Ростовая икона святого Геннадия Костромского 29 х 40,5 см

Молитвы преподобному Геннадию Костромскому и Любимоградскому

МОЛИТВА ПЕРВАЯ

Избранниче Божий и чудотворче, преподобный отче Геннадие! От юности твоея исполнен сый Духа премудрости и разума, Духа благочестия и страха Господня, и приим вся оружия Божия, препоясав чресла твоя истиною, оболкся в броня правды и обув нозе во уготование благовествования мира, над всеми же восприим щит веры, возмогл еси, яко добр воин Христов, вся стрелы лукаваго разжженныя угасити. Сего ради водворяяся днесь с ликами Безплотных сил в обителях Отца Небеснаго, неувядаемым венцем увязен еси и, предстоя Престолу Царя славы, Господа сил, имаши дерзно­вение возносити к Нему моления и благохваления твоя. Мы же, окаяннии, возводя из глубины зол очи и сердца наша к Горнему Сиону, Жилищу Бога Иаковля, молим тя, преподобне Геннадие: буди заступником и ходатаем нашим пред Богом и Господем нашим, Судиею правед­нейшим, Егоже выну прогневляем, согрешающе пред Ним. И якоже во дни плоти своея дивная и преславная совершил еси, отче всехвальне, тако и ныне, прешед от нас в обители Отца Небеснаго, удиви хода­тай­ст­вом своим милость Господню на нас. Да, отбегше нечестия и мирских похотей, Богови же благоугодивше, обрящем помощь Его во время благопотребно и благословение на ны и на дела рук наших, и да сподобит нас наследити Царство Небесное и с лики святых славити и воспевати пречестное и великолепое имя Отца, и Сына, и Святаго Духа ныне и присно и во веки веков. Аминь.

МОЛИТВА ВТОРАЯ

Моли Бога о мне, святый угодниче Божий Геннадий, яко аз усердно к тебе прибегаю, скорому помощнику и молитвеннику о душе моей.

Тропарь преподобного Геннадия Костромского и Любимоградского

глас 4

Яко пустыннолюбивая горлица, / от суетнаго и многомятежнаго мира в пустыню удалився, / чистотою и говением, молитвами и труждением / прославил еси Бога в душе и телеси своем. / И тако благочестно пожив, / явился еси, преподобне Геннадие, пустыни Любимоградския украшение, / иноком честнаго жития образ / и теплый молитвенник за всех, / притекающих к тебе с верою.

Кондак преподобного Геннадия Костромского и Любимоградского

глас 3

Молитвою и постом, труждением и терпением/ умертвивый всякое плоти мудрование,/ чистоты сосуд благолепен,/ Божественных даров и чудес причастник,/ иноком же доблий наставник был еси,/ сподвизаяся блаженному Корнилию, отче Богомудре./ Сего ради вопием:/ молися ко Господу,/ да молитвами твоими дарует мир и спасение душам нашим.

Акафист преподобному Геннадию Могилёвскому (Костромскому и Любимоградскому) чудотворцу

Кондак 1

Избранный измлада Господу работати, подвизався добрым подвигом веры, течение твое доблестно скончал еси. Водворяяся же днесь в Небесных Селениих, молися еже избавитися нам от лютых обстояний, от всех зол и напастей, да зовем ти:
Радуйся, Геннадие, теплый наш к Богу молитвенниче и чудотворче.

Икос 1

Ангелскому житию восхотев подражати, измлада явился еси тщаливейший в дому Божием делатель, нося в сердцы законы и оправдания Его. Сего ради радостно вопием ти:

Радуйся, всякое мудрование плоти умертвивый.
Радуйся, еще от пелен путь истины познавый.
Радуйся, презревый вся суетная блага мира, Господа ради.
Радуйся, всею душею Богови прилепивыйся.
Радуйся, воине Царя Небеснаго.
Радуйся, подвигом добрым подвизавыйся пред Ним.
Радуйся, благая отрасле благаго корене.
Радуйся, светильниче страны Любимоградския.
Радуйся, Геннадие, теплый наш к Богу молитвенниче и чудотворче.

