Ростовая икона святого благоверного князя Бориса 29 х 40,5 см
Наведите для увеличения

Ростовая икона святого благоверного князя Бориса 29 х 40,5 см

Артикул. СКБ-02 В наличии
Количество:   
22500 руб.
Вид иконы: Именные иконы
Формат: 29х40,5см
Материал: медь, холодная эмаль, золочение, серебрение
Бесплатная доставка по России

Образ святого благоверного князя Бориса выполнен из меди и покрыт серебром и золотом методом гальванопластики. Рамка и основание выполнены из дерева, фон из темно-синего бархата.

День памяти: 15 мая, 6 августа

Святой благоверный князь Борис – первый канонизированный русский святой, жил в 10 веке. Был вероломно убит своим старшим братом, который хотел избавиться от претендентов на княжеский престол. Явил миру образец христианского смирения, кротости и непротивления злу. От его мощей происходили многочисленные исцеления.

Информация об иконе Ростовая икона святого благоверного князя Бориса 29 х 40,5 см

Молитвы благоверным князьям Борису и Глебу

МОЛИТВА ПЕРВАЯ

О двоице священная, братия прекрасная, доблии страстотерпцы Борисе и Глебе, от юности Христу верою, чистотою и любовию послужившии, и кровьми своими, яко багряницею, украсившиися, и ныне со Христом царствующии! Не забудите и нас, сущих на земли, но, яко тепли заступницы, вашим сильным ходатайством пред Христом Богом сохраните юных во святей вере и чистоте неврежденными от всякаго прилога неверия и нечистоты, оградите всех нас от всякия скорби, озлоблений и напрасныя смерти, укротите всякую вражду и злобу, действом диавола воздвигаемую от ближних и чуждих. Молим вас, христолюбивии страстотерпцы, испросите у Великодаровитаго Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада. Снабдевайте своим заступлением страну нашу и всех, чтуших святую память вашу, во веки веков. Аминь.

МОЛИТВА ВТОРАЯ

Моли Бога о мне, святый угодниче Божий Борис, яко аз усердно к тебе прибегаю, скорому помощнику и молитвеннику о душе моей.

МОЛИТВА ТРЕТЬЯ БЛАГОВЕРНЫМ КНЯЗЬЯМ БОРИСУ И ГЛЕБУ

О двоице священная, братия прекрасная, доблии страстотерпцы Борисе и Глебе, от юности Христу верою, чистотою и любовию послужившии, и кровьми своими, яко багряницею, украсившиися, и ныне со Христом царствующии! Не забудите и нас, сущих на земли,

МОЛИТВА ЧЕТВЕРТАЯ БЛАГОВЕРНЫМ КНЯЗЬЯМ БОРИСУ И ГЛЕБУ

Святии страстотерпцы, боголюбивая двоице, благовернии князи Борисе и Глебе, измлада всею душею Христа возлюбившии, целомудрие, кротость, смирение и прочия добродетели стяжали есте и, яко Агнцы незлобивии, от брата своего неправедное убиение претерпели есте, чистыя своя души в благоприятную жертву Богу принесосте и от Него венцы нетленныя приясте, припадающе к честному образу вашему, молим вас в дусе сокрушенне и смиренне: вознесите своя усердныя молитвы ко Всемилостивому Спасу нашему, да подаст нам, чтущим святую память вашу, великия Своя и богатыя милости. Церковь Свою Святую да соблюдет от ересей и расколов, в чадех ея да оживет дух правыя веры и любве, дух ведения и благочестия, да дарует всем нам вся, яже к жизни временней и вечней потребная. Ей, святии страстотерпцы, ускорите на помощь к нам, якоже сроднику вашему благоверному князю Александру Невскому и избавите страну нашу от враг видимых и невидимых, от глада, огня, смертоносныя язвы, от всяких бед и напастей; разгоните облежащий ны мрак неверия и развращения, да мирно и благочестно поживем в веце сем и сподобимся христианския кончины и добраго ответа на Страшнем Суде Христа Бога, Емуже подобает честь и поклонение со Безначальным Его Отцем и Пресвятым Животворящим Его Духом, ныне и присно и во веки веков. Аминь.

Тропарь благоверных князей Бориса и Глеба

глас 4

Днесь церковная разширяются недра,/ приемлющи богатство Божия благодати,/ веселятся русстии собори,/ видяще преславная чудеса,/ яже творите приходящим к вам верою,/ святии чудотворцы Борисе и Глебе,// молите Христа Бога, да спасет души наша.

Ин тропарь благоверных князей страстотерпцев Бориса и Глеба

глас 2

Пречестнии, и целомудреннии, и незлобивии страстотерпцы,/ Романе славный и Давиде чудный,/ иго бо Господне евангельски на рамо вземше,/ последовасте Христу/ и, крест Его, яко скипетр, в руку имуще,/ врага брата и злаго властолюбца соодолесте,/ и той ныне в геенне мучится,/ вы же радуетеся, с лики ангельскими предстояще Святей Троице,/ молитеся о державе сродник ваших, благоугодней быти,/ и сыновом русским спастися.

