Ростовая икона святого Алексия Московского 29 х 40,5 см

Молитвы святителю Алексию Московскому

МОЛИТВА ПЕРВАЯ

О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Алексие! Предстоя у Престола всех Царя и наслаждаяся Света Единосущный Троицы и херувимски со Ангелы возглашая песнь Трисвятую, велико и неизследованное дерзновение имея ко Всемилостивому Владьще, молися паствы твоей спасти люди, единородный ти язык, благостояние святых церквей утверди, архиереи благолепием святительства украси, монашествующих к подвигом добраго течения укрепи: град сей (или: весь сию: аще во обители: святую обитель сию) и вся грады и страны добре сохрани и веру святую непорочну соблюсти умоли: мир весь умири, от глада и пагубы избави ны и от нападения иноплеменных сохрани нас: старыя утеши, юныя накажи,* безумныя умудри, вдовицы помилуй, сироты заступи, младенцы возрасти, немощствующия исцели и везде тепле призывающих тя и с верою притекающих к раце честных и многоцелебных мощей твоих, усердно припадающих и молящих ти ся, от всяких напастей и бед ходатайством твоим свободи, да зовем ти: о Богоизбранный пастырю, звездо всесветлая мысленныя тверди, тайнаго Сиона необоримый столпе, миродохновенныи цвете райский, всезлатая уста Слова, Московская похвало, всея России украшение! Моли о нас Всещедраго и Человеколюбиваго Христа Бога нашего, да в день страшнаго Пришествия Его шуияго стояния избавит нас и радости святых причастники сотворит, со всеми святыми во веки. Аминь.

МОЛИТВА ВТОРАЯ

Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей.

25 февраля

Тропарь святителя Московского Алексия

глас 8

Яко апостолом сопрестольна,/ и врача предобра, и служителя благоприятна,/ к раце твоей честней притекающе, святителю Алексие, богомудре чудотворче,/ сошедшеся, любовию в память твою светло празднуем,/ в песнех и пениих радующеся и Христа славяще,/ таковую благодать тебе даровавшаго исцелений// и граду твоему великое утверждение.

Ин тропарь Алексия, митрополита Московского и всея России

глас 8

Яко светоносная возсия днесь память твоя, славне,/ верных озаряющи души и телеса,/ и исцеления струй Богоприятными ти молитвами источаеши,/ отче святителю Алексие,/ темже тя молим, яко архиереом сопрестольна и чудодейственника изрядна,/ иже Христову Престолу предстояй,/ о нас не оскудевай моляся спастися душам нашим.

Кондак святителя Московского Алексия

глас 8

Божественнаго и пречестнаго святителя Христова,/ новаго чудотворца Алексия,/ верно вси поюще, людие, любовию да ублажим, яко пастыря великаго,/ служителя же и учителя премудра земли Российстей./ Днесь, в память его притекше, радостно возопием песнь богоносному:/ яко имея дерзновение к Богу, многообразных нас избави обстояний, да зовем ти:// радуйся, утверждение граду нашему.

2 июня

Тропарь святителя Алексия

глас 2

Яко сокровище пребогатое, многолетно в земли сокровенное,/ честныя мощи твоя обретошася чудоточащия,/ всеблаженне отче святителю Алексие,/ от нихже врачевство приемлюще, обогащаемся/ и Христа славословим, глаголюще:// слава прославляющему святыя Своя.

Ин тропарь святителя Алексия, митр. Московского и всея России, чудотворца

глас 4

Апостольских преемников архиереев сопрестольниче,/ России всея пастырю и учителю,/ всеблаженне отче Алексие,/ Владыце всех молися/ мир пастве твоей даровати,/ и спасение душам,/ и велию милость.

Ин тропарь святителя Алексия, митр. Московского и всея России, чудотворца

глас 3

Свыше от Бога глас глаголющ услышав,/ от юности подвизався, мудре,/ в молитвах, и во умилении, и слезах,/ во бдениих же и пощениих образ быв добродетели,/ отонюдуже и дом Духу Пречистому явися./ Сего ради Русския митрополии архиерейским саном почтен быв,/ Христово стадо упасл еси добре,/ еретическая нападения, не усумнеся, отрази/ и церкви воздвиже Христови, святителю Алексие,/ иночествующих лики собра/ и сих Христови привел еси./ Умре же, явися, яко спящ,/ цел соблюден бысть пред многими леты,/ подавая цельбы болящим./ Тем молим тя:/ моли Христа Бога спасти град твой Москву неврежден/ и страну и православный люди по велицей Его милости.