Кондак 2

Видаяще тя приснии еще юна зело, не отходяща от церкви, и пребывающа в посте и молитве, тщахуся ослабити духовный подвиг твой. Ты же, от юности твоея, вдавый сердце Богови, пребыл еси непоколебимь, духом горя, Господеви работая и воспевая: Аллилуиа.

Икос 2

Разум, исходяй от Отца светов, яко бисер драгий обрет, тем озаряемь, всяку мглу греховную далече отгнал еси от себе; управляемь же сый, яко путеводною звездою, в пустыню, сподобился еси очима твоима зрети труды и подвиги Корнилиа и внимати словесем мудрости его. Мы же восхваляюще тя вопием сице:

Радуйся, лучами Божия мудрости озаренный.
Радуйся, благодатною силою во всяцем деле блазе утвержденный.
Радуйся, похоть плоти, похоть очес и гордость житейскую низложивый.
Радуйся, некрадомое добродетелей сокровище стяжавый.
Радуйся, пустыню облагоухавый дел твоих добротою.
Радуйся, заблудших на путь заповедей и оправданий Господних наставивый.
Радуйся, иноком давый образ кротости и смиренномудрия.
Радуйся, обитель твою молитвами твоими ограждаяй и спасаяй.
Радуйся, Любима града прибежище и радование.
Радуйся, помощниче притекающих к тебе с верою.
Радуйся, Геннадие, теплый наш к Богу молитвенниче и чудотворче.

Кондак 3

Силою, данною ти свыше, в пустынях подвизаяся, аще и многи напасти и озлобления от враг видимых и невидимых претерпел еси; обаче та вся доблестно победил еси, и козни их разрушил еси, воспевая к Богу: Аллилуиа.

Икос 3

Имея от юности твоея всажден в сердцы твоем страх Божий, не дал сна очима твоима, и веждома твоима дремания, дондеже обрел еси в пустыни Любимоградской, при водах Сурских, место Господеви, селение Богу Иаковлю, и рекл еси: се покой мой во век века, зде вселюся, яко изволих и. Мы, чудящеся всеблагому о тебе Божию смотрению, вопием ти:

Радуйся, яко измлада познал и всею душею твоею возлюбил еси Отца Небеснаго.
Радуйся, яко вся суетная и тленная презрел еси.
Радуйся, яко вся земная, уметы быти вменил еси, взыскуя Иерусалима Горняго.
Радуйся, яко изволил еси подъяти всяко поношение паче, нежели вкушати временную греха сладость.
Радуйся, яко скорбьми многими вшел еси в радость Господа твоего.
Радуйся, яко странник и пришлец сый, создал еси дом Божий, храм Господеви, в немже от лет многих призвася святое имя Его.
Радуйся, вод Сурских ликование.
Радуйся, града Любима ограждение.
Радуйся, Костромских предел благолепное украшение.
Радуйся, Геннадие, теплый наш к Богу молитвенниче и чудотворче.

Кондак 4

Бурю злоречия, клевет и шептания, по действу змия древнаго, исконнаго отца лжи, окаяннии воздвигоша на тя в обители доблестнаго Корнилиа. Обаче Господь, ведый избавляти и утешати преподобныя своя, обрати студ на главу враг твоих; тебе же на широту изведе, и постави на пространстве нозе твои, Емуже принося жертву хвалы и благодарения, вопиял еси выну: Аллилуиа.

Икос 4

Слышаша ближнии и дальнии, от днепровских до волжских стран о богоугодном житии твоем, твои подвизех и терпении мнозем; град же Москва, в пришествие твое с Серапионом и Уаром, чудящеся, из уст твоих прияша проречение, егда рекл еси непорочной, яко агницы сущей Анастасии: ты еси розга прекрасная, венцем царским будеши благоукрашена; еже и сбыстся во время свое. Хваляще Бога, давшаго ти дар прозрения, вопием:

Радуйся, духа пророчества богомудренным житием стяжавый.
Радуйся, благодатию душу свою ожививый и чистотою возвысивый ю.
Радуйся, сбытием пророчества обрадовавший царство православное.
Радуйся, яко рукою благочестивой Анастасии утрошася слезы многих.
Радуйся, яко царица суще, державцу Русския земли славу во благочестном жителстве приумножи.
Радуйся, яко отложив во успении венец тленный, сподоблся еси прияти венец славы нескончаемыя.
Радуйся, яко и мнозем женам, сущым в болезни и скорбех, помощь и утешение подавал еси.
Радуйся, яко и немощнии младенцы не отщетишася от твоея помощи, на цельбу и возраста преспеяние от святыя раки твоея получиша.
Радуйся, яко и всем притекающым ко гробу твоему скорый являешися помощник.
Радуйся, Геннадие, теплый наш к Богу молитвенниче и чудотворче.