Ин тропарь благоверных князей страстотерпцев Бориса и Глеба

глас 4

Мученицы Господни спасшиися,/ преславнии блаженнии князи Борисе и Глебе,/ труждающимся быстрии помощницы,/ недужным целители,/ вы бо болезни врачуете/ притекающих в церковь с верою./ Темже и мы молимся:/ от бед избавите нас,/ чтущих с любовию пренесение мощей ваших.

Ин тропарь благоверных князей страстотерпцев Бориса и Глеба

глас 8

Днесь всякая душа верных веселится,/ в пренесение честных мощей ваших, Борисе и Глебе,/ слепыя просвещаете, немым уста отверзаете и печальных утешаете,/ прияли бо есте от Христа Бога благодать исцелений,/ молитеся о душах наших.

Кондак благоверных князей Бориса и Глеба

глас 4

Явися днесь в стране Русстей/ благодать исцеления/ всем, к вам, блаженнии,/ приходящим и вопиющим:// радуйтеся, заступницы теплии.

Ин кондак благоверных князей страстотерпцев Бориса и Глеба

глас 3

Приидите, вси русстии собори,/ чудотворцев и мучеников Бориса и Глеба восхвалим,/ законно бо пострадавше,/ победисте сопротивнаго врага,/ тем святым заступлением князи русстии враги побеждают,/ тем память ею весело и любовию похвалим, вопиюще:/ за ны молите Святую Троицу,/ умирити мир и спасти души наша.

Ин кондак благоверных князей страстотерпцев Бориса и Глеба

глас 4

От гроба знамения показасте во стране Русстей,/ явися днесь благодать исцеления/ всем, к вам, страстотерпцы, притекающим с верою,/ Борисе славный со Глебом чудным./ Крепцы верою, добропобеднии мученицы, за Христа подъемше различныя муки,/ и на многа лета сокровени быша ваши святии мощи,/ ныне же являетеся от земли,/ возсиявше лучами, яко богатство многоценно,/ и в церковь Божию честно носими, архиерей Божиих дланьми./ Темже вопием вам:/ радуйтеся, князи, русстии заступницы.

Величание благоверным князьям Борису и Глебу

Величаем вас, страстотерпцы святии, и чтим честная страдания ваша, яже за Христа претерпели есте.

Акафист святым благоверным страстотерпцам Борису и Глебу

Кондак 1

Избраннии чудотворцы и преславнии страстотерпцы Христовы, украсившии души своя добродетелию и прешедшии поприще временныя жизни в страсе Божии, молите Христа Бога, Егоже даже до крове возлюбили есте, да спасет от бед и напастей и вечныя смерти всех, с верою притекающих и с любовию зовущих к вам:

Радуйтеся, святии страстотерпцы Борисе и Глебе, теплии о нас пред Богом молитвенницы.

Икос 1

Ангельским чином радость сотворили есте, преславная двоице, целомудренный Борисе с кротким Глебом, житием своим, зане Христа ради преходящее царство земное оставльше, Господа от всея души возлюбисте. Сего ради и мы, благодаряще Бога, показавшаго в вас силу благодати Своея, с любовию вопием к вам:

Радуйтеся, яко вкупе со отцем своим, князем Владимиром, суетных богов уклонистеся; радуйтеся, яко к истинному Богу всею душею прилепистеся.

Радуйтеся, прекраснии цвети новопросвещенныя земли Русския; радуйтеся, пресветлыя звезды присносущаго света Христова в стране нашей.

Радуйтеся, чистоту душевную возлюбившии; радуйтеся, дом Духу Святому себе соделавшии.

Радуйтеся, святии страстотерпцы Борисе и Глебе, теплии о нас пред Богом молитвенницы.

Кондак 2

Видевше, яко в мире сем вся суете и тлению причастна, измлада Христа возлюбили есте, честная братие Борисе и Глебе, жизнь безстрастную стяжавше, славнии целомудрия рачителие. Темже от страстей душевных и телесных молитвами своими свободите почитающих вас и поющих Богу: Аллилуиа.

Икос 2

Разум свой просветив книжным учением, чтение Божественных писаний, наипаче же душеполезных повествований о страданиих мучеников, зело возлюбил еси, блаженне Борисе; имиже себе и брата твоего Глеба наставил еси, Господа Иисуса Христа со слезами моляше, да не увлекутся суетою мира сего, но да последуют стопам святых мученик, сего ради приимите от нас, святая братие, похвалы сицевыя:

Радуйтеся, путь правый в Царствие Небесное обретшии; радуйтеся, сим путем невозвратно шествовавшии.

Радуйтеся, разум свой в послушание веры предавшии; радуйтеся, сердцем своим единому Христу служити вожделевшии.

Радуйтеся, Российския земли удобрение; радуйтеся, всего мира пресветлии светильницы.