Кондак святителя Алексия

глас 8

Яко солнце незаходимое, от гроба возсия нам/ от мног лет сокровены честныя твоя мощи нетленны,/ святителю Алексие,/ тобою благодать приемлем,/ всю бо страну сию и вся ны чудесы и добротою обогащаеши,/ действом благодати, да поем ти:// радуйся, отче, светило России.

Ин кондак святителя Алексия, митр. Московского и всея России, чудотворца

глас 3

Яко светоносная память святителя/ всем разруши уныние/ и свет облиста Небесных даров,/ всех созывающи на веселие:/ от Бога бо, святителю Алексие, благодать обрете прогонити недуги/ и вся человеки исцеляти,/ и мнихом же степень показася.

18 октября

Тропарь святителей Московских

глас 4

Первопрестольницы Российстии,/ истиннии хранителие апостольских преданий,/ столпи непоколебимии, православия наставницы,/ Петре, Алексие, Ионо, Филиппе и Ермогене,/ Владыку всех молите/ мир вселенней даровати// и душам нашим велию милость.

Кондак святителей Московских

глас 3

Во святителех благочестно пожисте/ и люди к богоразумию настависте,/ и добре Богу угодисте,/ сего ради от Него нетлением/ и чудесы прославистеся,// яко ученицы Божия благодати.

Величание

Величаем вас,/ святителие Христовы,/ Петре, Алексие, Ионо, Филиппе и Ермогене,/ и чтим святую память вашу,/ вы бо молите за нас// Христа Бога нашего.

Акафист святителю Алексия, Митрополита Московского и всея России, чудотворца

Кондак 1

Избранный архиерею и слуго Великого Архиерея Иисуса, преблаженне Алексие! Яко сподобльшеся многих твоих благодеяний, не имеюще же что воздати, похвальная восписуем ти и от души взываем, проповедающе чудеса твоя: испроси нам от Царя Небеснаго безбедно преити прочее жития сего и достигнути Горняго Иерусалима, да тамо узревше тя в блаженней радости, воззовем к тебе: Радуйся, Алексие, великий чудотворче и скорый помощниче.

Икос 1

Ангеле, от земли прозябый! Великаго Совета Ангел, провидев доброту души твоея, прежде век избра тебе, еже благовестити плененным отпущение и слепым прозрение. Отнюдуже мы, грешнии, светом дел твоих получивше прозрение и грехов отпущение, взываем: Радуйся, корене благаго отрасль блажайшая; радуйся, честных родителей добрейший сыне. Радуйся, благоуханнаго сада прозябение; радуйся, духовным возрождением Богу Отцу усыновленный. Радуйся, миропомазанием Святаго Духа запечатленный; радуйся, имя, яко миро излиянное, свыше восприявый. Радуйся, от пелен Богу посвященный; радуйся, мужественно иго Христово на себе возложивый. Радуйся, земная и мимотекущая, яко уметы, вменивый; радуйся, егоже Человек домовит — Иисус утро наят делателя в виноград Свой. Радуйся, образ Божий и подобие свято соблюдший; радуйся, красото душевныя и телесныя, всех очи увеселяющая. Радуйся, Алексие, великий чудотворче и скорый помощниче.

Кондак 2

Видя откровением Духа Святаго, яко не устоят нечестивии на суде праведном, но суть яко прах, егоже возметает ветр, от младых ногтей, преблаженне Алексие, на совет их не стал еси, но, закону Божию усердно поучаяся, и прочим внушал еси пети: Аллилуиа.

