Икона святого мученика благоверного князя Вячеслава Чешского 18,5 х 29 см

Молитвы благоверному князю Вячеславу Чешскому

МОЛИТВА ПЕРВАЯ

О святый благоверный княже мучениче Вячеславе, избранный воеводо земли Чешския и всех христиан словенских теплый пред Богом предстателю! Днесь, в память твою единодушно сошедшеся в честнем храме сем и пред иконою твоею умиленно молящеся, сице из глубины сердца нашего к тебе взываем: ты в житии твоем ревнитель и защитник Православныя веры был еси – и нас в ней теплыми твоими к Богу молитвами непоколебимы утверди. Ты великое возложенное на тя служение усердно проходил еси, и нас твоею помощию пребывати коегождо, в немже призван есть, настави. Ты супостатов полки от отечества твоего силою ратною и мудростию управительною отгнал еси, и на нас ополчающихся всех врагов видимых и невидимых низложи. Ты в пределах страны своея правду и мир и милосердие насаждати потщался еси, и нам от милостиваго Бога в сих добродетелех преуспеяние испроси. Ты безвинную кровь твою, аки Авель, от руки брата своего пред враты церковными пролиял еси, и нас, яко чада единыя Матере Церкве, братолюбию и кротости научи. О великий и славный княже Вячеславе, ради вящшия славы Небесныя венец земнаго княжения оставивый и венцем мученическим праведно увенчанный! Ныне с мудрою наставницей, праматерию твоею Людмилою, и всеми святыми у Престола Божия предстоя, не забуди нас сирых и убогих, якоже в животе твоем никогоже от таковых оставил еси. И предстательством твоим житие тихое и безгрешное и к вечному царствию шествие устрой нам, да прославим Бога, дивнаго во святых Своих, Отца и Сына и Святаго Духа, ныне и присно и во веки веков. Аминь.

МОЛИТВА ВТОРАЯ

О великий воине Христов, святый мучениче княже Вячеславе! Призри от Горния славы на нас грешных, яда теплохладности вкусивщих. Молися о нас, святче Божий! Да сподобит нас Господь во дни апостасии благодать для покаяния стяжати, с состраданием на брата и с любовию на врагов взирати, без злобы святую веру в оправдание себе пред Богом в чистоте содержати. Да сподобимся твоими молитвами последняго Царя на Святей Руси от Господа прияти, с тобою наследниками Царствия Небеснаго стати: вечнаго познания творений Божиих и благостнаго славословия Пресвятой Троицы: Отца и Сына, и Святаго Духа, ныне и присно и во веки веков. Аминь.

МОЛИТВА ТРЕТЬЯ

О святый княже Вячеславе! Усердно просим тя молитися за ны (имена), да простит Господь Бог наши согрешения вольная и невольная, и очистит нас от всякия скверны плоти и духа, да избавит нас от козней диавола и сохранит от клеветы людския, да утвердит нас в истинной вере и благочестии, да соблюдет от суемудрых и душетленных учений, да сохранит сердца наша от соблазнов мира сего и да научит огребатися от плотских страстей и похотей, да тако горняя мудрствовати, а не земная, прославляя Единосущную Троицу во веки и в век века. Аминь.

МОЛИТВА ЧЕТВЕРТАЯ

Моли Бога о мне, святый угодниче Божий Вячеслав, яко аз усердно к тебе прибегаю, скорому помощнику и молитвеннику о душе моей.

Тропарь благоверному князю Вячеславу Чешскому

глас 4

Днесь Ангели с человеки радуются вкупе общим веселием,/ Небо и земля светло ликуют в память твою, святе./ И мы, грешнии, прилежно ти вопием:/ помолися к Владыце о нас,/ избавити ны от напасти/ видимых и невидимых враг,/ чтущих пресветлую память твою.

Ин тропарь благоверному князю Вячеславу Чешскому

Благочестиваго корене отрасль пречестная,/ святый благоверный великий княже Вячеславе,/ поборник быв Восточныя в Чехах Церкве/ и прибежище теплое убогим и сирым,/ яко вторый Авель, незлобиве претерпел еси смерть,/ во главу усечен рукою брата пред враты церковными./ Темже и всели тя Христос/ яко исповедника правыя веры во обители Небесныя,/ прослави всечестную память твою в словенских языцех/ и дарова тя скораго помощника всем, почитающим тя./ Молися о людех твоих ко Господу,/ да обратит их в лоно Православный Церкве и спасет души наша.

