Икона святого Агапита Печерского 18,5 х 29 см

Молитва преподобному Агапиту, врачу Печерскому

О всеблаженне Агапите, земный Ангеле и небесный человече! Припадаем к тебе с верою и любовию и молим ти ся прилежно: яви нам смиренным и грешным святое свое заступление; се бо грех ради наших не имамы свободны чад Божиих просити о потребах наших Господа и Владыку нашего, но тебе, молитвенника благоприятнаго, к Нему предлагаем и просим тя со усердием многим: испроси нам от благости Его благопотребная дары душам и телесем нашим, веру праву, любовь ко всем нелицемерну, в злостраданиих терпение, тяжкими болезнями одержимым — от недугов исцеление, под бременем скорбей и напастей неудобоносимых падающих и жития своего отчаявшихся твоими молитвами получити скорое облегчение и избавление. Не забуди, блаженне отче, и обитель сию святую, присно тя чтущую, но соблюди ю и всех живущих и подвизающихся в ней и на поклонение в ню приходящих невредимыми от искушений диавольских и всякаго зла. Егда же приспеет наше от временнаго сего жития отшествие, и к вечности преселение, не лиши нас помощи твоея небесныя, но молитвами твоими всех нас приведи в пристанище спасения и наследники яви нас быти всесветлаго Царствия Христова, да поем и славим неизреченныя щедроты Человеколюбца Бога Отца и Сына и Святаго Духа и твое вкупе с преподобными Антонием и Феодосием отеческое зaступление во веки веков. Аминь.

Молитва вторая

Преподобне отче Агапите! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

Молитва третья

О, священная главо, преподобне отче, преблаженне авво Агапите, не забуди убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю, не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у Престола Вседержителева предстоящи, достойно веселится. Ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Канон преподобнаго Агапита Печерскаго

глас 6

Песнь 1

Ирмос: Яко по суху, пешешествовав Израиль по бездне стопами, гонителя фараона видя потопляема, Богу победную песнь поим, вопияше.

Яко немаго древле прикосновением устроил еси право глаголати, сице и мне, Христе, мой язык разреши, ум отверзи, да принесу в память угодника Твоего хваление, любовию поя.

Не могу воспети ясно благодати твоея, преподобне, аще не ты молитвами твоими подаси мне помощь, да прославлю Владыку, давшаго тебе благодать исцелений, во хвалении поя.

По предуведению воззван был еси, святе, вслед Владыки своего шествовати и, Тому последуя, вся красная мира оставль, любовию пришел еси к великому Антонию и с ним пожил еси, непрестанное хваление Богу поя.

Земному

Акафист преподобному Агапиту, врачу Печерскому

Кондак 1

Избранный учениче великаго учителя преподобнаго и богоноснаго отца нашего Антония дивный подражателю жития его святаго, святче отче Агапите, песнью восхвалим тя с любовию заступника нашего; ты же, яко имеяй дерзновение ко Господу, молися выну о спасении нас грешных, от всяких бед избавляя зовущих ти: Радуйся, Агапите, душевных и телесных недугов скорый целителю.

Икос 1

Ангелов любезную чистоту от юности твоея возлюбил, блаженне Агапите, к добродетелей подвижнику, преподобному Антонию притекл еси, и от него во иночество облеченный, подражатель ревностный подвигов его был еси; темже славим тя воззвании сими: Радуйся, богоноснаго Антония добродетелей и даров наследниче. Радуйся, на высоту совершенства духовнаго возшедый. Радуйся, молитвами усердными дар врачевания и чудотворения от Господа получивый. Радуйся, из глубины души воздыханиями чистоту душевную стяжавый. Радуйся, Агапите, душевных и телесных недугов скорый целителю.

Кондак 2

Видев Всевидец Господь благое души твоея изволение, блаженне Агапите, еже поработати Ему безленостно, внуши преподобному Антонию благословити тя на жестокое и острое в пещернем затворе житие. Ты же благословение святое с верою прием, в пещере покой вечный обрел еси Единому Богу работая в пениих, бдениих и пощениих немолчно воспевая Ему: Аллилуиа.

Икос 2

Разумев преподобный Антоний произволение Божие возсияти в сем иноце вельми благоугодным начинаниям и душевноспасительным намерениям, изобильно насытил духовною сладостию и в добродетелех укрепил есть, чесо ради вопием ему таковая: Радуйся, преподобнаго Антония нравы себе усвоивый. Радуйся, тою житию усердно поревновавый. Радуйся, сыновью любовь к нему стяжавый. Радуйся, и от него зело возлюбленный. Радуйся, самовидче его подвигов. Радуйся, во врачевании недугов ему споспешествующий. Радуйся, Агапите, душевных и телесных недугов скорый целителю.

