Козельщанская икона Божией Матери в деревянной рамке 25,5 х 28,5 см

Тропарь Божией Матери пред иконой Ее Козельщанской

глас 4

Веселися, земле Полтавская/ и все Отечество наше православное,/ се бо яко светозарное солнце,/ явися предчудная икона Твоя, Преблагословенная Богомати,/ мир озаряющи множеством чудес Твоих,/ теми убо обретаем (яже на земли, вся благая и полезная,/ и сущих, яже на Небеси, сокровищ сподобляемся./ Сего ради вопием Ти:/ радуйся, Похвало наша приснопокланяемая,/ спаси ны, молящияся Тебе,/ единая Надеждо и Радование вечное поющих Тя.

Кондак Божией Матери пред иконой Ее Козельщанской

глас 3

Боголепно во смирении красуется обитель Красногорская,/ осеняемая и спасаемая предивным образом Владычицы Пречистыя,/ Небесе и земли Царицы Богородицы,/ от негоже источники благодати и чаша чудес обильно изливаются,/ и усердно притекающий исцеления верою приемлют,/ и невернии верою крепкою сердца исполняют/ и мы, раби Твои, Богомати, благодарне вопием Ти:/ радуйся, Предстательство христиан непостыдное и обители Твоей красото и радование.

Молитва первая

Богородице Дево Пренепорочная Мати Христа Бога нашего, Заступни­це всего рода христианскаго! Чудо­творней иконе Твоей благоговейно предстояще, молим Тя, услыши нас, молящихся Тебе: приими благодаре­ния наша недостойная о всех неизре­ченных Твоих к нам благодеяниих, в месте сем и во многих весях и градех земли Российския явленных и явля­емых; Ты бо еси больных исцеление, скорбящих утешение, заблуждших ис­правление и вразумление. Буди всем нам покров и утешение, пристанище от всяких зол, бед и обстояний, от глада, труса, потопа, огня, меча, на­шествия иноплеменник, смертоносныя язвы и от злых человек озлобле­ния. О Премилосердая Мати, буди присно молитвенница любвеобильная о благостоянии святаго храма сего, о мире и тишине жительства общины сея, укрепи и поддержи священнодействующия и служащия во святем хра­ме сем. Осени вседержавным покро­вом Твоим строители и благотвори­тели святыя обители сея, воздаждь им вечными дары щедрот Твоих, за­ступи от всякия напасти и сохрани с верою и благоговением притекающия к чудотворной иконе Твоей и молящияся Тебе с любовию зде и на всяком месте. Вознеси молитвы наша, яко кадило благовонное, ко Престолу Всевышняго, дарующаго нам здравие, долгоденствие и в трудех благочести­вых поспешение, да Твоим окормлением управляеми, и покровом Твоим осеняеми, прославим Отца, Сына и Святаго Духа и Твое Матернее о нас заступление, всегда, ныне и присно и во веки веков. Аминь.