Икос 2

Разум свыше прием, мал детищ сущь, еже не труждатися всуе в ловлении птиц, потщался еси вся яже на земли красная оставити. Темже мы приглашаем тебе: Радуйся, на ловитву человеков призванный, радуйся, к Горним яко на крилах возлетавый. Радуйся, море житейское любомудрием испытавый; радуйся, волнение его безопасно прошедый. Радуйся, земле благая, семя слова Божия восприявшая; радуйся, земле, плод сторичный произрастившая. Радуйся, пшенице, хлеб Небесный устроившая; радуйся, в житнице Небесной соблюденная. Радуйся, обретый многоценный бисер и его всем, елика имел еси, купивый; радуйся, зельным ношением, яко благовкусною пищею, от юности питавыйся. Радуйся, всенощным стоянием и непрестанными молитвами себе в подвизе укрепивый; радуйся, в море слез твоих множества демонов потопивый. Радуйся, Алексие, великий чудотворче и скорый помощниче.

Кондак 3

Силою свыше, егда облече тя Дух Всесвятый, пастыря Церкви российстей поставляя, тогда всем людем твоим вдыхал еси хвалу: Аллилуиа.

Икос 3

Подобаше, отче Алексие, с Небесе песни тебе воспеваемей быти, а не от земли: кто бо от человек возможет по достоинству твоея святыни величия поведати? Но мы, любовию твоею побеждаеми, вопием ти сице: Радуйся, дольняя и красная мира презревый; радуйся, вышних красот желанием воспаленный. Радуйся, Единаго Христа от сердца возлюбивый; радуйся, Тому Единому всею душею прилепивыйся. Радуйся, правило веры благочестивыя; радуйся, благий делателю винограда Христова. Радуйся, дарованный талант приумноживый; радуйся, в радость Господа твоего вшедый. Радуйся, сладостьми духовными нас насыщающий; радуйся, благоприятное Богу кадило. Радуйся, благоухание молитвы к Престолу Вышняго возносящий; радуйся, любовный к Богу о нас предстателю. Радуйся, Алексие, великий чудотворче и скорый помощниче.

Кондак 4

Бурю безместных помыслов, от диавола непрестанно воздвизаемую, до конца укротил еси и, радуяся о такове победе, торжественне Богу воспевал еси: Аллилуиа.

Икос 4

Слыша и видя премногую твою добродетель, пастыря тя Церкве Христовы избирает сословие православное, мы же, о сем веселящееся, глаголем ти: Радуйся, достойно возседый на седалище апостольстем; радуйся, кормило корабля Христова. Радуйся, мудрый наставниче; радуйся, звездо непрелестная, в руце Христовой содержимая. Радуйся, в подвизе учительства неутомимый; радуйся, безвестных и тайных Премудрости Божия проповедниче. Радуйся, нелицеприемный Истины поборниче; радуйся, безбожных и нечестивых устен обличителю и заградителю. Радуйся, благовременне и безвременне в учении апостолу поревновавый; радуйся, властию, данною ти свыше, мудре и душеполезно человеки вязавый и решивый. Радуйся, кающихся утешителю; радуйся, паствы твоея добрый хранителю. Радуйся, Алексие, великий чудотворче и скорый помощниче.

Кондак 5

Боготочною Кровию искупившаго род человеческий от законныя клятвы верою зря Владыку и усердие к Нему любовию распалаемь, непрестанно возглашал еси: Аллилуиа.

Икос 5

Видев великий князь твое велие духа мужество и любовь к Отечеству твоему, умоли тя пойти к безбожному царю Вердевиру: ты же абие шед благими и кроткими словесы зельный гнев его на род христианский утолил еси. Сия благодеяния твоя, отче наш Алексие, мы, сынове российстии, исповедующе, благодарне вопием ти: Радуйся, мужественный Духа воине; радуйся, столпе крепости нашея от лица вражия. Радуйся, оружие, без рати супостаты побеждающее; радуйся, щите, от напастей ограждающий. Радуйся, яко кокош, птенцы своя охраняющий; радуйся, жезле, падающих подкрепляющий. Радуйся, пастырю, волков от стада отгоняющий; радуйся, душу свою за овцы положити не отрекийся. Радуйся, любве Христовы истый хранителю; радуйся, не яже своя, но яже ближняго взыскавый. Радуйся, скорбящих скорое услышание; радуйся, печальми обуреваемым тихое пристанище. Радуйся, Алексие, великий чудотворче и скорый помощниче.

Кондак 6

Проповедницы твоея святыни нам суть нетленныя твоя честныя мощи, чрез многа лета пред очами нашими лежащия, иже, аще и запечатанным сущим устом твоим молчанием, обаче вопиют непрестанно: Аллилуиа.

