Икона святой Благоверной Великой Княгини Анны Кашинской 18,5 х 29 см

Молитвы к Святой Преподобной Благоверной Великой Княгине Инокине Анне Кашинской

МОЛИТВА ПЕРВАЯ

О преподобная и преблаженная мати Анно! Смиренно припадающе к честным мощем твоим, молимся со слезами прилежно: не забуди убогих твоих до конца, но поминай нас всегда во святых твоих и благоприятных молитвах к Богу. О преблаженная великая княгине Анно! Не забуди присещати чад твоих, аще бо телом и преставилася еси от нас, но и по смерти жива пребываеши и не отступаеши от нас духом, сохраняющи нас от стрел вражиих, всякия прелести бесовския и козней диавольских. Молитвеннице наша усердная! Не престай молящися за ны ко Христу, Богу нашему, аще бо мощей твоих рака пред очима нашима выну видима есть, но святая душа твоя, со Ангельскими воинствы у Престола Вседержителя предстоящи, достойно веселится. К тебе убо припадаем, тебе молимся, тебе мили ся деем: молися, преблаженная Анно, Всемилостивому Богу нашему о спасении душ наших, еже испросити нам время на покаяние и невозбранно прейти от земли на Небо, мытарств горьких и вечныя муки избавится и Небесному Царствию наследником быти со всеми преподобными, от века угодившими Господу нашему Иисусу Христу, Емуже слава, со Безначальным Его Отцем, и с Пресвятым, и Благим, и Животворящим Его Духом, ныне, и присно, и во веки веков. Аминь.

МОЛИТВА ВТОРАЯ

Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей.

Тропарь к Святой Преподобной Благоверной Великой Княгине Инокине Анне Кашинской

Тропарь, глас 3

Днесь восхваляем тя, преподобная мати, великая княгине инокине Анно: яко бо лозо плодовита посреде терния, процвела еси во граде Кашине твоими добродетельми, всех удивила еси чудным твоим житием, темже Христу Богу угодила еси, и ныне, радующися и веселящися, пребываеши с лики преподобных жен, наслаждающися райския красоты и веселия. Молим убо тя: моли о нас Человеколюбца, Христа Бога нашего, даровати нам мир и велию милость.

Кондак, глас 4

Яко пресветлая звезда, явилася еси в Российстей земли, во граде Кашине, преподобная мати Анно, во всех благочестивых и верных женах, аки крин процвела еси чистым и непорочным твоим житием, во инокинях же совершенными твоими труды и подвиги, и возшла еси к Вышнему граду, радующися и веселящися, яко добре совершивши твое течение, и ныне честныя твоя мощи, аки бисерие драгое, явишася на исцеление всем, приходящим с верою. Тем и вопием ти: радуйся, всекрасная душею, и моли Христа Бога о спасении душ наших.

Величание

Ублажаем тя, преподобная мати, великая княгине Анно, и чтим святую память твою, наставнице инокиням и собеседнице Ангелом.

Акафист Преподобной Благоверной Великой Княгине Инокине Анне Кашинской

Кондак 1

Избранней и предивней угоднице Христове, скорой помощнице и молитвеннице нашей, похвальная воспеваем ти, о нас пред Христом Богом предстательнице. Ты же, яко имущая велие дерзновение ко Господу, молися, да избавит от бед и скорбей ны, зовущия:

Радуйся, святая благоверная княгине, преподобная мати Анно.

Икос 1

Ангелов Творец честную отрасль благочестиваго корене благоверных Российских князей избра тя во образ всем, сияющую верою, любовию, чистотою, да вси, зряще твое богоугодное житие, со благоговением и радостию глаголем ти сице:

Радуйся, яко от младенства благодати Божия исполнилася еси; радуйся, яко в житии твоем добродетельми многими просветилася еси.

Радуйся, правило веры и благочестия; радуйся, образе кротости и смирения.

Радуйся, светило любве и воздержания; радуйся, даров Святаго Духа честное вместилище.

Радуйся, скорбных утешение; радуйся, княгинь и инокинь Российских похваление.

Радуйся, живущих в мире тихое пристанище; радуйся, благочестивых родителей утешение.

Радуйся, градов Твери и Кашина и всея земли нашея украшение; радуйся, ныне с лики ангельскими на небесех Владыце всех предстоящая.

Радуйся, святая благоверная княгине, преподобная мати Анно.

Кондак 2

Провидев Господь ангелоподобное житие твое, яко святое имя Его прославиши и, якоже заповеда святый апостол, бдительна, святолепна, целомудрена, здрава верою, любовию и терпением пребудеши, от юности твоея призва тя пети Ему: Аллилуиа.

Икос 2

Разум небесный тебе даровася, богоизбранная отроковице, непрестанно помышляти о небесных в боголюбивем крове благоверных родителей твоих. Сего ради приими от нас похвалы сия:

Радуйся, родителей благочестивых плод благословенный бывшая; радуйся, добродетели и благочестие их унаследовавшая.

Радуйся, благочестию и молитве от них наученная; радуйся, чтению Божественных Писаний навыкшая.

Радуйся, жития святых и поучения их возлюбившая; радуйся, от святителей ростовских научение приимшая.