Молитва вторая

О Пресвятая Дево Владычице Богородице, добропослушная Божественному Слову, Мати Пречистая от всех родов избранная, на небеси и на земли ублажаемая, приими и сие благодарение на­ше и всеблагоговейное поклонение чудотворней иконе Твоей юже яко многоцелебный источник Твоея благодати благоизволила еси явити стране нашей православней и святей обители сей. Архангельский глас вопием Ти; Чистая, — Обрадованная, радуйся, с Тобою Господь и Тобою с нами! Предстательством Твоим и заступлением. На Небеси у Престола Всеблагаго Бога никтоже да изыдет отсюда упования своего тощ и неуслышан. О, Пречудная и высшая всех тварей небесных и земных Богомати Дево, благодарне поминая преславная чудеса от святаго образа Твоего дарованная, молим Тя, Всеблагая, не лиши от него и нас дивнаго знамения во спасение наше. Помяни щед­роты Твоя древния, в судьбах Отечества нашего явленная, и да престанем вси от лукавств своих имиже прогневахом Тя в век сей мятежный удалением от любве еюже возлюби и возрасти нас Цер­ковь Святая. О, Премудрая небесная началоводительнице ко спасению инокинь обители именем Твоим нареченной юже избрала еси в достояние Свое на месте сем Тобою благословеннем, яви ю пристанище тихое всем скорбящим и обремененным и чающим блаженныя вечныя жизни. Греш­нии есмы, Пренепорочная Владычице, но Твои до века. Озари убо души наша светом Божественная благодати Твоея, покрый нас от всякаго зла, скор­би и печали: огради от всякия напасти, клеветы человеческия и навета вражия; немощным и болящим здравие даруй; кающихся грешников прости и от плена страстей свободи; отступившия от право-славныя веры и погибельными ересьми ослепленныя светом богопознания просвети и святей Апостольстей Церкви причти. Молим Тя, умиленно, со­храни и помилуй пастырей Церкви Православныя и всех верных чад ея; утверди житие наше в мире; управи пути и советы наша в правде, во еже открытися в них Царству Христову: даруй нам кончину христианскую, безболезнену, непостыдну, мирну, Божественных Таин причастну, и Сама нам в час той предстани и спаси посреди мытарств воздуш­ных от мрака и скорби лютыя; в страшный же день Суда сподоби ны стати одесную Сына Твоего Хри­ста Бога нашего. Молим Тя, Дево Воспетая, призри благосердием Твоим на обитель сию и сохрани ю до века целу и неврежденну, да выну чистотою воз­вышается и славится в ней величество Единосущныя Троицы и Твое препетое и преблагословенное имя во веки. Аминь.

Акафист Пресвятой Богородице в честь иконы Ея «Козельщанская»

Кондак 1

Избранней Владычице и Заступнице рода христианскаго, знамениями чудес дивных от святыя Своея иконы в стране нашей возсиявшей, благодарственная и умиленная пения немолчно приносяще, яко Матери Господней, в печалех на­ших и болезнех вопием: радуйся, скорая Утеши­тельнице и Целительнице, любовь Свою и мило­сердие нам являющая.

Икос 1

Архангели и Ангели, Херувими и Серафими и вся Небесныя Силы, зряще Тя на небеси и на земли, яко неисчерпаемый источник благодатных исцелений, непрестанно славят Тя, Присноблаженная Богородице: мы же, грешнии на земли, поминающе дивное знамение милости Твоея, еже в сия последняя времена явила еси в цельбоносней иконе, наследии предков дражайшем, от лет древних из рода в род преходящей ублажаем Тя сице: Радуйся, Небесная Царице, Честнейшая Херу­вим и Славнейшая без сравнения Серафим. Радуй­ся, от всех родов на земли похвалами ублажаемая. Радуйся, одесную Сына Твоего и Бога предстоя­щая. Радуйся, ко Господу Спасу всех нас приводя­щая. Радуйся, яко в видимом образе Твоем невиди­мую силу благодати обретаем. Радуйся, яко на Твое предстательство все упование наше возлага­ем. Радуйся, скорая Утешительнице и Целитель­нице, любовь Свою и милосердие нам являющая.

Кондак 2

Видящи Тя, Благосердая Мати, в пречудней иконе Твоей, якоже сущую с нами, стражду­щая в неисцельном недузе девица Мариа, со сле­зами и верою объят икону Твою, лобызающи ю и чающи от Тебе великия милости. Темже исцеле­ние улучивши, абие велегласно возопи к Богу: Аллилуиа.

Икос 2

Разум богопросвещен имуще родители исцелевшей всем людем проповедаша о чудеси явленном от святыя иконы сея, да вси притекают к ней с верою и приемлюще скорая исцеления, прославят Тя взывающе: Радуйся, Мати Божия, прошения болящих приемлющая. Радуйся, Мати милосердия, от очес слезы страждущим отирающая. Радуйся, Всеми­лостивая, спасение людем от Спаса являющая. Радуйся, Всещедрая, Своими щедротами нас ода­ряющая. Радуйся, яко Тобою душам нашим утешение обретаем. Радуйся, яко во успении Твоем залог безсмертия уразумеваем. Радуйся, скорая Утешительнице и Целительнице, любовь Свою и милосердие нам являющая.