Кондак благоверному князю Вячеславу Чешскому

глас 1

С лики Ангельскими предстоя,/ блаженне княже Вячеславе,/ наслаждаешися Божественныя и неизреченныя доброты/ и, оттуду благодетельныя дары почерп чудес,/ всем, притекающим верою под твою святыню,/ источавши цельбам дарование.

Величание благоверному князю Вячеславу Чешскому

Величаем тя, благоверный княже Вячеславе, и чтим святую память твою, ты бо молиши за нас Христа Бога нашего.

Акафист святому мученику князю Вячеславу Чешскому

Кондак 1

Богоизбранный княже и кроткий воине Христов, в роде христианскаго князя Богемии Боривоя и блаженней княгини Людмилы рожденный, родителями князем Вратиславом и княгиней Драгомирой с именем Вячеслава крещенный, величающе прославльшаго тя Господа, воспеваем ти похвальная. Ты же из младенчества христианскому благочестию наученный от всяких нас бед свободи:
Радуйся, святый мучениче Вячеславе, страны Чешские княже предивный.

Икос 1

Ангелов Творец посла тя, святче Божий, Церкве Православней в укрепление, жаждущим ведения истины во благое вразумление, благочестивым житием твоим в назидательное окормление. Мы же, дивящеся таковому о тебе Промышлению Вседержителя, с радостию вопием ти:
Радуйся, страны Чешские украшение;
Pадуйся, смирением и кротостию показавый стезю духовнаго восхождения.
Радуйся, княже, блаженней Людмилы любимое окормление;
Pадуйся, христианским истинам верное научение.
Радуйся, Духа Святаго в сердце вместивый;
Pадуйся, огнем божественной любви душу свою распаливый.
Радуйся, разума Евангельскаго исполненный;
Pадуйся, землю Чешскую житием благим твоим в вере утвердивый.
Радуйся, святый мучениче Вячеславе, страны Чешские княже предивный.

Кондак 2

Видяще Господь чистоту помышлений сердца твоего, святый отче наш Вячеславе, избра тя в оружие Свое на земли Чешския в христианское просвещение, да утверждаемые твоими молитвами и наставлениями с надеждой вопием Богу: Аллилуиа.

Икос 2

Под сению блаженной Людмилы боговедение твое Господь укреплял еси, святче Божий, и в утверждение твое на прародительском престоле княже Вратислав на ступени алтаря пред лице святительское возвел еси тя, глаголя: Преподай, владыко, благословение сыну, наследнику моему. Мы же, видяще Божие благоволение к тебе, с радостию вопием ти сице:
Радуйся, подобно праведным праотцам Аврааму, Исааку и Иакову благословенный;
Pадуйся, в венчании равноапостольным царем Константину и Елене уподобленный.
Радуйся, от юности ревнителю благочестия богоизбранный;
Pадуйся, утверждения Православной веры источниче отрадный.
Радуйся, язычества дивный просветителю;
Pадуйся, аскетического жития ревнителю.
Радуйся, о словесном стаде Христовом земли Чешския попечение;
Pадуйся, о спасении народа твоего непрестанное помышление.
Радуйся, святый мучениче Вячеславе, страны Чешские княже предивный.

Кондак 3

Сила Вышняго служение княжеское твое воистину определила еси, веру в Господа нашего Иисуса Христа народу явно явил еси, днем и ночию храмы Божии для молений посещаяй, растерявших благодать святую к покаянию призываяй. Мы же, видяще попечения Божия сия, со умилением вопием Богу: Аллилуиа.

