Икона святого Евгения Херсонесского 18,5 х 29 см

МОЛИТВА ПЕРВАЯ

Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей.

Кондак священномучеников, в Херсонесе епископствовавших

глас 2

Светоносный день наста/ пастырей, епископствовавших светло в Херсоне,/ ихже воспеваем праздник,/ пострадавших за Христовы овцы./ Священномученицы, молите Пастыреначальника Христа/ и нас причести деснаго овец стояния,/ да вопием вам:/ радуйтеся, священнии отцы,/ за Христа кровь свою излиявшии.

Акафист святым священномученикам в Херсоне епископствовавшим

Кондак 1

Избраннии угодницы Божии, святителие и мученицы Христовы - Василие, Ефреме, Евгение, Елпидие, Агафодоре, Еферие и Капитоне, в Херсоне епископствовавшии, всю страну нашу ученьми своими просветившии и землю нашу кровьми вашими освятившии, яко имущии дерзновение ко Господу предстательством и молитвами вашими у Престола Божия, от всяких нас бед свободите и пети вам научите: Радуйтеся, Священнии Отцы, за Христа кровь свою излиявшии!

Икос 1

Ангели земнии и человецы небеснии, священномученицы седмочисленнии, Престолу Небеснаго Царя и Владыки вселенныя предстоящии, и нас, грешных, на земли сущих, наставляющии, услышите молитвы наша с похвалами, от всея души к вам возносимыя: Радуйтеся, заступницы наши и предстателие у Господа Бога предобрии; Радуйтеся, первозванному Апостолу Андрею ревностнии подражателие. Радуйтеся, по стопам его, освятившим область нашу, шедшии; Радуйтеся, и венцы мученическия, якоже он, стяжавшии. Радуйтеся, безбоязненнии веры Христовой проповедницы; Радуйтеся, мужественнии истиннаго учения исповедницы. Радуйтеся, за проповедание веры и жизни своей не пощадившии; Радуйтеся, души своя за имя Христово положившии. Радуйтеся, во глубины сатанинския дерзновенно прийти возревновавшии; Радуйтеся, мрак языческаго многобожия в земли нашей разсеявшии. Радуйтеся, от Солнца правды лучами вся концы ея озарившии; Радуйтеся, и ныне нам благодатным светом своим светящии. Радуйтеся, Священнии Отцы, за Христа кровь свою излиявшии!

Кондак 2

Видяще многобожное мучительство идолопоклонства в земли нашей, души человеческия, по Образу Божию бывшия, во образ демонский претворявшее, возревновали есте, отцы святии, о спасении люте погибавших, и вся красная мира отвергше, бодренно приидосте научити их единому истинному Богу пети: Аллилуиа!

Икос 2

Разум совершен стяжавше, идеже возсия мирови свет разума, наченше от Иерусалима, по слову Христову, изыдосте, богомудрии учителие наши, с вещанием и глаголами жизни вечныя во всю землю, да просветите во тьме и сени смертней седящих, и пети всех похвальныя песни вам научите: Радуйтеся, велицыи таинники благодатнаго учения небеснаго; Радуйтеся, сосуди избраннии, в нихже хранятся глаголы живота вечнаго. Радуйтеся, умы, светом евангельским просвещеннии; Радуйтеся, и сердца ваша истинным ведением исполнившии. Радуйтеся, совершеннии человецы Божии, на всякое дело благое уготованнии; Радуйтеся, великая дела Христовы в земли нашей богомудро совершившии. Радуйтеся, Святии Отцы Церкви Христовой, словом и делом сиявшии; Радуйтеся, столпи Божественныя Церкве и Православия непоколебимии. Радуйтеся, зверообразных мучителей ваших неустрашившиися; Радуйтеся, безчисленныя раны и поношения с терпением от них приявшии. Радуйтеся, яко души своя, не за други токмо, но и за враги своя положили есте; Радуйтеся, яко веру Христову в воздаяние мучителем своим даровали есте. Радуйтеся, Священнии Отцы, за Христа кровь свою излиявшии!