Кондак 3

Силою Божиею укрепляемый, святе Агапите, великия иноческия труды подъял еси, да благословит дело рук твоих во славу имени Его святаго на спасение и врачевание всех с верою и надеждою к тебе притекающих и неленостно возносящих песнь Пресвятей Троице: Аллилуиа.

Икос 3

Имея помысел чист и непорочну совесть и памятуя рекшаго: “Болен бе и посетите Мене: понеже сотвористе единому от сих братий Моих меньших — Мне сотвористе...” недугующих иноков под свой покров отечески приемля, якоже родители чада своя, утешал еси, отраду своим попечением подающе, и отеческою ласкою тяжесть болезни облегчающе, молитвою с одра болезни воздвигал еси. Сего ради приими от нас богохваления таковая: Радуйся, в добродетелех богоискусный подвижниче. Радуйся, во Христе всю братию монашескую возлюбивый. Радуйся, недужных иноков смиренный и неусыпный служителю. Радуйся, за подвиги временнаго жития покой вечный обретший. Радуйся, Агапите, душевных и телесных недугов скорый целителю.

Кондак 4

Бурю многомятежнаго житейскаго моря безбедно прошел еси блаженне, и в пристань безстрастия достигл еси, окормляем заповедями Христа Бога яже быша светильник ногама твоима и свет стезям твоим. Темже ныне в горних обителех водворяешися, сладце поя Триединому Богу: Аллилуиа.

Икос 4

Слышавше мысли о благоугоднем житии твоем, блаженне Aгапите, прихождаху к тебе: ови послушати поучений твоих, ови исцелений от различных недугов прияти, ихже ты с отеческою любовию приемля, руководствовал еси ко спасению, отгоняя всяк недуг и всяку немощь. Сего ради мы прибегаем к тебе, великому помощнику и целителю, славяще тя сице: Радуйся, безмолвия любителю, обитель подвиги своими украсивый. Радуйся, спасения многих душ человеческих виновниче. Радуйся, болезнующих грехми врачу благоискусный. Радуйся, воине Христов, полки невидимых врагов победивый. Радуйся, ближняя твоя искренне возлюбивый. Радуйся, спасению их душевному и исцелению телесному усердно послуживый. Радуйся, Агапите, душевных и телесных недугов скорый целителю.

Кондак 5

Боготечное светило быв угодник Божий, всех к Солнцу Правды — Христу путеводил еси примером жития твоего святаго; иже все бысть посвящено на служие Богу и ближним твоим: нищая и убогая милостиво питал еси. Темже блаженство милостивых унаследовал еси, и со святыми поеши вечно хвалебную песнь: Аллилуиа.

Икос 5

Видим тя, блаженне отче Агапите, достигшаго в меру мужа совершенна о Христе и преисполненна дарований Божественных в Евангелии Христове обетованных верным последователем Бога Слова. Темже, чудящеся твоим подвигом, поем ти хвалебно: Радуйся, в глубине сердца бисер драгий Господа Иисуса Христа обретый. Радуйся, имя Его Божественное, во устех и в сердце своем выну имевый. Радуйся, на земле алкавый и жаждавый, ныне же нетленныя пищи на небеси насыщаяйся. Радуйся, нищету хранивый, нищих от глада избавляяй. Радуйся, иго Христово благое и легкое искренне возлюбивый. Радуйся, Агапите, душевных и телесных недугов скорый целителю.

Кондак 6

Проповедник быв житием твоих Евангельских добродетелей, отче блаженне, плоть твою постом и молитвою поработил еси, и во славу Божию пожил еси; лучами своих подвигов всезлобнаго врага армянина нечестиваго, завистию и гневом палимаго, и своими злостными ухищрениями веселящагося, не токмо посрамил еси, но и к свету Христовой истины привел еси, поучая за все благодарити и славословити Господа, поя Ему: Аллилуиа.