Кондак 5

Боготечной уподобився звезде, притекл еси от юга во страны севера; и лучами добродетелей твоих озарив пустыню любимоградскую, научал еси, отче, исповедатися Богу Небесному и пети имени Его, зовуще: Аллилуиа.

Икос 5

Видя благодать яже в тебе и дар Святаго Духа, царь Иоанн изволи, да и чада его твоею рукою, преподобне, обновляются в пакибытие. Мы же славяще Бога, возносящаго смиренных сердцем, и венчающаго их милостию и щедротами, взываем:

Радуйся, Геннадие, яко старцы и послуша тя и мудрии в совет твой внидоша.
Радуйся, яко и пред цари глаголал еси о судьбах и оправданиих Господних.
Радуйся, яко слово твое бысть выну во благодати, солию растворенно.
Радуйся, яко николиже слово праздно и гнило изыде из уст твоих, паче же вся бяху к назиданию верных.
Радуйся, яко был еси сосуд в честь, освящен, благопотребен Владыце.
Радуйся, яко соблюл еси таинство веры в чистой совести.
Радуйся, яко пребыл еси во истине благовествования.
Радуйся, яко ангелу благовестнику уподобился еси, предрек славу Анастасии, о нейже возвеселишася богатии и убозии.
Радуйся, Геннадие, теплый наш к Богу молитвенниче и чудотворче.

Кондак 6

Пустынножительствовавый на Свире реце преподобный Александр, радостно прият тя с содругом твоим Феодором, и прозорливец сый, предпоказа в тебе благаго и мудраго иночествующым вождя и наставника. Слышавшии таковая проречения, прославиша Господа, глаголюще: Аллилуиа.

Икос 6

Возсия, яко звезда утренняя, и яко луна полна во днех своих, слава подвигов, труждения и терпения твоего; пустыня бо возвести о тебе, и добродетели твоя окрест живущым поведа. Сего ради якоже они, такожде и мы благодаряще Бога, вопием ти:

Радуйся, презревый славу мира, ища Божия славы.
Радуйся, сбытие пророчества, еже о тебе, добре показавый.
Радуйся, явивыйся присный ревнователь преподобным Александру и Корнилию.
Радуйся, среди житейских обуреваний обретый тихое пристанище.
Радуйся, пустыню и езеро освятивый ангелоподобным жителством твоим.
Радуйся, положивый основание твердо обители твоей, и молитвами твоими оградивый ю.
Радуйся, образ честнаго жителства иноком собою давый.
Радуйся, словом и делом наказавый буия и строптивыя.
Радуйся, заблудших наставниче и всех притекающих к тебе скорый помощниче.
Радуйся, Геннадие, теплый наш к Богу молитвенниче и чудотворче.

Кондак 7

Прославити хотя пустыню непроходную и просветити сидящыя во тме и сени смертней, всеблагий Бог, державным манием Василиа Иоанновича указует ти место, да созиждеши олтарь Богови и селение исповедающым имя святое Его. Ты же, Господу споспешествующу, сия соделав, с сонмом подвижников и со всеми, иже видеша благословение на делех рук твоимх, воспел еси: Аллилуиа.

Икос 7

Новый и дивный злочестия обличитель явился еси, преподобне, егда святотатственную простершаго ко олтарю руку, разслаблением наказл еси; егда же исповеда грех свой пред тобою, и в раскаяние прииде, того благодатною силою исцелил еси, и на путь спасения наставил еси. Сего ради память твою, угодниче Божий, чествующе, зовем ти сице:

Радуйся, злочестия обличителю.
Радуйся, кающихся во гресех своих утешителю.
Радуйся, заблудших наставниче.
Радуйся, молитвами твоими подаваяй исцеление телесное, вкупе же и душевное.
Радуйся, заступничеством твоим низлагаяй демонская возстания.
Радуйся, благодатию яже в тебе подаваяй силы к животу и благочестию.
Радуйся, свыше данною ти премудростию умудряяй неразумныя.
Радуйся, яко всем притекающым к тебе с верою, присно подаеши утешение и радование.
Радуйся, Геннадие, теплый наш к Богу молитвенниче и чудотворче.