Кондак 3

Сила Вышняго осени вас, богомудрии святителие и мученицы Христовы, и благоплодное делание ваше во мраке идолослужения ходящим, яко село сладкое, озаренное Солнцем правды, показала есть, да вси хотящии на ниве, вами возделанной жати спасение, радостно воспевают Богу, Спасителю нашему: Аллилуиа!

Икос 3

Имуще в душах и сердцах своих святую ревность о славе Божией, двоица от седмочисленных святителей - Василий богомудрый и Ефрем славный - первее вкупе трудистася, возвещающе многобожником Единаго Истиннаго Бога; таже Ефрем многоплодный иде с проповедию Евангелия ко скифам, жившим по Дунаю, идеже, многи обратив ко Христу, усечен бысть мечем. Василий же, царское священие, возвещая учение Христово херсонитом и обличая заблуждения неверных, возбуди противу себе гнев неверных, верных же научи воспевати таковая: Радуйтеся, неустрашимии воини Христовы, враги Божии победившии; Радуйтеся, яко в броню правды одеявшеся, пребысте непобедими. Радуйтеся, обувшии нозе свои во благовествовании мира и вспять невозвратившиися; Радуйтеся, шлем спасения восприявшии и всех жаждущих спасения от него напоившии. Радуйтеся, глаголом Божиим, аки мечем духовным, плевелы лжи посекшии; Радуйтеся, яко вещания ваша, богомудрии, не осташася тщетными. Радуйтеся, святителие Божии - истиннии, душ своих за овцы словесныя не пощадившии; Радуйтеся, мученицы Божии, венцы нетленныя, уготованныя вам, приимшии. Радуйтеся, подвигом добрым подвизавшиися до скончания жительства вашего; Радуйтеся, и нам, грешным, образ подражания в себе явившии. Радуйтеся, научающии нас последовати вашей вере, терпению и страданию; Радуйтеся, явившиися в земли нашей, да засвидетельствуете Божественную истину кровию вашею. Радуйтеся, Священнии Отцы, за Христа кровь свою излиявшии!

Кондак 4

Бурю ярости гнева воздвигоша на блаженнаго Василия жители Херсонеса Таврическаго; претерпев же биения, мучения и изгнание из града их, святитель Божий водворися в пещере близ лежащей горы Парфенон, идеже радуяся, яко прият за Христа биения и раны, и , сетуя о мучителях, со слезами молися о обращении к Богу, да поют Ему: Аллилуиа!

Икос 4

Слышавше людие, изгнавшие просветителя своего из града, яко молитвами его воскресил есть Бог умершаго сына единаго от них некоего знаменита, объяти быша ужасом и радостию, исповедаша Бога истиннаго и введоша святаго Василия паки во град свой с велиею честию, нас же научиша воспевати угодником Божиим похвалы сицевыя: Радуйтеся, в терпении мнозем стяжавшии души ваша; Радуйтеся, яко претерпевающе до конца, и сами спасостеся и послушающих вас введосте во спасение. Радуйтеся, правду, мир и радость о Дусе Святе стяжавшии; Радуйтеся, милосердием и любовию к ближним свом исполненнии. Радуйтеся, нищету духовную, терпение скорбей и лишений богатно имевшии; Радуйтеся, яко незлобивии агнцы, Божественному Агнцу - Христу подражавшии. Радуйтеся, приемшии от Бога благодать скорби и болезни в радость претворяти; Радуйтеся, любовию вашею самых жестоких и зверонравных врагов в кротких агнцев обращавшии. Радуйтеся, плач пред Богом и умиление блаженное обретшии; Радуйтеся, кротостию и смирением Христу Спасителю уподобившиися. Радуйтеся, смирением своим высокая, нищетою же богатая явившии; Радуйтеся, дела ваша христоподражательная всем зрящим показавшии. Радуйтеся, Священнии Отцы, за Христа кровь свою излиявшии!

Кондак 5

Боготечной звезде яве уподобися богомудрый Василий, егда чудом воскрешения отрока озари град Херсонес и окрестная его, и тамо живших ко Христу приведе. Аще же по сем нечестивии, по наущению злых жидовин, извлекше его из дома, связанного влачиша по стогнам град, биша и мучиша: обаче святый, и под жестокими ударами их молися о них, и тако предаде душу свою Богови, с похвальною песнию: Аллилуиа!