Радуйтеся, святии страстотерпцы Борисе и Глебе, теплии о нас пред Богом молитвенницы.

Кондак 3

Силою благодати Божия укрепляеми, крестным путем евангельским в житии вашем шестовали есте, благовернии Борисе и Глебе. Темже и нас молитвами вашими от всех козней лукаваго диавола укрепите, да непреткновенно возможем проити путем заповедей Божиих и выну воспевати: Аллилуиа.

Икос 3

Имуще пред умныма очима своима образ Христа Господа, усерднии подражателие Ему в житии вашем явистеся; получивше же от отца вашего, князя Владимира, во обладание грады Ростов и Муром, о насаждении в земли вашей веры Христовы и благочестия паче всего потрудистеся и правосудием, кротостию, смирением и милосердием к бедным любовь народа своего стяжали есте, доблии страстотерпцы Борисе и Глебе. Сего ради приимите и от нашего усердия к вам:

Радуйтеся, вернии ученицы Спасовы; радуйтеся, благочестия столпи непоколебимии.

Радуйтеся, родителей ваших с любовию почитавшии; радуйтеся, друг друга и братию свою искреннею любовию возлюбившии.

Радуйтеся, целомудрия ревнителие; радуйтеся, девства и чистоты хранителие.

Радуйтеся, святии страстотерпцы Борисе и Глебе, теплии о нас пред Богом молитвенницы.

Кондак 4

Бурею зависти и злобы одержимь брат ваш Святополк окаянный, страстию прельстився властолюбия, лиши вас земнаго царствия, святии Борисе и Глебе. Христос же безконечное Царство вам дарова, Емуже со ангельским воинством предстояще, молитеся спасти любовию поющия: Аллилуиа.

Икос 4

Слышав святый князь Борис, на реце Альте стоя с вои своими, о злом умышлении Святополка, яко хощет его убити, не емляше веры тому, не чаяше бо таковыя злобы от брата, обаче смущашеся мыслию и, печалию одержимь, вшед в шатер свой, со слезами моляшеся Христу Богу и Пресвятей Богородице и повеле иерею Утреню пети. Весть же приемь, яко приближашася уже убийцы, прилежнее нача молитися, да не поставит сего Господь Святополку во грех. И се внезапу нападоша нань убийцы, и копии прободоша его. Не по мнозе же времени, яко агнец непорочный, заклан бысть на реце Смядыни и блаженный Глеб. И тако предсташа святии братия вкупе в Небеснем Царствии Христу Богу, радующеся. Мы же, почитающе мученическую кончину их, усердно вопием:

Радуйтеся, в горних селениих со святыми мученики и со всеми святыми Пресвятей Троице предстоящии; радуйтеся, непрестающим веселием наслаждающиися.

Радуйтеся, яко богатство исцелений верующым изливаете; радуйтеся, яко от внезапныя смерти почитающих память вашу избавляете.

Радуйтеся, яко веселием духовным сердца наша исполняете; радуйтеся, яко предстательством вашим пред Богом печали и скорби наша утоляете.

Радуйтеся, святии страстотерпцы Борисе и Глебе, теплии о нас пред Богом молитвенницы.

Кондак 5

Боготечныя звезды явистеся, доблии страстотерпцы Борисе и Глебе, на заре христианства в стране нашей, богоугодным житием своим уверяюще соплеменники в спасительности православныя веры и научающе благодарне пети Богу: Аллилуиа.

Икос 5

Видевше, како святии братия Борис и Глеб, вожделевше будущих благ, паче же любве ради Христовы, царство земное и славу его ни во чтоже вмениша, никакоже противящеся закалающему их брату, и венцы мученическия получиша, песньми духовными людие российстии их прославляют и радостно зовут:

Радуйтеся, вселенныя заступницы; радуйтеся, стране нашея поборницы на враги.

Радуйтеся, маслины плодовитыя, в дому Божии возрастшии; радуйтеся, финиксы, добродетельми процветшии.

Радуйтеся, врачеве болящих и бесов прогонителие; радуйтеся, в бедах и скорбех призывающим вас с верою скории помощницы.

Радуйтеся, святии страстотерпцы Борисе и Глебе, теплии о нас пред Богом молитвенницы.

Кондак 6

Проповеди Христове о любви к ближним последуя, Георгий, верный слуга твой, Борисе, душу свою за тя положи; хотя телом своим прикрыти тя от врагов, вкупе с тобою убиен бысть. По мале же времени брат твой, благоверный князь Глеб, яко агня незлобив, от своего злаго раба заклание прият, и тако вы трие в Чертог Небесный внидосте, идеже со ангельскими чины Богу вопиете: Аллилуиа.

