Казанская икона Божией Матери 36 х 40,5 см

Молитва Пресвятой Богородице в честь иконы Ея «Казанская»

О Пресвятая Госпоже Владычице Богородице! Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе, умоли милосердая Мати, Сына Твоего и Бога нашего, Господа Иисуса Христа, да сохранит мирну страну нашу, Церковь Свою Святую да незыблему соблюдет от неверия, ересей и раскола. Не имамы бо иныя помощи, не имамы иныя надежды, разве Тебе, Пречистая Дево: Ты еси Всесильная христиан Помощница и Заступница. Избави всех с верою Тебе молящихся от падений греховных, от навета злых человек, от всяких искушений, скорбей, бед и от напрасныя смерти: даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси благодарне воспевающе величия Твоя, сподобимся Небеснаго Царствия и тамо со всеми святыми прославим Пречестное и Великолепое Имя Отца и Сына и Святаго Духа. Аминь.

Тропарь, глас 4

Заступнице усердная, Мати Господа Вышняго, за всех молиши Сына Твоего, Христа Бога нашего, и всем твориши спастися, в державный Твой покров прибегающих. Всех нас заступи, о Госпоже Царице и Владычице, и же в напастех и скорбех и в болезнех, обремененных грехи многими, предстоящих и молящихся Тебе умиленною душею и сокрушенным сердцем пред пречистым Твоим образом со слезами, и невозвратно надежду имущих на Тя, избавления всех зол, всем полезная даруй и вся спаси, Богородице Дево: Ты бо еси Божественный покров рабом Твоим.

Кондак, глас 8

Притецем, людие, к тихому сему и доброму пристанищу, скорой Помощнице, готовому и теплому спасению, покрову Девы: ускорим на молитву и потщимся на покаяние: источает бо нам неоскудныя милости Пречистая Богородица, предваряет на помощь и избавляет от великих бед и зол благонравныя и богобоящияся рабы Своя.

Величание

Величаем Тя, Пресвятая Дево, Богоизбранная Отроковице, и чтем образ Твой святый, имже точиши исцеления всем с верою притекающим.

Акафист Пресвятой Богородице в честь иконы Ея «Казанская»

Кондак 1

Избранней от всех родов Заступнице рода христианскаго, покровом Своея благости покрывающей страну нашу православную, благодарственная пения приносим Ти, Богородице, о явлении чудныя Твоея иконы. Ты же, яко всемилостивая, всех притекающих к Тебе Помощнице, заступай нас во всех скорбех и нуждах, бедах и напастех, да зовем Ти: Радуйся, Заступнице усердная рода христианскаго.

Икос 1

Ангел предстатель послан бысть рещи Богородице "Радуйся", егда Бог Слово воплощашеся во утробе Ея: и мы, грешнии, прославляюще явление чудныя Ея иконы и Божественнаго Младенца Спаса Христа, со умилением вопием Благодатней: Радуйся, Богоизбранная Отроковице; радуйся, Мати Божия. Радуйся, Царице Небесе и земли; радуйся, светлое Церкве Небесныя и земныя украшение. Радуйся, Ангелы чтимая; радуйся, певаемая от Серафим. Радуйся, светлое пророческое сбытие; радуйся, апостолов похвало. Радуйся, мученическое исповедание; радуйся, преподобных венче. Радуйся, праведных веселие; радуйся, грешных упование. Радуйся, Заступнице усердная рода христианскаго.

Кондак 2

Видящи, Всенепорочная, с высоты Небеснаго жилища Своего, идеже с Сыном Твоим в славе пребываеши, скорбь рабов Твоих в новопросвещеннем граде, яко гневнаго ради Божия посещения вера Христова поругаема бывает агарянским зловерием, благоволила еси явити икону Свою, чудесы ю прославляющи, да утверждаемии знаменьми Твоея благодати, христолюбивии людие верно вопиют Богу: Аллилуиа.