Икос 5

Видяще мученическую кончину славнаго Ефрема и всехвальнаго Василия, пострадавших за проповедь Евангельскую в стране Тавроменийстей, святителие Христовы - Евгений божественный, Елпидий мудрый и Агафодор богомудрый, в опасении, да не разорится тамо дело святаго Василия злоумышлением жидовским, не убояшася из страны Геллеспонтския идти в землю нашу, продолжения ради благовестия Христова. Жителие Херсонеса с радостию прияша новых просветителей страны их, поучающе их с любовию взывати к ним: Радуйтеся, вернии слуги Христовы и искреннии друзи Божии; Радуйтеся, ревнителие Православия усерднии и идольскаго мракобесия искоренители премудрии. Радуйтеся, за истинную веру Христову живота своего не щадившии; Радуйтеся, любовию к Богу и ближним предивно воспламененнии. Радуйтеся, апостольское великое служение подвигами своими восполнявшии; Радуйтеся, стадо Христово, кровию Его искупленное, умножившии. Радуйтеся, радостно на смерть за Христово учение шедшии; Радуйтеся, бесовское гнездо безбоязненно силою Христова имени разорявшии. Радуйтеся, кумирницы демонския и мнимыя их чтилища нещадно сокрушавшии; Радуйтеся, самаго исконнаго врага Божия и человеческаго горце уязвлявшии. Радуйтеся, христиан правоверных сладостное утешение; Радуйтеся, ожесточенных гонителей веры Христовой грозное устрашение. Радуйтеся, Священнии Отцы, за Христа кровь свою излиявшии!

Кондак 6

Проповедницы богоноснии, подвигом добрым подвизавшиися, веру бодре соблюдшии и течение свое добре скончавшии, за страдания вами мужественно претерпенныя, соблюдеся вам от Подвигоположника Нашего - Господа Иисуса Христа - венец правды. Темже усердно поучающеся в ваших деяниих, с любовию поминаем вас - наставников наших, и тщащеся подражати вере вашей, смиренно вопием Богу: Аллилуиа!

Икос 6

Возсия свет веры Христовой в стране нашей, яко полудне, егда пяточисленнии святителие наши души своя положиша за свидетельство в ней истины Евангельской, возсия нам и новый светильник Божий от Сиона - Еферий священнейший, егда воцарися великий Константин, покровительством христианству стяжавый себе имя равноапостольнаго. Видевше же людие, яко новый святитель бе равночестен, пред ним возопиша к ним: Радуйтеся, святители Божии, Апостолом единонравнии; Радуйтеся, отцы наши богомудрии. Радуйтеся, учителие Церкви всечестнии; Радуйтеся, вселенским учителем сопрестольнии. Радуйтеся, свещенномученики преславнии; Радуйтеся, пастырие наши предобрии. Радуйтеся, милосерднии наши просветители; Радуйтеся, любвеобильнии наши наставницы. Радуйтеся, изгнание правды ради претерпевшии; Радуйтеся, раны, муки и болезни за спасение наше на себе понесшии. Радуйтеся, неверие и суеверие наше победившии; Радуйтеся, адскую силу и мрак греховный от нас отгнавшии. Радуйтеся, Священнии Отцы, за Христа кровь свою излиявшии!

Кондак 7

Хотяй мирно пасти овцы Церкви Херсонския и право правити в ней слово истины, святый Еферий двукраты хождаше в Царьград к царю Константину: первее испросити помощи на разорение твердыням языческим и заступление христиан от гонения, второе же - благодати царя за явленный покров к устроению паствы херсонския. Егда же возвращашеся от Царьграда к пастве своей, разболеся к смерти, приста к малому острову Алосу, идеже и предаде святую душу свою в руце Божии, с песнию: Аллилуиа!