Икос 6

Возсияли есте, яко два светила на тверди церковней, святии страстотерпцы Борисе и Глебе, богоугодным житием своим и мученическою кончиною показующии нам путь к Незаходимому Свету Христу, темже молим вас тму неверия и развращения в стране нашей разгнати, да единомысленно вси взывают вам сице:

Радуйтеся, просветителя Российския страны, князя Владимира отрасли честныя; радуйтеся, корене правоверия ветви богонасажденыя, цвети благоухания процветшии.

Радуйтеся, яко во уделех своих Ростове и Муроме идолы потребили есте; радуйтеся, яко тму язычества тамо прогнали есте.

Радуйтеся, яко светом боговедения просвещаете помраченныя умы; радуйтеся, яко теплотою молитв ваших согреваете хладная сердца.

Радуйтеся, святии страстотерпцы Борисе и Глебе, теплии о нас пред Богом молитвенницы.

Кондак 7

Хотя явити новый источник благодати Своея, человеколюбец Господь нетление дарова честным мощем вашим, боголюбезная двоице, Борисе и Глебе, знаменми и чудесы прослави я. Мы же дивящеся в вас всемогуществу и благости Бога, вопием Ему: Аллилуиа.

Икос 7

Новаго Каина братоубийцу, Святополка победив благоверный князь Ярослав и уведев, яко многая знамения и чудеса от гробов ваших, святии страстотерпцы Борисе и Глебе, бывают, с радостию поведа о сем митрополиту Илариону и по благословению его созда в честь вашу церковь в Вышгороде, идеже поставлена быша честныя мощи ваша. Мы же, светло празднующе святую память вашу, со умилением зовем:

Радуйтеся, мученическими венцы увенчаннии на небеси; радуйтеся, дары чудотворений прославленнии на земли.

Радуйтеся, яко и прежде прославления вашего дивная знамения над гробом вашим являхуся; радуйтеся, яко столп огненный и свещи горящия тамо зряхуся.

Радуйтеся, яко тамо ангельская пения слышахуся; радуйтеся, яко при открытии мощей ваших благоухания церковь вся исполнися.

Радуйтеся, святии страстотерпцы Борисе и Глебе, теплии о нас пред Богом молитвенницы.

Кондак 8

Странники и пришельцы, по апостолу, явистеся на земли, боголюбезнии Борисе и Глебе, дольняя презирающе, горних взыскующе, все помышление к Богу имуще, братнею любовию совокупльшеся, благочестно пожисте. Темже и нам помозите вашими молитвами добродетельное житие возлюбити и пети Богу: Аллилуиа.

Икос 8

Всею душею и всем сердцем возлюбивше Христа и Церковь Его в жизни временней, братия блаженнии, и по преставлении вашем не оставляете во время благопотребно вразумляти преступающих закон евангельский и законы церковныя. Сего ради Церковь Святая ублажает вас сице:

Радуйтеся, Господеви, а не человеком угождавшии; радуйтеся, на стражи закона Христова стоящии.

Радуйтеся, во граде Дорогобужи жену некую, в праздник святителя Николая работавшую, разрушением храмины ея и изсушением руки наказавшии; радуйтеся, по триех летех с верою притекавшей ко святым мощем вашим жене той исцеление подавшии.

Радуйтеся, двух мужей в Вышгороде, в темницу неповинно заключенных, чудесно свободившии; радуйтеся, сим чудом великаго князя киевскаго Михаила-Святополка не предавати никогоже на казнь по клевете вразумившии.

Радуйтеся, святии страстотерпцы Борисе и Глебе, теплии о нас пред Богом молитвенницы.

Кондак 9

Всякия недуги исцеляти в земли Российстей дадеся вам благодать от Бога, якоже великомученик Георгий, во сне явлься некоему слепцу, поведа, послав его к вам; он же, пришед в Вышгород, пребываше дни некия при церкви вашей, усердно моляся, и получив прозрение, благодарне возопи Богу: Аллилуиа.

Икос 9

Вития многовещанныя не могут достойно восхвалити вас, страстотерпцы Христовы Борисе и Глебе, за любовь и милосердие ко всем человеком страждущим; вся бо страна наша исполнися славою чудес ваших, имже удивляющеся, с верою вопием вам:

Радуйтеся, яко всех, призывающих вас с верою, от различных недугов исцеляете; радуйтеся, яко вашими молитвами слепии прозреваху.

Радуйтеся, яко вашим ходатайством хромии и безнозии хождение получиша; радуйтеся, яко в Вышгороде отроку некоего мужа Мирона-огородника в сонном видении явистеся и крестным знамением сухую и скорченную ногу его здраву сотвористе.

Радуйтеся, во граде Турове инока Мартина, в тяжцей болезни суща, в келии яве посетившии и исцеление ему подавшии; радуйтеся, яко и всем труждающимся скории помощницы.

Радуйтеся, святии страстотерпцы Борисе и Глебе, теплии о нас пред Богом молитвенницы.

Кондак 10

Спастися хотяще от вечныя смерти, достоблаженнии Борисе и Глебе, души ваша украсили есте целомудрием, смирением, кротостию и прочими добродетельми и, прешедше поприще временныя жизни, венцев неувядаемых сподобистеся. И ныне, предстояще Престолу Господа славы, молитеся прилежно о чтущих память вашу и вопиющих Богу: Аллилуиа.