Икос 6

Возсия слава многих чудес твоих не токмо в преславнем граде сем, но и в неверных агарянех, отнюдуже нечестивый царь их Джанибек желаше, да помолишися о ослепшей царице его: ты убо, всю надежду возложив на Врача душ и телес, силою молитв твоих зрение той испросил еси. Мы же, удивльшеся таковому преславному чудеси, взываем ти: Радуйся, угодное чудес Божиих орудие; радуйся, в скудельном сосуде сокровище силы Божия явивый. Радуйся, предсказания евангельскаго исполнителю; радуйся, деснице чудотворения Иисусова. Радуйся, язык Христов, словом исцеляяй; радуйся, апостольския силы сохранителю. Радуйся, слепых просветителю; радуйся, немощных целебниче. Радуйся, тайных провидче; радуйся, бесов от человек прогонителю. Радуйся, силою чудес и невернаго царя Церковь почтити и возвеличити преклонивый; радуйся, не телесное токмо, но и душевное зрение подаваяй. Радуйся, Алексие, великий чудотворче и скорый помощниче.

Кондак 7

Хотящу тебе благоугодити Творцу твоему, не седмый токмо день освящал еси, но всю седмицу жития твоего во святости провождал еси, воспевая Богу: Аллилуиа.

Икос 7

Новую тя показа тварь Зиждитель, всеблаженне Алексие, земна ангела и небесна человека. Темже чудящеся воспеваем ти: Радуйся, отче наш, обитаяй духом в Небеси, а телом на земли опочиваяй; радуйся, дивная величия Божия всем поведаяй земнородным. Радуйся, плоть духу покоривый; радуйся, пленивый разум свой в послушание веры. Радуйся, рыкающаго адскаго льва уста заградивый; радуйся, огнь похоти плотския погасивый. Радуйся, сребролюбия идол сокрушивый; радуйся, над всеми кознями вражиими восторжествовавый. Радуйся, отвергийся себе и волю свою воле Божией покоривый; радуйся, питавыйся сокровенным хлебом Небесным. Радуйся, алкавый и жаждавый единыя правды; радуйся, Царствие Божие внутрь себе вселивый. Радуйся, Алексие, великий чудотворче и скорый помощниче.

Кондак 8

Странное чудо житие твое, святителю, является притекающим ко всечестным мощем твоим, при нихже и малое моление приносящим, велия всегда благодать от Бога подается, юже приемлюще, друг со другом радостно Богу возглашаем: Аллилуиа.

Икос 8

Весь ум свой имея в вышних вперен, и нижних, паству твою, не оставил еси, молитвы о ней возсылая ко Всевышнему Владыце, преподобне Алексие. Не забуди и ныне нас, приглашающих тебе усердне: Радуйся, горо, добродетельми выше Небес вознесенная; радуйся, реко, скверны наша омывающая. Радуйся, источниче, жажду греховную утоляяй; радуйся, каменю драгий, всю Российскую землю украшаяй. Радуйся, злато, во вся концы блещание от себе испущающее; радуйся, сребро, седмерицею от скверн греховных очищенное. Радуйся, кимвале, всех на славословие Божие созываяй; радуйся, светильниче, седящих во тьме озаряяй. Радуйся, древо, от жара греховнаго осеняющее; радуйся, благотучная ветве лозы Христовы. Радуйся, Таинственнаго Тела здравый члене; радуйся, чадо славы воскресения. Радуйся, Алексие, великий чудотворче и скорый помощниче.

Кондак 9

Всякое безместных страстей востание благодатию Господнею до конца потребил еси в мертвенней плоти твоей, святителю Алексие! Темже и был еси яко древо, насажденное при исходищах вод, плод дая во время свое и поя Богу: Аллилуиа.

Икос 9

Ветия многовещанныя превозшел еси духовною силою слова твоего, поведая людем дивная величия Божия и питая гладныя души хлебом с Небесе. Мы же, таковая сердцем объемлюще, благодарне тебе зовем: Радуйся, кедре, в Церкви Христово, яко в Ливане, умноженный; радуйся, яко финикс, в дому Божием процветый. Радуйся, кипарисе, верных сердца благовонием исполняяй; радуйся, винограде, сладкое благочестия вино нам источаяй. Радуйся, крине, горняя поля украшаяй; радуйся, смоковнице благоплодная. Радуйся, пшенице, чистым хлебом гладныя питающая; радуйся, маслино, елей милости изливающая. Радуйся, цвете, от корене Христова процветый; радуйся, сладкое вино, в точиле Иисусовом изгнетенное. Радуйся, безсмертным питием днесь напаеваемый; радуйся, и нам трапезу Небесную уготовляяй. Радуйся, Алексие, великий чудотворче и скорый помощниче.