Кондак 8

Странное чудо явися, егда немоществующий болярин Борис, прияв с благоговением посох от руки твоея, преподобне, здрав бысть. Иерей же Василий, гордостно презрев прятый от преподобнаго дар, и поверг оный, тяжко искушен бысть. Познав же грех свой, и принес покаяние Богу, прослави правду Его, и угодника Его, вопия: Аллилуиа.

Икос 8

Весь ум вперив в горняя, единаго, искупльшаго нас Господа возлюбил еси, Тому последовал еси и Того язвы на теле своем носил еси, с Нимже и прославляешися днесь. Сего ради восхваляем тя:

Радуйся, обретый премудрость, юже никтоже от князей века сего разуме.
Радуйся, не духа мира сего приявый, но Духа Иже от Бога.
Радуйся, верою уразумевый тайны судеб Божиих.
Радуйся, показавый веру твою не в мудрости человечестей, но в силе Божией.
Радуйся, яко Града Небеснаго взыскал еси.
Радуйся, яко к Иерусалиму Небесному востекл еси.
Радуйся, яко на вечерю брака Агнча зван еси.
Радуйся, не к тому себе пожив, но Богови, днесь во Царствии Его вселяешися.
Радуйся, Геннадие, теплый наш к Богу молитвенниче и чудотворче.

Кондак 9

Всякими духовными даровании украшен, всякия цельбы податель явился еси, блаженне. Темже хваляще и благодаряще Бога, вопием: Аллилуиа.

Икос 9

Витии немотствоваху и мудрии века сего изумевахуся, видяще, како бесный, люте страждай, и путы железными связан сый, пред гробом твоим, преподобне, абие исцеле и воздаде хвалу Богови, дивному во святых Своих. Таяжде творяще, и мы глаголем:

Радуйся, силы многи сотворивый.
Радуйся, демонская сопротивувостания ни во что же вменивый.
Радуйся, обдержимых лютыми недугами уврачевавый.
Радуйся, безутешным утешение и радость о Господе подавый.
Радуйся, омраченных умом в разум истины приведый.
Радуйся, от сердечнаго окаменения и нечестия многих обративый к Богу.
Радуйся, яко немощствующым духом и телом простерл еси руку помощи.
Радуйся, яко безнадежных и отчаянных сущих, утвердил еси во уповании на Бога жива и истинна.
Радуйся, Геннадие, теплый наш к Богу молитвенниче и чудотворче.

Кондак 10

Спасения иский, яко бисера многоценнаго, и к Богу душею возжадав, якоже елень на источники водныя, ничтоже земное в себе
помышлял еси; работая же Госпеодеви со страхом и радуяся пред Ним с трепетом, сподобился еси, блаженне, с лики
избранных предстояти Престолу Царя славы, и присно воспевати: Аллилуиа.

Икос 10

Стена и прибежище был еси, Генндие, в веце сем: в пустыню бо, в ней же восхотел еси вдворитися, к тебе притекаху славнии земли, богатии и убози, вожделевающе, да приимут от руки твоея благословение, да слово уст твоих утешит, и молитва твоя оградит их от враг видимых и невидимых; и мы такожде, притекающе верою к раце твоей, и моляще о заступлении нас грешных и неключимых раб, вопием:

Радуйся, яко страстей возстание победил еси.
Радуйся, яко призывающих тя предварил еси в день озлобления.
Радуйся, яко потопляемых напастей бурею, изхитил еси из пучины зол.
Радуйся, яко влаемых волнами житейских попечений, к тихому пристанищу управил еси.
Радуйся, ищущих Царствия Небеснаго и правды его, молитвами твоими утверждаяй на камени заповедей Господних.
Радуйся, обители твоея столпе и утверждение.
Радуйся, подвизающихся во благочестии неусыпный спомощниче.
Радуйся, покаянныя слезы проливающих ко Господу сомолитвенниче.
Радуйся, Геннадие, теплый наш к Богу молитвенниче и чудотворче.

