Икона святого великомученика Георгия Победоносца 24 х 28 см

Молитвы святому великомученику Георгию Победоносцу

МОЛИТВА ПЕРВАЯ

Святый, славный и всехвальный великомучениче Георгие! Собраннии в храме твоем и пред иконою твоею святою покланяющиися людие, молим тя, известный желания нашего ходатаю, моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не оставит вся наша ко спасению и житию нуждная прошения, и дарует стране нашей победу на сопротивныя; и паки, припадающе, молим тя, святый победоносче: укрепи данною тебе благодатию во бранех православное воинство, разруши силы востающих вра гов, да постыдятся и посрамятся, и дерзость их да сокрушится, и да уведят, яко мы имеем Божественную помощь, и всем, в скорби и обстоянии сущим, многомощное яви свое заступление. Умоли Господа Бога, всея твари Создателя, избавити нас от вечнаго мучения, да прославляем Отца, и Сына, и Святаго Духа и твое исповедуем предстательство ныне, и присно, и во веки веков. Аминь.

МОЛИТВА ВТОРАЯ

О всехвальный, святый великомучениче и чудотворче Георгие! Призри на ны скорою твоею помощию и умоли Человеколюбца Бога, да не осудит нас, грешных, по беззакониям нашим, но да сотворит с нами по велицей Своей милости. Не презри моления нашего, но испроси нам у Христа Бога нашего тихое и богоугодное житие, здравие же душевное и телесное, земли плодородие и во всем изобилие, и да не во зло обратим даруемая нам тобою от Всещедраго Бога, но во славу святаго Имени Его и в прославление крепкаго твоего заступления, да подаст Он стране нашей и всему боголюбивому воинству на супостаты одоление и да укрепит непременяемым миром и благословением. Изряднее же да оградит нас святых Ангел Своих ополчением, во еже избавитися нам по исходе нашем из жития сего от козней лукаваго и тяжких воздушных мытарств его и неосужденным предстати Престолу Господа славы. Услыши нас, страстотерпче Христов Георгие, и моли за ны непрестанно Триипостаснаго Владыку всех Бога, да благодатию Его и человеколюбием, твоею же помощию и заступлением обрящем милость со Ангелы и Архангелы и всеми святыми одесную Правосуднаго Судии стати и Того выну славити со Отцем и Святым Духом ныне, и присно, и во веки веков. Аминь.

Тропарь, глас 4

Яко пленных свободитель/ и нищих защититель,/ немощствующих врач,/ православных поборниче,/ победоносче великомучениче Георгие,/ моли Христа Бога// спастися душам нашим. 

Кондак, глас 8

К возбранному и скорому заступлению Твоему прибегше, вернии,/ молим избавитися, страстотерпче Христов,/ от соблазн вражиих воспевающим тя,/ и всяких бед, и озлоблений, да зовем:// радуйся, мучениче Георгие.

Акафист святому великомученику Георгию Победоносцу

Кондак 1

Взбранному воеводе и Победоносцу Георгию составим похвалу, яко ходатаю нашему и скорому помощнику: ты же, святый великомучениче, яко имеяй дерзновение ко Господу, от всяких нас бед свободи, да зовем ти:

Радуйся, Георгие, великий Победоносче.

Икос 1

Ангелов Творец и всея твари Содетель, явивый тя Церкви Своей веры поборника и за веру непобедимаго страстотерпца, внушает нам за подвиги страданий твоих восхваляти тя, святе Георгие, сице:

Радуйся, до конца Иисуса Сына Божия возлюбивый; радуйся, за имя Его с любовию душу свою положивый.

Радуйся, исповедниче, от Бога призванный; радуйся, подвижниче, Божиею благодатию прославленный.

Радуйся, Ангелов сожителю; радуйся, пророков равностоятелю.

Радуйся, Георгие, великий Победоносче.

Кондак 2

Видя гонение нечестивых на христианы, не убоялся еси козни их и мучительства, богомудре, но яко добрый воин Христов, вся своя нищим раздав, волею потекл еси на совет их неправедный, Христу вождю и Богу своему поя: Аллилуиа.

Икос 2

Разумно уразумев Единаго Бога, в Триех Ипостасех боголепно покланяемаго, твердым умом исповедал еси Его на соборищи нечестивых и тако обличил еси безумнаго царя безумное поклонение твари. Сего ради за твое высокое любомудрие приими от нас, Георгие, усердныя похвалы:

Радуйся, Единаго истиннаго Бога проповедниче; радуйся, Пресвятыя Троицы верный защитниче.

