Икона святого пророка Илии в деревянной рамке 18,5 х 29 см

Молитвы святому Пророку Божию Илии

МОЛИТВА ПЕРВАЯ

О прехвальный и пречудный пророче Божий Илие, просиявый на земли равноангельским житием твоим, пламеннейшею ревностию по Господу Богу Вседержителю, еще же знамении и чудесы преславными, таже по крайнему благоволению к тебе Божию преестественно восхищенный на огненней колеснице с плотию твоею на небо, сподобльшийся беседовати с преобразившимся на Фаворе Спасителем мира, и ныне в райских селениих непрестанно пребываяй и предстояй престолу Небесного Царя! Услыши нас, грешных и непотребных, в час сей предстоящих пред святою твоею иконою и усердно прибегающих к ходатайству твоему. Моли о нас Человеколюбца Бога, да подаст нам дух покаяния и сокрушения о гресех наших и всесильною Своею благодатию да поможет нам оставити пути нечестия, преспевати же во всяком деле блазе, да укрепит нас в борьбе со страстьми и похотьми нашими, да всадит в сердца наша дух смирения и кротости, дух братолюбия и незлобия, дух терпения и целомудрия, дух ревности к славе Божией и о спасении своем и ближних доброе попечение. Упраздни молитвами твоими, пророче, злыя обычаи мира, паче же погибельный и тлетворный дух века сего, заражающий христианский род неуважением к Божественней православней вере, к уставом Святыя Церкве и к заповедем Господним, непочтением к родителем и властем предержащим, и низвергающий людий в бездну нечестия, развращения и погибели. Отврати от нас, пречудне пророче, предстательством твоим праведный гнев Божий и избави вся грады и веси отечества нашего от бездождия и глада, от страшных бурь и землетрясений, от смертоносных язв и болезней, от нашествия врагов и междоусобной брани. Укрепи твоими молитвами, преславне, предержащия власти наша в велицем и многотруднем подвизе народоправления, благопоспешествуй им во всех благих деяниих и начинаниих к водворению мира и правды в стране нашей. Пособствуй христолюбивому воинству во бранех со врагами нашими. Испроси, пророче Божий, от Господа пастырем нашим святую ревность по Богу, сердечное попечение о спасении пасомых, мудрость во учении и управлении, благочестие и крепость во искушениих, судиям испроси нелицеприятие и безкорыстие, правоту и сострадание к обидимым, всем начальствующим попечение о подчиненных, милость и правосудие, подчиненным же покорность и о послушании своем рачение. Да тако в мире и благочестии поживше в сем веце, сподобимся причастия вечных благ в Царствии Господа и Спаса нашего Иисуса Христа, Емуже подобает честь и поклонение со Безначальным Его Отцем и Пресвятым Духом во веки веков. Аминь.