Кондак 11

Пения и славословия, подвиги и молитвенныя труждения, паче же всего себе принесл еси, преподобне, в жертву живу, святу, благоугодну Богови. Сего ради, стяжав блаженное безсмертие, в чертозе Царя славы, с тмами тем безплотных сил ликовствуя, воспеваеши: Аллилуиа.

Икос 11

Светозарной звезде уподобився, от Могилева града, от предел днепровских, аможе первии возсияша, посреде идольскаго нечестия, лучи благодатныя веры, притекл еси, да и во мраце пустыни костромския узрят людие славу Божию и чудеса Его поведят. Сия убо зрим ныне, и славяще Бога, глаголем:

Радуйся, напоивый себе струями вод благодатных.
Радуйся, утвердивый себе в вере, еюже просветися равноапостольный великий князь Владимир.
Радуйся, осиянный благословением святыя Афонския горы, почивающим на обители печерских чудотворцев.
Радуйся, их житию подражавый.
Радуйся, яко оставль богатство и славу дома отчаго, пустыню возлюбил еси.
Радуйся, яко хлад и зной и всяку тяготу понесл еси.
Радуйся, яко поругания и озлобления, Господа ради, претерпел еси.
Радуйся, яко в терпении мнозе стяжав душу свою, живот вечный наследовал еси.
Радуйся, Геннадие, теплый наш к Богу молитвенниче и чудотворче.

Кондак 12

Благодать и силу данную ти от Бога, еже целити немощствующыя духом, немощствующыя телом, еже спасати погибающих и избавляти от лютых обстояний, даяти же даяния благая, с верою и любовию притекающым к тебе; знаменьми и чудесы научени суще, свемы. Темже молимся ти, преподобне, молися о нас, яко скобьми паче же многими грехми обдержими есмы выну, да ходатайством твоим улучивше спасение, воспоем Господеви: Аллилуиа.

Икос 12

Поюще и превозносяще Бога, дивнаго во святых своих, благолепно чествуем святую память твою, угодниче; еще бо во днех плоти твоея чудодейственныя благодати был еси причастник; по блаженном успении твоем наследствуя с лики святых вечную жизнь, молиши о чтущих тя. Сего ради вопием:

Радуйся, прославивый Бога в души и телеси своем.
Радуйся, яко славы от человек не приял еси, слава же Господня осия тя.
Радуйся, яко обитая в Небесных селених, не оставляеши нас ходатайством твоим.
Радуйся, яко надеющеся на тя, возсылаем молитвы нашя и тобою хвалимся.
Радуйся, яко надежда притекающих к раце твоей с верою, николиже посрамися.
Радуйся, яко старцы и младенцы возрадовашася о тебе.
Радуйся, яко присный хранитель еси Любимоградския страны, сподобльшаияся хранити святыя мощи твоя.
Радуйся, яко память твоя во блгословении и чудеса твоя возвещаются в роды родов.
Радуйся, Геннадие, теплый наш к Богу молитвенниче и чудотворче.

Кондак 13

О святче Божий и чудотворче, преподобне Геннадие! Приими молитвы и благохваления наша, приносимыя тебе днесь, по достоянию, и не забуди нас притекающих к тебе, и ищущих помощи твоея и заступления. Паче же буди ходатай наш пред Богом; да отбегше нечестия, и избавльшеся от всякаго злаго обстояния, сподобимся наследити Царство Небесное, и тамо с лики святых, славити Отца и Сына и Святаго Духа, и во вся веки воспевати пред Ним: Аллилуиа.

(Кондак сей глаголи трижды, таже икос 1-й и кондак 1-й).

Житие преподобного Геннадия Костромского и Любимоградского

Святой Геннадий ( в миру Григорий) родился в Могилёве, который входил в состав Великого княжества Литовского, в начале шестнадцатого столетия. Его отцом был зажиточный и влиятельный боярин по имени Иван. Мать Григория звали Еленой. Мальчик с раннего детства был склонен к созерцанию и предпочитал уединение играм со сверстниками. Эти качества, как и ранняя религиозность, не нравились его родителям, они хотели видеть сына бойким и подвижным ребёнком. Но Григорий мечтал посвятить свою жизнь служению Богу, поэтому в отроческом возрасте тайно покинул родительский дом и в нищенском рубище пешком ушёл в Москву. Он побывал в московских храмах, где хранились главные православные святыни. Именно в Москве Григорий окончательно решил стать иноком и вместе со своим товарищем Фёдором отправился в Новгород.