Икос 7

Новаго святителя дарова Церковь Восточная Церкви Херсонстей - Капитона всеславнаго, егоже великою радостию прияша неточию людие правовернии, но и невернии; наипаче же, егда пред всеми сотвори чудо велие, невредимо пребыв во огни и на ризе своей изнес из пламени углие горящее, но не сожигающее. Известившеся о сем чудеси, царь и святии отцы Перваго Собора Вселенскаго прославиша Бога и великое дарование епископа Капитона, людие же, видевшии его, возопиша к своим святителем: Радуйтеся, велицыи наши и преславнии чудотворцы; Радуйтеся, имущии веру, ничимже непоколебиму. Радуйтеся, дерзновенным исповеданием веры Христовой всех удивившии; Радуйтеся, мужественным страданием за веру Христову всех неверных посрамившии. Радуйтеся, догматы веры православныя уяснившии; Радуйтеся, правило веры и образ кротости стаду вашему показавшии. Радуйтеся, отцы наши всечестнии и личе богокрасный; Радуйтеся, слово спасения нам возвестившии. Радуйтеся, на путь правый всех нас наставившии; Радуйтеся, к любви горней души наша уязвившии. Радуйтеся, яко вами направляемии, получаем от Христа Бога велию милость; Радуйтеся, яко вами покрываемии в вечныя кровы вводимся. Радуйтеся, Священнии Отцы, за Христа кровь свою излиявшии!

Кондак 8

Странно бе видети, егда корабль, на немже Капитон святый идяше по нуждам Церкви своей в Царьград, от Херсонеса Таврическаго, схвачен бяше бурею велиею и принесен ко устиям Днепра - к нынешнему Херсону, идеже невернии людие корабль разграбивше, всех бывших на нем умертвиша, а епископа в водах утопиша, вернии же со слезами и рыданием Богу вопияху: Аллилуиа!

Икос 8

Вси вы, святителие Христовы, ныне в вышних пребываете, но и нас, низших, не оставляете вашими молитвами и предстательством у Царя славы и Господа Бога нашего. Сего ради, недоумеюще благохвалити вас по достоянию, со умилением сердца, из глубины души, взываем к вам: Радуйтеся, вере правой нас научающии; Радуйтеся, надежду известную нам подавающии. Радуйтеся, любовь нелицемерную в нас воспламеняющии; Радуйтеся, кротость и смирение в себе нам показующии. Радуйтеся, терпением и мужеством души наша украшающии; Радуйтеся, нас, алчущих и жаждущих правды, насыщающии. Радуйтеся, сердца наша благодатию Божиею, вам данною, очищающии; Радуйтеся, очи наши духовныя к зрению Бога изощряющии. Радуйтеся, вражды и ссоры наша умиротворяющии; Радуйтеся, всякий мрак заблуждения от нас прогоняющии. Радуйтеся, к терпению бед, лишений и скорбей нас воодушевляющии; Радуйтеся, в пренесении испытаний и гонений нас укрепляющии. Радуйтеся, Священнии Отцы, за Христа кровь свою излиявшии!

Кондак 9

Все лицы Ангельстии, зряще подвиги ваша, святии священномученицы, по вере Христовой подъятыя, радостию велиею радовахуся, вы же по страдании своем на земли, вошедше в славу Божию на небеси, и сами исполнилися есте радостию неизглаголанною. Темже, водворившеся в небесных обителях, вкупе со Архангелы и Ангелы, присно воспеваете Богу: Аллилуиа!

Икос 9

Витии многовещаннии, аще бы и многи языки имели и глаголати восхотели, не возмогут исчести ваших трудов и воздыханий, скорбей и лишений, гонений и страданий, яже имели есте, учаще и проповедующе, настояще благовременне и безвременне, умоляюще и запрещающе, обличающе и увещавающе люди непокоривыя, за добро злом воздающия. Мы же, дивящеся подвигом вашим, умиленно взываем к вам: Радуйтеся, трудами вашими нас, ленивых, к доброделанию возбуждающии; Радуйтеся, воздыханиями вашими нас, унылых, к молитве окрыляющии. Радуйтеся, скорбями вашими нас, малодушных, в пренесении скорбей утверждающии; Радуйтеся, гонениями, вами претерпенными, нас, слабых, укрепляющии. Радуйтеся, лишениями вашими нас, нетерпеливых, к воздержанию подвизающии; Радуйтеся, страданиями вашими нас, боязливых, ободряющии. Радуйтеся, учением и проповедию вашею нас, темных, просвещающии; Радуйтеся, наставлением вашим благовременным и безвременным нас, нерадивых, ко стыду приводящии. Радуйтеся, умолением вашим по Христе нас, безпечных, безответными творящии; Радуйтеся, прещением вашим нас, безстрашных, устрашающии. Радуйтеся, обличением вашим нас, непослушных, посрамляющии; Радуйтеся, увещанием вашим нас, противляющихся, к Богу приводящии. Радуйтеся, Священнии Отцы, за Христа кровь свою излиявшии!