Радуйся, с родители твоими благословению и наставлению иереев Господних присно внимавшая; радуйся, аки крин благовонный во Отечествии твоем процветшая.

Радуйся, от младых ногтей твоих страх Божий имевшая; радуйся, от юности твоея горняя мудрствовавшая.

Радуйся, сим путь спасения нам показавшая; радуйся, непоколебимое на Господа Иисуса упование неизменно сохраньшая.

Радуйся, святая благоверная княгине, преподобная мати Анно.

Кондак 3

Сила Вышняго от юности Твоея воистину осеняше тя, и храняше, и возбуждаше на молитвы, пощение и милосердие, во еже благочестивым предком твоим подражати и Господеви воспевати: Аллилуиа.

Икос 3

Имущи благочестивыя родители, прилежала еси богоугодному житию, благодатию Божиею во всяцем деле блазе всегда подкрепляема сущи. Темже дивящеся таковому от юности твоея рачению, со умилением зовем ти:

Радуйся, яко Господь Бог благоизволи от юности освятити тя; радуйся, яко Богатый милостию обогати тя благодатию Своею.

Радуйся, яко Господь исполни тя страха Божия, премудрости и разума; радуйся, яко от младенчества Господеви прилепилася еси.

Радуйся, яко со страхом Божиим и усердием храму Божию и службам церковным присно прилежала еси; радуйся, яко и в доме неусыпно правило молитвенное исправляла еси.

Радуйся, яко всякое дело твое с молитвою сопрягашеся; радуйся, яко труд твой благодарением Богу скончавашеся.

Радуйся, чистоты душевныя и телесныя хранительнице; радуйся, неустанным благотворением и милостынями верным скорая помощнице.

Радуйся, девам чистым премудрая устроительнице; радуйся, чадом нашим добрая учительнице.

Радуйся, благоверная княгине, преподобная мати Анно.

Кондак 4

Буря бед и напастей утесняше тогда Отечество наше и веру православную, и вси бедствоваху от нашествия иноплеменник и междоусобныя брани. Ты же, юнице, сердцем чистая, во уединении суще, изливала еси в молитве пред Господем душу твою, ангельскую песнь вопиюще: Аллилуиа.

Икос 4

Слышавши боголюбивая княгиня Ксения, мати святаго князя Тверскаго Михаила, о благочестии твоем, княгине Анно, рече послом своим: слышах, яко есть у Ростовскаго князя дщи зело добродетельна, премудра же и прекрасна; сию убо, Божиим изволением, видети желаю в супружестве за сыном моим. И абие по благодати Божией исполнися желание сердца ея, да тобою Бог прославится и да вси воспевают тебе:

Радуйся, невесто, промыслом Божиим предуказанная; радуйся, голубице чистая и непорочная сердцем.

Радуйся, мудрая евангельская дево, во свете веры и дел благих ходившая; радуйся, яко невозвратным путем по заповедем Владыки твоего шествовала еси.

Радуйся, яко за преславныя добродетели твоя внити в чертог Царя Небеснаго сподобилася еси; радуйся, всем женам российским похвало и утверждение.

Радуйся, чистотою твоею всем родом твердое научение; радуйся, яко согласие супругом, по молитвам к тебе, подавала еси.

Радуйся, неисповедимыми судьбами Божиими от Него прославленная; радуйся, новая чудеса и знамения многа чтущим тя явившая.

Радуйся, яко царя боговенчаннаго и отрасли дома его на поклонение мощем твоим подвигла еси; радуйся, яко и сердца верных к почитанию и воспрославлению твоему привлекла еси.

Радуйся, святая благоверная княгине, преподобная мати Анно.

Кондак 5

Яко светлая звезда, богомудрая невесто, присными твоими сопровождаема, с великою славою во град Тверь во храм Спаса нашего, прибыла еси, князи же и народи, велелепно сретающе тя, радовахуся о тебе, вопиюще Богу: Аллилуиа.

Икос 5

Видевше тя вельможи, клирики и мирстии людие богоспасаемаго града Твери, на брак честный с возлюбленным князем их Михаилом притекшую, изыдоша в сретение твое и вопияху ти, глаголюще:

Радуйся, от Ливана невесто, во образ единения Христа и Церкве, сочетатися браком со князем нашим грядущая; радуйся, чистая голубице, пришествием твоим мир с Богом и в человецех благоволение знаменующая.

Радуйся, от Бога князю нашему в делех управления помощнице уготованная; радуйся, за невинныя и люте страждущия ходатаице, промыслом Божиим предуказанная.

Радуйся, о нуждах и потребах наших пещися от Бога поставленная; радуйся, сокровище матерняго попечения, от Господа нам данное.

Радуйся, светило милосердия, над градом нашим восходящее; радуйся, звездо утренняя, присно радость нам возвещающая.

Радуйся, облаче всесветлый, дождь любве и помощи всем достойным твоего заступления искапати обещаяй; радуйся, во образ женам христианским свыше пронареченная.

Радуйся, вдовицам и сирым покрове, провидением посланный; радуйся, юным девам и женам прибежище и укрепление.

Радуйся, святая благоверная княгине, преподобная мати Анно.

Кондак 6

Проповедуют о богоугодном житии твоем, блаженная мати, в супружестве и княжении, добродетели твоея: велие благочестие, смиренномудрие, милосердие, истинныя матерняя любы ко всем, поющим о тебе Богу: Аллилуиа.

