Икона святой мученицы Веры Римской в деревянной рамке 18,5 х 29 см
Наведите для увеличения

Икона святой мученицы Веры Римской в деревянной рамке 18,5 х 29 см

Артикул. СВР-01 В наличии
Количество:   
9000 руб.
Вид иконы: Именные иконы
Формат: 18,5х29см
Материал: дерево (ясень), медь, золочение, серебрение
Бесплатная доставка по России

Образ святой мученицы Веры Римской сделан из меди и покрыт серебром и золотом методом гальванопластики. Рамка и основание выполнены из дерева (ясень) и покрыты лаком, фон сделан из темно-синего бархата.

День памяти: 30 сентября по новому стилю

Святая мученица Вера Римская жила во втором веке н.э., была старшей дочерью благочестивой вдовы Софии, которая воспитывала троих малолетних дочерей в христианской вере. Царствовавший император Адриан потребовал отречься всей семьей от веры, угрожая убить Софию и ее дочерей, но она отказалась. Жестоко пытая, император Адриан убил всех дочерей, а затем смерть приняла и мать их София, явив пример нечеловеческой стойкости и веры.

Информация об иконе Икона святой мученицы Веры Римской в деревянной рамке 18,5 х 29 см

Молитвы святой мученице Вере

МОЛИТВА ПЕРВАЯ

О святыя и достохвальныя мученицы Веро, Надеждо и Любы, и доблестных дщерей мудрая мати Софие! К вам ныне со усердною молитвою притекаем. Что бо паче возможет предстательствовати за ны пред Господем, аще не вера, надежда и любы, три сия добродетели пребывающия, во ихже образ нареченныя, самою вещию оныя явисте? Умолите убо Господа, да в скорбех и напастех неизреченною благодатию Своею покрыет ны, и сохранит, и Того славу, яко солнце незаходимое, зрети да сподобит. Споспешествуйте нам во смиренных молениих наших, да простит Господь Бог грехи и беззакония наша, и да помилует нас грешных, и щедрот Своих да сподобит нас Христос Бог, Емуже славу возсылаем, со Безначальным Его Отцем, и Пресвятым и Благим и Животворящим Его Духом, ныне и присно и во веки веков. Аминь.

МОЛИТВА ВТОРАЯ

Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей.

Тропарь к святой мученице Вере

Кондак, глас 1

Софии честныя священнейшия ветви, Вера и Надежда и Любовь показавшеся, мудрость обуиша еллинскую благодатию, и пострадавше, и победоносицы явившеся, венцем нетленным от всех Владыки Христа увязошася.

Тропарь мучениц Веры, Надежды, Любови и матери их Софии

глас 4

Торжествует Церковь первородных, / и свеселится приемля матерь о чадех веселящуюся, / яже яко мудрости тезоименитая / тройственным богословским добродетелем равночисленныя породи. / Тыя с мудрыми девами зрит уневестившияся Жениху Богу Слову, / с нею и мы духовне в памяти их свеселимся, глаголюще: / Троицы поборницы, / Веро, Любве и Надеждо, / в вере, любви и надежде утверждайте нас.

Акафист святым мученицам Вере, Надежде, Любови и матери их Софии

Кондак 1

Избранным рабам Господа Вседержителя, Вере, Надежде и Любви, и мудрей матери Софии, похвальная вам пения умиленно возносим. Вы же, яко дерзновение ко Христу Богу имуще, молитися за ны, во еже избавитися нам грехов и скорбей, да благодарственно вопием вам:

Радуйтеся, Веро, Надеждо и Любы, купно с Софиею, материю вашею премудрою.

Икос 1

Ангели на Небеси радовахуся, добродетельное житие ваше зряще, еже провождасте в чтении Писаний Божественных, в трудех, посте, молитве и милостыни, материю вашею непрестанно сущи поучаеми, да явитеся образи живии триех богословских добродетелей, ихже именами наречены бысте. Мы же, таковей мудрости матере вашея и совершенному благоразумию вашему дивящеся, благоговейно рцем вам:

Радуйтеся, единомысленныя сестры, трием добродетелем тезоименитыя; радуйтеся, в повиновении богомудрей матери вашей на степени совершенствования вшедшия.

Радуйтеся, аки три райския ветви, в зловернем Риме возрасшия; радуйся, Софие, дщерем твоим имена добродетелей нарекшая, яже вещию исполняти научила еси.

Радуйся, Веро, верою невидимое, яко видимое, зрети нам помогающая; радуйся, в нетление облеченная.

Радуйся, Надеждо, надеждою страдания наша во юдоли скорби ослабляющая и в горняя десницею указующая; радуйся, Царствие Небесное унаследовавшая.

Радуйся, Любы, любовию Божественною блаженство безсмертныя жизни нам открывающая; радуйся, благодатию Духа Святаго осиянная.

Радуйся, Софие, сиесть премудрость, премудре дщери твоя воспитавшая; радуйся, в добродетелех веры, надежды и любве нас утверждающая.