Кондак 10

Спасти хотяй страну нашу, иже всем хотящий спастися и в разум истины приити, всемилостивый Господь и Бог наш, избра и посла вас к нам, святителие Христовы, да ясно укажете всем зде живущим и хотящим спастися пути спасения, и всех научите пети Богу: Аллилуиа!

Икос 10

Стена крепка и непоколебима есте, угодницы Божии, нам, влающимся и обуреваемым в мори житейстем, да выну зря море сие, воздвизаемое напастей бурею, к тихому пристанищу, ходатайству и заступлению вашему, грешнии, прибегаем и из глубины души с любовию вопием к вам: Радуйтеся, поборницы веры Христовой непоколебимии; Радуйтеся, покровители наши, некрыющиися от нашего притекания. Радуйтеся, светильницы, во тьме греховней нам, блудящим, светящии; Радуйтеся, кормчии святии, по водам плавающих управляющии. Радуйтеся, от потопления в водах зельных нас спасающии; Радуйтеся, ко пристани благонадежной всегда нас приводящии. Радуйтеся, обуреваемых и бедствующих в мори надеждою обвеселяющии; Радуйтеся, в плавании страждущих морскою болезнию оздравляющии. Радуйтеся, сланое море страстей наших изсушающии; Радуйтеся, гнездящиися в нас гади малии и велицыи убивающии. Радуйтеся, от грехопадений наших, имже несть числа, избавляющии; Радуйтеся, миром и любовию к добру души наша снабдевающии. Радуйтеся, Священнии Отцы, за Христа кровь свою излиявшии!

Кондак 11

Пение всеумиленное приносим вам, святителие Христовы, с небесе на мольбы наша благосердно призирающии, всем нам, усердно вас призывающим, помогающии, и всех почитающих вы по достоянию спасающии. Темже молим вас - великих и усердных благопоспешников - научите нас, немощных, воспевати присто Богу: Аллилуиа!

Икос 11

Светильницы Божии, благодатию Святаго Духа возженнии, не под спудом и одром положеннии, но на свещнице небесном поставленнии, и так присно пред престолом Божиим горящии, всему же миру и нам, грешным, на земли сущим, светящии, да видяще добрая дела ваша, прославляем прославльшаго вас Господа славы, и к вам от всего сердца вопием: Радуйтеся, светом вашим нашу тьму греховную разгоняющии; Радуйтеся, теплотою любви вашей наша хладная сердца согревающии. Радуйтеся, облаком благодати Божией, данныя вам, от зноя житейскаго нас покрывающии; Радуйтеся, палимыя зноем страстей души наша прохлаждающии. Радуйтеся, молитвами вашими на нивы наша дожди благовременныя посылающии; Радуйтеся, вся насаждения наша, во утешение и наслаждение наше, орошающии. Радуйтеся, плодами земными, веселящими нас, души наша оплодотворяющии; Радуйтеся, зверей и птиц, вреждающих полям и вертоградом нашим, отгоняющии. Радуйтеся, трудолюбивых земледельцев плодами земными награждающии; Радуйтеся, трудящихся во спасение дарами небесными исполняющии. Радуйтеся, в поте лица хлеб свой снедающих тайно увеселяющии; Радуйтеся, аще ядущих, аще пиющих, аще ли ино что творящих во славу Божию всех явно утешающии. Радуйтеся, Священнии Отцы, за Христа кровь свою излиявшии!