Икос 6

Возсия богоугодное житие твое, яко красная заря, призывающая всех на богоугождение и на делание свое со усердием, да вси последующе ти зовут:

Радуйся, со князем, супругом твоим, во всяком благочестии и чистоте пожившая; радуйся, и чада твоя во страсе Божии воспитавшая.

Радуйся, Церкве Божией благодеявшая и благолепие храмов Божиих любившая; радуйся, и по кончине твоей любовь многу в душах граждан боголюбивых возжигавшая.

Радуйся, яко от всякаго недуга прибегающия с верою к тебе исцеляеши; радуйся, яко от лютаго насилия диавольскаго молящияся к тебе изымаеши.

Радуйся, яко присно всякое попечение о блазе владомых имевшая; радуйся, в скорбех и страданиих несчастным, сирым и бедным, помощнице теплая.

Радуйся, больных целительнице скорая и чудная; радуйся, ищущим пути ко спасению наставнице благодатная.

Радуйся, яко по преставлении твоем сподобилася еси от Бога дара чудотворений; радуйся, полки иноплеменных молением твоим от града Кашина отгнавшая.

Радуйся, святая благоверная княгине, преподобная мати Анно.

Кондак 7

Хотя Господь истинное благочестие твое явити и в терпении тя укрепити, скорби многи попусти на тя, да просветишася, яко же злато в горниле, и да поеши Богу: Аллилуиа.

Икос 7

Новаго страстотерпца яви Господь, супруга твоего благовернаго князя Михаила, емуже сострадающи венцем от Бога венчалася еси, благоверная княгине, да прославляюще прославльшаго тя Господа, поем сице:

Радуйся, праведная Анно, носящая дух сокрушен к сильному Богу разумов; радуйся, многия скорби и беды претерпевшая.

Радуйся, молитвою вся побеждавшая; радуйся, терпением и упованием супруга твоего утешавшая.

Радуйся, от единаго Господа помощи ожидавшая; радуйся, к Нему милостивому с горькими слезами припадавшая.

Радуйся, от Господа якоже злато в горниле скорбей очищенная; радуйся, якоже камень драгий чистотою сияющая.

Радуйся, винограде, из точила приносяй вино благовонное; радуйся, манно, питающая и услаждающая всех требующих.

Радуйся, источниче разума, от Бога разумов вся напояй; радуйся, росо, орошающая и оживляющая страну твою, от нашествия иноплеменных пострадавшую.

Радуйся, святая благоверная княгине, преподобная мати Анно.

Кондак 8

Странник в неверней стране явися, благоверный супруг твой, всеблаженная Анно, егда завистию и клеветою сродник своих к безбожному царю ордынскому приведен бысть. Ты же скорбь сердца твоего покрывающи, излиха вопияла еси Богу: Аллилуиа.

Икос 8

Весь еси желание мое, весь сладость Сладчайший Иисусе! Сице моляшеся Михаил, князь христолюбивый, и тако глаголаше: аще Бог соизволит, хочу ити сам во Орду ко беззаконному царю, хочу сам дати ответ и душу мою положити за овцы стада Христова по слову Его. Ты же, супружнице князя благочестиваго, вдохновленная благодатию свыше, рекла еси ему: поистине блажен будеши во вся роды. Сего ради вси приглашаху ти сице:

Радуйся, блаженная мати в женстем естестве мужескую крепость имевшая; радуйся, долготерпеливно упованием на Господа укреплявшаяся.

Радуйся, глаголавшая князю: Господь будет твой помощник; радуйся, рекшая ему: за Господа пострадав, воистину блажен будеши.

Радуйся, яко и сама уготовлялася еси пострадати за Спаса Христа; радуйся, спострадавшая супругу твоему в скорби мнозе.

Радуйся, аще и не плотию, обаче сердцем за Христа страдавшая; радуйся, токмо постом, молитвою и благодатию Божиею подкреплявшаяся.

Радуйся, воплем крепким ко Господу взывавшая; радуйся, глаголавшая: изми нас, Господи, от человек лукавых и от мужей неправедных, ополчавших брани, избави нас.

Радуйся, супруга твоего презрети славу и всю сладость мира сего тленнаго увещававшая; радуйся, и нам крепкое упование подающая.

Радуйся, святая благоверная княгине, преподобная мати Анно.

Кондак 9

Все сердце Твое содрогнуся, богомудрая, егда вестник печальную весть принесе, яко благоверный супруг твой Михаил во многих страданиих смерть мученическую претерпе, и абие в скорби велией, преклоньше колена, ко Отцу Небесному, возстенала еси: буди воля Твоя. Ангели же, возносяще душу блаженнаго на Небо, пояху: Аллилуиа.

Икос 9

Витии многовещаннии не возмогут изрещи скорби твоя и крепость любве твоея, егда со чады твоими текла еси во сретение мощей блаженнаго князя, супруга твоего. Темже и мы, ублажающе болезни сердца твоего, глаголем сице:

Радуйся, огненное искушение Господа ради претерпевшая; радуйся, приобщитися страстем Христовым удостоившаяся.

Радуйся, с верою и любовию понесшая крест твой и Христу последовавшая; радуйся, прелести мира сего спасения ради презревшая.