Икос 3

Благоволил еси Господь явити Своего светильника миру, тебе, святый отче Вячеславе, истины ведение, изобилие любве и кротости даровал еси, в умножении христианских добродетелей утвердил еси; все были равны пред лицем твоим. Сего ради поем Богу о тебе:
Радуйся, управителю земли Чешския верный;
Pадуйся, носителю духа кротости добропобедный.
Радуйся, богатым и убозим рабе верный;
Pадуйся, светом небесным наполненный.
Радуйся, сирот и вдов упование;
Pадуйся, душ христианских врачевание.
Радуйся, мирнаго духа хранителю;
Радуйся, язычества кроткий обличителю.
Радуйся, святый мучениче Вячеславе, страны Чешские княже предивный.

Кондак 4

Бури безумия и злоречия могущественных вельмож не убоялся еси, козни язычников превозмогаяй и землю Чешскую в Православии соблюдаяй. Мы же, победу духовну зря, с радостию вопием Богу: Аллилуиа.

Икос 4

Видящи язычества окружение, святче Божий, прилежно книги церковные изучал еси, духом ведения истины исполняяся, мудрости и твердости княжеской набираяся. Сего ради вопием ти:
Радуйся, чистый источниче вдохновения;
Pадуйся, гонимых за правду неизменное окормление.
Радуйся, убийц любимой наставницы блаженнной Людмилы обличение;
Pадуйся, родительницы твоея Драгомиры, коснеющей в язычестве, удаление.
Радуйся, в утверждении заповеди Божией с матерью примирение;
Pадуйся, греха краткаго отчуждения слезнаго омовение.
Радуйся, в возраст духовней зрелости неизменное восхождение;
Pадуйся, самобытное области твоея устроение.
Радуйся, святый мучениче Вячеславе, страны Чешские княже предивный.

Кондак 5

Боготечная звезда всем христианом страны твоея явился еси, святый мучениче Вячеславе, благочестивым житием на покаяние, на путь несения креста смиренно наставляяй. Мы же, верою узревши спасительность смирения и кротости на пути Христа, с радостию вопием ти: Аллилуиа.

Икос 5

Видевши вельможи страны Чешския великаго тя благочестия защитника, святый отче, брата твоего Болеслава ложию во искушение ввели, благочестие твое искажали. Мы же вси, твоему боголюбию дивящеся, вопием ти:
Радуйся, подвижниче богопрославленный и дивный;
Pадуйся, врагом рода человеческого, диаволом, поносимый.
Радуйся, к чистоте духовней, к вере в Истину призывавый;
Pадуйся, о любви Христовой житием твоим вещавый.
Радуйся, четырех твоих сестер в жены за князей окрестных стран с радостию отдавый;
Pадуйся, благодатию Святаго Духа страну твою омывавый.
Радуйся, брата Болеслава по-христиански возлюбивый;
Pадуйся, нивочто наговоры его на тя вменивый.
Радуйся, святый мучениче Вячеславе, страны Чешские княже предивный.

Кондак 6

Проповедует Святая Церковь подвизи и труды твоя, богоносне угодниче Христов, о славе Божией и о спасении всем возвещал еси, о благодатном пламенении души житием твоим благовествуяй, научай тем люди твоя благодарственно пети Господу: Аллилуиа.

Икос 6

Возсиял еси светом истины в стране многострадальной, святый княже Вячеславе, любовию твоею образ Христа являеши, гробом гордости, тщеславия и себялюбия себе пред всеми утверждающе. Сего ради воспеваем ти таковая:
Радуйся, княжеское страны твоея окормление;
Pадуйся, всем жаждущим спасения и до ныне благое утешение.
Радуйся, украшением храмов и очищением душ верных ко спасению препровождаеши;
Pадуйся, княжеством твоим и верою православных христиан умудряеши.
Радуйся, стадо Христово святыми молитвами вразумляеши;
Pадуйся, волков в овечьих шкурах доныне обличаеши.
Радуйся, страны Чешские украшение;
Pадуйся, святой Людмилы Чешския достойное последование.
Радуйся, святый мучениче Вячеславе, страны Чешские княже предивный.

Кондак 7

Хотяй веру Православную на земли Чешския в чистоте утвердити, святче Божий, против языческаго князя Куримскаго с войском выступил еси, в желании овладеть страной Богемией его обличаяй и открыто на поединок напавшаго князя вызываяй. Мы же, видяще отважность веры твоея, благодарно со слезами вопием Богу: Аллилуиа.