МОЛИТВА ВТОРАЯ, О ДАРОВАНИИ ДОЖДЯ

О великий и преславный пророче Божий Илие, ревности ради твоея по славе Господа Бога Вседержителя не терпевый зрети идолослужения и нечестия сынов Израилевых, обличавый законопреступнаго царя Ахава и в наказание тех трилетний глад на землю Израилеву молитвою твоею от Господа испросивый, да, отвергше мерзкия идолы и отступльше от неправд и беззаконий, обратятся ко Единому Истинному Богу и исполнению святых Его заповедей, вдовицу Сарептскую в гладе пречудно препитавый и сына ея умерша молитвою твоею воскресивый, по прошествии же пронареченнаго времене глада, собранный на гору Кармильскую народ израильский в богоотступстве и нечестии укоривый, таже огнь молитвою на жертву твою с небесе испросивый и чудом сим Израиля ко Господу обративый, студныя же пророки Вааловы посрамивый и умертвивый, по сих же молитвою паки небо разрешивый и обильный дождь на землю испросивый и люди Израилевы возвеселивый! К тебе, предивный угодниче Божий, усердно прибегаем, грешнии и смиреннии, томими бездождием и зноем: исповедуем, яко недостойни есмы милости и благодеяний Божиих, достойни же паче лютых прещений гнева Его, скорби же и нужды и всяких зол и болезней. Не бо ходихом в страсе Божии и в путех заповедей Его, но в похотех развращенных сердец наших и всякий вид греха безчисленно сотворихом; беззакония наша превзыдоша главу нашу, и несмы достойни явитися пред лице Божие и зрети на небо. Исповедуем, яко и мы, якоже древний Израиль, отступихом от Господа Бога нашего, аще не верою, то беззаконьми нашими, и аще не покланяемся Ваалу и другим мерзким идолом, то раболепствуем страстем и похотем нашим, служаще идолу чревоугодия и сластолюбия, идолу корыстолюбия и честолюбия, идолу гордости и тщеславия, и вслед ходим богопротивным иноплеменным обычаем и погибельному духу времене. Исповедуем, яко сего ради заключися небо и сотворися аки медяно, яко заключися сердце наше от милосердия и истинныя любве ко ближнему; сего ради отверде земля и соделася безплодна, яко не приносим Господу нашему плодов добрых дел; сего ради несть дождя и росы, яко не имамы слез умиления и животворный росы Богомыслия; сего ради увяде всяк злак и трава сельная, яко изсше в нас всякое благое чувство; сего ради омрачися воздух, яко ум наш омрачися студными помышленьми и сердце наше осквернися беззаконными похотеньми. Исповедуем, яко и тебе, пророче Божий, просити мы недостойни есмы. Ты бо, подобострастен быв нам человек, Ангелом в житии твоем уподобился еси и, аки безплотный, на небо восхищен еси, мы же студными помыслы и деяньми нашими безсловесным скотом уподобихомся и душу нашу яко плоть сотворихом. Ты постом и бдением удивил еси Ангелов и человеков, мы же, предающеся невоздержанию и сластолюбию, скотом несмысленным уподобляемся. Ты презельною ревностию о славе Божией выну горел еси, мы же небрежем о славе нашего Творца и Господа и стыдимся исповедывати достопокланяемое Имя Его. Ты нечестие и злыя обычаи искоренял еси, мы же рабствуем духу века сего, поставляюще богопротивныя обычаи мира паче заповедей Божиих и уставов Святыя Церкве. И кий грех и неправду не сотворихом мы, окаяннии? Истощихом беззаконьми нашими долготерпение Божие. Темже правосудный Господь прогневася на нас и во гневе Своем наказа нас. Обаче ведуще велие дерзновение твое пред Господем и надеющеся на любовь твою к роду человеческому, дерзаем молити тя, прехвальне пророче: милостив буди к нам, недостойным и непотребным. Умоли Великодаровитаго и Всещедраго Бога, да не до конца прогневается на ны и не погубит нас со беззаконьми нашими, но да низпослет на жаждущую и изсохшую землю дождь обильный и мирный, да дарует ей плодоносие и благорастворение воздуха. Преклони действенным твоим ходатайством на милость Царя Небеснаго, аще не ради нас, грешных и скверных, но ради избранных рабов Его, не преклонивших колена своя пред Ваалом мира сего, ради незлобивых и несмысленных младенцев, ради безсловесных скотов и птиц небесных, страждущих за наша беззакония и истаевающих от глада, зноя и жажды. Испроси нам твоими благоприятными молитвами от Господа дух покаяния и сердечнаго умиления, дух кротости и воздержания, дух любве и терпения, дух страха Божия и благочестия, да тако, возвратившеся от стезей нечестия на правый путь добродетели, ходим во свете заповедей Божиих и достигнем обетованных нам благих, благоволением Безначальнаго Бога Отца, человеколюбием Единороднаго Сына Его и благодатию Всесвятаго Духа, ныне, и присно, и во веки веков. Аминь.

МОЛИТВА ТРЕТЬЯ

О святый пророче Божий Илии, моли о нас Человеколюбца Бога, да подаст нам, рабам Божиим (имена), дух покаяния и сокрушения о гресех наших, и всесильною Своею благодатию да поможет нам пути нечестия оставити, преспевати же во всяком деле блазе, и в борьбе со страстьми и похотьми нашими да укрепит нас; да всадит в сердца наша дух смирения и кротости, дух братолюбия и незлобия, дух терпения и целомудрия, дух ревности ко славе Божией и о спасении своем и ближних доброе попечение. Отврати от нас предстательством твоим праведный гнев Божий, да тако в мире и благочестии поживше в сем веце, сподобимся причастия вечных благ во Царствии Господа и Спаса нашего Иисуса Христа, Емуже подобает честь и поклонение, со Безначальным Его Отцем и Пресвятым Духом, во веки веков. Аминь.

МОЛИТВА ЧЕТВЕРТАЯ

Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей.

Тропарь пророка Илии

глас 4

Во плоти Ангел,/ пророков основание,/ вторый Предтеча пришествия Христова, Илия славный,/ свыше пославый Елиссееви благодать/ недуги отгоняти/ и прокаженныя очищати,// темже и почитающим его точит исцеления.