Радуйся, яко и во явлении Славы Его возрадуешися и восторжествуеши; радуйся, в бедах и скорбных обстояниих помощнице нам скорая.

Радуйся, яко и сама в житии твоем Христа ради многоскорбная была еси; радуйся, душ смятенных умиротворительнице тихая.

Радуйся, унывающим утешительнице дивная; радуйся, недоумевающим советнице мудрая.

Радуйся, призывающим тя молитвеннице теплая; радуйся, с верою и упованием умирающим споручнице крепкая.

Радуйся, святая благоверная княгине, преподобная мати Анно.

Кондак 10

Спасительнаго подвига ищущи, блаженная многоскорбная княгине Анно, теплыми молитвами непрестанно Бога моляше, да не лишит ю достояния святых и наследия Небеснаго Своего Царствия, поющую Богу: Аллилуиа.

Икос 10

Стена нерушимая, пристанище и предстательство к тебе притекающих была еси, блаженная, утешение и веселие. Сего ради зовем ти:

Радуйся, и во вдовстве бывшая правительнице мудрая, Ольге святей подобная и милосердная; радуйся, чада твоя во страсе Божием содержавшая.

Радуйся, ходити в заповедех Господних и являти ко всем милость поучавшая; радуйся, блаженная, нищия питавшая и убогия призиравшая.

Радуйся, странныя в дом твой вводити повелевшая, пищу и одежду им подававшая; радуйся, сирыя и вдовицы заступавшая и всем просящим помощи помогавшая.

Радуйся, много душею за чада твоя поболевшая; радуйся, супружнице добляя.

Радуйся, иноческое строгое житие во вдовстве проводившая; радуйся, печальми земными угнетенным мир вечный раскрывающая.

Радуйся, у Распятаго на Кресте за ны, грешныя, мира и тишины непрестанно просившая; радуйся, в нынешнем житии всем помощнице теплая.

Радуйся, святая благоверная княгине, преподобная мати Анно.

Кондак 11

Пение и молитвы непрестанныя возносити Богу хотящи, блаженная, пришла еси во обитель девичу и тамо, с великим смирением молящися, повелела еси себе пострищи во Ангельский чин, и тако, помощию Всевышняго Бога, в малом времени превзошла еси добродетельми вся бывшая тамо постницы, поющи Господеви: Аллилуиа.

Икос 11

Светоподательный светильник была еси, богоблаженная: князи бо, княгини, чада твоя и вся благочестно живущая во градах Твери и Кашине, обитель твою посещавшия, непрестанно поучала еси Бога боятися, Тому всегда угодная творити и жити в любви друг ко другу. Сего ради вси прославляху тя сице:

Радуйся, мирския суеты отрешившаяся; радуйся, Небеснаго Отечества возжелавшая.

Радуйся, Христа всем сердцем возлюбившая; радуйся, к подножию ног Его присно припадавшая.

Радуйся, великим ангельским образом украсившаяся; радуйся, на иноческия подвиги и борения устремившаяся.

Радуйся, иноческому послушанию всецело предавшаяся; радуйся, всю себе в жертву непорочную принесшая.

Радуйся, ум и сердце твое молитве посвятившая; радуйся, яко Христос во успении твоем в чертог Свой тя всели.

Радуйся, яко и мощи твоя нетленны сохрани, многими чудесы и исцеленьми к тебе приходящих обогати; радуйся, наставнице инокиням и собеседнице Ангелом.

Радуйся, святая благоверная княгине, преподобная мати Анно.

Кондак 12

Благодать и велие дерзновение твое пред Богом ведуще, тебе, преподобная мати, молимся: молися о нас ко Господу, да избавит ны от всех бед и напастей и сохранит и утвердит ны во святей вере, во святом благочестии и чистоте, да тихое и безмолвное житие поживем и поем благодеющему тобою Богу: Аллилуиа.

Икос 12

Поюще твое прославление, ублажаем тя, преподобная, яко многомощную о нас молитвенницу пред Господем, утешительницу и покровительницу, и возглашаем ти сице:

Радуйся, подвигом добрым подвизавшаяся; радуйся, течение скорбное постом, бдением и молитвою непрестанно совершавшая.

Радуйся, носившая на земли венец терновый; радуйся, унаследовавшая на Небеси венец нетленный.

Радуйся, супружнице страстотерпца Христова; радуйся, с ним спострадавшая и венчавшаяся.

Радуйся, молитвами твоими град Кашин от смертоносныя язвы избавившая; радуйся, яко веру к тебе несумненную и надежду известную в любящих тя возгрела еси.

Радуйся, от Господа всех благих нам подательнице; радуйся, во всех скорбех и обстояниих утешительнице.

Радуйся, от враг видимых и невидимых защитнице; радуйся, о нас пред Господем в день праведнаго воздания предстательнице.

Радуйся, святая благоверная княгине, преподобная мати Анно.

Кондак 13

О преподобная и преблаженная мати Анно! Молися присно Христу Богу нашему даровати людем православным на враги победы и одоление, и миру умирение, и всей Российстей земли великое утверждение, нам же грехов оставление и жития исправление, да тако Небеснаго Царствия наследницы будем, в радости поюще со Ангелы Богу: Аллилуиа.