Икос 7

Ведуще тя избранника Божия, святый отче наш Вячеславе, безмолвно стояло преданное тебе войско, суда Господня ожидаяй, и вот внезапу князь язычник пред лицем твоим светлый крест узрел еси; пав ниц, твое благодушное прощение обретаяй. Мы же, вси труды твои поминающе непрестанно воспеваем ти сицевая:
Радуйся, благочестия христианскаго попечителю;
Pадуйся, безкровной битвы победителю.
Радуйся, врачу наш скорый и благодатный;
Pадуйся, верных Господу Иисусу Христу защитниче славный.
Радуйся, градов чешских щит и ограждение;
Pадуйся, в вере Православной утверждение.
Радуйся, в нуждах упованию на Бога научаеши;
Pадуйся, богатство лишь на небе собирати призываеши.
Радуйся, святый мучениче Вячеславе, страны Чешские княже предивный.

Кондак 8

Божию милость видим на тебе, святый мучениче Вячеславе, благочестия дела творя на совет имперский опоздал еси, обвинения собравшихся князей смиренно принимаяй. Ангелов окрест тя и крест сияющий на челе твоем Бог кесарю открыл еси внезапно и пред тобою его ниц поверг еси для всех нежданно. Мы же, зря сокровища сия, со умилением вопием Богу: Аллилуиа.

Икос 8

Весь всем заступниче явился еси, блаженне отче Вячеславе, часть мощей святаго Вита у кесаря, повергшагося пред тобою, испросил еси и в граде Праге церковь в честь святаго освятил еси, на похвалу всех подвизая пети Богу:
Радуйся, престолу и главе духовней в стране Чешстей поревновавый;
Pадуйся, кафедру архиепископскую Божиим смотрением основавый.
Радуйся, подвигами и молитвою народу чешскому ходатаю спасения;
Pадуйся, приводяй всех жаждущих к источнику очищения.
Радуйся, согревающую благодать слуге твоему Подивою открываяй;
Pадуйся, следовати за Христом «след в след» в зимнем поле научаяй.
Радуйся, нощным печением святых просфор Бога славивый;
Pадуйся, детей язычников истинному Богу служити посвящавый.
Радуйся, святый мучениче Вячеславе, страны Чешские княже предивный.

Кондак 9

Всякое естество Ангельское удивися Промыслу милосердия Твоего, Боже наш, яко даровал еси нам толико мудраго и теплаго молитвенника и о спасении душ наших пред Престолом Твоим, Господи, попечителя. Кто сочтет, святче Божий, все труды твоя, яже сотворил еси, Господеви поя: Аллилуиа.

Икос 9

Всего себе Господу предал еси, мир Христов посреде людей утверждаяй и козни сатанинская любовию Христовой побеждаяй. Мы же, благочестивое житие твое зря, с любовию вопием ти:
Радуйся, дар прозорливости стяжавый;
Pадуйся, о перенесении тела святей Людмилы в девичию обитель святаго Георгия откровение Свыше восприявый.
Радуйся, монашество приняти возжелавый;
Pадуйся, будущее твое духом Святым познавый.
Радуйся, Ангельское и наше непрестанное удивление;
Pадуйся, носителю Божия прославления.
Радуйся, добровольной скудости не изменивый;
Pадуйся, Духа самоотвержения и любве приимый.
Радуйся, святый мучениче Вячеславе, страны Чешские княже предивный.

Кондак 10

Спастися хотяй всем человеком, иже на крове мучеников Своих Церковь основавый, сердцеведец Христос положи тя, отче наш Вячеславе, в сонме святых мучеников во основание храмины страны Чешския, да вси в ней сущия вопиют Богу: Аллилуиа.

Икос 10

Наставниче был еси всем с верою к тебе прибегающим, святче Божий, стране Чешския щит и ограждение, и о чистоте Православныя веры славное попечение. Мы же обетованное святыми духовное возстание богохранимых стран славянских в молитвах призываем и в покаянии вопием сице:
Радуйся, крест страданий на рамена во утверждение Православия приявый;
Pадуйся, сердечную мягкость стяжавый.
Радуйся, отмстителем себе Господа избравый;
Радуйся, образе мытарева смирения.
Pадуйся, кроткий лик небеснаго прозрения;
Радуйся, странники и нищия питавый.
Pадуйся, благость Христовой любви познавый;
Радуйся, святый мучениче Вячеславе, страны Чешские княже предивный.