Икос 6

Возсияв в пещере святыя обители сия, яко богоносное светило, блаженный Агапите, светом добрых дел и врачеваний, умилил еси души и сердца человеков, а нечестиваго врача и завистника и его бсзстудное безумие посрамил еси. Тем убо святому и блаженному угоднику сему умильно зовем: Радуйся, врачевание нечестиваго армянина посрамивый. Радуйся, обреченнаго на смерть тем же армянином недугующаго со одра болезни воздвигнувый. Радуйся, осужденнаго на смерть и напоеннаго смертным ядом, чудесно исцеливый и от смерти избавивый. Радуйся, испивый смертный яд от врага, и по слову Господню: “Аще что и смертное испиют, не повредит им” — живот невредимый сохранивый. Радуйся, злобу и коварство врагов своих посрамивый. Радуйся, Агапите, душевных и телесных недугов скорый целителю.

Кондак 7

Хотение единое имел еси, блаженне отче, еже Богу угождати и спасению душевному и здравию телесному ближних твоих благочестно служити, темже келлия твоя пещерная бысть врачебница благоотишная всякому человеку — нищему и богатому, князю и убогому. Ты же единое в сердце имея: “Всем вся бысть”, врачевал не взирая на лица, призывая вкупе с сердцем и усты немолчно возглашати Богу: Аллилуиа.

Икос 7

Новаго тя чудотворца великаго познаша славный князь Владимир Мономах, на одре болезни возлежащ, пребывая при кончине своей, слезно молил еси блаженнаго Агапита притекти и исцелити его, но той, монашеский обет соблюдая, николиже стен обители оставляти посла зелие от трапезы своея, и князь вкусив ею, здрав восташа. Таковой силе твоего чудотворения и нелицеприятия дивящеся, вопием ти хвалебно: Радуйся, крине пещернаго прозябения. Радуйся, мира Христова благоухание. Радуйся, не скрывый талант врачевания, тебе Домовладыкою врученный. Радуйся, ради сильных мира сего обета иноческаго не нарушивый. Радуйся, славы ради высшего звания славу человечскую ни во чтоже вменивый. Радуйся, Великаго князя Владимира Мономаха с одра смертнаго недуга былием, тобою благословенным и молитвою подъял еси. Радуйся, Агапите, душевных и телесных недугов скорый целителю.

Кондак 8

Странника и пришельца в мире сем помышлял еси себе быти, Агапите блаженне, темже о богатстве земнем всякое попечение отложил еси. Всякое стяжание суетное возбраняя, приходящих к нему разделяти достояние свое с нищей братией, и в их лице самому Христу служити поучал еси, немолчно воспевая хвалебную песнь: Аллилуиа.

Икос 8

Весь в Бозе быв, отче блаженне, о Бозе и угождении Ему присно призывал еси, умоляя ничтоже предпочитати паче любве Христовы и памятуя реченное Христом: “Не собирайте себе сокровища, идеже моль и ржа истребляют, а собирайте себе сокровища на небеси”, не пожелал ради благ временных лишитися благ вечных, отвергал еси вся дары тебе князем приносимыя, поучая роздати их нищей братии и убогим. Тем же и мы таковое твое нищелюбие восхваляя зовем ти сице: Радуйся, нищету паче богатства возлюбивый. Радуйся, мзду за свое врачевание отвергая и раздати ю нищим и убогим повелевая. Радуйся, блаженство нищих унаследовавый. Радуйся, последния укрухи хлеба твоего с неимущими разделяти поучавый. Радуйся, любовь к Богу любовию к ближним своим свидетельствовавый. Радуйся, похвалами молитвенными до днесь в обители Киево-Печерской Лавры зело почитаемый. Радуйся, Агапите, душевных и телесных недугов скорый целителю.

Кондак 9

Всем приходившим в обитель молитв и врачевания ради, блаженне отче, дивно бысть видети тебе, нищетно в келлии твоей пребывающаго, обаче ты всех равною любовию принимал еси, коемуждо слово душевное или исцеление сотворял еси, научая всех пети виновнику всех Богу: Аллилуиа.

Икос 9

Витии многовещаннии не возмогут достойно воспети подвиги чудотворений твоих, блаженне Агапите, мы же таковым подвигом дивящеся, дерзаем венчати тебе, аще и недостойнии, похвалами таковыми: Радуйся, на скрижалях сердца твоею Закон Христов написавый. Радуйся, от глубины сердечныя, добрая и душевноспасительная наставления человеком износивый. Радуйся, пещерный гражданине, грады и веси наполнивый славою твоих чудотворений. Радуйся, Богом возлюбленный и ближними твоими благословляемый. Радуйся, образ совершенства о Христе в себе явивый. Радуйся, иго Христово благое и легкое искренне возлюбивый. Радуйся, Aгапите, душевных и телесных недугов скорый целителю.