Кондак пророка Илии

глас 2

Пророче и провидче великих дел Бога нашего,/ Илие великоимените,/ вещанием твоим уставивый водоточныя облаки,// моли о нас Единаго Человеколюбца.

Величание святому пророку Илие

Величаем тя, святый славный пророче Божий Илие, и чтим еже на небеса на колеснице огненней преславное восхождение твое.

Акафист святому Пророку Божию Илии

Кондак 1

Избранный Богом на обращение Израиля от прелести Вааловы, грозный обличителю царей законопреступных, просиявый пламенною ревностию по Бозе Вседержители, святостию жизни и чудесы, восхищенный с плотию твоею на Небеса и предыти имеяй Второму пришествию Христову, похвальная восписуем ти, пророче Божий Илие; ты же, яко имеяй велие дерзновение ко Господу, от всяких нас зол и обстояний молитвами твоими свобождай, благочестно тебе вопиющих:

Радуйся, Илие, великий пророче, Втораго пришествия Христова славный предтече.

Икос 1

Ангел ревностию по Бозе и чистым житием твоим, сый во плоти, пророче, был еси: еще бо младенцу ти бывшу отец твой Совах виде светлыя Ангелы, беседующия с тобою, огнем тя повивающия и пламенем питающия, еже прознаменоваше пламенную ревность твою по Бозе, силу словес твоих и житие, яко свет, непорочное. Сего ради со удивлением зовем ти таковая:

Радуйся, от вечности предызбранный в служение спасению сынов Израилевых; радуйся, от чрева матерня предуготованный в провозвестника Божественныя истины и благочестия.

Радуйся, преславным, бывшим на тебе, видением родителя твоего удививый; радуйся, девственную чистоту и безмолвие от юности возлюбивый.

Радуйся, суету мира сего и вся блага его презревый, душу же твою всецело Господу посвятивый; радуйся, светом премудрости от Бога озаренный и учением благочестия издетства напоенный.

Радуйся, Илие, великий пророче, Втораго пришествия Христова славный предтече.

Кондак 2

Видя нечестие и развращение во Израили, преславный пророче, зело духом твоим скорбел еси и ревностию по славе Божией воспламенялся еси; яко сынове Израилевы мерзким идолом поклонишася, от Бога же Истиннаго отступиша, Емуже вся небесная воинства со страхом вопиют: Аллилуиа.

Икос 2

Разум свой злою волею омрачив, беззаконный царь израильский Ахав, остави Истиннаго Бога Вседержителя и покланяшеся мерзкому идолу Ваалу, купно же и в царстве своем умножи идолопоклонение и нечестие. Ты же, пророче, исполнен сый велия ревности по Бозе, дерзновенно обличил еси царя, возвестив ему, яко в наказание ему и царства его три лета и месяц шесть не будет дождь, ни роса, и глад велий будет по всей земли. Дивяшеся убо толицей ревности твоей по Бозе и велию дерзновению, с любовию зовем ти:

Радуйся, небоязненный проповедниче истины и крепкий поборниче благочестия; радуйся, ревностный нечестия обличителю.

Радуйся, к наказанию некающихся грешников долготерпеливаго Бога преклонивый; радуйся, словом твоим небо заключивый и плодоносную землю неплодну сотворивый.

Радуйся, трилетный глад за нечестие людий от Господа испросивый; радуйся, яко Всевышний Господь дарова тебе в Бога Ахаву, якоже древле Моисеа фараону.

Радуйся, Илие, великий пророче, Втораго пришествия Христова славный предтече.

Кондак 3

Силою молитвы твоея, предивный пророче, воистину заключися небо и не одожди три лета и месяц шесть, и бысть глад велий по всей земли: да поне зноем и гладом томими, нечестивии людие покаются и обратятся ко Господу, со умилением зовуще Ему: Аллилуиа.

Икос 3

Имея велие благоволение к тебе, пророче, Господь восхоте отлучити тя от беззаконных сынов Израиля, да не с ними терпиши глад и жажду, и повеле тебе ити к потоку Хорафову, идеже вранове питаху тя, приносяще хлеб и мясо. Темже приносим тебе похвальная сия:

Радуйся, постом и бдением вся земная и суетная помышления истребивый; радуйся, молитвою и богомыслием ум твой в горняя вперивый.

Радуйся, патриархов величание и пророков красото; радуйся, девственников похвало и преподобных славо.

Радуйся, святителей наставниче и мучеников крепосте; радуйся, яко нечестием и неверием ослепленных сынов Израилевых на путь истины обратил еси.