Радуйтеся, Веро, Надеждо и Любы, купно с Софиею, материю вашею премудрою.

Кондак 2

Видящи мудрая София слуги, пришедша звати ю со дщерьми ко царю Адриану, и познавши вину призвания своего, ста со чады своими на молитву, помощи Бога просящи: по молитве же, емшеся за руце, якоже венец уплетенный, идяху вкупе, поюще Христу Богу: Аллилуиа.

Икос 2

Разум несумненный имели есте, святыя, егда бо в палаты царския введены бысте, цареви Адриану предстасте с лицем светлым, очесы веселыми и сердцем мужественным. Царь же, зря честная лица ваша неустрашенна и мудрость Софии уведев, отложи на ино время суд свой и отсла вы к некоей благородней жене, у неяже пребысте три дни, матери вашей премудрей богодухновенными словесы день и нощь вас поучающей. Темже ублажающе вас, взываем сице:

Радуйтеся, три непорочныя агницы Христовы, венец добродетелей в себе совокупившия; радуйтеся, три добродетельныя сестры, твердую веру, несумненную надежду и нелицемерную любовь ко Господу Богу явившия.

Радуйтеся, не пощадившия красоты и младости вашея, Краснейшаго ради добротою паче сынов человеческих; радуйся, Софие, чада твоя возлюбленная на подвиг мученический за Христа наставлявшая.

Радуйся, Веро, мучением за Христа веру твою исповедавшая; радуйся, сестры твоя крепкою верою воздвизавшая.

Радуйся, Надеждо, твердое надеяние на Христа возлагавшая; радуйся, сестры твоя неослабною надеждою укреплявшая.

Радуйся, Любы, муками за Христа любовь твою действенную показавшая; радуйся, сестры твоя огнем любве ограждавшая.

Радуйся, Софие, сладкая чада твоя увещававшая презрети славу и богатство и всю сладость мира сего тленнаго; радуйся, добрыя дщери твоя до крове стати за Господа и умрети за Него усердно учившая.

Радуйтеся, Веро, Надеждо и Любы, купно с Софиею, материю вашею премудрою.

Кондак 3

Силою Божественною осенени бяху мученицы, яже добродетели имен своих явиша делом в подвизех мученических, воспевающе Богу: Аллилуиа.

Икос 3

Имуще в себе святыя мученицы столп веры, криле надежды и огнь любве, в сладость послушающия от словес матере своея, едина другую в долготерпении утверждаху и радостно идяху, желающе честнаго мученичества, еже за Христа. Тому покланяющеся, яко Богу нашему, сицевыми вас воззваньми почитаем:

Радуйтеся, ни мало не поскорбевшия о лишении временнаго сего живота вечныя ради жизни; радуйтеся, чести ради Христовы плоть на муки предавшия.

Радуйтеся, три многоценныя сосуды веры, надежды и любве Богу в дар принесшия; радуйся, Софие, яко, любве ради презельныя ко дщерям твоим, всем сердцем возжелела еси, да Царствие Божие наследуют.

Радуйся, Веро, души наша верою озаряющая; радуйся, к тихому пристанищу нас возносящая.

Радуйся, Надеждо, сердца наша сладостию надежды оживляющая; радуйся, из пучины отчаяния нас извлекающая.

Радуйся, Любы, страдания и скорби наша в радость прелагающая; радуйся, окамененная сердца наша во умиление преводящая.

Радуйся, Софие, мудростию на благое нас наставляющая; радуйся, потемненное око душ наших просвещающая.

Радуйтеся, Веро, Надеждо и Любы, купно с Софиею, материю вашею премудрою.

Кондак 4

Буря ярости мучителевы нападе на тя, святая Веро, но не поколеба тя: кто бо возможет веру неодолимую подвигнути, адаманта крепчайшую, яже верных научила есть пети с тобою Богу: Аллилуиа.

Икос 4

Слышащи мудрая мати дщери своя пред царем небоязненно Христа исповедающия и глаголющия, яко того единаго желают, еже бы страдати и терпети горкия муки сладкаго ради Иисуса Христа, радовашеся вельми и моляше Бога, да укрепит я в предлежащих муках. Сие убо изволение похваляюще, первейшей дщери мудрыя матере тако воспоем:

Радуйся, Веро, немилосердая биения Сладчайшаго ради Иисуса сладце приемшая; радуйся, урезанная сосца твоя, аки два крина чистоты, в жертву Господу принесшая.

Радуйся, яко от язвы твоея вместо крове млеко истече; радуйся, яко на раскаленное железо положена была еси.

Радуйся, яко в коноб кипящ ввержена сущи, ни мало не опалилася еси, ниже вредилася еси; радуйся, зной страстей наших небесною прохладою утишающая.

Радуйся, огнь мучений наших в болезнех угашающая; радуйся, знамением веры посреде напастей нас знаменающая.

Радуйся, щитом веры во брани со врагом нас покрывающая; радуйся, честную главу твою за Главу Церкве, Христа Бога, под мечь радостно преклоншая.