Икос 2

Разумение трикратнаго явления Богоматере мудрая отроковица ищущи, тече ко властем, поведающи им дивное явление и грозное прещение: мы же дивящеся свыше данному отроковице вразумлению, благоговейно вопием к Преблагословенней: Радуйся, устнами чистыми хвалу Богови совершающая; радуйся, тайны благодати Божия верным открывающая. Радуйся, верных известная похвало; радуйся, молние, неверных устрашающая. Радуйся, славою чудес Твоих верных разум озаряющая; радуйся, агарянскаго зловерия обличение. Радуйся, гордыни их низложение; радуйся, веры христианския утверждение. Радуйся, почитания святых икон освящение; радуйся, скорбь нашу в радость претворяющая. Радуйся, несумненною надеждою нас увеселяющая. Радуйся, Заступнице усердная рода христианскаго.

Кондак 3

Сила Вышняго благодатию Богоматере умудри и укрепи отроковицу к исканию многоценнаго Божия дара, и та, с верою дерзающи о Господе, приступи к труду и, скрытое в земли обретши сокровище святыя иконы Богоматерни, радостно возопи к Богу: Аллилуиа.

Икос 3

Имеющи благоутробное промышление о новопросвещенных людех града Казани, от пречестныя Твоея иконы токи чудес источила еси, Владычице, слепым телесныма очима зрение подавающи, омраченных же душевно светом богопознания и благочестия озаряющи, девствующим под осенением Твоея иконы пристанище небурное дарующи. Сего ради зовем Ти: Радуйся, явлением иконы Твоея тьму лютых обстояний отгоняющая; радуйся, лучами чудес всех просвещающая. Радуйся, слепых прозрение; радуйся, омраченных смыслом просвещение. Радуйся, славо Православия; радуйся, тихое пристанище ищущих спасения. Радуйся, Мати целомудрия; радуйся, покрове и ограждение девства. Радуйся, Еюже ликовствует все множество верных; радуйся, Еяже ради рыдает демонское полчище. Радуйся, всех христиан вожделенная Помощнице; радуйся, всех скорбящих Радосте. Радуйся, Заступнице усердная рода христианскаго.

Кондак 4

Бурю смятений и крамолы врагами воздвигнутую в стране нашей утолити тщащься блаженный Ермоген, списатель чудес Твоея, Богомати, иконы, слезно пред нею моляшеся и, видев, яко воинству православному в щит и победное знамение Твоя икона даровася, верою укрепляемый до конца живота своего, вопияше Богу: Аллилуиа.

Икос 4

Слышавше православнии воини откровенную преподобным Сергием святителю Арсению тайну, яко предстательством Богоматере суд об Отечестве нашем преложен на милость, икону Богоматерню, яко знамя победное, приимше, исхитиша матерь градов русских из рук супостат и возопиша Заступнице христиан: Радуйся, Мати Бога Вышняго; радуйся, яко за всех молиши Сына Твоего, Христа Бога нашего. Радуйся, яко всем твориши спастися в державный Твой покров прибегающим; радуйся, Заступнице всех сущих в скорбех и болезнех. Радуйся, всем молящимся сокрушенным сердцем пред пречистым Твоим образом полезная дарующая; радуйся, избавление зол всем, невозвратно надежду имущим на Тя. Радуйся, тихое и доброе пристанище; радуйся, скорая Помощнице. Радуйся, готовый и теплый покрове спасения; радуйся, источающая нам неоскудныя милости. Радуйся, предваряющая на помощь; радуйся, избавляющая от всех бед. Радуйся, Заступнице усердная рода христианскаго.

Кондак 5

Боготечная звезда явися Твоя, Богомати, икона, всю страну Российскую обтекающая, лучами чудес Твоих осиявающая всех блуждающих по морю страстнаго жития, мрак печалей и мглу всяких недуг и скорбей прогоняющая и наставляющая на путь спасения с верою к Тебе притекающих и вопиющих к Богу: Аллилуиа.