Сначала отроки пришли в храм при монастыре Александра Сквирского, но глава обители сказал, что в таком юном возрасте проживать в монастыре им не положено и отправил к Комельскую пустынь, которая находилась в лесу близ Вологды. Фёдор не выдержал отшельнической жизни и вернулся в столицу, а Григорий принял постриг и стал монахом по имени Геннадий. Духовный пастырем молодого инока стал преподобный Корнилий.

Через некоторое время Корнилий, Геннадий и ещё несколько монахов покинули вологодские леса и ушли на Сурское озеро, которое расположено в 25 км от Костромы, вернее, от её бывшего пригорода – Любима. Здесь они построили церковь, устроили пруды для разведения рыбы и осушения болот. Всё своё время святой Геннадий проводил в молитвах и неустанных трудах. В 1529 году Корнилий, по наказу князя Василия Ивановича, вернулся в Комельскую обитель. Геннадий стал настоятелем нового монастыря и оставался им до окончания своей жизни. Этот монастырь, в его честь, стали называть Спасо-Геннадиевым. Новую церковь Геннадий украсил «зело лепо», а после того, как монахов в монастыре стало больше, поставил ещё одну. Геннадий был образцом трудолюбия и долготерпения, никогда не гнушался чёрной работы. Он плотничал, мыл власяницы, стряпал еду. Геннадий был искусным иконописцем. Святой отличался аскетизмом и носил вериги для укрощения плоти. Несмотря на то, что Геннадий был неграмотным, он составлял поучения, которые записывались монахами. Известно два труда его авторства: «Поучение ко братии и ко всем людям» и «Наставление новоначальному иноку». Слава о его подвижничестве и даре исцеления росла. Кроме того, Геннадий обладал даром предвидения – во время одного из своих посещений столицы он предсказал боярыне Юлиании Захарьевой, что её дочь станет царицей. Предсказание сбылось – девушку взял в жёны Иван Грозный. Преподобный Геннадий неоднократно исцелял людей от тяжёлых недугов. Так, он излечил дочь Бориса Палецкого и Киприана, Вологодского епископа. Геннадий крестил дочь Ивана Грозного и был духовником государя.

Умер святой Геннадий в 1565 году, 23 января.

К лику святых православной церковью Геннадий был причислен в 1646 году, но почитание его народом началось сразу после погребения. Мощи святого хранились в храме при Спасо-Геннадьевом монастыре. Когда на месте деревянной церкви стали строить каменный собор (1644 год), мощи были открыты. Не только тело осталось нетленным, но и одежда святого полностью сохранилась. До 1920 года святые останки находились в Преображенском соборе. Затем собор был закрыт, мощи перевезли в Ярославский музей. В середине тридцатых годов мощи святого Геннадия исчезли и теперь их местонахождение неизвестно. День памяти святого установлен 23 января (по старому стилю). В молитвах святого Геннадия просят об исцелении от душевных и физических недугов.

Всего храмов, посвященных преподобному Геннадию Костромскому, - восемь (с учетом приделов, посвященных ему). Мощи Преподобного Геннадия Костромского утрачены.

Ярославская область, Россия

Слобода. Спасо-Преображенский Геннадиев монастырь. Церковь Геннадия Любимоградского

Адрес: Россия, Ярославская область, Любимский район, поселок Слобода

http://www.gennadiev.ru

В монастыре восстановлен колодец преп. Геннадия глубиной 12 метров. Над колодцем построен деревянный храм во имя св. преп. Геннадия. Под храмом находится камень, почитаемый целебным.

Святому Геннадию Костромскому можно молиться о любой нужде и скорби, особенно в случае тяжких болезней.

Икону можно подарить:

- жителям Костромы для молитв своему небесному заступнику;

- мужчинам, носящим имя Геннадий.