Радуйся, яко обагрением крове твоея, аки червленицею одеяна, явилася еси очесем Безсмертнаго Жениха твоего; радуйся, к желанному краю пришедшая и любимаго Спаса Господа узревшая.

Радуйтеся, Веро, Надеждо и Любы, купно с Софиею, материю вашею премудрою.

Кондак 5

Богоданным звездам уподобилися есте, Веро, Надеждо и Любы, всем бо сердцем прилепившияся ко единому вечному Животу и Красоте неизреченней, Иисусу Христу, скоро шествовасте, во еже умрети за Него и насладитися Божественнаго Его видения, поюще Ему: Аллилуиа.

Икос 5

Видевше добропобедныя сестры святую Веру радостно за Христа пострадавшу, и сами хотяху души своя за Него положити: царь же Надежду святую начат испытовати, и видев ю с сестрою единомысленну сущу, на муки вдаде ю, обаче ничтоже успе. Мы же, Надежду святую о сицевом ея мудровании ублажающе, воспоим и прославим ю:

Радуйся, Надеждо, жестоко биенная, обаче пресветлую надежду на Господа не потерявшая; радуйся, муки твоя безропотно в молчании терпевшая.

Радуйся, и нам крепкое терпение подающая; радуйся, яко в разжженней пещи неопаляема бывши, хвалу Богу возсылала еси.

Радуйся, яко и нас во страданиих хвалити Бога научаеши; радуйся, яко ногтьми железными строгана была еси.

Радуйся, нас, сущих в скорбех, лучами надежды осиявающая; радуйся, яко чудное некое благоухание от язв твоих исхождаше.

Радуйся, непоколебимое упование на Господа Иисуса неизменно сохраншая; радуйся, безнадежность и безсилие в сердцах наших истребляющая.

Радуйся, мечное посечение за Христа радостно приимшая; радуйся, ясная деннице, нам, печальми земными угнетенным, мир вечный раскрывающая.

Радуйтеся, Веро, Надеждо и Любы, купно с Софиею, материю вашею премудрою.

Кондак 6

Проповедником и Апостолом Богоносным подобны бысте, Богомудрыя сестры: добродетельми бо вашими проповедасте всем верным веру, надежду и любовь ко Господу, Владыце всех, Тому поюще: Аллилуиа.

Икос 6

Возсияла еси, аки солнце, Любы святая, кто бо сице за возлюбленнаго Господа своего можаше стати, якоже Любы, понеже писано есть: крепка яко смерть любы, вода многа не может угасити любве, и реки не потопят ея. Молим ти ся ныне, Любы святая, серафимским пламенем любве ко Господу горящая, обнови окамененная и изсохшая сердца наша, возжги в нас, оскудевших любовию, свет любве, да возлюбльше Господа и вся ближния наша, тебе яко молитвенницу нашу, восхвалим сице:

Радуйся, Любы, яко любве твоея ко Христу води многи прелестей мирских не угасиша; радуйся, яко вся ласкания и дары царевы отвергши, душу твою за Господа положила еси.

Радуйся, яко любве твоея реки бед и страданий не потопиша; радуйся, за Господа Иисуса на колеси протягнутая, жезлием биенная, свердлами прободенная и в пещь огненную вверженная.

Радуйся, яко в лютых муках твоих силою Божиею укрепляема была еси; радуйся, кровию твоею, любве ради к Безсмертному Жениху твоему Христу излиянною, в хладных сердцах наших любовь возбуждающая.

Радуйся, яве показавшая нам, яко любве ради вся мучения сладце претерпеваются; радуйся, явившая нам, яко любы Божественная приводит к животу вечному.

Радуйся, самою вещию уверившая, яко любы Божественная откровение есть безсмертия; радуйся, яко никаяже мучительства возмогоша разлучити Любовь от любве Христовы.

Радуйся, в муках апостольски вещавшая, яко не разлучит тя от любве Божия ни скорбь, ни теснота, ни гонение, ни глад, ни нагота, ни беда, ни меч; радуйся, любве ради Христовы мечем во главу усеченная.

Радуйтеся, Веро, Надеждо и Любы, купно с Софиею, материю вашею премудрою.

Кондак 7

Хотяще скорее от тела разлучитися и со Христом быти, святыя девы, егда на мечное посечение идяху, едина другую и матерь свою Софию объемлюще лобызахуся, дружескому нас люблению поучающе, да вси купно поем Богу: Аллилуиа.

Икос 7

Новое чудо показа Господь, егда помощь Свою посла страдавшим за исповедание имене Его толико юным девам: верою бо, надеждою и любовию укрепляеми и возносими бывше, доблественне подвиги своя скончаша. Мы же в единомыслии и единодушии до конца живота пребывших молим вас, да и нам низпослете единомыслие в совершении добрых дел, умиленно величающим вас:

Радуйтеся, Веро, Надеждо и Любы, единем путем мучений до врат небесных шедшия; радуйтеся, в пресветлый чертог прелюбезнаго Жениха вашего во гласе радования вшедшия.