Кондак 3

Силою Духа Божия водима Мариа исцеление улучивши, с радостию велиею взят святую икону родную и во град Москву ко отцу и врачем тую принесе во свидетельство им, да не сокрыт будет новоявленный источник благодатных исцелений. Множество же народа, уведевше, к предивней иконе с верою прихождаху и исцеление неду­гов своих неисцельных приимаху, благодарно взывающе ко Господу Сил: Аллилуиа.

Икос 3

Имущи вседрагую икону Твою, Владычице, яко дар благодатный, радости исполнися обитель Козельщанская, на горнем месте молитвою, потом, скорбьми и слезами созданная: зрящи бо на руцех Твоих Богомладенца, Крест Всечестный в деснице Своей воздвизающа, чашу же и лжицу близ того предлежащу, с трепетом лобызает святыню Твою, взывающи согласно: Радуйся, Одигитрие, ко обителем Горним путь открывающая. Радуйся, святую обитель нашу в жилище Себе на земли устроившая. Радуйся, Крест Сына Своего, яко оружие острое в сердце Твое восприявшая. Радуйся, всем на земли Крест Христов на ся вземшим понести облегчающая. Радуйся, иночеству, обитель Твою возлюбивше­му, смысл добраго жития даровавшая. Радуйся, чашу терпения и во гладе питание ему благосердно навеки принесшая. Радуйся, скорая Утеши­тельнице и Целительнице, любовь Свою и мило­сердие нам являющая.

Кондак 4

Буря велия иногда укротися сему образу Тво­ему, шествующу по Русскому морю ко Отечеству нашему и вси воини христолюбивии благодатно от потопления спасошася. Темже и мы, сицеваго явления поминание творяще, в бури жи­тия нашего руку помощи сею иконою Твоею получити тщимся, Сыну же Твоему и Богу вопияти дерзаем: Аллилуиа.

Икос 4

Слышим множество чудес от иконы Твоея яв­ляемых, яко и вси концы земли ко Твоему Покрову, не токмо вернии, но и чуждии вере пра­вославной со страхом и упованием к Тебе, Бого­родице, руце свои простирают и, припадающе ко Твоему благосердию, славословия Ти сицевая возсылают: Радуйся, ума нашего просвещение. Радуйся, сердца нашего умиление. Радуйся, веру крепкую в нас утверждающая. Радуйся, на спасения стези заблуждших обращающая. Радуйся, в покаянии грешных ободряющая. Радуйся, и самых отчаян­ных надеждою спасения увеселяющая. Радуйся, скорая Утешительнице и Целительнице, любовь Свою и милосердие нам являющая.

Кондак 5

Богом прославленную икону Твою, яко живоносный источник святыни почитающе прибегаем к Тебе во храм Твой благолепный, во сла­ву Твою, Премилосердая Мати, созданный: приими зде, якоже кадило благовонное, прошения всех нас, да благодарне воспоем благодеющему Тобою Богу: Аллилуиа.

Икос 5

Видевше неоскудное чудес излияние, от иконы Твоея являемое, православнии люди потщашася дарми послужити Тебе, Преблагосло-венная, и вместо кущи малыя, в нейже первее икона Твоя водворися, честный храм Тебе от древес сложиша, последи же и сей дом, Небеси подобный, Тебе воздвигоша: таковому усердию людей Твоих, веру неослабную к Тебе имущих радующеся непрестанно глаголати Тебе дерзаем: Радуйся, страну Полтавскую светом веры озарившая. Радуйся, явлением чудес от святыя Твоея иконы всех увеселившая. Радуйся, Горо благодати небесныя, на горнем месте обитель Твою утвердившая. Радуйся, Кивоте святыни небесныя, во храме созданном жилище Себе восприявшая. Радуйся, Божественная Трапезо и Стамно Златая, небесною манною всех напитавшая. Радуйся, Лествице высокая, путь земным к Небеси пока­завшая. Радуйся, скорая Утешительнице и Целительнице, любовь Свою и милосердие нам явля­ющая.