Радуйся, Илие, великий пророче, Втораго пришествия Христова славный предтече.

Кондак 4

Буря велия, разрушающая горы, предыдяше, егда приближашеся к тебе, пророче, в Хориве Господь, таже явися трус, и не в трусе Господь, и по трусе огнь, и не во огни Господь, а по огни бысть глас хлада тонка, и ту явися тебе Господь, Егоже присутствие ощутив, покрыл еси лице твое милотию, со страхом и радостию зовый Ему: Аллилуиа.

Икос 4

Слышав нечестивый царь Ахав повеление твое, о еже собрати вся колена Израилева на гору Кармильскую, и привести на ту студныя пророки Вааловы, абие послав, собра вся, и сам прииде тамо. Ты же, ревнителю славы Божия, хотя конечне посрамити мерзкия идолы и прославити Истиннаго Бога, повелел еси уготовати две жертве, огня же на тыя не возгнещати, рек: «И будет Бог, Иже послушает огнем, Той есть Бог». То слышавше вси людие, реша: «Добр глагол Илиин, да будет тако». Мы же, величающе тя, зовем:

Радуйся, великий посланниче Царя Небеснаго и провозвестниче святых велений Его; радуйся, адаманте, неодолимый в ревности и непоколебимый столпе благочестия.

Радуйся, сильный защитниче истины и твердый противоборниче врагов Божиих; радуйся, нечестия искоренителю и насадителю благочестия.

Радуйся, пламенный ревнителю Божественныя славы; радуйся, яко и в последния дни мира имаши проповедовати Истиннаго Бога и обличати окаяннаго антихриста.

Радуйся, Илие, великий пророче, Втораго пришествия Христова славный предтече.

Кондак 5

Боготечную тя звезду погасити мняше беззаконная царица Иезавель: исполнившися бо на тя ярости за погубление студных ея пророков, хотяше убити тя. Ожесточися бо сердце ея и не хотяше веровати чудесем твоим, пророче, и познати Истиннаго Бога, поющи Ему: Аллилуиа.

Икос 5

Видевше вси людие Израилевы, по молитве твоей, огнь от Господа с Небесе сшедый на жертву твою, всехвальне пророче, и всю ю пожегший, дрова же, и камень, и персть, и воду потребивый, падоша на лица своя, взывающе: «Воистину Господь Бог, Той есть Бог». И вероваша людие Богови, студныя же пророки ты заклал еси. Славяще убо Всесильнаго чудодеющаго Бога, тебе, угоднику Его, глаголем сице:

Радуйся, превелие дерзновение ко Владыце всяческих стяжавый; радуйся, знамении и чудесы Божественную Истину утвердивый.

Радуйся, прелесть демонскую посрамивый, истинную же веру прославивый; радуйся, неверныя истинным боговедением просветивый.

Радуйся, трикратным лиянием на жертвенник воды тайну Пресвятыя Троицы явивый; радуйся, яко все естество сущих тебе повиновася, огнь же и вода тебе служаху.

Радуйся, Илие, великий пророче, Втораго пришествия Христова славный предтече.

Кондак 6

Проповедник истиннаго боговедения и благочестия явился еси, пророче, не токмо во Израили, но и в стране язычестей, послан быв от Господа в Сарепту Сидонскую к жене вдовице препитатися, паче же да саму ту препитаеши в гладе: имея бо велию чудотворения благодать, умножил еси муку и елей в дому ея неоскудно, дондеже прейде гладное время, и трикратным дуновением, по молитве твоей, воскресил еси умершаго сына ея, поя чудодеющему Богу: Аллилуиа.

Икос 6

Возсияв велиею ревностию по Бозе Вседержители, зело скорбел еси, пророче, яко оставиша завет Его сынове Израилевы, олтари Его раскопаша и пророки избиша. Господь же во утешение твое возвести тебе, яко не весь Израиль отступи от Него, но имать седмь тысящ сокровенных рабов Своих, иже не преклониша колена своя Ваалу. Темже, воспоминающе ревность твою по Бозе, поем ти с благоговением сицевая:

Радуйся, верный служителю и ближний друже Господень; радуйся, образе и похвало благочестивых пастырей.

Радуйся, наставниче спасения и просвещение во тме седящих; радуйся, защитником истины мужество внушаяй, в подвизех же и страданиих за правду их укрепляяй.

Радуйся, яко серафимскою пламенною любовию к Богу горел еси; радуйся, яко и Господь во всем послушаше тебе и по прошению твоему вся творяше.