Радуйтеся, яко Иисус Христос просвети, якоже звезды на небеси, раны на телесех ваших; радуйся, Софие, доблественне на муки чад твоих взиравшая.

Радуйтеся, яко небесною красотою, еяже око не виде, украси Господь доброту вашу, муками отъятую; радуйтеся, венцы воздаяния приемшия.

Радуйтеся, аки три звезды, Солнцем правды озаренныя; радуйся, Софие, в мужественнем исповедании дщерьми твоими имене Христова утешение велие обретшая.

Радуйтеся, мглу сомнений наших разсеявающия; радуйтеся, нас удрученных страданьми душевными и телесными, подкрепляющия.

Радуйтеся, красотою любве сердца наша украшающия; радуйся, Софие, крепосте и утешение изнемогающих в бедах и нуждах.

Радуйтеся, Веро, Надежно и Любы, купно с Софиею, материю вашею премудрою.

Кондак 8

Странное и непонятное нам немощным, в мирских сластех погрязнувшым, зрим дело, яко София святая возлюбленных чад своих видящи лютыя и горькия муки и смерти, ни мало не поскорбе, но возрадовася зело духом, поющи Богу: Аллилуиа.

Икос 8

Вся бе в вышних мудрая София, егда дщери своя сладкими словесы и мудрыми увещаньми на мучения подвизаше. Аще же от естества к слезам преклоняшеся абие, от любве Христовы прелагашеся на радость, печаль бо сердечную и болезнь о чадех матернюю победи в ней любы Божия. Велиею убо любовию дщери своя любящи, паче всего тем Царствия Небеснаго желаше. Сего ради, чудящеся мудрости и велицей любви твоей ко дщерем и славяще тя, взываем:

Радуйся, Софие, яко возвеселися душа твоя о блаженней кончине дщерей твоих, святое имя Господа дерзновенно исповедавших; радуйся, в мученичестем венчании чад твоих честь и славу приявшая.

Радуйся, участия мученическаго и спребывания со дщерьми в небесней славе Христа Бога сподобльшаяся; радуйся, честная телеса дщерей твоих с радостными слезами погребшая.

Радуйся, три дни гробу их приседевшая и сном смерти о Господе почившая; радуйся, аще и не плотию, обаче сердцем за Христа страдавшая.

Радуйся, яко три добродетельныя дщери, сими веру, надежду, любовь к Богу явивши, в дар Пресвятей Троице принесла еси; радуйся, яко чадородия ради спаслася еси.

Радуйся, дивная мати, благия памяти достойная; радуйся, дщери твоя, да кровь свою за Христа пролиют, молившая.

Радуйся, умудряющая ны, да блюдем непреложно добродетели веры, надежды и любве; радуйся, Животворящей Троице за ны молящаяся.

Радуйтеся, Веро, Надеждо и Любы, купно с Софиею, материю вашею премудрою.

Кондак 9

Вси Ангели дивляхуся о страданиих ваших, святыя мученицы, и победу вашу над диаволом торжествующе, души же ваша к Небеси провождающе, воспеваху Христу Богу: Аллилуиа.

Икос 9

Витии велеречивии вся страдания ваша за Христа не возмогут изрещи, дивящеся же толиким подвигом, во младых летех подъятым, немотствуют. Мы же о честней кончине вашей Бога прославляюще, величаем вас сице:

Радуйтеся, Веро, Надеждо и Любы, поющия хвалу Богу, на небо небесе возшедшему; радуйтеся, щите веры, броне надежды и светильниче любве.

Радуйтеся, зрением пресветлаго лица Божия наслаждающияся; радуйся, Софие, благочестивыя матери на мудрое воспитание чад их наставляющая.

Радуйтеся, поучающия ны, да взыщем Господа, и жива будет душа наша; радуйтеся, с верою, надеждою и любовию прибегающих к вам теплыя молитвенницы.

Радуйтеся, вразумляющия ны, яко вся сладость и прелесть мира сего яко дым изчезает, яко прах от ветра разметается и в персть обращается; радуйся, Софие, всем сердцем Господа Бога возлюбльшая.

Радуйтеся, аки трие светлии ключи, ко единому Источнику жизни притекшии; радуйтеся, аки трие благовоннии цвети, на единей благоплодней ветви прозябшии.

Радуйтеся, аки три зерцала, безпредельную красоту Божию в себе отражающая; радуйся, Софие, аки маслина, три ветви, отягченныя изобильными плоды даров Божиих, произрастшая.

Радуйтеся, Веро, Надеждо и Любы, купно с Софиею, материю вашею премудрою.

Кондак 10

Спасти хотяще души своя святыя мученицы, любве ради Христовы ласкания царева и богатства мира сего тленнаго презреша и радостно кончину мученическую за Христа прияша, поюще Ему: Аллилуиа.