Икос 5

Видев царь Петр, яко от святыя иконы Богоматерни благодатию Божиею содеваются многия чудеса, приемлют ю в путеводительницу воинству своему и в день брани на свеев в щит и покров, и победив до конца врага помощию Богоматере, тем камень совершенный во основание новаго царствующего града положи, икону же Твою чудную, яко освящение, яко щит и ограждение, в сердце града постави. Сего ради вопием Пречистей: Радуйся, жилище и доме Христа Бога нашего; радуйся, вместилище неизреченныя Его славы. Радуйся, граде одушевленный, присно царствующий; радуйся, палато преукрашенная. Радуйся, Радосте градов и весей; радуйся, непобедимое христиан в бедах хранилище и предградие, Радуйся, Церкве Православныя похвало; радуйся, Русской земли утверждение. Радуйся, христолюбиваго воинства Помощнице; радуйся, врагов одоление. Радуйся, от бед избавление; радуйся, Матерними Твоими щедротами всех посещающая. Радуйся, Заступнице усердная рода христианскаго.

Кондак 6

Предстояще пред пречистым Твоим образом архиереев сословие и вси людие, монаси и мирстии, проповедуют, Госпоже Богородительнице, великия Твоя милости, яко грады ограждаеши, обители покрываеши, веси защищаеши, и, ведуще Тя воистинну Помощницу сильну и непобедиму, со слезами приносят Ти молитвы, да простреши к Сыну Твоему Богоносныя руки за люди Твоя, во еже избавити нас от всех бед и напастей, да благодарне вопием Богу: Аллилуиа.

Икос 6

Возсиявши просвещение истинное и отгнавши древле лесть агарянскую во новопросвещенней стране Казанской, ныне во всех градех российских светиши светом чудес и милостей: притекающии бо с верою ко Твоей иконе цельбоносней скорбей избавление, недугов исцеление и радости всякия исполнения приемлют, вопиюще Тебе усердно: Радуйся, неистощимый источниче святыни; радуйся, многотекущая реко Божественныя благодати. Радуйся, грешных с Богом примирение; радуйся, грехов наших очищение. Радуйся, благочестия Наставнице; радуйся, в добрых делех утверждение и помоще. Радуйся, добрыя обеты приемлющая; радуйся благим намерениям способствующая. Радуйся, злыя начинания разрушающая; радуйся, вражия козни расторгающая. Радуйся, скорая человеком Помощнице; радуйся, милость сугубо нам подающая. Радуйся, Заступнице усердная рода христианскаго.

Кондак 7

Хотящу народу православному исповедати милости Преблагословенныя Царицы Неба и земли и по силе благодарственная принести о избавлении его от нашествия иноплеменных, дивному храму, созданному в честь пречудныя иконы, победная в дар принесе, да вси памятующе милость Богоматере, спасшия град сей и страну, выну воспевают Богу благодарными усты: Аллилуиа.

Икос 7

Стольному граду России святая икона Твоя, Богомати, воистинну явися благая Одигитрия, якоже древле Цареграду: к Тебе бо прибегают людие, помощи Твоея на начало пути и дел своих просяще и благодарственная приносяще моления пред пречистою иконою Твоею за избавление от скорбей и напастей, Тебе Помощницу и Заступницу крепкую ведают. Темже благодарственно вопием Ти: Радуйся, Российския страны покрове; радуйся, Православия в ней ограждение и утверждение. Радуйся, несокрушимый щите воинов наших; радуйся, броне их неуязвимая. Радуйся, козни врагов обличающая; радуйся яко паучину их растерзающая. Радуйся, нечестия обличение; радуйся, крамолы разрушение. Радуйся, юных от заблуждений исправление; радуйся, старцев утешение. Радуйся, душевредных учений низложение; радуйся, душеполезных знаний дарование. Радуйся, Заступнице усердная рода христианскаго.