Этот кондак читается трижды, затем 1-й икос «Ангелов Творец…» и 1-й кондак «Избранней и предивней…».

Канон преподобныя благоверныя великия княгини инокини Анны Кашинския, глас 3.

Песнь 1

Ирмос: Воды древле манием Божественным во едино сонмище совокупивый, и разделивый море израильтеским людем, Сей Бог наш препрославлен есть, Тому Единому поим, яко прославися.

Даждь ми, Господи, разумение, да достойно воспою и прославлю благоугождшую Ти преподобную матерь, прежде бывшую великую княгиню Анну, и возопию Тебе, Христу моему, яко препрославлен еси.

О тебе, блаженная мати Анно, хощу ныне язык подвигнути и слово прострети: споспешествуй ми, недостойному, молитвами твоими, да достойно восхвалю тя и воспою Господеви моему, яко прославися.

Со младых ногтей твоих страх Божий имела еси в сердце твоем, блаженная, егоже до конца содержала еси, укрепляема Божественною благодатию, тем и душу твою спасла еси, выну поющи Христу, яко прославися.

Богородичен: Тобою, Пречистая Владычице, от всех родов предъизбранная Дево, весь мир обновися, и весь род человеческий от лести диавольския свободися, и вопиет ко Христу, яко прославися.

Песнь 3

Ирмос: Неплодная душе и безчадная, стяжи плод благославный, веселящися, возопий: утвердихся Тобою, Боже, несть свят, несть праведен, паче Тебе, Господи.

Око душевное чисто и здраво имела еси от юности твоея, блаженная, имже всегда зрела еси к Горнему селению, егоже и достигла еси, и ныне Христу воспеваеши: несть свят и несть праведен, паче Тебе, Господи.

Из благочестиваго корене произрасла еси, блаженная, и, во вся дни жития твоего с супругом твоим чисто и непорочно пребывающи, вопияла еси ко Христу: несть свят и несть праведен, паче Тебе, Господи.

Ничтоже пред Богом вящше есть доброты душевныя. Ты же, преподобная мати, соблюла еси ю непреткновенно, вопиющи ко Христу: несть свят и несть праведен, паче Тебе, Господи.

Богородичен: Отроковице Чистая, Мати Господа нашего, помози ми, недостойному рабу Твоему, воспети угодницу Сына Твоего и Бога моего, преподобную матерь Анну, и рещи ко Христу: несть свят и несть праведен, паче Тебе, Господи.

Кондак, глас 8

Скоропослушную помощницу, вси, сущии в бедах, благочестно воспоем, Анну святую, днесь любовию сошедшеся во обретение честных мощей ея. Воспоем песнь Единому в Троице Богу, радующеся, сподобльшему нас видети пречистое сокровище честных мощей ея: от мног бо лет сокровены быша, напоследок же нам явлены и источают многа и различна исцеления. Яко да молитвами ея к Богу от всяких находящих зол избавимся, радостною душею и веселием сердца благодарная воспоем, глаголюще: радуйся, утверждение граду нашему.

Седален, глас 3

Воспитана была еси, блаженная, от рождших тя в заповедех Господних, яко лоза в красноцветущих виноградех, тем тя ублажаем и святую память твою верно почитаем. Моли Христа Бога, да спасет души наша.

Слава, и ныне, Богородичен

Света Превечнаго, от Отца прежде век рожденное Слово Божие, родила еси нам, Пресвятая Владычице, Христа Бога нашего, Имже вселенная от тли смертныя свободися, тем Тя непрестанно с Ним поем и величаем.

Песнь 4

Ирмос: Покрыла есть Небеса добродетель Твоя, Христе, из Кивота бо прошед святыни, Твоея Нетленныя Матере, в храме славы Твоея явился еси, яко Младенец руконосим, и исполнишася вся Твоего хваления.

Преукрашена была еси, преподобная мати, добродетельми твоими, яко цветы благоуханными и яко камением драгоценным. Тем и угодила еси Нетленному Царю и Владыце всех, Емуже и воспела еси: Господи, исполнишася вся Твоего хваления.

О, твердое основание веры, о, любы к Богу крепкая! В женстем бо естестве мужески победила еси невидимаго врага супостата и тако угодила еси Христу, вопиющи: Господи, исполнишася вся Твоего хваления.

Христов храм была еси, преподобная мати, твоею чистотою и целомудрием и прочими добродетельми, темже вместила еси в себе Святаго Духа, к Немуже и возопила еси: Господи, исполнишася вся Твоего хваления.

Богородичен: Воистину всех тварей вышши явилася еси, Владычице, и кто доволен по достоянию изрещи величие Твое? Пространнее бо небес явися чрево Твое, в немже носила еси всеми Невместимаго Бога, к Немуже и мы вопием: Господи, исполнишася вся Твоего хваления.

Песнь 5

Ирмос: Яко виде Исаия образно на Престоле превознесена Бога, от Ангел Славы дориносима, о, окаянный,— вопияше,— аз! провидех бо воплощаема Бога, Света Невечерня и миром владычествующа.

Аще и во благоденствии пребывала еси, блаженная мати, и всяко изобилие близ себе имела еси, никакоже вдалася еси на покой и веселие пищное, но, зельным трудом и воздержанием тело твое удручающи, воспевала еси Жениха твоего, Христа, Света Невечерня и миром владычествующа.