Икос 10

Стенами веры, надежды и любве являются святыя мученицы всем, прибегающим к ним с теплою и усердною молитвою и сице в печалех и напастех к ним взывающим:

Радуйтеся, язв греховных добрыя целительницы; радуйтеся, во тьме печали нашея светом упования ны озаряющия.

Радуйтеся, посреде напастей и скорбей дивный покой нам посылающия; радуйся, Софие, о нас, в злостраданиих поверженных, мудрое попечение являющая.

Радуйся, Веро, крест спасения пред нами воздвизающая; радуйся, немощи наша по молитвам к тебе изцеляющая.

Радуйся, Надеждо, якорь избавления нам подающая; радуйся, уныние сердец наших благостно отъемлющая.

Радуйся, Любы, твоим ко Господу ходатайством в злей напасти от нечаянныя смерти ны ограждающая; радуйся, изнемогающия силы наша на бодрость возставляющая.

Радуйся, Софие, прилежная о нас к Богу молитвеннице; радуйся, в добрех делех наших мудрая наставнице.

Радуйтеся, Веро, Надеждо и Любы, купно с Софиею, материю вашею премудрою.

Кондак 11

Пение сие похвальное, аще бы и тмочисленное приношахом вам, святыя мученицы, не бы довлело ко прославлению добродетелей и подвигов ваших: обаче хвалу Богу возсылающе за вся, яже во святых Своих нам являет, Тому поем: Аллилуиа.

Икос 11

Светом небесным пред Господем горящим свещам подобны Вера, Надежда и Любы, купно с материю их Софиею, к нимже припадаем, моляще, да просветят ны, омраченныя печальми и из глубины сердец зовущия:

Радуйтеся, ризы ваша в крови Агнчи на земли убелившия; радуйтеся, живота вечнаго нам ходатаицы.

Радуйтеся, душ, ищущих покоя в милосердии Божии, утверждение и хранение; радуйся, Софие, от суеты мирския ны ограждающая.

Радуйся, Веро, доброценная кадильнице, фимиам хвалы Богу возносящая; радуйся, нас грешных верою просвещающая.

Радуйся, Надеждо, в скорби утешение и прибежище наше; радуйся, в печалех наших лучезарная вестнице избавления.

Радуйся, Любы, незлобие и кротость в сердца наша вливающая; радуйся, таинственная звездо, от тесноты земныя горе ны возносящая.

Радуйся, Софие, мудрая и пречестная детоводительнице; радуйся, богомудраго жития молящимся ти устроительнице.

Радуйтеся, Веро, Надеждо и Любы, купно с Софиею, материю вашею премудрою.

Кондак 12

Благодать Божию прияти сподобившияся, молите о нас, святыя мученицы, Пречистаго Владыку Христа, да милостив будет к нам грешным, с верою, надеждою и любовию Ему Единому, Господу и Спасу нашему, смиренно поющим: Аллилуиа.

Икос 12

Поем ваша крепкия подвиги, верою, надеждею и любовию проникновенныя, почитаем страдания ваша презельная, хвалим дивное терпение ваше, ублажаем кончину, за Христа вами радостно подъятую, величаем необоримое мужество ваше, святыя мученицы Веро, Надеждо и Любы, и мудрая мати Софие, и прославляюще вас, взываем сице:

Радуйтеся, аки три струи молниины, от восток даже до запад добродетельми своими просиявшия; радуйтеся, фиали веры, надежды и любве, животворным питием души наша напаяющии.

Радуйтеся, трие светозарнии путие, ко престолу славы Господни нас ведущии; радуйся, Софие, чад ради твоих от лика святых похваленная.

Радуйся, Веро, цвете веры, паче снега белейший; радуйся, услаждение страждущих.

Радуйся, Надеждо, угнетенных сердец возношение; радуйся, аки поток цельбоносный, жажду скорбящих душ утоляющая.

Радуйся, Любы, венче из мира, радования и благости соплетенный; радуйся, умная зарнице вечности.

Радуйся, Софие, жезле силы, кротце и мудре чада наказуяй; радуйся, Боговедения пресветлая луче, душам нашим возсиявающая.

Радуйтеся, Веро, Надеждо и Любы, купно с Софиею, материю вашею премудрою.

Кондак 13

О святыя и достохвальныя мученицы Веро, Надеждо и Любы, и мудрая мати Софие, ныне приемше малое сие моление наше, от всяких ны бед, болезней и скорбей молитвами вашими избавите, да сподобльшеся во Царствии Небеснем зрети безсмертнаго Господа Иисуса, с вами вкупе воспоем Ему: Аллилуиа.

Этот кондак читается трижды, затем 1-й икос «Ангели на Небеси...» и 1-й кондак «Избранным рабам...».

Канон мучениц Веры, Надежды, Любови и матери их Софии, глас 1.

Песнь 1

Ирмос: Твоя победительная десница Боголепно в крепости прославися. Та бо, Безсмертне, яко всемогущая, противныя сотре, израильтяном путь глубины новосоделавшая.