Кондак 10

Спасения надежу стяжал еси при исходе твоем, блаженне отче Агапите, и яко пшеница зрелая во время пожатия, кончиною благою преселился еси в день, тебе заранее предуказанный Господом, во обители горняя, прияти мзду от руки праведнаго Мздовоздаятеля Христа, иже вчини душу твою со духи святых, немолчно возглашающих пред престолом славы Его победную песнь: Аллилуиа.

Икос 10

Царя Небеснаго Христа верный раб и последователь был еси, отче Агапите, темже по неложному Его глаголу: “Идеже есмь Аз, ту и слуга Мой будет”, мы чтуще тя, сердцем несумненно, яко ты со Христом во обителех блаженства вечнаго водворяешися и радости нетленныя наслаждаешися, яко истинный Того угодник: от нас же слышиши благохваления сия: Радуйся, предсказания нечестиваго армянина о твоей смерти посрамивый. Радуйся, о дне твоей блаженной кончины oт Господа возвещенный. Радуйся, душу твою в руце Господа радостно предавый. Радуйся, откровенным лицем славу Трисиянного Божества созерцавый. Радуйся, телом смертным в обители погребенный. Радуйся, душею безсмертною к Сиону горнему воспаривый. Радуйся, Агапите, душевных и телесных недугов скорый целителю.

Кондак 11

Пение Пресвятей Богородице приносиши, блаженне отче наш Агапите, и об обители нашей святей и подвивающихся в ней, и о всех с любовию к тебе притекающих присно ходатайствуеши, прося мира свыше и благопоспешения всем возносящим достодолжная похвалы Триединому Богу, воспевая Ему: Аллилуиа.

Икос 11

Светильника тя добрых дел, блаженне отче, исповедуем быти и прославляем прославльшаго тя Господа, иже чудесы многими мощи твоя ознаменована: струй бо исцелений благодатных источаеши от них недужным, и подвизаеши верныя вопити тебе: Радуйся, земный ангеле и небесный человечe. Радуйся, безмезднаго врачевания источниче. Радуйся, мира многоцелебнаго преисполненный фиале. Радуйся, от раки твоея святыя исцеления обильно пoдаваяй. Радуйся, скорбящих утешителю. Радуйся, унывающих ободрителю. Радуйся, Агапите, душевных и телесных недугов скорый целителю.

Кондак 12

Благодать Господню испроси нам, отче Агапите, почитающим с любовию святую память твою и усердно притекающим к честней раце мощей твоих, от неяже чудесныя исцеления подаеши недужным. Темже тебе, чудотворения даром от Бога прославленному, прилежно молимся: исцели наша недуги душевныя и телесныя и помози нам предстательством твоим спасение вечное получити, да вкупе тобою воспоем Дивному во святых Своих Богу: Аллилуиа.

Икос 12

Поюще подвиги твоя, блаженне отче, ублажаем равноангельское житие твое, дивимся чудотворениям твоим, молитвенно почитаем святую намять твою, и припадающе к раце мощей твоих, умильно взываем: Радуйся, Пресвятыя Богородицы достойный предстателю. Радуйся, пещерожителей славо и похвало. Радуйся, святыя обители сея, вкупе с Антонием и Феодосием присное охранение. Радуйся, подвизающихся в ней благонадежное заступление. Радуйся, приходящих в ню на поклонение благий предстателю. Радуйся, почитающих память твою небесный покровителю. Радуйся, Агапите, душевных и телесных недугов скорый целителю.

Кондак 13

О преблаженне отче Агапите! Ты горе на небеси, мы же долу на земли, удаленныя от тебе не толико местом, колико греховною нечистотою нашею, обаче дерзаем приносити тебе сие малое похвальное пение, еже милостивно прием, моли Господа и Владыку нашего избавити нас погибели вечныя и сподобити блаженства святых, вопиющих Ему хвалебную песнь: Аллилуиа.

Этот кондак читается трижды, затем икос 1 и кондак 1

Житие преподобного Агапита Печерского

Святой преподобный Агапит Печерский – инок Киево-Печерского монастыря, получил известность как «безмездный врач», исцелявших больных молитвой. Дата рождения и имя святого в миру остались неизвестны. Он современник Антония Печерского (дата смерти 1073 год), основавшего Киево-Печерскую лавру. О житии преподобного со времени появления в монастыре подробно описано в Житиях святых святителя Дмитрия митрополита Ростовского, а также в Киево-Печерском патерике.