Кондак 6

Проповедует мир весь величие Твое, Богомати, славит Тя наипаче же страна Российская немолчно; ликует обитель святая Твоя, святите­лей лик воспевает Тя присно, монаси и мирстии к иконе Твоей припадают; хор земнородных соглас­но взывают: незабуди всех нас, Всепетая Дево, мир мирови даруй и в скорбех обрадуй, всем радость пошли и воплю вонми; да воззовем вси с небожительми купно Небесному Богу: Аллилуиа.

Икос 6

Возсия яко свет от небес обитель Твоя, Приснодево Владычице Чистая; коликое множество предивных чудес являеши Ты: се отрок недвижим дыханием веры жизнь прояви; тамо слепец Иоанн не преста вопияти: даруй ми, Мати моя, да очима прозрю; и свет от Тебе слепоту его озари. Притека­ем убо и мы к чудотворней иконе Твоей, вопия: Радуйся, твердая и необоримая наша Заступни­це. Радуйся, рода христианскаго всемощная Защит­нице. Радуйся, градов и весей Покров и Огражде­ние. Радуйся, обителей святых Благословение и Утверждение. Радуйся, яко пред святою иконою Твоею знамения чудес созерцаем. Радуйся, яко на Твое предстательство все упование свое возлагаем. Радуйся, скорая Утешительнице и Целительнице, любовь Свою и милосердие нам являющая.

Кондак 7

Хотящим врагом обитель Твою утеснити ино­кинь стадо о Христе любовию собранное, враждой поразити, скоро познаша сии Твое за-ступление, стеной необоримой Твоей обстоими, и мы с верою взираем в грядущую даль веков и вре­мен благодарно вопия Спасителю Богу: Аллилуиа.

Икос 7

Дивно и доныне прославляется святая икона Твоя, Владычице, знамениями исцелений от нея являемым. Ты бо, Пречистая, бесныя исцеля­ет и, хромым даруеши хождение, слепым прозре­ние, расслабленным крепость и силу и всяк недуг в людех по вере врачуеши. И мы, видяще чудеса сия и стекшеся в храм Твой благолепием чистым сияющий молим Тя неотступно: Радуйся, всем призывающим Тя скоро готовая помощь. Радуйся, преславней обители Твоей, всем страждущим и скорбящим светлая Радость. Радуйся, яко в иконе Твоей чудотворящей залог милости вечныя обретаем. Радуйся, яко Твоею благодеющей силой в житии своем путь к Небеси улучаем. Ра­дуйся, всех немощных духом и телом врачевство верное. Радуйся, всех скорбящих и обремененных облегчение всеблагое. Радуйся, скорая Утешитель­нице и Целительнице, любовь Свою и милосердие нам являющая.

Кондак 8

Странное и преславное видим таинство, яко дивная ужасное явила еси во обители Твоей о неисчерпаемая в чудесех Своих благостыня! Егда воутрие предпразднества Твоего Вхождения во храм Господень приведоша сестры инокиню Пара­скеву, зело разслабленну ко Твоему Пречистому Образу: и сию укрепила еси во мгновении ока, да­ровав ей силу и движение омертвелому составу ея телесе: и сподобися та за Божественной службой Святых Таин Причастиа. Последи же исходя, вос­пет со множеством людей, бывших во храме, хвалу Богу: Аллилуиа.

Икос 8

Всяк земнородный да взыграется Духом просвещаемь и освящаемь от цельбоносныя святыни Твоея. Радосте наша и Похвало да не умолчит никогда силы Твоя глаголати, аще и не­достоин есть, пред величеством славы Твоея; сего ради и мы преславная глаголем о Тебе, Неизглаголанная Тайно; приими сицевая от нас, яко от глубин духа нашего возносимыя хвалы и благо­дарения: Радуйся, Хранительнице наша в настоящем ве­це. Радуйся, Предстательнице наша в будущем. Радуйся, жестокость и окаменение сердца нашего любовию Своею умягчающая. Радуйся, чистым и благим сердцем познавати Тя научающая. Радуй­ся, яко страсти наша Тобою побеждаем. Радуйся, яко жало греховное страстию Сына Твоего и Бога в себе умерщвляем. Радуйся, скорая Утешитель­нице и Целительнице, любовь Свою и милосердие нам являющая.