Икос 10

Стена и заступление, богомудрии угодницы Борисе и Глебе, есте Отечеству в годину скорби и нестроений и прибежище всем, с верою призывающим вас на помощь во всяких бедах и напастех, дерзновение бо велие имуще, святии, у Христа Бога помогати и спасати вопиющих вам таковая:

Радуйтеся, неисчерпаемии источницы Божественных исцелений; радуйтеся, реки чудес и дарований духовных.

Радуйтеся, яко сущим в бедах и напастех избавление подаете; радуйтеся, ослепленным владимирцем князем Мстиславу и Ярополку Ярославичем, в церковь вашу на Смядыни пришедшим, прозрение даровавшии.

Радуйтеся, Димитрию Донскому победити татарскаго царя Мамая помогшии; радуйтеся, благоверному князю Александру Невскому на помощь противу Велгера Свейскаго с небес явльшиися.

Радуйтеся, святии страстотерпцы Борисе и Глебе, теплии о нас пред Богом молитвенницы.

Кондак 11

Пение хвалебное и благодарственное приносим дивному во святых Своих Богу нашему, даровавшему Церкви Своей и стране Российстей дивных чудотворцев, священную двоицу Бориса и Глеба, иже ныне со ангельскими чины и со всеми святыми вопиют на небеси: Аллилуиа.

Икос 11

Светозарнии светильницы незаходимаго Солнца Правды Христа Господа явистеся, добропобеднии Борисе и Глебе, земли Российския покровителие и защитницы, ихже ныне священную память совершающе, во умилении душ и сердец вопием:

Радуйтеся, веселие и радование стране нашей; радуйтеся, крепости и забрала воинов христолюбивых.

Радуйтеся, Престолу Господа славы предстоящии; радуйтеся, зарею Трисолнечнаго Света озареннии.

Радуйтеся, яко отверзошася вам врата Едемская; радуйтеся, яко лицем к лицу Господа зрите.

Радуйтеся, святии страстотерпцы Борисе и Глебе, теплии о нас пред Богом молитвенницы.

Кондак 12

Благодать единения и братолюбия испросите у Бога Отечеству вашему, святии миротворцы Борисе и Глебе, да вси людие российстии возлюбят друг друга и единодушно исповедуют православную веру, воспевающе Христу, Спасителю нашему песнь: Аллилуиа.

Икос 12

Поюще добродетельное ваше житие, преисполненное нелицемерныя любве к Богу и ближним, мученическую кончину и славу на небеси и на земли по преставлении вашем, прилежно молим вас, блаженнии братие Борисе и Глебе: не возгнушайтеся нас грешных и недостойных, зовущих к вам:

Радуйтеся, Господеви верно послужившии; радуйтеся, светом и солию земли Российския явившиися.

Радуйтеся, добродетелем отца своего подражавшии; радуйтеся, вкупе с ним в радость Господа вшедшии.

Радуйтеся, сонму мученик сопричтеннии; радуйтеся, в лице российстих святых славою многою от Бога превознесеннии.

Радуйтеся, святии страстотерпцы Борисе и Глебе, теплии о нас пред Богом молитвенницы.

Кондак 13

О преславнии и пречуднии чудотворцы, святии страстотерпцы Борисе и Глебе, приимите от нас сие малое приносимое вам моление и вашими молитвами у Престола Божия утвердите в стране нашей мир и благочестие; Церковь святую сохраните от ересей и расколов и всех православных христиан оградите от враг видимых и невидимых, от неверия и развращения, от бед и скорбей, да благодарни суще, вопием спасителю Христу Богу нашему: Аллилуиа.

Этот кондак читается трижды, затем 1-й икос «Ангельским чином …» и 1-й кондак «Избраннии чудотворцы …».

Канон страстотерпцам великим князьям Борису и Глебу

глас 4

Песнь 1

Ирмос: Моря чермную пучину невлажными стопами древний пешешествовав, Израиль, крестообразныма Моисеовыма рукама Амаликову силу в пустыни победил есть.

Богомудрая двоице, велицыи страдальцы, со святыми Троице предстояще, молитеся очищение мне даровати, вас похваляющему.

Божественное богатство исцелений и миро благовонное храм ваш, святии, в немже поем Христа Бога, вас прославльшаго.

Незаходимаго Солнца в себе стяжавше, Христа Бога нашего, преславне Романе с Давидом, освятите нас, честную память вашу почитающих.

Богородичен: Красную, и избранную, и всечестную разумев Тебе, Божий, Пренепорочная, Сын Твой Сын бысть: сыны сотвори благодатию, Богородицу Тя чтущия.

Песнь 3

Ирмос: Веселится о Тебе Церковь Твоя, Христе, зовущи: Ты моя крепость, Господи, и прибежище, и утверждение.