Кондак 11

Пение благоуханное непрестанно Святей Троице и Деве Богородице возносяще, всеми помыслами, житием твоим, образом благочестия в стране твоея пребыл еси; подобно братием князиям Борису и Глебу на Святой Руси, предательство от брата Болеслава приял еси. Мы же, возлюбивше Бога за таковую милость, выну зовем Ему: Аллилуиа.

Икос 11

Богоизбранный воине Христов, святый мучениче княже Вячеславе, яко светозарное светило возсиял еси, кротость и смирение источаяй, смысл жития и смерти христианстей утверждаяй, любовию на стезю спасения, стезю несения креста во спасение души призываяй. Тем же поем ти:
Радуйся, поныне святые храмы Божии устрояеши;
Pадуйся, с любовию священство в них собираеши.
Радуйся, последний храм твой святому праотцу Аврааму посвятивый;
Pадуйся, брата твоего с благоговением на освящение пригласивый.
Радуйся, созидателю душ христианских славный;
Pадуйся, народа Божия любовь стяжавый.
Радуйся, воине Христов, явленный в подражание;
Pадуйся, отец чадолюбивый, Богом прославленный нам в утешение.
Радуйся, святый мучениче Вячеславе, страны Чешские княже предивный.

Кондак 12

К тебе любовь Пречистой Богородицы ведущи, святче Божий, на праздник святых Безсребреников ко брату Болеславу пребыл еси, яко овча, ведомое на заколение, смерть прозрел еси и кровь свою за Христа Бога пролити возжелал еси, словами сие предваряяй: Завтра на утреннем бдении райскаго предстоятеля святаго Михаила буду пити чашу, Владыка, ибо уже Архангеле душу мою Владыце обещал еси; вы же, радостно со мною ныне пиющие вино, ведайте, что от сего часа уже не буду пити оное с вами. Сего ради вопием Богу: Аллилуиа.

Икос 12

Церковь Божия земная славу небесную утверждаяй, поюще страдания твоя, подобно христопродавцу Иуде, брат твой Болеслав на пир нечестиваго скопища предателей увлек еси тя , великодушный святый мучениче Вячеславе, утром во вратах дома княжескаго смерть от меча брата и клевретов его с кротостию приял еси и на пороге церковном душу Господу предал еси. Мы же все сия зря, со слезами вопием ти:
Радуйся, святый княже, посланный нам во укрепление;
Pадуйся, образе Христов, призванный в покаянное очищение.
Радуйся, любящим тя ходатаю спасения;
Pадуйся, величающим тя и подражающим щит и ограждение.
Радуйся, немощным во благое утешение;
Pадуйся, всем верным победоносное благословение.
Радуйся, всех присных в Небесныя обители с собою призвавый;
Pадуйся, слезы поздняго раскаяния матери твоея Драгомиры познавый.
Радуйся, святый мучениче Вячеславе, страны Чешские княже предивный.

Кондак 13

О предивный угодниче Христов, приими малое сие моление наше в похвалу тебе от православной братии возносимое, призри на нас немощных, ко греху преклонных, малопросвещенных, заботами обремененных и, предстоя в небесной славе пред Престолом Царя царствующих, молися о нас, великий княже: проси, святче Божий, да обрящем милосердие Его в день судный, в радости поюще Пресвятей Троице: Аллилуиа.

Этот кондак читается трижды, затем икос 1-й и кондак 1-й

Житие святого мученика благоверного князя Вячеслава Чешского

Вячеслав (Вацлав) Чешский – воин и святой мученик, сын князя Вратислава, который умер, когда мальчику исполнилось тринадцать лет. В семье было три сына, но Вячеслав отличался недюжинным умом и необычной добротой. Воспитывался он в христианской вере, хотя его мать, Драгомира, исповедовала другую религию (современные исследователи, впрочем, считают её христианкой). Большое влияние на юного князя оказывала его бабушка, святая Людмила. Людмила сама строго следовала заветам христианской церкви и сумела привить своему внуку боголюлюбие, праведность и милосердие.