Кондак 9

Всякое естество человеческое удивися преславному чудеси, явленному исперва последи же и всем явленным и являемым зде и на всяцем месте от святыя иконы Твоея, Преблагословенная Матерь живота, всяку похвалу от земли превосходит небесная слава Твоя: не точию зем­ли нашея, но и иных стран любомудрие и врачевство преклоняются смиренне и честне пред вели­чеством непостижимыя тайны исцелений от Твоея силы источаемых. И мы грешнии в недузех и скорбех отягченнии, не вемы иныя на земли Заступницы, ни благия Утешительницы, токмо Тебе, о Богомати: ко Твоему благосердию припадая во умилении сердца за премногую милость к нам, недостойным, возсылаем Богу милующему и спасающему всех нас Тобою: Аллилуиа.

Икос 9

Витийство человеческое не возможет достойно воспети Тя, о Всепетая Мати, всему миру и стране нашей во святыни икон Твоих неис­числимая знамения и чудеса явльшую; мы же, просвещаемии, сиянием таковыя славы и богатством милостей Твоих недостоинству нашему, непрестанно тщимся хвалу Ти воздати молении сими: Радуйся, Царице Небесе и земли, Престолу Господню предстоящая. Радуйся, Заступнице вечная, Христа за ны умоляющая. Радуйся, Мати чадолю­бивая, всех охраняющая. Радуйся, заблуждших от пути истины к покаянию призывающая. Радуйся, Молебнице теплая, Судию всех умилостивляю­щая. Радуйся, вход во Обители Вечныя кающимся открывающая. Радуйся, скорая Утешительнице и Целительнице, любовь Свою и милосердие нам являющая.

Кондак 10

Спасти хотя избранную Богом страну и прибе­гающия к Тебе люди, дивно прославила еси, Богоматерь Пречистая, икону Твою Козельщан-скую промыслительными знаменьми милостей Твоих всебогатых. Аще бо не бы предстояла молящи о нас, кто бы ны избавил от толиких бед; кто бы сохранил ны до ныне свободны. Несть числа чудесем Твоим, Всеблагая. Не отступим, Влады­чице, от Тебе. Даруй ныне и присно всем нам зрети своя прегрешения, открый в нас источники слез, да омыем падение в бездны греховныя и по­знав Твоего милосердия неизследимую бездну, возстанем и поработаем поя к Небесам про-славльшему Тя Всемогущему Богу: Аллилуиа.

Икос 10

Стена еси крепкая обители Твоей якоже и все­му миру, ограждающи нас от врагов досажде­ния, верою и любовию чтущих Тя, честному обра­зу Твоему покланяющихся и приносящих тепле благодарения таковая: Радуйся, чистоты девства и целомудрия сердца ревнителей в любовь Своего сердца приемшая. Радуйся, печаль и обиду от мира в Небесную радость по вере преложшая. Радуйся, вдов и сирот заступление. Радуйся, домашних церквей охранение. Радуйся, сласти земныя презирати нас научающая. Радуйся, преходящия блага мира греховнаго нивочтоже вменяти побуждающая. Радуйся, скорая Утешительнице и Целительнице, любовь Спою и милосердие нам являющая.

Кондак 11

Пение архангельское умиленно приносим Ти, Богородице Дево: Радуйся, Благодатная Марие, Господь с Тобою, благословенна Ты в женах! — обаче и тако величия славы Твоея объяти не мним: высоте бо еси неудобовосходимая человеческому помыслу и глубино неудобозримая и ангельскому очеси; кий язык восхвалит Тя; кое слово возвели­чит познавая убо таковыя немощи наша — трепетно вопием Рожденному от Тебе Божественному Сло­ву: Аллилуиа.

Икос 11

Яко светоносная свеща явися святая икона Твоя, Владычице и Матерь Света. Свет бла­годати небесной всем излиявшая, пред Нею же мы благоговейно предстояще взываем Ти: избави грады и веси, домы и нивы наша от всякаго вреда и зла, да с благодарением непрестанно воспоем Ти: Радуйся, удары грома и молнии от нас отводя­щая. Радуйся, от сухости, града, червя и иныя па­губы вертограды и нивы наша спасающая. Радуй­ся, от огненнаго запаления и зловредных повет­рий нас орошающая. Радуйся, от глада и смерти напрасныя нас свобождающая. Радуйся, путь ше­ствующим по суше и морю вспоможение крепкое. Радуйся, язв душевредных и болезней телесных врачевание верное. Радуйся, скорая Утешитель­нице и Целительнице, любовь Свою и милосер­дие нам являющая.