Веселием веселится Христова Церковь в памяти вашей, святии, и Творцу вопиет: Ты моя, Господи, крепость, и прибежище, и утверждение.

Доблия венечники и страдальцы Христовы вси восхвалим светло, научившия нас Христу вопити: Свят еси, Господи.

Ни царства желания, ни пищи наслаждения, ни сребра и злата возжелеша, но Христу единому вопияху: Свят еси, Господи.

Богородичен: Избавляющаго человеки преслушания и лютаго падения, всему Виновнаго, Чистая и Всенепорочная, родила еси.

Кондак, глас 8.

Аще и убиени бысте и во гробех положени, но на Вышнее Царство преидосте, оваго бо копии насунуша, другаго же, яко агнца незлобива, ножем зарезаша, тем и кровь ваша бысть исцеление миру, верою призывающим вас, святии, на помощь.

Икос:

Плотское богатство возненавидевше, славнии, благородство душевное яко Божие паче вожделели есте, Христа бо возлюбисте и всяко веселие мирское оплевасте и стремление страстей обуздасте, сосуди честнии Пресвятаго Духа явистеся, се бо враг, праведнии, завидя вашему целомудрию, мучителя вам убийцу брата воздвиже. Но все злосмешение и убийства разум на онаго же Божиим судом вскоре прииде, оружие секущее. Вы же, убиени, паче живете и, Небесное Царство имуще, чудотворите безпрестани, вас же Христос звезды светоносны показа и Руси вы похвала есте и утверждение, ваши гроби, яко безмезднии врачеве, предлежат стране нашей, к ним бо слепии приходяще верою, просвещаются; хромии, влекущеся, скачуще отходят; недужнии исцеляются и беснующиися бесов свобождаются. Вы князи князем, вы в напастех утешение и в темницах сущим свобождение. Но, о супрузи святии, Романе и Давиде, не престаните молящеся Христу, вечно сохранити Православную веру невредну в отечествии вашем.

Седален, глас 1.

Измлада Христа возлюбивше купно, братия честная, жизнь безстрастную стяжавше, славнии, целомудрие изволисте и пощение от страстей душевных и телесных, поспешение Божиею благодатию приемше, исцеляете вас поющия.

Песнь 4

Ирмос: Вознесена Тя видевши Церковь на Кресте, Солнце Праведное, ста в чине своем, достойно взывающи: слава силе Твоей, Господи.

Яко два светила возсиявшая, просвещаете люди ваша, Богоносцы, но и ныне избавите нас врагов обстояния, да почитаем вас, с Богом заступление наше.

Врачевство неистощимое рака ваша показася, блаженнии, и пристанище небурное: вси бо, верою притекающии, обретаем от злых напастей избавление.

Любовию ко Христу привязаеми, тем и даров сподобльшеся страсти различныя исцеляти, сего ради ваше совершаем празднество, Богомудрии.

Богородичен: Седяй на престоле Херувимсте и превознесене, яко престол имый, на руку Твоею почив, Марие Богоневесто, препрославленный Бог.

Песнь 5

Ирмос: Ты, Господи, мой Свет, в мир пришел еси, Свет Святый, обращаяй из мрачна неведения верою воспевающия Тя.

Наста всечестный праздник и священное торжество славнаго Романа с Давидом, нося нам радость вечную, в нейже славим Господа, прославльшаго их.

Добродетели украшени благолепием, светлый Романе с Глебом, страданием венчавшеся, врага же и брата посрамльше, за Христа приясте заколение.

Слышано бысть во всем мире честное и священное страдание ваше, и всяк язык возставляет славити Христа, вас прославльшаго.

Богородичен: Преста убо тление человека: Дева бо роди нетленно Бога Слова, паче естества и слова, и Дева паки пребысть.

Песнь 6

Ирмос: Пожру Ти со гласом хваления, Господи, Церковь вопиет Ти, от бесовския крове очищшися ради милости от ребр Твоих истекшею Кровию.

О иже светлый ваш праздник совершающих, блаженнии, молитеся, и отечество ваше хранити от враг ненаветно, и мирно строение даровати молитвами вашими.

Небеснаго Царствия рачителие бывше, блаженнии, Владыце Христу чистою совестию послуживше, и Тому предстояще, молитеся, спасти вас восхваляющих.

Прилепившеся Христу и на Него все упование возложивше, блаженнии, сего ради убиени бывше, вечно с Ним царствуете.

Богородичен: Усты, помыслом и сердцем, Пречистая, Тя, Богородицу, проповедаем: Тобою бо Богу примирихомся, отриновении преступлением первее праотца.

Кондак, глас 3.

Возсия днесь преславная память ваша, благороднии страстотерпцы Христовы, Романе и Давиде, созывающи нас к похвалению Христа Бога нашего. Тем, притекающе к раце мощей ваших, исцеления дар приемлем молитвами вашими, святии: вы бо Божественнии врачеве есте.