Людмила в результате дворцовых интриг была сослана в монастырь. Там она погибла от рук наёмных убийц.

Вячеслав занял княжеский престол в юном возрасте (в 924 году). Несмотря на это, он показал себя мудрым и дальновидным правителем. Он заботился о том, чтобы его младшие братья получили достойное образование, строил храмы и школы, умело проводил внешнюю политику и был хорошо известен во всех сопредельных государствах как истинный христианин и благодетель своего народа. Правил Вячеслав около десяти лет.

Добродетель всегда вызывает ненависть у злодеев. Поэтому у Вячеслава было много недругов среди собственных вельмож. Они хотели иметь на престоле князя, который бы правил с пользой для них, а не для народа. Поэтому несколько придворных стали всячески восстанавливать против Вячеслава одного из его братьев – Болеслава. Юноша поверил в клевету и вознамерился убить брата и занять княжеский престол.

Болеслав позвал Вячеслава в свой удельный город на праздник в честь освящения нового храма. Святой мученик приехал, а после того, как богослужение закончилось, собрался в обратный путь. Но младший брат упросил князя остаться на праздничный пир. Верные слуги предупреждали Вячеслава об опасности, но он не мог поверить, что брат замышляет против него злое.

Наутро, когда мученик пришёл в церковь на службу, Болеслав и несколько его товарищей напали на него с мечами. Вячеслава убили на пороге храма. Кровь князя, которая пролилась на месте злодеяния, пытались отмыть в течение трёх дней, но сделать этого не смогли. На четвёртый день кровавые пятна исчезли сами собой.

Позже Болеслав раскаялся в содеянном и до конца своей жизни вымаливал у Господа прощение.

Вячеслав Чешский почитается как православной, так и католической церковью. День памяти мученика – 17 марта и 11 октября по современному летоисчислению. Чехи считают его покровителем своей страны. Мощи Вячеслава хранятся в пражском соборе святого Вита. Но не только останки Вячеслава почитаются как святыня, реликвиями стали его доспехи и меч. В Праге существует Вацлавская площадь, на которой установлен памятник невинно убиенному князю.

Верующие просят князя-мученика о том, чтобы он защитил отечество от врагов и уберег воинов от ран и гибели.

Всего храмов, посвященных Святому Вячеславу Чешскому около 10 (с учетом приделов, посвященных ему).

Москва, Россия

Храм-часовня Вячеслава Чешского при Московском Суворовском училище

Адрес: г. Москва, Извилистый проезд, дом 11

Храм-часовня иконы Божией Матери "Троеручица" в Орехове-Борисове

Адрес: г. Москва, Каширское шоссе, 63, стр. 2

http://www.troeruchitsa.ru

В храме находятся частица мощей святых Вячеслава и Людмилы Чешских.

Барвиха, Московская область, Россия

Церковь Вячеслава Чешского

Адрес: Московская обл., Одинцовский район, Барвиха, дск. Новь, 3-я линия, д. 95-а

http://barviha.prihod.ru

В храме находятся частица мощей святых Вячеслава и Людмилы Чешских

Россия, Московская область

Храм Спаса Нерукотворного Образа с. Усово

http://www.усовохрам.рф

Адрес: Московская область, Рублево-Успенское шоссе, с. Усово, д. 101.

Икона с частицей мощей мчц. Людмилы Чешской

Брно, Чехия

Кафедральный собор Вячеслава Чешского.

Адрес: Jihomoravský kraj, okres Brno-město, Brno, Veveří, Gorazdova + Pellicova ul.

http://www.pravoslavbrno.cz

Святому Вячеславу Чешскому можно молиться о любой нужде и скорби, а также о благополучии дома и семьи. Икона Вячеслава Чешского может стать именной иконой главы дома, если он носит имя Вячеслав.

Икону можно подарить:

- жителям Чехии и Праги, так как святой Вячеслав Чешский почитается их святым покровителем;

- семьям, которые хотят жить благополучно и счастливо;

- мужчинам, носящим имя Вячеслав.