Кондак 12

Благодать Твою свыше подаждь нам, Богоблагодатная Дево; до последних дней мира свя­тую обитель Твою сохрани; восхотевшим в ней жити путь добр к Небеси укажи; любовь и терпе­ние со страхом Господним стяжати в сердцах умудри, да со Ангелы и всеми святыми воспоют Превечному Богу: Аллилуиа.

Икос 12

Поем чудеса Твоя от святыя иконы пред всеми явленныя, величаем Подателя всяческих Бо­га, даровавшаго в ней толикое всем утешение: боля­щим исцеление, скорбящим радование, нищим по­мощь, окованным свободу, мятущимся духом упо­вание бодрое, слабым в вере укрепление твердое: — зрим начертание кроткаго Лика Твоего и объятаго любовию Твоею, Богомати, Богомладенца Христа: лобызаем священные символы страданий Его за грехи всего мира — Крест и Чашу Святую, — и покланяемся непостижным тайнам: от Тебе рождест­ва Непобедимой Силе Креста и Светозарнаго всем Воскресения, воспеваем Ти вечную славу: Радуйся, во славе приседящая Сыну Твоему па Престоле Небесном. Радуйся, прерадованная Мати Царева, мир христианский под вечный покров Своей любовию объявшая. Радуйся, уповающим на Тя конец живота непостыден дающая. Радуйся, безболезнену и мирну кончину верным Богу до смерти ниспосылающая. Радуйся, в мытарствех воздушных душе человечестей путь к Судии ука­зующая. Радуйся, взывающим к Тебе до конца живота красоту вечныя жизни яве являющая. Радуйся, скорая Утешительнице и Целительнице, любовь Свою и милосердие нам являющая.

Кондак 13

О, Всепетая Мати, Божественная славо и красото небесе и земли, неисчерпаемое чудес море, заступнице и Хранительнице рода христи­анского и святыя обители Твоея, приими недо­стойное сие, обаче благодарное от сокрушенного сердца возносимое к Тебе моление; яви нам до конца Матернее Твое милосердие: в скорби и на­пасти не остави нас сирых и в час смертный Твоим теплым предстательством причастники вечнаго блаженства сотвори, да памятуя выну Твоя дивная о нас заступления со всеми святыми не престанем воспевати Богу: Аллилуиа.

(Этот кондак читается трижды, затем икос 1 и кондак 1)

Украина, Козельщина

Рождество-Богородичный Козельщинский женский монастырь

http://kozelshchin-mon.church.ua

Здесь хранится оригинал Козельщанской иконы Божьей Матери.

Адрес: Украина, Полтавская область, Козельщанский район, пгт. Козельщина, Козельщанский монастырь
 

Финляндия, Хельсинки

Успенский собор (Хельсинки)

Адрес: Финляндия, Хельсинки, район Катаянокка, Pormestarinrinne 1

Хранится чудотворный список иконы Козельщанской иконы Божьей Матери, которая принадлежала Иоанну Кронштадтскому и была подарена болящей девочке.

Москва, Россия

Храм Тихвинской иконы Божией Матери в Алексеевском

http://tihvinskiy.ru/

Адрес: г. Москва, Проспект Мира, 130

Хранится чудотворный список Тихвинской иконы Божией Матери византийского письма, с которым облетели вокруг Москвы на самолете в 1941 году во время наступления немцев, вслед за чем начался их разгром.

Кроме того, в храме есть чудотворный образ Божией Матери «Прибавление ума», «Козельщанская», копия Гроба Господня и мощевик с частицами мощей.