Икос:

Разумное житие совершая, преблаженне, царским венцем от юности украшен, всебогатый Романе, власть велия был еси твоему отечеству, во всей земли Россиистей. Тем, видя твой успех, Христос Бог судом Своим на мучение тя призва, крепость тебе подав с Небесе, да победиши врага мужески с Давидом, братом твоим, пострадавшим с тобою: вы бо Божественнии врачеве есте.

Песнь 7

Ирмос: В пещи авраамстии отроцы персидстей, любовию благочестия паче, нежели пламенем, опаляеми, взываху: благословен еси в храме славы Твоея, Господи.

Божественная и пресветлая память ваша, яко Небо светозарное, показася, и яко солнце светоносно, просвещая без сумнения Христу вопиющия: благословен еси в храме славы Твоея, Господи.

Кто не удивится и кто не воспоет и прославит верно преславных мученик Христовых, Бориса с Глебом, Христова ради смирения возненавидевших диадиму и царство?

Мглу безбожия отгнавше, светло научиша люди своя чести в Троице Единаго Бога и усердно пети: благословен еси в храме славы Твоея, Господи.

Богородичен: Вышняго освященное Божественное селение, радуйся, Тобою бо дадеся радость, Богородице, вопиющим: благословена Ты в женах еси, Всенепорочная Владычице.

Песнь 8

Ирмос: Руце распростер, Даниил львов зияния в рове затче; огненную же силу угасиша, добродетелию препоясавшеся, благочестия рачители, отроцы, взывающе: благословите, вся дела Господня, Господа.

Просиявши днесь пресветлая память ваша, блаженнии, верныя созывает на торжество, прославити терпения ваша, Христу же вопити: благословите, вся дела Господня, Господа.

Богоявленнии и новии страдальцы Тебе, Христе, единаго возлюбиша и люди наставиша пети Тя, Творца всех: благословите, вся дела Господня, Господа.

Правды светильницы возсиявшии, украшени добротою мучения, просвещающе сердца верных, недуги отгонят от вопиющих верно: благословите, вся дела Господня, Господа.

Богородичен: Избавляя нас, возсия из Тебе Господь, Дево Чистая, Егоже моли, Владычице, просветити поющия Тя и обстояния избавити вопиющия: благословите, вся дела Господня, Господа.

Песнь 9

Ирмос: Камень нерукосечный от несекомыя горы, Тебе, Дево, краеугольный отсечеся, Христос, совокупивый разстоящаяся естества. Тем, веселящеся, Тя, Богородице, величаем.

Испещрени бывши Божественными добротами, страдании вашими к Богу востекосте, венцы победы от Него приемлюще, тем ваша певцы поминайте, да вас непрестанно величаем.

О Божественная двоице, самобратная и светозарная! Молитеся даровати очищение согрешений и прежде конца жития исправление, да вас непрестанно величаем.

От млада возраста освяти вас Вседетель Бог и окормители изрядны плавающим в мори жития показа, тем согласно почитаем память вашу.

Богородичен: Спаси мя, всех рождшая Избавителя, разори души моея облаки, Света облаче, Всесвятая Владычице, и сильна соделай на страсти, борющия мя.

Светилен.

Яко воистину пресветлии светильницы, всю вселенную просветисте верою, Богоприятне Романе с Давидом. Тем песньми воспоем возвеличившаго вас Христа Бога нашего.

Житие свя­тых бла­го­вер­ных кня­зей-стра­сто­терп­цев Бо­риса и Глеба

Святые Глеб и Борис родились незадолго до того, как Русь стала христианской страной. Братья стали первыми святыми, которые были канонизированы не только Русской Церковью, но и Константинопольской. Глеб и Борис были младшими из сыновей Владимира. Этот князь тоже причислен к лику святых. Братья воспитывались по христианским заветам, при крещении они получили имена Роман и Давид.

Борис был старше Глеба. С раннего детства он изучал Библию, читал жития святых и богословские книги. Он восхищался праведниками и горячо молился Господу, чтобы Он даровал ему силы для подвига благочестия.

Глеб во всём подражал своему брату и тоже мечтал посвятить свою жизнь служению Богу. Братья росли в кротости и послушании, были милосердны к обездоленным. В этом они походили на своего отца, который всегда помогал бедным и недужным.

Владимир отдал Борису в удел Ростов. Молодой князь показал себя мудрым и справедливым правителем. Особенной его заботой было укрепление православной веры в народе. Он хотел, чтобы русские люди жили по заветам Христа. Но в это непростое время Борису часто приходилось защищать своё княжество от посягательств врагов. Он был хорошим христианином и хорошим воином. Владимир, незадолго до своей кончины, позвал сына в стольный град Киев и отправил его в поход против печенегов. Когда Борис с дружиной был уже далеко, святой Владимир умер. Старший сын, Святополк, объявил себя князем Киевским. Борис узнал об этом, уже возвращаясь на родину. Княжеская дружина хотела видеть Бориса во главе государства, но он твёрдо заявил о том, что против старшего брата воевать не будет и отправил воинов по домам.