Кондак 8

Странно и сумнительно неверующим слышати, как от иконы Твоея токи благодати истекают, воня животная благоухает: мы же, верующе слову, реченному Тобою, Владычице, к первописанней иконе: "С тобою Моя благодать и сила", уповаем, яко и с сею иконою благодать Твоя выну: темже благоговейно предстояще лобызаем ю, покланяемся ей, яко Тебе Самей сущей, честь бо иконы на первообразное восходит, и Твоя благодать сею иконою знамения и чудеса содевает всем с верою притекающим к Тебе и вопиющим Богу: Аллилуиа.

Икос 8

Вся бывши горе, к Небесным взята, и земных не оставляеши, Богомати, священным Твоим предстательством: имаши бо Матернее дерзновение ко Христу Богу нашему. Темже утверди в мире глубоце православных житие и вся полезная всегда даруй рабом Твоим, да величающе воспеваем Ти: Радуйся, Невместимаго вместилище; радуйся, осененная силою Вышняго. Радуйся, прозябшая Клас Небесный; радуйся, мир весь душепагубнаго глада избавльшая. Радуйся, выну ходатайствующая за род наш; радуйся, яко много может молитва Твоя пред Сыном Твоим и Богом. Радуйся, всех нас при Кресте Сына Твоего усыновившая; радуйся, всегда Матернюю любовь к нам являющая. Радуйся, Ходатаице вечных благ; радуйся, и во временней жизни полезная нам подающая. Радуйся, известное прибежище наше во всех скорбных обстояниях; радуйся, несомненное утешение в печалех. Радуйся, Заступнице усердная рода христианскаго.

Кондак 9

Всякого естества ангельскаго превысшая явилася еси, Пресвятая Дево: Бога бо зачала еси плотию, Невместимаго всеми вместила еси во утробе Твоей, на руках носила еси Носящаго весь мир дланию: темже, яко честнейшую Херувим и славнейшую без сравнения Серафим величающе Тя, вопием о Тебе Богу: Аллилуиа.

Икос 9

Ветия многовещанныя, яко рыбы безгласныя, видим о Тебе, Богородице: недоумеет бо всяк язык благохвалити Тя по достоянию, изумевает ум пети Тя, Богородице; обаче Благая сущи, приими и от нас архангельский глас, Тебе вопиющих: Радуйся, Благодатная; радуйся, яко Господь с Тобою. Радуйся, Благословенная в женах; радуйся, обретшая благодать у Бога. Радуйся, родившая Спасителя миру; радуйся, Мати Сына Божия. Радуйся, Родительнице Вечнаго Царя; радуйся, израстившая нам плод живота. Радуйся, освященная Духом Святым; радуйся, осененная силою Всевышняго. Радуйся, верная рабо Господня; радуйся, яко Тя блажат вси роди. Радуйся, Заступнице усердная рода христианскаго.

Кондак 10

Спасти хотящи многия от находящих зол, скорбей и болезней, чудную икону Твою, Богомати, даровала еси, еяже ради слепии прозирают, хромии ходят, разслабленнии возстают, беснующиися исцеляются, земли плодоносие подается, людие от смертоносныя язвы избавляются, грады и домы от огня спасаются: темже прославляюще Бога, дающаго нам таковыя милости, вопием Ему усердно: Аллилуиа.

Икос 10

Стена еси, Богородице, стране Российстей, градом ограждение и слава, православному воинству на враги укрепление. Темже, благодаряще Тя, вопием: Радуйся, прославляющих Тя прославляющая; радуйся, не чтущих Тя посрамляющая. Радуйся, врагов устрашение; радуйся, от нашествия иноплеменных избавление. Радуйся, воинов крепосте; радуйся, в дни брани забрало и ограждение. Радуйся, в дни мира живоносный саде, увеселяющий сердца верных; радуйся, оружие, егоже трепещут демони. Радуйся, спасительный елей, умащающий греховныя раны кающихся; радуйся, теплое наше упование. Радуйся, несумненная наша надеждо; радуйся, тихое и доброе пристанище. Радуйся, Заступнице усердная рода христианскаго.