Кондак 12

Благодать от Бога данная вам, угодницы Божии и страстотерпцы Христовы, веруем, яко неистощима есть и николиже иждиваема. Сего ради, с несумненною надеждою к вам, яко приснотекущим и независтным источником, притекаем; почерпающе же от вас воду живую, утоляющую нашу жажду духовную, вся наша нечистоты омывающую и наши горести житейския услаждающую, Богу, спасающему нас вами, с любовию вопием: Аллилуиа!

Икос 12

Поюще ваши подвиги и страдания, блаженную кончину и водворение со святыми в небесных обителех, восхваляем ваша добрая дела, имиже угодили есте Господу Богу, имже и нас научите, молимся, да прославляем Отца нашего Небеснаго купно с вами, да видят доброе житие наше заблуждающиися братия наши, от нас изшедшии, но не бывшии от нас, и вразумляются, яко ходим во свете, они же в обольстительной лжи пребывают, да негли купно с нами возопиют когда к вам: Радуйтеся, за Христа на земли страдавшии и со Христом на небеси царствующии; Радуйтеся, с высоты небесныя милостивно на нас, недостойных, призирающии. Радуйтеся, похвалы наша, аще и недостойнии вас, благосердно приемлющии; Радуйтеся, молитвам нашим, аще и немощным, с любовию внемлющии. Радуйтеся, от всея души и сердца возносимая к вам прошения наша исполняющии; Радуйтеся, во всех нуждах, бедах и обстояниих нам помогающии. Радуйтеся, безвестная и тайная премудрости Божия нам открывающии; Радуйтеся, благия мысли и чувства в недоумении нам сущим внушающии. Радуйтеся, святыя желания и намерения ко спасению нашему в сердца нам влагающии; Радуйтеся, добрыми плодами веры, надежды и любви души наша исполняющии. Радуйтеся, в час кончины вас на помощь призывающим предстательствующии; Радуйтеся, по кончине нашей, с любовию души наша в свое общение пред Богом приемлющии. Радуйтеся, Священнии Отцы, за Христа кровь свою излиявшии!

Кондак 13

О всеблаженнии угодницы Божии, святителие Христовы и страстотерпцы Василие, Ефреме, Евгение, Елпидие, Агафодоре, Еферие и Капитоне, услышите моления наша и благохваления, к вам возносимыя, призрите на вся наша нужды - душевныя и телесныя, помогите нам, странствующим в мори житейстем и далече отстоящим от вас, возвышайте наша мысли, чувства, желания и намерения от земнаго к небесному, да безбедно прешедще сланое страстей море и минувше без боязни тени смертныя, преселимся радостно во страну живых, идеже представше пред лице Бога вечнаго, выну поем с вами: Аллилуиа! Аллилуиа! Аллилуиа!

(Этот кондак читается трижды, затем икос 1 и кондак 1)

Акафист написан преосвященным Димитрием в первое управление Херсонскою епархиею.

Житие священномучеников Херсонесских

Священномученик Евгений Херсонесский был епископом в Херсонесе в 4 в. и погиб от рук язычников, сопротивлявшихся восприятию веры Христовой. Его почитают вместе со святыми священномучениками Василием, Агафодором, Елпидием, Ефремом, Еферием и Капитоном, также проповедовавших христианство, будучи епископами в землях Северного Причерноморья.

Жития епископов Херсонских (или Херсонесских) повествуют, что они в числе других были посланы Иерусалимским патриархом Ермоном нести Благую весть в языческие государства. Святому Евгению предшествовали святые Василий и Ефрем, приехавшие в Херсонес Таврический. Вскоре Ефрем отбыл в скифские земли на Дунай, где мученически пострадал за веру – был обезглавлен в период начавшихся христианских гонений в 315 г.