Кондак 10

Спасти хотя вверенныя ти люди, закон и Евангелие по вся дни проповедал еси: да, познавше многая своя прегрешения, прибегают с молением непрестанно ко Христу, Спасителю мира, от Негоже приемлющих прощение, научал еси их пети: Аллилуиа.

Икос 10

Стена еси, всеблаженне Алексие, Горняго Иерусалима, от десяти заповедей, яко от десяти велиих камений, Духом Святым устроенная! Имел бо еси закон Господень посреде чрева твоего, темже и глаголем ти: Радуйся, Единаго Бога и Егоже послал есть Иисуса Христа познавый; радуйся, яко не поклонился еси кумиру временнаго благополучия. Радуйся, яко николиже приял еси имене Господа Бога твоего всуе; радуйся, от юности всяк час жития твоего Богови посвятивый. Радуйся, яко всех, иже отцы и матери наричутся, почтил еси; радуйся, до конца гнев на ближняго в сердце твоем истребивый. Радуйся, похоти плотския постом и трудами от себе прогнавый; радуйся, руце свои от лихоимания и хищения всегда удержавый. Радуйся, уста твоя от осуждения и клеветы обуздавый; радуйся, сердце твое от зависти и ненависти очистивый. Радуйся, удаливыйся от надмения фарисейскаго; радуйся, истый образе мытарева смирения. Радуйся, Алексие, великий чудотворче и скорый помощниче.

Кондак 11

Пение ангельское совершашеся, егда святая твоя душа от земных преставляшеся к Небесным, ихже един лик по Едином взываше: Аллилуиа.

Икос 11

Многосветлыми лучами блистает житие твое, отче Алексие! Отнюдуже многим ликом праведных духов сопричастна тя видяще, вопием ти: Радуйся, пророче, волю Господню нам открывый; радуйся, апостоле, Евангелие Царствия Божия кающимся благовестивый. Радуйся, пастырю, о славе Божией ревновавый; радуйся, мучениче, изволением душу свою за паству положивый. Радуйся, постниче, вземший крест свой на рамо и тесным путем в след за Христом шедый; радуйся, священниче, Безкровную Жертву о людех приносивый. Радуйся, Херувиме, на немже опочи Господь Славы; радуйся, шестокрилатый Серафиме, вопияй непрестанно Трисвятую песнь Господу Саваофу. Радуйся, девственниче ангелоподобный; радуйся, многи обители на славословие Божие устроивый. Радуйся, друга Божия Преподобнаго Сергия присный друже; радуйся, яко егоже желал еси зде зрети преемником своим, того зриши днесь тамо вкупе с тобою Престолу Божию предстояща. Радуйся, Алексие, великий чудотворче и скорый помощниче.

Кондак 12

Благодать, яже бысть Иисус Христос, твоими пречистыми усты граду сему всегда бысть проповедана. Отнюдуже вси, Христу поклоняющеся, пояху: Аллилуиа.

Икос 12

Поюще велия твоя, Алексие досточудне, исправления и подвиги, недоумеем воистинну, како наречем тя; от всех бо благих дел, яко град красен, себе Творцу устроил еси. Темже взываем ти: Радуйся, Адамово падение благодатию Христовою в себе исправивый; радуйся, по изгнании из земнаго рая Небесный рай улучивый. Радуйся, Авелю, Кро

вию Христовою окропленный; радуйся, новый Енох, угодивый Господеви. Радуйся, Илие, огненною добродетелей колесницею вознесенный; радуйся, Елисее, сугубую благодать восприявый. Радуйся, Ное, от потопа беззаконий благодатию Христовою, яко ковчегом древ негниющих, спасшийся; радуйся, Аврааме, не сына, но себе самаго в жертву Богу принесший. Радуйся, Исаие, на Престоле высоце и превознесенне лицем к лицу Господа зрящий; радуйся, Израилю, молитвою укрепивыйся с Богом и благословение вечное от Него приемый. Радуйся, Самуиле, царем благословение подаваяй; радуйся, наследниче Божий и сонаследниче Христов. Радуйся, Алексие, великий чудотворче и скорый помощниче.