Радуйся, велию православнаго исповедания тайну неверным показавый; радуйся, идольскаго служения прелесть обличивый.

Радуйся, риторе Божий; радуйся, витие, премудрости исполненный.

Радуйся, Георгие, великий Победоносче.

Кондак 3

Сила Божия, просвещающая всякаго человека, грядущаго в мир, и в темнице тя страждущаго посетила есть, смиренномудре Георгие: понеже ты вся жития сего тленная, яко уметы презрев, единому Христу прилепился еси, да за имя Его добре воинствовав, сподобишися Тому со Ангелы вечно воспевати: Аллилуиа.

Икос 3

Имея ум и сердце, Духом Святым озаренныя, ты по внушению Его поревновал еси подвизатися за имя Христово, до крове стоя бо мужественно в вере, обличил еси вознесенную нечестиваго соборища гордыню. Сего ради хвалим тя, всемудре Георгие, сице:

Радуйся, щите, воздвигнутый на охранение благочестия; радуйся, мечу, подъятый на посечение нечестия.

Радуйся, столпе веры; радуйся, стено и утверждение Христовы Церкви.

Радуйся, верных удобрение; радуйся, неверных страх и посрамление.

Радуйся, Георгие, великий Победоносче.

Кондак 4

Безумный мучитель, дышащий на тя убийством, страстотерпче Георгие, жаждал бо крове твоея, яко пес алчный, повелевая распяти на колесе тело твое и злейшим мукам предати; ты же, возмогая о Господе, с твердым упованием к Богу взывал еси: Аллилуиа.

Икос 4

Слышавше от тебе Диоклетиан и жрецы идольстии словеса премудрости, распыхахуся на тя злобою, паче же егда рекл еси: «О царю мучителю! Почто мя всуе истязуеши? Мне бо еже жити, Христос, и еже умрети, приобретение. Трудно ти есть противу рожна прати». Сего ради мы взываем ти, великоимените Георгие, сице:

Радуйся, за мужественное исповедание веры на колесе кровь свою пролиявый; радуйся, кровию своею торжество веры возвеличивый.

Радуйся, Апостолов соревнителю; радуйся, вольным Христовым Страстем подражателю.

Радуйся, поборниче веры непоколебимый; радуйся, страстотерпче, адаманта твердейший.

Радуйся, Георгие, великий Победоносче.

Кондак 5

Боготечной звезде подобен был еси Георгие, чудесным бо от Ангела исцелением и видимым от колеса отрешением научил еси неверных веровати в Троицу Единосущную и Той купно с тобою воспевати: Аллилуиа.

Икос 5

Видеша народи чудеса силы Божия, яве на тебе бываемыя, с кротостию учение Христово от тебе прияша и возопиша, глаголюще: «Воистину велик Бог христианский!» Сего ради и мы, восхваляя тя, достославне Георгие, взываем сице:

Радуйся, светоносным спасения словом тьму неверия разгнавый; радуйся, мученическим веры исповеданием неверныя ко Христу обративый.

Радуйся, легионы воинов земных в небесное воинство предводяй; радуйся, яко воин Христов с небесными вои пребываяй.

Радуйся, ратоборцев славо; радуйся, пресветлаго мученическаго лика красото.

Радуйся, Георгие, великий Победоносче.

Кондак 6

Проповедником истины, духоносным Апостолом поревновав, крестом миру распялся еси, страстотерпче; се бо, яко Иона во чрево китово, в пещь нерастворенныя извести стремглав ввержен был еси, да прославится тебе ради дивный во святых Господь, Емуже ты и в рове известнем, яко во храме славы, умно взывал еси: Аллилуиа.

Икос 6

Возсиявый в тридневном Своем от гроба востании всесильный ада и смерти Победитель Иисус спасе тя от адова истления, страстотерпче Георгие: по триех бо днех обретоша тя в извести жива и в воздеянии рук поюща Бога; сего ради вельми пристрашни быша и ужасошася. Мы же, радующеся, восписуем ти победную песнь:

Радуйся, позорным в известный ров низвержением, вознесенную диавола гордыню низложивый; радуйся, дивным от Бога спасением зверство мучителей победивый.

Радуйся, яко незлобив сый, за творивших ти напасть молился еси, яко за благотворцев; радуйся, яко о обращении их, яко же Павел о евреех, болезновал еси.