Радуйся, Илие, великий пророче, Втораго пришествия Христова славный предтече.

Кондак 7

Хотя Человеколюбец Господь явити милосердие Свое кающимся грешником, по прешествии прореченнаго гладнаго времене, низпосла по молитве твоей, пророче, и глаголом уст твоих, на жаждущую землю обильный и мирный дождь: сынове же Израилевы, сподобльшиися толикия милости, во умилении сердца благодарственно возопиша Богу: Аллилуиа.

Икос 7

Новое нечестивый царь Ахав к беззаконием своим приложи злодеяние, егда повеле убити неповиннаго Навуфея и восхити виноград его. Сего ради, обличая законопреступнаго царя, прорекл еси ему, пророче, яко идеже умерщвлен бысть Навуфей, тамо и его кровь свинии и пси полижут, и жену его Иезавель снедят пси, и весь дом его истребится. Ведущие убо мы сбывшееся страшное сие проречение, ужасаемся, зовуще:

Радуйся, обидящих и жестокосердных грозный отмстителю; радуйся, сирых и напаствуемых крепкий заступниче.

Радуйся, не почитающих святых праздников Православныя Церкве карателю; радуйся, продерзых хульников Имене Божия низложителю.

Радуйся, словом обличения, яко громом, беззаконныя поражаяй; радуйся, будущая, яко настоящая, ведый и дальняя, яко близ сущая, прорицаяй.

Радуйся, Илие, великий пророче, Втораго пришествия Христова славный предтече.

Кондак 8

Странное и преестественное показа Господь о тебе, пророче, промышление, егда повеле алчным и нечадолюбивым враном питати тя в гладе при потоце Хорафове, идеже непрестанно пребывая в молитве и богомыслии, воспевал еси Богу: Аллилуиа.

Икос 8

Весь был еси смирением велиим украшен, пророче Божий, сего ради с гордостию пришедших к тебе двух пятдесятоначальников с воины, да приведут тебе к беззаконному царю Охозии, огнем попалил еси, со смирением же пришедшаго к тебе Авдия, иже питаше ученики пророческия, помиловал еси. Сего ради приносим ти похвальныя песни сия:

Радуйся, гордых смирителю и карателю, смиренных же покрове и заступниче; радуйся, мздоимных судей наказателю, право же судящим помощниче.

Радуйся, правоверному воинству во бранех споборниче, нечестивых же супостат низложителю; радуйся, премудростию, яко бронею, облеченный и правдою, яко щитом, огражденный.

Радуйся, ревностию по Бозе яко мечем вооруженный и постом, яко крилами, окриленный; радуйся, верою, яко шлемом спасения, покровенный и любовию, яко венцем пресветлым, венчанный.

Радуйся, Илие, великий пророче, Втораго пришествия Христова славный предтече.

Кондак 9

Всякое человеческое естество зело удивляется, како ты, пречудный пророче, шел еси четыредесять дний, ни ядый, ни пияй, до горы Хорива, идеже сподобился еси преславнаго явления и пресладкия беседы Господа Вседержителя, поя Ему: Аллилуиа.

Икос 9

Вития многовещанныя недоумеют довольно разумети и изъяснити, како ты, великоимените Илие, во плоти сый человечестей и подобострастен нам быв, восхищен еси с телом твоим на небо, явльшейся тебе колеснице огненней с кони огненными. Славяще убо прославльшаго тя Господа и дивящеся восхищению твоему, благоговейно зовем ти:

Радуйся, пречудным воздержанием ветхаго человека в себе умертвивый; радуйся, огнем Божественныя ревности всякое вещественное помышление в себе попаливый.

Радуйся, преложением твоим на Небо род человеческий возвеселивый и жизнь вечную уверивый; радуйся, честию и славою преестественною от Бога почтенный и паче всех древних пророков прославленный.

Радуйся, от ангельских ликов в селениих небесных радостно сретенный; радуйся, яко имя твое во всем мире почитается, и ревность твоя по Бозе зело прославляется.

Радуйся, Илие, великий пророче, Втораго пришествия Христова славный предтече.

Кондак 10

Спасти хотя Всеблагий Бог люди Израилевы от прелести Вааловы, избра тя, великий пророче, во орудие воли Своея и облече тя Божественною властию и силою, да обратиши неверныя, исправиши беззаконныя, просветиши омраченныя и научиши всех вопити Богу: Аллилуиа.

