велию милость,// яко Безплотных Архистратиг.
Кондак Архангела Гавриила
глас 8
Пресветлыя, и Честныя, и Вседетельныя,/ пренеисчетныя и страшныя Троицы/ Ты еси, Архистратиже, славный служителю и молитвенниче,/ ныне непрестанно моли/ избавитися нам от всяких бед и мук, да зовем ти:/ радуйся, покрове рабом твоим.
Церкви и храмы, посвященные Архангелу Гавриилу
- Храм-часовня Гавриила Архангела на Ходынском Поле.
- Церковь Гавриила Архангела ("Меншикова башня").
- Церковь Воздвижения Креста Господня на Чистом Вражке с приделом Архангела Гавриила.
- Собор Благовещения Пресвятой Богородицы в Кремле с приделом Архангела Гавриила.