Из этих источников узнаём, что блаженный Агапит жил в Киеве. Наслышанный о лекарском умении святого Антония, он пришёл в пещеру к настоятелю обители, чтобы душевно исцелиться и избрал для этого путь монашества. После пострига помогал Антонию в делах врачевания, внимал наставлениям преподобного и его подвижническому образу жизни. Агапит научился помогать людям, обращаясь к Всевышнему с молитвами об их исцелении, давал больным отвары трав, которые сам вкушал. Подобно Антонию, скрывал от людей своё умение и уклонялся от мирской славы и благодарности. В обители он врачевал монахов и мирян, сам ухаживая за тяжелобольными.

В то время многие больные обращались к искусному киевскому врачу-армянину. Он был известен умением определять любую хворь, указывал точную дату смерти безнадёжно больного и отказывал такому в лечении. Однажды он предсказал скорую смерть приближённому князя Всеволода. Боярина отнесли к Агапиту, и он был исцелён. Из зависти к славе печерского инока армянин подослал к нему приговорённого к смерти, чтобы тот употребил яд перед святым. Но преподобный Агапит смог спасти отравившегося человека. Не подействовало ядовитое снадобье и на самого врачевателя, когда его напоили подосланные армянином враги.

Через некоторое время преподобный Агапит Печерский своими молитвами поставил на ноги Владимира Мономаха, после того как князя долго и безуспешно лечил тот же армянин. Дав обет не выходить за пределы монастыря, Агапит не нарушил его и ради князя, а послал тому для лечения в Чернигов трав, которыми сам питался. Несмотря на неоднократные попытки князя отблагодарить своего спасителя золотом, от даров настойчиво отказывался, «потому что исцелял силою не своею, но Христовою». Даже когда святой Агапит Печерский сам заболел и так ослабел, что с трудом поднимался, всё равно продолжал лечить людей, и Бог помогал ему в этом.

Однажды армянин посетил больного преподобного и сказал, что жить тому осталось три дня. Агапит возразил, что Всевышний сообщил ему другое: он умрёт через три месяца. Тогда иноверец пообещал принять православие и постричься в монахи, если прав окажется Агапит. Преподобный умер в указанное ему Всевышним время. Считают, что это было не позже 1095 года, примерно в 60-летнем возрасте. Армянин уверовал в Христа и стал иноком Киево-Печерской лавры, продолжая до скончания дней врачевать души людей, как это делал Агапит.

Нетленные мощи святого преподобного Агапита Печерского находятся в Ближних (Антониевых) пещерах Киево-Печерской лавры.

Канонизировали Агапита в начале 13 века. Почитание церковью началось в середине 18 века и совершается 14 июня по новому стилю в день смерти преподобного и 11 октября (нового стиля) в Соборе отцов Киево-Печерских в Ближних пещерах почивающих, а также во вторую неделю Великого поста в Соборе всех преподобных отцов Киево-Печерского монастыря.

Мощи Агапита Печерского находятся в Ближних пещерах Киево-Печёрской Лавры

Адрес: г. Киев, ул. Ивана Мазепы (Январского восстания) 17-25

Волгоградская область

Агапита Печерского, домовая церковь (г. Волгоград, координаты не указаны)

Республика Крым

Агапита Печерского, церковь

г. Феодосия. Ближнее.

К Агапиту Печерскому, врачу Безвозмездному, обращаются со всеми житейскими нуждами, но чаще всего, помня его земной подвиг в качестве врача, обращаются с просьбой в исцелении от недугов и болезней. Известно множество исцелений, произошедших по его молитве Господу. Не случайно к его мощам в Киеве-Печерской лавре идут и простые люди, и главы государств.

Святые – это люди, которые своей жизнью, своим собственным примером доказали свою веру и преданность Богу. Православному следует помнить, что молимся мы не иконе, а с помощью иконы и молитвы обращаемся к святому, который пребывая на небе вместе с Богом, непрестанно молятся о нас, помогая живым. Но помощь при этом получаем по его  молитвам от Господа нашего.

Не стоит воспринимать святого как языческого божка, от которого можно что-то получить, причем что-то определенное (от одного – здоровье, от другого – квартира, от третьего - карьера). Святые угодники прежде всего помогают в главной цели православного христианина – пути к Богу, к спасению нашей души.