Икос 10

Стена и заступление буди нам, пресвяте пророче, мощным твоим ходатайством утоляя праведный гнев Божий, поражающий нас, грешных и непотребных, бездождием и гладом, еще же тлетворными ветры и болезньми, да избавльшеся от бед, благодарственно поем тя:

Радуйся, молитвами твоими небо заключаяй и отверзаяй, плодоносие земли и неплодие от Бога посылаяй; радуйся, предстательством твоим пред Богом дожди мирны и росу животворную на земная прозябения низводяй.

Радуйся, свирепыя волны морския и страшныя бури утишаяй и громами и молниями по воле Божией управляяй; радуйся, тлетворныя ветры и смертоносныя язвы, поражающия человеки же и скоты, укрощаяй.

Радуйся, сирых и вдовиц питателю и щедродательных людий покровителю; радуйся, яко нечестивых хулников и гонителей правыя веры поражаеши и духов злобы от рабов Божиих прогоняеши.

Радуйся, Илие, великий пророче, Втораго пришествия Христова славный предтече.

Кондак 11

Пение умиленное приими от нас, пророче Божий Илие, якоже приял еси прошение Елисеево, егда проси от тебе, да будет дух, иже в тебе, сугуб в нем, и егда, восхищаяся на Небо, низпустил еси ему милоть твою, юже он взем, раздели, якоже и ты прежде, Иорданския воды, и бысть наследник действовавшия в тебе Божия благодати: сице и нас покрый милотию твоея милости от всяких бед и обстояний, да со благодарением зовем Богу: Аллилуиа.

Икос 11

Светозарное светило во Израили, всехвальне пророче, был еси, сияя равноангельным житием твоим и мудростию, еще же необычною ревностию по Бозе и чудесы преславными, просвещая люди истинным боговедением и разгоняя мрак идолослужения. Темже восписуем ти похвальная, поюще:

Радуйся, лучезарная звездо, сиянием своим озарившая всю вселенную; радуйся, светоносная свеще, непрестанно горящая и во тме седящих просвещающая.

Радуйся, духом премудрости и разума озаренный, духом совета и крепости исполненный; радуйся, духом ведения и благочестия просвещенный и духом страха Божия напоенный.

Радуйся, высокими добродетельми и преславными чудесы преукрашенный; радуйся, яко суды Божия на земли исполнял еси, пророки же и цари помазывал еси.

Радуйся, Илие, великий пророче, Втораго пришествия Христова славный предтече.

Кондак 12

Благодать велия дана ти бысть от Бога, прехвальне пророче, яко в земней жизни твоей пророчествовал и совершал еси дивная чудеса, таже преестественно восхищен был еси с плотию твоею на небо: по восхищении же твоем дивно предстал еси на Фаворе Преобразившемуся Господу и с ним беседовал еси, и доднесь не престаеши чудодействовати и источати милости и изцеления усердно почитающим тя, Богу же верно вопиющим: Аллилуиа.

Икос 12

Поюще твою пламенную ревность по Бозе и равноангельное житие, дивная же твоя и преславная чудеса и превелие благоволение к тебе Господа, восхваляем тя, великоимените пророче Илие; обаче не могуще достойно изобразити величие и славу твою, со умилением зовем ти сицевая:

Радуйся, ковчеже Божественныя славы и всечестный храме Пресвятыя Троицы; радуйся, светильниче невечерний церквей и благовонный цвете рая Божественнаго.

Радуйся, благочестивых пустынников руководителю, девственников же наставниче и укрепление; радуйся, яко грешников к покаянию возбуждаеши и всему роду христианскому жизнь вечную ходатайствуеши.

Радуйся, яко во светлостех святых неизреченныя славы наслаждаешися и непрестанно Господа славословиши; радуйся, яко в конце времен велия знамения и чудеса имаши совершити на утверждение людий во истинней вере и на обличение антихриста.

Радуйся, Илие, великий пророче, Втораго пришествия Христова славный предтече.

Кондак 13

О предивный и преславный пророче Божий Илие, превелий ревнителю по Бозе, дожди и бездожие, плодоносие на землю и неплодие от Бога посылаяй! Услыши сие малое, благоговейно приносимое тебе нами моление и твоим теплым ко Господу предстательством сохрани нас от бездождия, глада и смертоносных болезней, подаждь же нам благорастворение воздуха и плодоносие, и дух правыя веры и благочестия, да избавльшеся от вечных мук, сподобимся райскаго блаженства, поюще Богу: Аллилуиа.

Этот кондак читается трижды, затем 1-й икос «Ангел ревностию...» и 1-й кондак «Избранный Богом...».