Кондак 11

Пение хвалебное и благодарственное приносят Тебе, Владычице, припадающе ко иконе Твоей и любезно лобызающе ю, дев лицы, под державным покровом Твоим тихое и мирное иноческое житие провождающии, и возложивше на Тя все упование, радостно вопиют Богу: Аллилуиа.

Икос 11

Яко светоприемную свещу, зрим Твою честную икону, Пресвятая Владычице: та бо невещественный огнь благодати Твоея восприемши, и в подобиих ея новы возжигает светильники, причастны тояжде силы благодатныя, и озаряет чудесы, наставляющи на путь спасения всех вопиющих Ти сице: Радуйся, Невесто неневестная; радуйся, Богоизбранная Отроковице, Мати Дево. Радуйся, добрая Наставнице непорочнаго девства; радуйся, Хранительнице ревнующих о чистоте. Радуйся, жен похвало; радуйся, дев величание. Радуйся, вдов заступление; радуйся, сирот призрение. Радуйся, нищих Питательнице; радуйся, нагих одеяние. Радуйся, печальных утешение; радуйся, скорбящих веселие. Радуйся, Заступнице усердная рода христианскаго.

Кондак 12

Благодать дати восхотевши почитающим Тя с любовию, Богородительнице, присущую Ти силу благодатную оставила еси во святых Твоих иконах, ибо Божественная благодать, спребывающи тем (иконам), знамения и чудеса выну содевает и душевных и телесных недуг исцеление всем с верою приходящим подает Твоими Богоматерними непрестанными к Богу молитвами о вопиющих Ему: Аллилуиа.

Икос 12

Поюще Твоя чудеса, бывшая в древняя и настоящая времена, хвалим Тя, яко Живоносный Источник благодати, яко неистощимую реку чудес, яко бездну милости и щедрот, и все упование по Бозе возлагающе на Тя и в сей и в будущей жизни, прославляюще Тя, вопием: Радуйся, христиан непостыдное упование; радуйся, верных спасительное прибежище. Радуйся, ненадежных надеяние; радуйся, отчаянных спасение. Радуйся, бане, омывающая совесть; радуйся, росо, оживляющая души. Радуйся, болезней врачевство скорое и безмездное; радуйся, от всех бед быстрое избавление. Радуйся, Утешительнице во всякой скорби; радуйся, из глубины погибели спасающая. Радуйся, отрадо в день смерти; радуйся, единая надеждо и по смерти. Радуйся, Заступнице усердная рода христианскаго.

Кондак 13

О Всепетая Мати, рождшая всех святых Святейшее Слово, приими ныне малое сие моление и, величия ради благости Твоея и бездны щедрот Твоих, не помяни множества грехов наших, но исполни во благих прошения наша, подавающи телу здравие, души спасение, избавляющи от всякия нужды и печали и Царствия Небеснаго наследники сотворяющи всех верно вопиющих Богу: Аллилуиа.

(Этот кондак читается трижды, затем 1-й икос "Ангел предстатель..." и 1-й кондак "Избранней от всех..." ).

Храмов, посвященных Казанской иконе Божьей Матери, большое количество: около 1700. Полный список можно найти здесь: http://sobory.ru/mapsearch/?altar=167 Наверное, очень редко можно встретить православный храм без этой иконы. Ниже мы приведем список наиболее известных храмов, посвященных Казанской иконе Божьей Матери, либо храмов, в которых хранятся известные списки с этого образа. 

Москва, Россия

Богоявленский собор в Елохове

http://www.elohovosobor.ru

Здесь хранится особо чтимый список Казанской иконы Богоматери, прежде находившийся в Казанском соборе на Красной площади, который был разрушен в 1936 году. Именно перед этим списком молилось ополчение, собранное Мининым и Пожарским на борьбу с польскими захватчиками.