Радуйся, мужу желаний; радуйся, сосуде избранный.

Радуйся, Георгие, великий Победоносче.

Кондак 7

Хотяй всячески уловити сердце твое к прелести идол, нечестивый мучитель умышляет прельстити тя волшебными чаровании; ты же, богоизбранне, с Давидом восклицая: «О Бозе спасение мое и слава моя», верно Тому пел еси: Аллилуиа.

Икос 7

Новое показа зло лукавый оный сатаны служитель Диоклетиан, егда в безумной своей ко идолом ревности повеле напоити тя, Георгие, ядом; ты же исполнен сый веры и упования, аще и смертное испил, обаче без вреда пребыл еси, богохвальне, темже и мы вопием ти:

Радуйся, яко во уповании на Бога Жива не посрамился еси; радуйся, яко мучителя ни во чтоже вменил еси.

Радуйся, бесов отгнателю; радуйся, волшебныя козни разрушителю.

Радуйся, яко тобою дивен Бог во святых Своих является; радуйся, яко тобою благочестно имя Христово прославляется.

Радуйся, Георгие, великий Победоносче.

Кондак 8

Странный и страшный совет бысть от некоего волхва нечестивому царю, да повелит ти, в доказательство правости веры Христовой, словом воскресити мертваго; ты же, Георгие, ничтоже сумняся, воспевал еси Тому, Иже несть Бог мертвых, но Бог живых: Аллилуиа.

Икос 8

Всежеланный и Сладчайший Иисус, Егоже ты всею душею и всем сердцем возлюбил еси, всеблаженне Георгие, слыша теплое веры твоея моление, вскоре повеле по слову твоему воскреснути мертвому, прославления ради Имени Своего и верных утверждения, неверным же и ослепленным на удивление и богопознание. Сего ради по долгу вопием ти:

Радуйся, яко Господь сил дивная на тебе явил есть; радуйся, яко мертваго тобою от гроба воскресил есть.

Радуйся, ослепленному волхву умное прозрение веры даровавый; радуйся, многим, Христа ради пострадавшим, во святая святых путь показавый.

Радуйся, Рима удивление; радуйся, христианскаго рода возвышение.

Радуйся, Георгие, великий Победоносче.

Кондак 9

Вси Ангели восхвалиша Бога, даровавшаго ти таковое мужество, Георгие, яко и в темничном заточении не преставал еси молитвенно бодрствовати. Сего ради, яко великий таиник Божия благодати, удостоился еси видети в видении Господа, венцем нетления главу твою венчающа, да и мы с тобою вопием: Аллилуиа.

Икос 9

Витии многовещаннии риторскими своими языки не возмогут изрещи тебе достойныя хвалы, Георгие, многих ради твоих подвигов и болезней, ихже за Христа и Церковь подъял еси волею. Сего ради и мы, недоумея восхваляти тя по достоянию, воспеваем сице:

Радуйся, вольным за Христа и Церковь страданием ветхаго в себе Адама распявый; радуйся, за доблестное страдание венец правды от руки Господни приявый.

Радуйся, правило ревности благочестивыя; радуйся, образе нищеты духовныя.

Радуйся, яко не себе, но Единому Богу добре угодил еси; радуйся, яко за Христа на многообразныя смерти готов был еси.

Радуйся, Георгие, великий Победоносче.

Кондак 10

Спасти хотя души во тьме идолослужения погибающих, боголюбче Георгие, ты, ревнуя, поревновал еси, яко Илия по Бозе: вшед бо во храм идольский, силою Божиею разгнал еси бесы, сокрушил идолы, посрамил жрецы и, яко победитель, не с человеки, но со Ангелы пел еси Богу: Аллилуиа.

Икос 10

Стены бесчувственнее окамененный сердцем мучитель твой, Георгие, не уразуме Бога, яве тобою чудодействующа, но до конца пребыл еси, яко аспид, затыкаяй уши свои. Сего ради повеле усещи тя на позорищи во главу, яко злодея; ты же, болезнуя о погибели души его, радостно приял еси кончину, за нюже мы тя ублажаем любовию сице:

Радуйся, веру, надежду и любы до конца сохранивый; радуйся, во успении твоем многия и великия чудеса сотворивый.

Радуйся, оружием благоволения Божия венчанный на земли; радуйся, славою и велелепием украшенный на Небеси.

Радуйся, человече Божий; радуйся, добрый воине Христов.

Радуйся, Георгие, великий Победоносче.