Святополк, позже прозванный в народе Окаянным, не поверил своему брату. Он знал, что большинство его подданных поддерживают Бориса и боялся потерять власть. Чтобы обезопасить себя, он послал наёмных убийц. Бориса предупредили об этом, но убегать и прятаться он не стал, доверив свою жизнь Господу. Убили святого князя в воскресенье, после того как он совершил утреннее богослужение. Убийцы напали на Бориса прямо в его шатре и нанесли несколько ударов копьями. Слугу, который бросился на защиту князя они умертвили сразу, а Борис, истекающий кровью, сумел выйти из шатра. Он сказал злодеям, что прощает и их, и своего коварного брата. Один из наёмников подошёл и пронзил Бориса копьём. Тело князя убийцы повезли в Киев. По дороге им встретились ещё два наёмника. Святополк, опасаясь, что князь Борис всё же останется жив, отправил варягов чтобы они завершили чёрное дело. Один из них, подойдя к Борису, увидел, что князь подаёт признаки жизни. Тогда он ударил святомученика мечом. Мёртвого Бориса привезли в Храм святого Василия, в Вышгород.

Глеб находился в Муроме, в своём удельном княжестве. Святополк позвал его в Киев, а навстречу князю послал отряд воинов, которым поручил убить его. Глеб, несмотря на то, что уже знал об убийстве Бориса, подчинился воле старшего брата. Он не хотел братоубийственной войны и, совершив молитву, поехал на верную смерть. Со своими убийцами Глеб встретился возле Смоленска, рядом с рекой Смядынью.

Подвиг Бориса и Глеба – это подвиг христианской любви. Братья отказались не только от языческой традиции кровной мести, но и сопротивляться насилию не стали. Всей душой преданные Господу, они не нарушили его Его заветов. Языческие обычаи были сильны в Древней Руси, но и тогда современники смогли оценить их жертву – весь русский народ оплакивал святых и восхищался силой их духа. Ибо сказано в Библии:«Не бой­тесь уби­ва­ю­щих те­ло, ду­ши же не мо­гу­щих убить».

Отмщение коварному Святополку свершилось. В 1019 году средний сын равноапостольного князя Владимира собрал войско и выступил против Святополка. Ярослав в этой битве победил, Святополк бежал в Польшу и всю оставшуюся жизнь провёл в изгнании. В летописях говорится, что даже от могилы русского Каина исходило зловоние.

Борис и Глеб погибли не напрасно и с тех пор на Руси междуусобных распрей стало гораздо меньше. Святые Борис и Глеб издавна были покровителями русской земли, её защитниками. Они являлись Александру Невскому перед Ледовым побоищем и Дмитрию Донскому накануне решающей битвы на поле Куликовом. Известны случаи чудесных исцелений, которые происходили в Вышгороде, в храме Василия Великого. Ярослав Мудрый нашёл тело невинно убиенного брата Глеба и похоронил его рядом с Борисом. В честь братьев был построен пятиглавый каменный храм, освящённый в 1026 году, 24 июля. Борис и Глеб, христианские мученики, особо почитаются православными и их иконы имеются в каждой церкви.

Всего храмов, посвященных Святым благоверным князям Борису и Глебу, около 180 (с учетом приделов, посвященных им).

Москва, Россия

Церковь Бориса и Глеба в Зюзине

Адрес: г. Москва, Перекопская улица, дом 6.

http://hramborisaigleba.orthodoxy.ru

 

Полоцк, Беларусь

Полоцкий Спасо-Евфросиниевский женский монастырь

Адрес: Республика Беларусь, Витебская обл., г. Полоцк, ул. Евфросинии Полоцкой, 89

Частица мощей благоверного князя Бориса находится в большом мощевике.

 

Торжок, Россия

Новоторжский Борисоглебский монастырь 

Адрес: Россия, Тверская обл., г. Торжок, ул. Старицкая, д. 7

http://www.новоторжский-борисоглебский-монастырь.рф

Святому благоверному князю Борису можно молиться о благополучии и здравии всех домочадцев, об укреплении веры, о защите от распрей и ссор в семье, а также при любых других нуждах. По преданию, святому Борису молятся об излечении сердечных недугов. С древних времен братья-страстотерпцы Борис и Глеб почитаются как чудотворцы-целители и защитники земли русской.

В честь братьев, благоверных князей, Бориса и Глеба были названы некоторые населённые пункты:

  • Борисполь (Киевская область, Украина);
  • Борисоглебск (Воронежская область, Россия);

Икону можно подарить:

- любому православному человеку - на любой праздник;

- болящим;

- жителям Российской Федерации для молитв о защите родного государства;

- жителям Борисполя, Борисоглебска и других населенных пунктов, названных в честь братьев Бориса и Глеба;

- мужчинам, носящим имя Борис, для молитв своему святому заступнику.