Адрес: г. Москва, ул. Спартаковская, 15.

Собор Казанской иконы Божией Матери

http://kazanski-sobor.ru

Адрес: г. Москва, ул. Никольская, д. 3 (Красная площадь)

Санкт-Петербург, Россия

Казанский кафедральный собор

http://kazansky-spb.ru

Адрес: г. Санкт-Петербург, Казанская площадь, д. 2

Хранится известный список Казанской иконы Божьей матери конца 17 – начала 18 века.

История образа иконы Казанской Божьей Матери

История чудотворной Казанской иконы – это история её прообразов, в разное время являвших чудеса и ограждавших Россию от врагов. Обретение лика Казанской Пресвятой Богородицы состоялось 8 июля (21 июля по новому летоисчислению) 1579 года, после того как во сне дочке казанского стрельца Онучина Матрёне было видение. Божья Матерь просила девочку сообщить властям и священнику о Её иконе, находящейся на пепелище их дома и спрятанной под печкой. Сначала родители, а потом священники не поверили ребёнку. А когда сон с явлением Богородицы трижды повторился, и Пресвятая Дева предупредила девочку о гибели в случае, если никто не захочет искать икону, Матрёна сама нашла и раскопала образ Богоматери в указанном месте. Крестным ходом святыня была перенесена в церковь Николы Тульского, а по отправлении молебна – в Благовещенский собор. Во время хода и службы икона Богородицы впервые явила свои чудеса: прозрели двое слепых. Все эти события описал Казанский митрополит Ермоген (бывший священник Никольской церкви и будущий патриарх Московский). Архиепископ с воеводами заказали список с найденного образа и отправили Ивану Грозному. Царь повелел построить на месте обретения лика Богородицкий женский монастырь, настоятельницей которого после пострига со временем стала Матрёна. Здесь до 1904 года и хранилась икона Казанской Божьей Матери.

В истории Русской Православной Церкви, кроме исцелений и других милостей, известны случаи Её своевременной помощи защитникам Отечества в решающие моменты сражений с врагами. Среди множества существующих списков наиболее чтимы так называемые московский и санкт-Петербуржский.

Влияние московского списка Казанской иконы на ход исторических событий впервые проявилось во времена Смуты, когда русский престол оказался под угрозой перехода в руки поляков. Патриарх Московский и всея Руси Ермоген, находясь под стражей в Чудовом монастыре во время захвата Москвы врагами, сумел отправить послание в Нижний Новгород, чтобы поднять ополчение против польских самозванцев. Восстание возглавили купец Минин и князь Пожарский. Казанские дружинники, присоединившиеся к нижегородцам, принесли с собой список иконы Казанской Богоматери и вручили Пожарскому. В это время в Кремле пребывал архиепископ Арсений, приехавший из Греции. Во сне к нему явился Сергий Радонежский и сказал, что предстательством Богородицы восставших ожидает победа. 22 октября (4 ноября по новому стилю) 1612 года был взят Китай-город, а 25-го осаждающие вошли в Кремль, неся впереди чудотворную икону. В память этой победы над поляками был установлен в Москве праздник почитания иконы Казанской Божьей Матери. С 1649 года по приказу царя Алексея Михайловича этот праздник, вместе с 8 июля – обретением иконы, совершают по всей России, а икона Казанской Божьей Матери считается покровительницей дома Романовых.

После освобождения Москвы от поляков князь Дмитрий Пожарский поместил икону в свою приходскую церковь Введения в храм Пресвятой Богородицы, что в Москве на Лубянке. Позже князь построил на свои средства на Красной площади Казанский собор и в 1636 году собственноручно перенес туда святыню. В 1936 году собор был разрушен, и список иконы Казанской Божьей Матери хранился в московском Богоявленском Патриаршем соборе. С 1993 года после восстановления Казанского собора святой образ снова находится здесь.