Кондак 11

Пение Пресвятей Троице паче иных воздал еси, святый великомучениче Георгие, не словом точию и умом, но живым всего себя в жертву принесением: подражая бо распятому за ны непорочному Агнцу Христу, положил еси душу свою за други своя волею. Темже убо аще недовольни есмы к похвалению таковыя твоея доблести, больше бо сея любве никтоже имать, обаче благодарни суще, поем Дивному во святых: Аллилуиа.

Икос 11

Светоприемный светильник истиннаго Света сущим на земли являешися, богоизбранне Георгие, просвещаеши бо сердца верных и к разуму Божественному вся наставляеши, поучая и нас весело взывати:

Радуйся, яко в пресветлых ангельских чертозех вселяешися; радуйся, яко не в гадании, но лицем к лицу, Невечерняго Троичнаго Света причащаешися.

Радуйся, нищих питателю и обидимых защитниче; радуйся, немощных врачу и царей поборниче.

Радуйся, православным воином во бранех споборниче; радуйся, о спасении грешников теплый ходатаю.

Радуйся, Георгие, великий Победоносче.

Кондак 12

Благодать, данную ти от Бога, ведуще, память твою празднуем, великомучениче Георгие, и с усердным молением к чудотворному образу твоему притекающе, твоею всесильною о Господе помощию, яко необоримою стеною, ограждаемся. Сего ради восхваляя тя, усердно зовем Богу: Аллилуиа.

Икос 12

Славную кончину твою поюще, еюже возвеличился еси, яко добрый воин Христов, молим тя, страстотерпче Георгие: буди нам во всем ко благу помощниче и услыши ны, усердно взывающих ти:

Радуйся, яко тобою Церковь верных просвещается; радуйся, яко имя твое и между неверными прославляется.

Радуйся, дивная исповедников славо; радуйся, высокая мучеников похвало.

Радуйся, телес наших целебниче; радуйся, о душах наших молитвенниче.

Радуйся, Георгие, великий Победоносче.

Кондак 13

О всеблаженный и святый великомучениче Георгие, приими сие наше хвалебное пение и избави нас от всякаго зла твоим теплым к Богу ходатайством, да с тобою воспеваем: Аллилуиа.

Этот кондак читается трижды, затем 1-й икос «Ангелов Творец…» и 1-й кондак «Взбранному воеводе …».

Житие святого великомученика Георгия Победоносца

Святой Георгий родился в Лидде, Палестина. Семья была богатой, родители Георгия жили по христианским канонам и сына воспитали в благочестии. В молодости великомученик состоял на военной службе у императора Диоклетиана. Георгий обладал недюжинным умом, отвагой, атлетическим сложением и большой физической силой. Эти качества позволили ему стать тысеченачальником и любимцем императора. Диоклетиан был умелым и успешным правителем, но ярым приверженцем богов римского пантеона и поэтому ненавидел христиан. Он всячески противился укреплению христианства и подвергал верующих жестоким гонениям.

Георгий, став свидетелем неправедного суда над братьями по вере, не смог этого перенести и решил защищать истинную религию. Понимая, чем это грозит, он отпустил на свободу своих рабов и раздал всё своё имущество бедным. Затем он пришёл в императорский дворец, сказал императору, что придерживается христианской веры и произнёс гневную обличительную речь, осуждающую Диоклетиана и его жестокие приказы.

Диоклетиан не хотел терять такого храброго воина и пытался уговорить Георгия отречься от веры, обещав ему различные блага. Но Георгий был непреклонен. Тогда император приказал подвергнуть святого пыткам. Его заключили в темницу, заковали ноги в колодки. Лежащему на спине Георгию на грудь опустили огромный камень. Святой даже стона не издал и продолжал славить Господа. Взбешенные стражники стали мучить его самыми изощрёнными способами – били его плетьми; погружали тело в негашеную известь; заставляли надевать сапоги, внутри которых были острые гвозди и бежать в них; колесовали. Георгий с достоинством выдержал все пытки и ни разу не взмолился о пощаде. В конце концов, Диоклетиан приказал отрубить ему голову. Так, в 303 году душа Георгия отправилась к престолу Господа. Случилось это в Никомидии.

Святого Георгия называют Победоносцем, потому что он проявил невероятное мужество, одержал победу над мучителями и встал на защиту невиновных. Голова святого хранится в римском храме, названным в его честь. А мощи его покоятся в Храме святого Георгия, который находится в городе Лоде.