Премирныя Твоея, Христе, и несказанныя премудрости осияние даруй мне, Владыко, благолепныя и благославныя Твоея мученицы, яко да воспою Софиина прозябения.

Нарицание Твое яве жительством, Богомудрая, украсися: всю бо проводила еси жизнь твою премудрости желанием, славная Софие, мудрости осиявшися благодатию.

Твой всеблаженный плод, Пребожественныя Троицы количеством украшаемь, страдальчески за Ону подвизася, всемудрая Софие, премудрости Божественныя тезоименитая.

Тело и душу добродетельми очистивше, девы отроковицы, три Тебе приведошася, мученически, умному Жениху Христу, Вера с Надеждею, и Любовь славная.

Богородичен: Весь зрак мой приим, иже во зраце Божии прежде зримь, всего обнови, в Твоем чреве Боголепно вселився, Пречистая. Темже Богородицу вернии Тя вси славим.

Песнь 3

Ирмос: Едине ведый человеческаго существа немощь, и милостивно в не воображся, препояши мя с высоты силою, еже вопити Тебе, Святый, одушевленный храме неизреченныя славы Твоея, Человеколюбче.

Гласа послушавше Христова, зовуща к беземертней и безстрастней жизни, последоваша венценосицы девы и мученицы, еже вопити Тебе, Святый, храме одушевленный Пречистыя славы Твоея, Человеколюбче.

Крепость дарова Христос, стоящим пред судищем мученически вам, яко обещася, и Богодохновенныя мудрости исполни, и светлы показа победоносныя мученицы, девства сияюща благодатию.

Притуписте ум вражий девы великохвальный, и того гордыню низложисте, великомудренно подвигшеся, и прежде хвалящагося истребити море, теченми кровей потописте.

Мудрости вышния Христовы богатно насытившеся, избранныя мудрости и благоумныя, дщери три посрамиша мучащих сверепства, и неистовство недержное, витийствующе Божественная учения.

Богородичен: Святых Святаго Христа свято породила еси, святыни святое селение, во святых почивающаго. Емуже вопием: Свят Храм одушевленный неизреченныя славы Твоея, Человеколюбче.

Кондак, глас 1

Софии честныя священнейшия ветви, Вера, и Надежда, и Любовь, показавшеся, мудрость обуиша еллинскую благодатию, и пострадавше, и победоносицы явившеся, венцем нетленным от всех Владыки Христа увязошася.

Седален, глас 1

Агницы словесныя Агнца и Пастыря, огню и лютым мукам предани бысте, и явистеся ангелом равночестни. Тем вси священную вашу память празднуем в веселии сердца, девы Богомудрыя.

Песнь 4

Ирмос: Гору Тя Благодатию Божиею приосененную, прозорливыма Аввакум усмотрив очима, из Тебе изыти Израилеву провозглашаше Святому, во спасение наше и обновление.

Укрепльшеся Божественною благодатию, добропобедныя, Вера, Любовь и Надежда, мучителей прещения мужественно посрамиша, огнем всесожегаемы всемудрыя, и Жениху Христу приводимы.

Возмогоша, Креста всеоружием оградившеся, Вера, Любовь и Надежда, мучений благомощно раны стерпети святыя, даже до кровей крепчайше ко греху противльшеся.

Свещи тричисленныя мудрости сияющия, Вера, Любовь и Надежда, Троицы просвещенми яве блистающияся, пресветло Церкви просвещают, ко спасению нашему и защищению.

Богородичен: Святых святая Богородице Всепетая, ожидание языков и спасение верных, из Тебе возсия Избавитель, и Жизнодавец, и Господь, во спасение нас поющих Тя.

Песнь 5

Ирмос: Просветивый сиянием пришествия Твоего Христе, и осветивый Крестом Твоим мира концы, сердца просвети светом Твоего Богоразумия, православно поющих Тя.

Терпением мудрований муки подъемляху, и мудрости сущия в Бозе глаголюще тайны: держащаго посрамиша три девы Богоносныя, верою и естеством связуеми.

Радуется прамати, видящи побеждаема льстиваго, из Едема древле изгнавшаго сию, женами Богомудрыми, Надеждею, Верою и Любовию, Софии рожденьми.

Ядовитаго мучителева ласкания избегоша, и мучений язвы вольне претерпеша, честныя отроковицы твоею любовию уязвльшеся, Христе, и Божественным Твоим рачением.

Богородичен: Веселятся небесныя силы видяще Тя, радуются с ними человеков состояния: Рождеством бо соединишася Твоим, Дево Богородице, Егоже достойно славим.

Песнь 6

Ирмос: Обыде нас последняя бездна, несть избавляяй, вменихомся яко овцы заколения, спаси люди Твоя, Боже наш: Ты бо крепость немощствующих и исправление.

Радующеся, во Твои Владыко пречистыя длани возложиша надежды, отроковицы три, Троицы количеством и числом почтенныя и похваляемыя.