Василий в это время своей проповедью обратил в христианство многих представителей народов Тавриды, хотя идолопоклонничество ещё оказывало сильное влияние на умы населения. Так, однажды тёмная толпа язычников избила епископа и изгнала его за пределы Херсонеса. Василий стал обитать в пещере Девичьей горы, где молился о вразумлении своих врагов. Через время он силой молитвы воскресил единственного сына влиятельного сановника города, чем заслужил всеобщее поклонение, крестил множество эллинов. 7 марта 309 г. при Максимиане Галерии иноверцы убили священномученика. Тело его тайно похоронили христиане. В письме некоего Барония папе Римскому Павлу 4 (16 в.) содержатся упоминания о могиле святого возле Херсонеса.

Достижения Василия укрепил его сподвижник Евгений, который вместе с епископами Агафодором и Елпидием пришёл из стран побережья Геллеспонта, лишь только узнал о трагической кончине собрата по вере. Известно, что святой Евгений Херсонесский с двумя друзьями-миссионерами погибли, забросанные камнями, во время правления Максимиана Галерия в 311 г., по одним источникам, 6 декабря, по другим – 7 марта и были похоронены христианами.

Следующий епископ Херсонеса Таврического Еферий прославился тем, что убедил императора Константина издать указ о свободе христианского вероисповедания и построил первый христианский храм в Херсонесе, это было приблизительно в 324 г. До этого богослужения совершались в домах и пещерах, так как христиане не имели права на свои храмы.

Дальнейшее укрепление спасительной веры на Тавриде продолжил епископ Капитон, присланный в Херсонес святым Константином в 325 г. В этом же году он открыл второй христианский храм в городе. Совершив чудо, когда вошёл в огонь и не сгорел в костре, желая показать язычникам силу христианского Бога, Капитон обратил в свою веру массу иноверцев. Погиб священномученик, как и его предшественники Херсонесские епископы, также от неистовых противников Христового учения во время путешествия в Константинополь в 326 г., по одним сведениям 21 декабря, по другим – 20 апреля. Мощи святого хранились в храме, возведённом над чудесным костром.

Память свщмч. Евгения, а также священномучеников Василия, Агафодора, Елпидия, Ефрема, Еферия и Капитона церковью принято праздновать 7 марта (20 марта по н.ст.). Их поминают также с 1988 г. в Соборе Крымских святых 15 декабря (28 декабря по н.ст.)

Проповедь семи священномучеников Херсонесских и их предшественников способствовала тому, что в 5 в. Херсонес стал центром распространения на Русь христианства, с 9 в. здесь уже селились русские, а в 987 г. крестился Владимир, Креститель Руси.

Свщмч. Евгений Херсонесский покровительствует мужчинам с этим именем и жителям Крыма, помогает в решении любых житейских вопросов.

Храмы, посвящённые святому, находятся в с. Перевальное, Симферопольского района в Крыму и в Московском монастыре Рождества Богородицы (колокольня с храмом в ней). Храмы священномученикам Херсонесским действуют в г. Муром в Спасском монастыре, г. Суздаль (домовая церковь), в Национальном заповеднике «Херсонес Таврический» г. Севастополя.

Всего храмов, посвященных Священномученику Евгению Херсонесскому – два, и храмов, посвященных херсонесским священомученикам – три.

Москва

Богородице-Рождественский монастырь, Колокольня с храмом священномученика Евгения Херсонесского

Адрес: г. Москва, улица Рождественка, дом 20, сроение 16.

http://www.mbrsm.ru

Храм Сошествия Святого Духа на Даниловском кладбище с приделом в честь мучеников Херсонских (Василия, Ефрема, Капитона, Евгения, Еферия, Елпидия, Агафодора)

Адрес: г. Москва, Духовской пер., д 1, м. Тульская (Даниловское кладбище)

http://hram-sv-duha.ru

Севастополь, Крым

Севастополь. Национальный заповедник "Херсонес Таврический". Церковь Семи Священномучеников в Херсонесе епископствовавших

Адрес: г. Севастополь, ул. Древняя, 1, историко-археологический заповедник "Херсонес Таврический"

Святому Евгению Херсонесскому можно обращаться в любой нужде и скорби, особенно мужчинам, носящим имя Евгений, и жителям Крыма.

Икону можно подарить:

- жителям Крыма и Херсонеса для молитв своему небесному заступнику; 

- мужчинам, носящим имя Евгений.