Житие святого пророка Илии

О житии пророка Илии повествуют 3 и 4 Книги царств Ветхого Завета, апокрифические Книга Премудрости Иисуса, сына Сирахова и 1 Книга Маккавейская. В предании свт. Епифания Кипрского говорится, что отец Илии Совах при рождении сына видел, как ангелы Божии приветствовали будущего пророка, пеленали его огнём и влагали огонь в его уста.

Появился на свет Илия за 8 с половиной веков до Р. Х. в селении Фесвии, находившемуся в области Галаад на север от Мёртвого моря к востоку от реки Иордан. Происходил он из рода Ааронова, семьи священников (Житие Илии-пророка в изложении Дмитрия Ростовского). Имя его в переводе значит «крепость Господня», или «Бог мой Господь».

Жизнь Илии с детства проходила в молитве, посте, размышлении о Господе. Юношей он поселился в пустыне и жил отшельником. При царе Израильского царства Ахаве Илья был призван вразумить правителя и народ отречься от поклонения божеству Ваалу.

Задолго до этого после смерти царя Соломона его государство распалось на Израильское и Иудейское царство. Первым в Израиле начал править Иеровоам, который для укрепления власти препятствовал поклонению народа Богу и паломничеству в Иерусалимский храм. Он соорудил святилища с золотыми тельцами для почитания языческих божеств. Левиты покинули Израиль, а на их место царь назначил людей не из сынов Левииных. Был нарушен закон Господа о священниках, и теперь носителями учения о Боге были лишь Его пророки.

Ахав в столице Израиля Самарии построил языческий храм, а его жена Иезавель жестоко преследовала праведных пророков и при своём дворе содержала множество жрецов культа Ваала и Астарты. Народ всё более погрязал в пороках. Тогда во дворец явился Илья и призвал царя признать свои грехи и обратиться к настоящему Богу их предков. Ахав отказался покаяться, и тогда пророк пообещал, что на земле Израиля не будет дождя до тех пор, пока царь и народ не признают Единого Бога. Три года люди страдали от засухи и голода.

Спасаясь от преследований Иезавели, Илья жил у потока Хораф, поившего его водой, а вороны по Божьему промыслу кормили его хлебом и мясом. Когда ручей высох, Бог направил Илию в Сарепту Сидонскую, где сказал поселиться у бедной вдовы с детьми. Вдовица испекла из последних запасов муки и масла хлеб и отдала его Илии. С тех пор у неё не убывали и мука, и масло. Илия также совершил другое чудо, исцелив молитвой умершего сына вдовы.

Тем временем Ахав всюду искал Илию. Господь направил пророка в Израиль, чтобы спасти народ и вернуть к Богопочитанию. Илья предложил язычникам проверить, чей Бог истинный. На горе Кармил решено было устроить два жертвенника. Один соорудили почитатели Ваала, другой – Илия. Жертву договорились не сжигать, а подождать, чью из них подожжёт небесный огонь, то есть истинным признают того бога, который примет жертву. Долго призывали жрецы своё божество, но усилия их были безуспешны. Тогда молиться стал Илия. Он просил Единого Бога образумить заблудший народ, показать силу и правду Свою. Тогда с неба появилось пламя и сожгло жертву, подготовленную пророком. Народ был поражён происшедшим и сразу же уверовал в Господа. Илия убил всех языческих жрецов и по своей молитве отворил небо, пошёл долгожданный дождь.

После этого события Ахав искренне раскаялся, но жена его грозила отомстить пророку. Отчаявшийся Илия бежал в Иудею, скрывшись в пустынном месте. Здесь он обратился к Богу с просьбой послать ему смерть, так как он бессилен обратить людей в истинную веру. Всемилостивый Бог послал ему ангела, который накормил пророка и подготовил к предстоящему пути. Через 40 дней Илья пришёл к горе Хорив и снова сокрушался, что некому передать знания о Боге, никто не хочет служить Ему, а поклоняются идолам. Тогда Бог явился к пророку тихим ветром и сказал, что сохранил среди израильтян семь тысяч человек, которые никогда не поклонялись Ваалу. Он также повелел назначить царём благонравного Ииую и сделать своим преемником Елисея.

Илия отправился в Израиль. По пути во дворец Ахава он встретил пахавшего в поле Елисея. Юноша попрощался с родными и ушёл с пророком. Явившись к царю, Илья обличил того в убийстве Навуфея и злодейском завладении его виноградником, окончательно образумив царя. Позже предсказал занявшему после Ахава Охозии смерть вследствие болезни и разоблачил его бессмысленное обращение к языческому волхву.