Светящеся девства добротами, мученическими увязенми украсишася, и венец сугуб свыше достойне прияша, от Христа Жизнодавца и Всещедраго.

Приведошася Владыко в храм Твой всех царствующаго девственная сокровища честная, приобщитися царствию Твоему: Ты бо тех и Свет еси и веселие.

Богородичен: Радуются о Тебе, Дево Пречистая, рода нашего праотцы, Едем восприемше Тобою, егоже преступлением погубиша. Ты бо Чиста и прежде рождества и по рождестве еси.

Песнь 7

Ирмос: Тебе умную Богородице пещь разсмотряем вернии, якоже бо отроки спасе три превозносимый, мир обнови, во чреве Твоем всецел, хвальный отцев Бог и препрославлен.

Трисиянною единства благодатию, озаряеми яве девы, демонское разрушиша тмонеистовство, свет Триипостасный богословяще и поюще: хвальный отцев Бог и препрославлен.

На небесех чертоги имуще свещеносныя души, со ангелы весело ныне ликовствуете, славу присносущную зряще, и глаголюще: хвальный отцев Бог и препрославлен.

Терпеливо яко отроцы противление показавше, огнь попраша мужественно: тех бо равночисленнии разум равностатный Богоносныя стяжаша, хвальнаго отцев присно Бога и препрославленнаго.

Богородичен: Даеши, Чистая, оставление прегрешений воспевающим Тя верно, избавляющи напастей, и всякаго обстояния: Тя бо ныне стяжахом прибежище, Богоневестная, яко Хвальнаго отцев Бога руками носившая.

Песнь 8

Ирмос: В пещи отроцы Израилевы, якоже в горниле добротою благочестия чистее злата блещахуся, глаголюще: благословите вся дела Господня Господа, пойте и превозносите во вся веки.

Девы Богосветлыя, Вера, Надежда, Любовь, добротою благочестия чистее злата блещахуся, глаголюще: благословите вся дела Господня Господа, пойте и превозносите во вся веки.

Сияющия, и световидныя мучением проявленно бывшия девы, вернии воспоим глаголюще: благословите вся дела Господня Господа, пойте и превозносите во вся веки.

Врачевств струю обильно, довольно и богатно раки страстотерпиц источают присно, верою зовущим: благословите вся дела Господня Господа, пойте и превозносите во вся веки.

Богородичен: Земля святая была еси Чистая, жизноносный Клас рождшая, присносущныя жизни Ходатая Христа, Емуже вси зовем: благословите вся дела Господня, Господа пойте и превозносите во вся веки.

Песнь 9

Ирмос: Образ Чистаго Рождества Твоего огнепалимая купина показа неопальная, и ныне на нас напастей свирепеющую угасити молимся пещь, да Тя Богородице непрестанно величаем.

Светом Трисиянным исполняеми и сияния Божественнаго ныне насыщающеся, купноименныя добродетелей и тождеименныя, Любве, Надежди, и Веры, надеждею и любовию ны и верою утвердите.

Да вышняя крепость ныне укротит, обдержащую бурю ереси, о страстотерпицы непобедимии, и подаст верным единоумие, просите, молим непрестанно, добродевы.

Нощь жития всемудрыя прешедше, день постигосте невечерний, мученически веселящеся, и девственно хвалящеся благодатию, и Божественнаго царствия нетленнаго сподобляеми.

Богородичен: О како Дева роди присносущее Слово и Ипостасное, сияние Отчия Ипостаси, нашего Благодетеля и Господа, из Нея воплощшася, Егоже достойно величаем.

Житие святой мученицы Веры Римской

Святая мученица Вера Римская вместе с сёстрами Надеждой, Любовью и их матерью Софией жили и погибли за веру Христову в Италии во 2 веке во время правления императора Адриана (117-138 г.г.). Впервые жития мучениц были описаны на латинском, грузинском, болгарском, армянском и греческом языках в 7-8 в.в. Перевод на древнерусский язык выполнен с греческого до 9 в. (до времени написания житий агиографом Симеоном Метафрастом). Имена отроковиц Пистис, Елпис и Агапии переведены как Вера, Надежда и Любовь. Им придают символическое значение. Мудрость (по-гречески София) – это мать главных добродетелей христианства веры, надежды и любви. Наиболее полное житие святых написал Филарет (Гумилевский), архиепископ Черниговский.