Любовию Христовою уязвившися, блаженная мати, великая княгине инокине Анно, яко доброплодная лоза в винограде, процвела еси во граде Кашине благими твоими деянии и победила еси бесовския полки, воспевающи Христа, Света Невечерня и миром владычествующа.

Истинным светом Христовым осияна была еси, мати святая, великая княгине инокине Анно, насыщающися велия благодати и воспевающи Его, Света Невечерня и миром владычествующа.

Богородичен: Ты убо, Чистая Мати Господня, чистотою и девством всех превзошла еси, темже избрана была еси в Божие вместилище и родила еси нам Христа Бога нашего, Света Невечерня и миром владычествующа.

Песнь 6

Ирмос: Бездна последняя грехов обыде мя, и исчезает дух мой; но прострый, Владыко, высокую Твою мышцу, яко Петра, мя, Управителю, спаси.

Из благочестиваго корене произрасла еси, преподобная мати, великая княгине инокине Анно, благочестием же и верою, аки цвет, процвела еси во твоем отечестве, во граде Кашине, и прешла еси к Горнему жительству, вопиющи ко Христу: яко Петра, мя, Управителю, спаси.

Воистину достойна еси похвалы велия, преподобная мати, великая княгине Анно, яко в женстем естестве мужескую крепость имела еси, и победила еси супостата диавола, и воспевала еси ко Владыце Христу: яко Петра, мя, Управителю, спаси.

Ей, воистину светел и тверд ум имела еси, преподобная, вся бо красная мира сего, яко уметы, вменила еси, блаженная, и ничтоже возможе поколебати непорочную твою душу, внегда воспевати ти Христу: яко Петра, мя, Управителю, спаси.

Богородичен: Лестным убо змииным преступлением низпадохом, но с Сыном Твоим, Иисусом Христом, Богом нашим, совостахом, Мати Господня, Егоже родила еси нам, Свет, и Живот, и Воскресение.

Кондак, глас 4

Яко пресветлая звезда, явилася еси в Российстей земли, во граде Кашине, преподобная мати Анно, во всех благочестивых и верных женах, аки крин, процвела еси чистым и непорочным твоим житием, во инокинях же совершенными твоими труды и подвиги, и возшла еси к Вышнему граду, радующися и веселящися, яко добре совершивши твое течение, и ныне честныя твоя мощи, аки бисерие драгое, явишася, на исцеление всем, приходящим с верою. Тем и вопием ти: радуйся, всекрасная душею, и моли Христа Бога о спасении душ наших.

Икос

Приидите, вси благовернии людие, воспоим и прославим преподобную великую княгиню инокиню Анну и тако к ней возопиим: радуйся, мати святая, великоименитая княгине инокине Анно, яко от юности твоея возлюбила еси Христа и по заповедем Его шествовала еси; радуйся, яко зельным твоим воздержанием тело твое удручила еси. Радуйся, яко сподобилася еси от Бога дара чудотворений; радуйся, яко озари Бог сердце твое, во еже восхотети облещися во иноческое одеяние и последовати Христу. Радуйся, нищим питательнице и сирым заступнице; радуйся, всем российским женам похвало и утверждение. Радуйся, всей Российстей стране твердое удобрение; радуйся, яко вместо земнаго царства Небесное обрела еси. Радуйся, яко по смерти твоей тело твое в недрех земли не подвержеся тлению; радуйся, яко предстоиши с лики святых и преподобных жен Невечернему Свету и молишися о спасении душ наших.

Песнь 7

Ирмос: Якоже древле благочестивыя три отроки оросил еси в пламени халдейстем, светлым Божества огнем и нас озари, благословен еси, взывающия, Боже отец наших.

Истинно велие чудо явися во граде Кашине, яко честныя твоя мощи многа лета землею покровены быша, ныне же Божиею благодатию явишася верху земли на исцеление всем, приходящим с верою и вопиющим: благословен Бог отец наших.

Како возможем не дивитися тебе, блаженная мати? Пребыла бо еси, аки свеща светящи, посреде российских жен чудным твоим житием, выну воспевающи: благословен Бог отец наших.

Утверждена была еси, мати преподобная, аки адамант крепкий, добродетельми твоими и, яко невеста, украшена была еси монисты златыми — делы твоими благими, воспевающи Христу: благословен еси, Господи Боже отец наших.

Богородичен: Юницу Тя нескверную, Деву и Богородицу, издалеча пророцы имены различными нарекоша: ин бо Тя гору мысленну нарече, другий же — Родительницу Божию, ов же — руно, ов же — священную дверь. Темже и мы вси достойно Тя поем и славословим во веки.

Песнь 8

Ирмос: Служити Живому Богу в Вавилоне отроцы претерпевше, о мусикийских органех нерадиша и, посреде пламене стояще, боголепную песнь воспеваху, глаголюще: благословите, вся дела Господня, Господа.

Како изглаголю величие Божие на тебе, преподобная мати Анно, явльшееся? Яко по толицех летех обретошася мощи твоя нетленны, на удивление всем человеком, поющим: благословите, вся дела Господня, Господа.