Кондак 13

О пастырю наш предобрый и светильниче многосветлый, всечестне Алексие! Приими сие малое тебе хваление наше и испроси нам у Христа Бога утверждение в вере, еже ходити во всех заповедех и оправданиих Господних безпорочно, Отечеству же нашему мир и благоденствие, да сподобимся вечно в радости блаженней воспевати Богу: Аллилуиа.

(Этот кондак читается трижды, затем 1й икос и 1й кондак)

Житие святителя Алексия митрополита Московского

Святой Алексий Московский, в миру Елевферий, родился около 1300 года в семье бояр из Черниговского княжества. Грамоте был обучен рано. В 12-летнем возрасте будущему святителю открылось его предназначение. Однажды, занимаясь ловлей птиц, он уснул и услышал во сне: «Алексий! Что напрасно трудишься? Ты будешь ловить людей». С тех пор мальчик стал проявлять особенный интерес к Божественным книгам. Потребность в молитве и чтении возрастала и привела его к решению уйти в монастырь, чтобы всецело посвятить себя Богу.

Мечта сбылась, когда в возрасте 20 лет он принял постриг с именем Алексий в московском Богоявленском монастыре. Здесь инок прожил 20 лет, проводя дни в усердных молитвах, постах, изучении Святого Писания. В 1337 году Алексий познакомился и подружился с поступившим в монастырь братом преподобного Сергия Стефаном. Вместе с наставником старцем Геронтием и Стефаном Алексия нередко приглашал митрополит Феогност, чтобы побеседовать на духовные темы. Позже Стефан становится игуменом монастыря, а его друг по поручению митрополита стал управлять судебными делами Церкви. Судебная практика помогла лучше понимать людей, дала обширные знания о церковных законах. Так прошло 12 лет.

В 1350 (или в 1352) Алексий был посвящён Феогностом в епископа Владимирского. Владыка видел в нём своего преемника на кафедре митрополита, в этом его поддерживал и великий князь Иоанн. Феогност обратился в Константинополь с просьбой назначить митрополитом России преподобного Алексия как человека опытного и ведущего добродетельную жизнь. С 1354 года, став митрополитом, святитель взялся за умиротворение церковных распрей. Нужно было решить обострившийся вопрос взаимоотношений с митрополитом Литвы и Волыни Романом, который требовал часть доходов Тверского епископа. С этой целью Алексий отправляется с Романом в Константинополь, где добивается от патриарха Каллиста постановления: Роману быть митрополитом Литвы и Волыни, а Алексию архиепископом Киева и великой России при титуле митрополита и экзарха.

По возвращении святитель назначил епископов в Смоленск, Рязань и Ростов, заменил Сарайского епископа, уволив прежнего за вмешательство в дела чужой епархии. Митрополит заботится об устроении общежительных монастырей, стремится наладить отношения с татарскими ханами, используя любую возможность.

Вести о добродетельной жизни Алексия и его святости дошли до хана Джанибека, и тот решил позвать его, чтобы молитвами святой человек вылечил ханскую жену Тайдулу от внезапной слепоты. С этим хан обратился к великому князю Иоанну. Иоанн попросил Алексия внять просьбе Джанибека, потому что в противном случае тот обещал опустошить русские земли. «Прошение и дело превы­шают меру сил моих, – сказал святитель князю, – но я верю Тому, Который дал про­зреть слепому, не презрит Он молитвы веры». Готовясь к миссии ради отчизны и Святой Церкви, митрополит совершил молебен перед иконой Богоматери и пред ракой святого Петра в соборном храме. Во время молитвы у раки вдруг без чьей-либо помощи зажглась свеча, что всеми было воспринято как предзнаменование успеха в нелёгком деле. Алексий поделил свечку между присутствующими и сам взял её часть и освящённую воду с тем, чтобы совершить молебен у хана. Отправился на Орду он в августе 1357 года. Принятый с почестями, Алексий отслужил молебен и Тайдула исцелилась и позже не раз отстаивала Русь перед татарами. Вторично спасать свой народ отправился Алексий, когда сын Джанибека, убив отца и братьев, сел на престол и потребовал от князей Руси даров. Тайдула помогла святителю добиться благосклонности нового хана: он уехал домой с ярлыком и охранной грамотой русского духовенства.