История образа Козельщанской иконы Божьей Матери

Эта чудотворная икона привезена из Италии. Имена создателя и первой владелицы реликвии в истории не сохранились. Известно, что в России икона появилась во времена царствования Елизаветы Петровны. Одна из фрейлин императрицы была родом из Италии, она и привезла икону с собой из этой солнечной страны. Итальянка вышла замуж за казака Сиромаху, писаря войска Запорожского. Таким образом чудотворный портрет Божьей Матери попал в один из малороссийских городов. В XIX веке икона оказалась во владении Капнистов, известного дворянского рода и почиталась как семейная святыня. Родовое имение, в котором хранилась икона, находилось на территории Полтавской губернии, в селе Козельщине.

В 1880 году в семье В.И. Капниста случилась неприятность, которая стала настоящей бедой – на Сырной седмице дочь Мария почувствовала боль в ноге. Врач решил, что это обычный вывих и наложил гипсовую повязку. Улучшения не наступало. Через некоторое время Марию показали харьковскому доктору, серьёзной болезни он не обнаружил. Для девушки изготовили специальный башмак, который плотно обхватывал голень с помощью стальных пружин. Это тоже не помогло, а после Пасхи у Марии начала сильно болеть и вторая нога. Доктора советовали поехать на Кавказ, к минеральным источникам. Поездка состоялась, но принесла новые страдания – Мария почти перестала ходить самостоятельно, а неизвестная болезнь распространилась по всему телу. В октябре отец отвёз девушку в Москву, но столичные эскулапы ничего сделать не смогли и состояние Марии ухудшалось. У главы семейства осталась одна надежда – знаменитый доктор Шарко. В это время он находился в Париже, но должен был приехать в российскую столицу в конце зимы. В.И. Капнист отправил дочь домой, а сам остался в Москве. В конце февраля в столицу пришло известие о том, что профессор Шарко скоро вернётся в Россию. Капнист отправил телеграмму родным, чтобы Мария готовилась приехать в столицу. Девушка опасалась, что болезнь неизлечима и не питала особых надежд. 21 февраля мать сказала дочери, что завтра следует выезжать и попросила взять с собой икону Богородицы.

Издавна эта икона считалась чудотворной: девушки, почистив ризу Богоматери, молились с просьбой даровать им семейное счастье и обретали его. В этот раз Мария, с помощью своей матери (сама она уже не могла управлять своим телом), протёрла икону чистой тканью и стала истово молиться. Всю накопившуюся боль, отчаяние и все силы своей страдающей души вложила она в эту молитву. И чудо случилось – девушка вскрикнула: «Мама, я стала чувствовать ноги!» и стала срывать бинты и повязки. Мария исцелилась полностью в одно мгновение. После этого местный священник отслужил благодарственный молебен. Слух о чудесном исцелении разнёсся по всей России. Икону отвезли в Москву, где она хранилась в одной из церквей. Там тоже случилось несколько невероятных исцелений.

Возвратившись в Козельщину, В. И. Капнист принял решение пожертвовать икону Святой Церкви. 23 апреля икона была отнесена в часовню, а в 1882 году был построен храм. В 1891 при нём году был образован женский монастырь. В 1929 году монастырь закрыли. Верующие видели, как на глазах у Божьей Матери появились кровавые слёзы, но представители новой власти утверждали, что это просто отслоилась краска. Тех, кто был свидетелем чуда и не отказывался от своих слов, осудили и отправили в лагеря. В 1941 году монастырь был частично открыт, но через восемь лет его закрыли окончательно. Икону спрятали и бережно хранили монахини. В 1993 году образ вернулся в родную обитель.

Сейчас чудотворная Козельщанская икона Божьей Матери находится в Рождества-Богородичном Козельщанском женском монастыре на Полтавщине (Кременчугская епархия), где пред ликом Богородицы прихожане молятся с просьбой об исцелении от недугов, об облегчении жизненной участи, о счастливом замужестве и об утешении в скорбях и печалях.

Молятся перед иконой об исцелении душевных и телесных недугов, а также об устроении семейной жизни.

Икону можно подарить:

- православному человеку - на любой праздник;

- болящим, особенно с болезнями ног;

- девушкам для молитв об устройстве их судьбы;

- молодым на свадьбу или венчание в составе венчальной пары.