24 мая – День памяти святых равноапостольных первоучителей и просветителей Кирилла и Мефодия

Опубликовано: 24.05.2020

фото кирилл и мефодий фреска собора святой софии охридеКирилл и Мефодий родились в 9 веке, в Византии, были прекрасно образованы, говорили на нескольких языках. Являются создателями старославянской азбуки и языка.

Молитва святым поможет учащимся в освоении  знаний или подготовке к экзаменам, а также в просвещении ума любого христианина.

МОЛИТВА РАВНОАПОСТОЛЬНЫМ КИРИЛЛУ И МЕФОДИЮ

О преславнии просветителие словенских язык, святии равноапостольнии Мефодие и Кирилле, ваших письмен и учений светом просветившеся и в вере Христовой наставльшеся, яко чада ко отцем, усердно ныне прибегаем и сокрушением сердечным молимся: аще и завет ваших не соблюдохом, о угождении бо Богу небрегохом и от братняго единомыслия в вере отпадохом, обаче якоже древле в земном житии вашем, сице и ныне грешных и недостойных не отвратите тщи, но, яко имуще велие ко Господу дерзновение, прилежно Того молите, да обратит нас в путь спасения, да умирит раздоры единоверных, да приведет к единомыслию отпавших и всех нас духом любве да соединит Единей Святей, Соборней и Апостольстей Церкви! Вемы бо, яко много может молитва праведных по благосердию Владыки. Не оставите убо нас, унылых и недостойных, чад ваших, ихже ради грехов паства ваша, враждою разделяема и соблазнами инославных прельщаема, умалися, овцы же словесныя, разрываемы, восхищаются волки губительными. Подаждьте убо нам молитвами вашими ревность Православия, яко да отеческая преда­ния добре сохраним, каноны церковные верно соблюдем, всяких лжеучений странных отбежим и, тако в житии богоугодном преспевающе, жизни райския на Небеси сподобимся, идеже купно с вами прославим в Троице Единаго Бога во веки веков. Аминь.

Тропарь равноапостольных Мефодия и Кирилла

глас 4

Яко апостолом единонравнии/ и словенских стран учителие,/ Кирилле и Мефодие богомудрии,/ Владыку всех молите,/ вся языки словенския утвердити в Православии и единомыслии,// умирити мир и спасти души наша.

Кондак равноапостольных Мефодия и Кирилла

глас 3

Священную двоицу просветителей наших почтим,/ Божественных писаний преложением источник богопознания нам источивших,/ из негоже даже доднесь неоскудно почерпающе,/ ублажаем вас, Кирилле и Мефодие,/ Престолу Вышняго предстоящих// и тепле молящихся о душах наших.

Величание

Величаем вас,/ святии равноапостольнии Мефодие и Кирилле,/ вся словенския страны/ ученьми своими просветившия// и ко Христу приведшия.