Ничтоже есть дражайше пред Богом добродетельныя души, еяже весь мир недостоин. Темже и ты, преподобная мати Анно, паче всего прилежала еси о сицевей безсмертней вещи, поющи: благословите, вся дела Господня, Господа.

Яко свещу светлу, уготовала еси кроткую душу твою, преподобная мати Анно, темже по смерти твоей многа исцеления недужным излияшася от честных мощей твоих. Сего ради мы вопием: благословите, вся дела Господня, Господа.

Богородичен: Господа моего и Бога Рождшая, Мати Безневестная, дерзновение имущи к Нему, заступи и сохрани мя Твоим ходатайством, яко да воспою: благословите, вся дела Господня, Господа.

Песнь 9

Ирмос: Сладкою Пречистаго Твоего рождества стрелою уязвлени, Чистая, Твоей достожеланней доброте дивящеся, песньми ангельскими достойно Тя яко Матерь Божию величаем.

Имиже весть судьбами прославляет Господь святыя Своя, ихже имена написана суть на Небеси в книгах животных, Тойже и тя прослави Своим милосердием, преподобная мати Анно. Тем тя поем и величаем.

Ныне с лики Ангельскими на Небесех предстоиши Владыце всех, преподобная мати Анно, молящи о граде твоем и о чтущих верою святую память твою, недугующим же подающи исцеление от честных мощей твоих. Тем тя поем и величаем.

Юна еще возрастом бывши, преподобная мати Анно, тесным и прискорбным путем шествовала еси, всякия сладости, яко горести, отвращающися, ныне же достигла еси неизреченныя радости. Тем тя поем и величаем.

Богородичен: Ааронов жезл прозябей, Владычице, прежде неплоден быв, послежде цвет и плод испусти; такожде и Ты, Пресвятая Дево, безмужно родила еси Христа Бога нашего. Тем Тя поем и величаем.

Светилен

Страхом Божиим ограждена была еси, преподобная, и, никакоже убоявшися демонских сил, отшла еси ко Трисиянному Великому Свету и ныне пребываеши в неизреченней светлости со всеми святыми. Тем тя молим: молися о нас, творящих святую память твою.

Житие святой Благоверной Великой Княгини Анны Кашинской

Анна Кашинская была дочерью Дмитрия Борисовича, князя Ростовского. Родилась она во второй половине тринадцатого столетия, в Кашине, одном из городов Ростово-Суздальского княжества. Отец и мать её были людьми набожными и воспитывали Анну в христианских традициях. Наставником юной княжны был епископ Ростовский Игнатий, славившийся своим благочестием. В то время и княжеские дети не должны были находиться в праздности, Анна с малых лет была приучена к рукоделию.

Слава о добродетелях и красоте Анны достигла других земель. Княгиня Ксения, правившая Тверью, послала в Ростов своих послов, чтобы сосватать ростовскую княжну за своего сына Михаила. Дмитрий дал своё согласие и вскоре была сыграна свадьба.

Церемония прошла в тверском Преображенском соборе в ноябре 1294 года. Обвенчал молодых местный епископ Андрей. Летописец сообщает о том, что жители Твери с большой радостью восприняли эту свадьбу. По случаю этого знаменательного события в Кашине был построен храм и возведены триумфальные ворота на въезде в город со стороны тверской дороги. И церковь, и арку назвали Михайловскими. 8 ноября в храме ежегодно совершался праздничный молебен. Молодая княгиня стала идеальной женой и рачительной хозяйкой. Супруги жили в полном согласии, заботились о процветании родной земли, отличались милосердием и щедростью. Анна родила пятерых детей: дочь Феодору и сыновей Василия, Константина, Александра и Дмитрия. Воспитывались дети в соответствии с православными ценностями, в послушании и Страхе Божием.

Все посланные Господом испытания Анна и её муж переносили стойко и со смирением. Анна отличалась кротким, но очень твёрдым нравом. Она находила в себе силы быть опорой для своих близких в тяжёлое время. В Твери случился страшный пожар в 1295 году, сгорело очень много домов. А в 1926 году полностью сгорел княжеский дворец. К счастью, княжеской семье удалось спастись. В этом все увидели руку провидения – Господь не дал погибнуть своим чадам. В том же году случилась засуха великая и мор. И в мире всё было неспокойно – княжеские междоусобицы приводили к разорению целых областей. Михаилу часто приходилось отправляться вместе со своей дружиной на защиту своих земель, и княгиня со слезами благословляла его на ратные подвиги. Несмотря на все несчастья, святая Анна никогда не впадала в уныние и не позволяла себе роптать. Молитвой и добрыми делами спасалась она от житейских невзгод.

В это время Русь была под властью татарских ханов. Чтобы спасти Тверь от вражеских набегов и защитить христианские святыни от разрушения, Михаил в 1318 поехал в Золотую Орду. Жена его понимала, что обратно он может не вернуться. Но Анна не стала отговаривать князя, а, вместе с детьми, проводила его до реки Нерль и благословила в трудный путь. Перед разлукой она попросила Михаила не бояться мук злоковарных, мужественно вынести все испытания, как подобает истинному христианину, и положиться во всём на волю Господа. Величие души, жертвенность и бесконечная любовь к Богу – вот что звучало в её напутственных словах. Супруги расстались возле деревни Малиник, и на земле больше не встретились – Михаила замучили в Орде. Умер князь 22 ноября (день памяти), но только через семь месяцев (в июле 1319 года) святая Анна узнала о его гибели. Позже Михаил был причислен к лику святых.