Второй, санкт-Петербургский список Казанской иконы, – это тот самый, который был подарен Ивану Грозному. В 1721 году святыня была перенесена Петром Первым из Москвы в новую столицу Санкт-Петербург и расположена в церкви на Васильевском острове. Затем отдана в Александро-Невскую лавру. В 1737-ом икону поставили в деревянный храм Рождества Богородицы. При Александре Первом в 1811 году был сооружён Казанский собор. В день его освящения сюда перенесли образ Казанской Божьей Матери. В 1812 году главнокомандующий российской армией Михаил Кутузов молился перед святым ликом, когда уезжал в действующую армию. Накануне Бородинской битвы его благословили чудотворной иконой Казанской Богоматери. Прах великого полководца, под предводительством которого одержана победа над Наполеоновскими войсками, покоится в Казанском соборе.

В блокадном Ленинграде во время Великой Отечественной войны священники с прихожанами совершили крестный ход с иконой Казанской Богоматери, и это помогло ленинградцам выстоять в сложное время.

С 19 века точно не было известно, где находится явленная икона Казанской Божьей матери. Хотя считалось, что она хранится в месте обретения, Богородицком монастыре. 29 июня 1904 года святой образ был похищен из монастыря вместе с ликом Спасителя молодым крестьянином и, с его слов, уничтожен, а дорогой оклад продан. Так как показания похитителя не раз менялись, то возникли предположения, что святая икона была перепродана за большие деньги старообрядцам. По другой версии, вор украл не оригинал, а копию. Оригинал настоятельница монастыря (из-за нескольких попыток кражи святыни) на ночь прятала, заменяя его списком с иконы. Некоторые искусствоведы на основе изучения сохранившейся иконы не подтверждают эту версию.

Икона Казанской Божьей Матери особо почитается в православии, о чём свидетельствуют большее количество списков, чем с других образов Богоматери. Ярославская, Каплуновская,Тобольская, Вышенская – только самые известные из них. Например, перед святыней из с. Каплуновка Харьковской области молился Пётр Первый с войском накануне победоносной Полтавской битвы. Ярославская Казанская Богородица помогла отстоять город от врагов в 1609 году. Большинство списков святого лика было создано в 17 веке. Только одна Третьяковская галерея хранит иконы, написанные царскими иконописцами Оружейной палаты, Строгановскими мастерами, Прокопием Чириным.

Интересна история «Ватиканского» образа Казанской Божьей Матери. Святой лик попал в частную коллекцию писателя Фредерика Хеджеса в 1950 году. В 1993 году икона была подарена папе Иоанну Павлу II, а в 2004 году делегацией Ватикана доставлена в Москву и размещена в резиденции Патриарха Алексия II. В 2005 году Святейший передал икону Казанской епархии, и её поместили на место обретения в Крестовоздвиженский храм Казанского Богородицкого монастыря. Специальная комиссия установила, что икона является списком 18 века, сделанном московскими мастерами.

У православных дважды в год празднуется День иконы Казанской Божьей Матери: летний 21 июля и зимний 4 ноября. В России на государственном уровне с 2005 года 4 ноября отмечают День народного единства в память о спасении Москвы от польских захватчиков народными ополченцами под предводительством Минина и Пожарского.

Икона была обретена чудесным образом в 1579 году в Казани, отчего образ и получил название Казанской иконы Божьей Матери. Икона сразу же явила себя чудотворной: около нее исцелились двое слепых.

Казанская Икона Божьей Матери считается защитницей России перед иноплеменными захватчиками, перед ней молились и цари, и императоры, и воины для избавления нашей страны от иноплеменных захватчиков. Этот образ используется для благословления молодых перед венчанием или свадьбой в составе «венчальный пары», совместно с иконой «Господь Вседержитель». Перед иконой молятся о любой нужде православного христианина.

Икону можно подарить:

- любому православному человеку на любой праздник;

- на новоселье;

- родителям для иконостаса в детской;

- молодым на свадьбу или венчание.