После смерти Иоанна митрополит стал опекуном его сына Дмитрия, получившем впоследствии прозвище Донской. Несколько лет святитель примирял враждующих князей, объединяя их вокруг Москвы.

Святитель Алексий основал и восстановил несколько монастырей. Среди них монастырь во имя Нерукотворного Спаса на честь обета Алексия, данного Господу после чудесного спасения на море по пути из Константинополя. В Кремле основана обитель в честь Чуда Архангела Михаила в воспоминание чуда над Тайдулой. В Чудовом монастыре митрополит чаще всего молился и постился. «Монастырь Миха­ила Чуда приказываю тебе, своему сыну, великому князю Димитрию Ивановичу», – завещал Алексий. Он также советует князю построить для большей безопасности каменный Кремль.

По примеру Феогноста святитель хотел при жизни подготовить преемника себе и просил стать им преподобного Сергия, но тот категорически отказался, предпочитая иноческую жизнь в пустыни. Святитель Алексий прослужил митрополитом 24 года, посвятил более 20 архипастырей. Среди духовного наследия святого Алексия Евангелие, написанное его рукой, ныне хранится в Чудовом монастыре, а также «Окружное поучение» и «Послание к нижегородской пастве».

Умер святой 12 февраля 1378 года. Он завещал похоронить его в Чудовом монастыре за пределами храма. Но Дмитрий Донской, высоко почитая наставника, повелел похоронить Алексия в церкви возле алтаря. Мощи святого были открыты через 50 лет.

Всего храмов, посвященных Святителя Алексию Московскому около 190 (с учетом пределов, посвященных ему).

Москва, Россия

Богоявленский Кафедральный Собор (Елоховский) г. Москва

Адрес: г. Москва, ул. Спартаковская, 15

Находятся мощи Святителя Алексия Московского

Церковь Алексия, митрополита Московского, в Рогожской слободе

Адрес: г. Москва, улица Николоямская, дом 60.

http://alexiy-hram.ru

Храм-часовня Алексия, митрополита Московского, в Северном Медведкове

Адрес: Россия, город Москва, улица Широкая, дом 27.

Домовая церковь Алексия, митрополита Московского при ЦКБ МП

Адрес: Россия, город Москва, Ленинский просп., 27

http://pravbolnitsa.ru/info/bolnichnye-hramy.htm

Санкт-Петербург, Россия

Церковь Алексия Митрополита Московского при Собственом Его Императорского Величества 1-м железнодорожном полку

Адрес: г. Санкт-Петербург, Пионерская площадь, д.1

Воронеж, Россия

Церковь Николая Чудотворца с приделом Алексия, митрополита Московского

Адрес: Воронежская область, г. Воронеж, ул. Таранченко, 19а

Брянск, Россия

Горно-Никольский Епархиальный мужской монастырь г. Брянск

Адрес: г. Брянск, ул. Арсенальная, 8

Икона с мощами свт. Алексия митр. Московского и всея Руси

http://gorno-nikolskiy.ru

Узбекистан, Самарканд

Церковь Алексия, митрополита Московского

Адрес: г. Самарканд, 703005, ул. Бобир-Мирзо, 70

Молитвы перед иконой святителя Алексия помогут защитить дом и страну от несчастий и бед, от иноплеменных звхватчиков. Святитель Алексий является покровителем столицы нашей Родины – Москвы, охраняя ее жителей от всех напастей. Святитель Алексий при жизни прославился чудом исцелений, поэтому ему молятся об излечении от различных болезней, особенно глазных.

Икону можно подарить:

- любому русскому человеку – для молитв о нашем Отечестве, мире и благоденствии на нашей земле.

- людям с глазными болезнями (Алексий известен тем, что по его молитвам прозрела от слепоты жена Ордынского хана, не смотря на ее неверие);

- жителям Москвы и Московской области, так как Алексий является небесным покровителем нашей столицы;

- мужчинам, носящим имя Алексей.