Святая мученица София с детьми переселилась из Милана в Рим после смерти мужа. Девочки воспитывались на примере благочестивой, наполненной добрыми делами и милосердием жизни матери. Во время гонений на христиан о семье Софии донесли Адриану. Правитель потребовал привести мать вместе с детьми на суд. Помолившись Богу о ниспослании им сил выдержать все испытания и не отказаться от своей спасительной веры, святые София, Вера, Надежда и Любовь отправились к императору. Он был поражён их спокойствием, уверенными и мудрыми ответами, последовавшими на предложение принести жертвы языческой Артемиде и отречься от веры Христовой. Потом он поселил семью у язычницы Палладии с тем, чтобы та переубедила христиан. София же использовала данные им три дня, чтобы духовно подготовить детей к предстоящим мучениям. Когда она вместе с 12-летней Верой, 10-летней Надеждой и 9-летней Любовью явилась к императору, тот начал беседовать со всеми детьми по очереди. Старшая Вера первой проявила мужество и непреклонность. За отказ принести жертву языческим божествам её долго истязали. На смерть от меча она пошла с готовностью и радостью. Жестокие муки перенесли и Надежда с Любовью, но тоже поразили всех силой духа, которую давала им глубокая вера в Спасителя. Так же, как и Вере, им отрубили головы. София стала свидетельницей мук и казни дочерей. Худшего наказания для матери не могло и быть. Но София до конца исполнила свой долг матери и христианки, постоянно показывая детям пример стойкости и помогая тем вынести пытки. Тела девочек София похоронила на высоком холме в пригороде Рима на Аппиевой дороге. Просидев у могилы два дня, на третий она умерла. Христиане похоронили Софию рядом с Верой, Надеждой и Любовью.

При папе Римском Павле I в 8 в. мощи святых с кладбища перенесли в храм на Марсовом поле. Часть их передали в монастырь святой Иулии. Из Рима, где они хранились в церкви святого Сильвестра, в том же 8 в. мощи передали в бенедиктинское аббатство в Эшо (Франция, недалеко от Страсбурга). Монастырь получил имя Святой Софии и стал известным местом паломничества. Во время французской революции святую обитель разорили, а мощи исчезли. Здания в конце 18 в. продали с аукциона и устроили в них трактир, который вскоре разрушился. В конце 19 в. начали восстанавливать церковь бывшего монастыря. 3 апреля 1938 г. епископом Шарлем Руш были привезены из Рима в Эшо частицы мощей святой Софии. Одна из них и в наши дни находится в саркофаге, а другая – в реликварии в настенной раке католической церкви святого Трофима.

Самые известные храмы святых мучениц Веры, Надежды, Любови и матери их Софии на территории России и стран СНГ находятся в Москве на Миусском кладбище, подмосковных посёлках Ожерелье и Кокошкино, в Санкт-Петербурге, Волгограде, Воронеже, Красноярске, Самаре, Курске, Киеве, Тернополе, Харькове, в Алматы, пос. Озерцо Минской области.

К святой Вере Римской, как и к святым мученицам Надежде, Любови и Софии издавна обращались с молитвой в особенных нуждах и скорбях о даровании сил перед предстоящими или наступившими трудностями. К ним обращаются матери о заступничестве за детей, женщины – об укреплении семьи. Святые покровительствуют также носящим их имя.

День памяти святых мучениц Веры, Надежды, Любови и их матери Софии отмечается 30 сентября по н.ст.

Всего храмов, посвященных великомученицам Вере, Надежде, Любови и матери их Софии, около 100 (с учетом приделов, посвященных им). Мощи святых Веры, Надежды, Любови и Софии покоятся в Эльзасе, в церкви Эшо.

Санкт-Петербург, Россия

Церковь во имя Святых Мучениц Веры, Надежды, Любови и Матери Их Софии

Адрес: г. Санкт-Петербург, просп. Стачек, д. 186а

Собор Владимирской иконы Божией Матери с приделом Веры, Надежды, Любови и матери их Софии

http://www.vladimirsobor.spb.ru/

Адрес: г. Санкт-Петербург, Владимирский просп., д. 20

 

Москва, Россия

Храм-часовня Новодевичий монастырь. Собор Смоленской иконы Божией Матери с приделом Веры, Надежды, Любови и матери их Софии

Адрес: г. Москва, Новодевичий проезд, дом 1, строение 5.

Храм Всех Святых на Соколе

Адрес: г. Москва, ул. Ленинградский просп., 73 а

Хранятся частицы мощей Веры, Надежды, Любови и матери их Софии

 

Алматы, Казахстан

Собор Веры, Надежды, Любови и матери их Софии

Адрес : Республика Казахстан, г. Алматы, ул. Латифа Хамиди, 30

Хранятся частицы  мощей Веры, Надежды, Любови и матери их Софии

 

Полоцк, Беларусь

Полоцкий Спасо-Евфросиниевский женский монастырь

Адрес : Республика Беларусь, Витебская обл., г. Полоцк, ул. Евфросинии Полоцкой, 89

Хранится частица мощей Софии Римской

По молитвам к Святой Мученице Вере в семье будет царить вера, надежда и любовь, защищаемая мудростью Божией, она поможет Вам с честью, достоинством и верой воспитать своих детей так, чтобы они стали примером для последующих поколений.

Перед иконой Святой Мученицы Веры молятся женщины с именем Вера о заступничестве их Святой покровительницы перед Господом.

Икону можно подарить:

- любому православному человеку - на любой праздник;

- семьям, которые хотят прожить благополучно и счастливо;

- девочкам, девушкам и женщинам, носящим имя Вера.