На иконах Георгий Победоносец традиционно изображается в виде всадника, поражающего своим копьём гигантского змея. Предание гласит, что в окрестностях Бейрута появился страшный змей. Он жил в озере и пожирал людей, приходящих на его берег. Местные жители пребывали в суеверном ужасе и начали приносить жертвы чудовищу – по жребию выбирали юношу или девушку и отдавали змею на съедение. Однажды выбор пал на девушку, которая была дочерью правителя. Её привязали к дереву на берегу озера. Невинная дева в ужасе ждала гибели. Но когда змей стал приближаться к ней, появился прекрасный юноша на белом коне. Он поразил зверя копьём и спас девушку от лютой смерти. Это был святой Георгий; после этого чудесного события все жители Бейрута и пригородов обратились в христианство и забыли языческих богов. Это не единственное чудо, которое сотворил Георгий – в житии святого есть эпизод чудесного воскрешения вола. У бедного крестьянина умер единственный вол и всей семье земледельца грозил голод. Великомученик вернул животное к жизни.

Георгий Победоносец почитается как защитник от диких зверей и покровитель скотоводов.

В дореволюционной России существовала традиция – в день памяти святого Георгия крестьяне совершали молебен, окропляли домашнюю скотину святой водой и выгоняли её на пастбище (первый раз после зимы). Кроме того, в этот день (он ещё назывался «Юрьев») крепостные имели возможность уйти к другому помещику. Так продолжалось до того, как на престол взошёл Борис Годунов.

Георгий Победоносец – ключевая фигура на гербе российской столицы. Он победитель сатаны и покровитель всех воинов.

Всего храмов, посвященных Георгию Победоносцу около 1000 (с учетом пределов, посвященных ему).

Мощи святого великомученика Георгия хранятся в городе Лод, а глава хранится в Риме. Ниже перечислены храмы, где есть частица мощей Георгия Победоносца (подробнее здесь: https://elitsy.ru/holy/search/?saint=640)

Москва

Храм вмч. Георгия Победоносца на Поклонной Горе

http://altaryvic.ru

Частица мощей святого вмч. Георгия Победоносца

Адрес: г. Москва, Площадь Победы, 3-Б

Храм прор. Божия Илии в Обыденском переулке

http://www.hram-ostozhenka.ru

Частица мощей святого вмч. Георгия Победоносца

Адрес: г. Москва, 2-й Обыденский пер.,6

Храм св. вмч. Георгия Победоносца в Старых Лучниках

http://hramvluchnikah.ru

Частица мощей святого вмч. Георгия Победоносца. По вторникам (кроме постов и канунов праздников) канон св.вмч. Георгию Победоносцу, в 18:00

Адрес: г. Москва, Лубянский проезд, дом 9, строение 2.

Богородице-Рождественский ставропигиальный женский монастырь

http://www.mbrsm.ru

Частица мощей святого вмч. Георгия Победоносца

Адрес: г. Москва, ул. Рождественка, 20

Санкт-Петербург

Свято-Троицкая Александро-Невская Лавра

http://lavra.spb.ru

Адрес: г. Санкт-Петербург, наб. реки Монастырки, 1

Ростов-на-Дону

Кафедральный собор Рождества Пресвятой Богородицы

http://sobor.rostoveparhia.ru

Частица мощей святого вмч. Георгия Победоносца

Адрес: г. Ростов-на-Дону, ул. Станиславского, 58

Нижний Новгород

Храм в честь Святого великомученника Георгия Победоносца

Частица мощей святого вмч. Георгия Победоносца

Адрес: г. Нижний Новгород, ул. Кащенко, 25

Святой Георгий Победоносец был известным воином, поэтому прежде всего перед его иконой молятся воины о благополучном несении службы, о защите нашей державы, о защите от иноземных захватчиков. Святой Георгий являлся небесным покровителем Юрия Долгорукого, основателя Москвы. Поэтому, по одной из версий, именно он изображен на гербе Москвы. Молитва Святому Георгию поможет исполнять свой долг государственным чиновникам различного уровня, особенно связанным с Москвой или московским правительством.

Икону можно подарить:

- любому православному человеку - на любой праздник;

- москвичам для заступничества их небесного покровителя;

- сотрудникам государственных органов, особенно связанных с Москвой;

- военным людям, так как Георгий Победоносец считается их покровителем;

- мужчинам, носящим имя Георгий или Юрий, особенно на крещение, День ангела и День рождения.