Пророк Илия за своё ревностное служение Богу был взят на небо живым. Это случилось внезапно в присутствии Елисея. Огненная конная колесница в вихре вознесла пророка. По преданию, Илия будет находиться там до второго пришествия Иисуса Христа и погибнет телесно во время проповеди, обличая антихриста. Возносясь, Илия бросил Елисею свой плащ, и преемник обрёл духовную силу пророчества, дважды превышающую Ильину. Илья-пророк вспоминается в Новом Завете. Во время Преображения Спасителя на горе Фавор его видели апостолы, когда он вместе с Моисеем стоял перед лицом Господа и беседовал с Ним.

Пророка Илию почитают в Православной Церкви 20 июля ст. ст. (2 августа н.ст.).

Илья-пророк издавна считается покровителем богатого урожая, властителем над дождём и засухой, поэтому ему молятся о ниспослании хорошей погоды. Пророк помогает в любых трудностях. К нему обращаются за помощью в противостоянии порокам и грехам, укреплении веры, даровании мудрости в управлении государственными делами, праведном судочинстве. Пророк Божий по молитве к нему помогает в преодолении врагов видимых и невидимых, предотвращении междоусобиц и войн. Он защищает от внезапной смерти, исцеляет от болезней. Илия считается покровителем Воздушно-десантных войск России, так как празднование этого рода войск приходится на 2 августа; его почитают также лётчики.

Первый храм православия в Киевской Руси – Свято-Ильинская церковь, воздвигнута, по свидетельству «Повести временных лет», в сер.9 в. князьями Аскольдом и Диром, которые крестились после византийского похода и увиденного там Божественного чуда. По преданию, крещение киевлян в 988 г. на Днепре происходило именно возле этой церкви. На месте старого деревянного храма в 17 в. воздвигли каменный.

Церковь во имя пророка Илии поставила на своей родине, Русском севере, в с. Выбуты святая равноапостольная княгиня Ольга. Русичи, жившие в Константинополе, воздвигли здесь храм Ильи-пророка и совершали в нём обряд крещения.

Ныне на горе Кармил в Хайфе (Израиль) на подворье Русской духовной миссии находится собор в честь пророка Божьего Ильи, освящённый в 1913 г.

Храмы в честь пророка стали строиться на Руси после принятия христианства в большом количестве. В 14 в. построена церковь пророка Илии в Черкизово (г. Москва), не закрывавшаяся в периоды гонений. Каменный храм на её месте возведён в 17 в. Храм Илии Обыденного в Москве расположен в Обыденском переулке, построен за 1 день (т.н. обыдень) в 16 в., сначала был деревянным. Ещё более древний московский храм во имя пророка Илии находится на бывшем Новгородском подворье (Китай-город) на Ильинке.

В России Ильинские храмы есть во многих городах, известнейшие среди которых находятся в Ярославле (памятник архитектуры 17 в.), Санкт-Петербурге на Пороховых (18 в.), Суздале, Нижнем Новгороде, Туле, Костроме. На Украине церкви Илии-пророка возведены в Субботове, Чернигове, в Белоруссии – в Гомеле, Бобруйске и др.

Всего храмов, посвященных Святому пророку Илие более 1000 (с учетом приделов, посвященных ему).

Москва, Россия

Храм пророка Божия Илии в Обыденском переулке

Адрес: г. Москва, ул. 2 й Обыденский пер., 6

Санкт-Петербург, Россия

Церковь Илии Пророка на Пороховых

Адрес: г. Санкт-Петербург, шоссе Революции, д. 75

http://ilya-prorok.org

Тюмень, Россия

Богородично-Рождественский Ильинский женский монастырь. Церковь Илии Пророка

Адрес: г. Тюмень ул. 25-го Октября, д. 29

Киев, Украина

Церковь Илии Пророка (на Подоле)

Адрес: Украина, г. Киев, ул. Почайнинская, 2

Святой Илья пророк считается покровителем земледелия, именно поэтому ему молятся об урожае, чтобы не было засухи, чтобы не было наводнений и ливней, о даровании Господом дождя.

Илья Пророк также считается покровителем воздушно-десантных войск и военно-космических сил. Перед началом сложного дела, после молитв Господу и Богородице, очень хорошо попросить заступничества Ильи Пророка.

Икону можно подарить:

- любому православному человеку - на любой праздник;

- военным, служащим в воздушно-десантных войсках и военно-космических силах;

- земледельцам и людям, работающим на земле; 

- мужчинам, носящим имя Илья.