Останки князя были доставлены в Москву. Анна отправила туда послов: мощи святого Михаила были привезены в Тверь и погребены в Преображенском соборе. На этом беды княгини не кончились – её старшего сына тоже убили в Орде. Случилось это в 1325 году. А в 1327 ещё один сын Анны, Александр, не дал татарам разорить тверскую землю, победив их в битве. Но вскоре из Золотой Орды было оправлено большое войско, чтобы отомстить за это поражение. Тверь была взята и разграблена, а Александру пришлось укрыться в Пскове.

Анна не видела своего сына больше десяти лет. В 1339 году князь Александр и его сын Фёдор приняли мученическую смерть в Орде.

После смерти мужа княгиня стала монахиней. Она давно решила полностью посвятить себя служению Господу и жизнь её в миру мало отличалась от монашеской. Всё время проводила святая Анна в трудах и молитвах, строго соблюдала посты, утешала сирых и обездоленных, помогала бедным, заступалась за обиженных. Анна была пострижена в монашки в Софийском монастыре и получила новое имя – Евфросиния. Роскошные палаты княжеские сменила она на бедную келью и обрела истинный покой – теперь ничто не отвлекало её от поста и молитв.

Но и в монастыре не забывала она о бедных и старалась, в меру своих сил, им помочь.

В 1356 году Василий (младший сын княгини; единственный из пятерых детей, доживший до этого времени) смог уговорить мать переселиться в его вотчину, в Кашин. Так, в глубокой старости, Анна вернулась в родной город. Жители Твери провожали святую со скорбью. Кашинцы, наоборот, встречали ей с восторгом. Весь город вышел на дорогу, чтобы своими глазами увидеть благочестивую подвижницу. В Успенском монастыре она приняла схиму и снова стала зваться Анной. Жизнь её была ежедневным подвигом – пост, воздержание, еженощные бдения и непрестанные молитвы. В последние годы Анна ни с кем, кроме своего сына, не разговаривала. Василия же она учила смирению, кротости, любви к ближним и долготерпению.

Умерла святая Анна в 1368 году, 2 октября. Похоронили её в Успенском соборе. Родину свою она не оставила – город и поныне под её защитой. Она берегла его от пожаров и эпидемий. В начале семнадцатого столетия поляки несколько раз, в период с 1606 по 1611 год, пытались овладеть Кашиным, но так и не смогли этого сделать. В 1611 году святая Анна явилась пономарю Успенского собора и исцелила его от тяжёлого недуга. Вообще, чудесные исцеления в храме происходили неоднократно. В 1649 году была открыта гробница Анны. Мощи её были нетленны. В этом же году подвижницу причислили к лику святых. 12 июня 1650 года мощи были перенесены в кашинский Воскресенский собор. Празднование святой Анны происходило три раза в год – 2 октября (день смерти), 21 июля (день обретения мощей) и 12 июня (день перенесения святых мощей).

В 1677 Собор упразднил дни памяти святой. Но в народе Анну по-прежнему почитали. Во время войны с Наполеоном Кашин чудесным образом избежал разорения французской армией. А в 1848 году крестный ход с иконой святой Анны совершали, чтобы избавить город от эпидемии холеры. И чудо случилось – болезнь отступила.

С 1909 года день памяти святой установили 12 июня. Святые мощи сейчас хранятся в кашинском Петропавловском соборе.

Всего храмов, посвященных Святой Анне Кашинской семь (с учетом пределов, посвященных ей).

Санкт-Петербург, Россия

Церковь Анны Кашинской

Расположена над могилой Ксении Петербургской

Адрес: г. Санкт-Петербург, Большой Сампсониевский проспект, дом 53

 

Каменск-Шахтинский, Ростовская область, Россия

Церковь святой Анны Кашинской

Адрес: Ростовская область, г. Каменск-Шахтинский, ул. Строителей, дом 12

 

Москва, Россия

Донской монастырь. Церковь Серафима Саровского и Анны Кашинской на новом кладбище

Адрес: г. Москва, Донская площадь, 1, строение 29

 

Мощи Святой Анны Кашинской можно найти в следующих храмах:

Кашин, Тверская область, Россия

Храм Вознесения Господня

Адрес: Тверская обл., г. Кашин, пл. Единения, д. 1

Мощи благоверной княгини Анны Кашинской и Тверской

Храм Рождества Христова

Адрес: Тверская обл., г. Кашин, ул. Кропоткина

Икона с частицей мощей Анны Кашинской

Святая Княгиня Анна Кашинская показывает нам пример мужества, смирения и кротости, несмотря на тяжелые испытания. Перед ее иконой молятся об исцелении от тяжелых недугов, об укреплении в вере, о силе и стойкости для преодоления скорбей и бедствий.

Перед иконой Анны Кашинской также молятся женщины с именем Анна о заступничестве их Святой покровительницы перед Господом.

Икону можно подарить:

– жителям города Кашин для молитв о судьбе родного города;

– православным, потерявшим своих родственников, для укрепления их духа;

– девочкам, девушкам и женщинам, носящим имя Анна.