Икона страстотерпца царя-мученика Николая Второго 18,5 х 29 см

Молитва святому страстотерпцу царю-мученику Николаю второму

О святый великий Российский Царю и страстотерпче Николае! Вонми гласу моления нашего и вознеси ко Престолу всевидящаго Господа стенания и воздыхания народа Русскаго, некогда богоизбраннаго и благословеннаго, ныне же падшаго и от Бога отступившаго. Разреши клятвопреступление, доселе тяготеющее над народом Русским. Тяжко бо согрешихом, отступивше от Царя Небеснаго, оставльше веру православную на попрание нечестивых, преступльше клятву соборную и не возбранивше убиению твоему, Семьи твоея и верных слуг твоих.

Не бо послушахом повеления Господня: «Не прикасайтеся помазанным Моим» паки же Давиду глаголющу: «Иже прострет руку на Помазанника Господня, не Господь ли поразит его?» И се ныне достойная по делом нашим приемлем, тяготеет бо даже до дне сего на нас грех царския крови пролития.

Доныне оскверняются святыни наши. Блуд и беззаконие не оскудевают от нас. Чада наши преданы на поругание. Вопиет к небу кровь невинная, на всякий час в земле нашей проливаемая.

Но виждь слезы и сокрушение сердец наших, каемся бо, якоже киевляне некогда пред князем Игорем, ими умученным; якоже владимирцы пред князем Андреем Боголюбским, ими убиенным, и просим: умоли Господа, да не отвратится от нас до конца, да не лишит народ Русский великаго избранничества Своего, но да подаст нам разум спасения, во еже восстати нам из глубины падения сего.

Имаши бо, Царю Николае, дерзновение велие, ты бо кровь свою пролиял еси за народ свой, и душу положил еси не токмо за други, но и за враги своя. Сего ради предстоиши ныне в Невечернем Свете Царю Славы, яко верный слуга Его. Буди нам ходатай и заступник, и охранитель. Не отвратися от нас, и не остави нас на попрание нечестивых. Даруй нам силы на покаяние, и правосудие Божие приклони на милосердие, да не погубит нас до конца Господь, но да вся простит и милостивно помилует, и спасет землю Русскую и народ ея. Да избавит же Отечество наше от постигших бед и напастей, возродит веру и благочестие, восставит же престол Царей православных, еже сбытися пророчествам угодников Божиих. И да прославят люди Русские по всей вселенней всехвальное имя Господне и верно послужат Ему до скончания века, воспевая славу Отцу и Сыну и Святому Духу ныне и присно и во веки веков. Аминь.

Ин тропарь святым царственным страстотерпцам

глас 5

Царства земнаго лишение,/ узы и страдания многоразличныя/ кротко претерпел еси,/ свидетельствовав о Христе даже до смерти от богоборцев,/ страстотерпче великий Боговенчанный царю Николае,/ сего ради мученическим венцем на небесех,/ венча тя с царицею и чады и слуги твоими Христос Бог,/ Егоже моли помиловати страну Российскую/ и спасти души наша.

Тропарь царственных страстотерпцев

глас 4

Днесь, благовернии людие, светло почтим/ седмерицу честную царственных страстотерпец,/ Христову едину домашнюю Церковь:/ Николая и Александру,/ Алексия, Ольгу, Татиану, Марию и Анастасию./ Тии бо, уз и страданий многоразличных не убоявшеся,/ от богоборных смерть и поругание телес прияша/ и дерзновение ко Господу в молитве улучиша./ Сего ради к ним с любовию возопиим:/ о святии страстотерпцы,/ гласу покаяния и стенанию народа нашего вонмите,/ землю Российскую в любви к Православию утвердите,/ от междоусобныя брани сохраните,/ мир мирови у Бога испросите// и душам нашим велию милость.

Ин кондак святым царственным страстотерпцам

глас 6

Надежда царя мученика/ с царицею и чады и слуги укрепи,/ и к Твоей любви окрыли, будущий им покой предвозвестивши,/ тех молитвами, Господи, помилуй нас.

Кондак царственных страстотерпцев

глас 8

Избраннии Царем царствующих и Господем господствующих/ от рода царей Российских,/ благовернии мученицы,/ муки душевныя и смерть телесную за Христа приимшии/ и венцы Небесными увенчавшиися,/ к вам, яко покровителем нашим милостивым,/ с любовию благодарне вопием:/ радуйтеся, царственнии страстотерпцы,// за Русь Святую пред Богом усерднии молитвенницы.

Величание

Величаем вас,/ святии царственнии страстотерпцы,/ и чтим честная страдания ваша,/ яже за Христа// претерпели есте.

Акафист святому страстотерпцу царю Николаю Второму

Кондак 1

Избранному сыну Руси Православныя, на служение народу своему свыше от Бога посланному, великому Российскому Царю-великомученику Николаю от скверных устен дерзаем принести пение хвалебное, да приимет Господь покаяние сокрушенное за грех отцев наших, клятву преслушавших и Божия Помазанника убиению не возбранивших, да зовем ему:

Радуйся, Николае, благоверный Царю и великий страстотерпче!

Икос 1

Яко Ангел светлый явился еси во дни испытаний страны Российския, егда вступил еси на престол отцовский по безвременней кончине венценоснаго родителя твоего, знаменуя тем скорбное царства твоего и крестнаго пути начало, сего ради вопием ти:

Радуйся, Творцом Богом на царское служение предызбранный; радуйся, угодникам Божиим прежде рождества твоего в видениях предуказанный.

Радуйся, скипетр и державу царския от юности в руце свои приемый; радуйся, с сими Крест Христов на рамена своя подъемый.

Радуйся, до конца жития его пронесый, взирая на Подвигоположника своего; радуйся, мужеству и терпению наученный от Царственнаго родителя твоего.

Радуйся, Николае, благоверный Царю и великий страстотерпче!

Кондак 2

Видяще бедствие народа православнаго, за безверие во гресех погибающаго и от лютых врагов нападствуемаго, на князи, сыны человеческия, не надеялся еси, обаче все упование возложил еси, Царю Николае, на вся Могущаго, выну взывая ко Господу о людех, тебе вверенных: Аллилуиа.

Икос 2

Разумев, Царю Николае, яко угодники Божии велие имеют дерзновение в молитвах за Русь Святую у Престола Царя царствующих, святых множество прославил еси; сего ради и мы тебе ныне, якоже некогда и ты ко оным, взываем и молимся:

Радуйся, Господа во святых Его прославивый; радуйся, тем велию любовь к Нему показавый.

Радуйся, яко закон любве Евангельский исполнил еси; радуйся, яко храмы Божии благолепно украшал еси.

Радуйся, яко образ жития благочестиваго паче почестей мирских возлюбил еси; радуйся, яко благочестием твоим и нам подражания образ явил еси.

Радуйся, Николае, благоверный Царю и великий страстотерпче!

Кондак 3

Сила Вышняго чудесно явися ти, егда молитвами Серафима преподобнаго чудотворца, егоже прославил еси, Господь Наследника престола Российскаго дарова тебе; о сем радующеся зовем: Аллилуиа.

Икос 3

Имея велию любовь ко Господу, во всем Ему угодити потщался еси, сего ради и Господь, видя добродетели твоя, яви ти волю святую Свою, да, ведая благое изволение Божие, право ступаеши на всех стезях своих. Таковому еже о тебе попечению Божию дивящеся, вопием:

Радуйся, послушание приемый от Отца Небеснаго нести благое иго Христово; радуйся, послушание сие соблюдый даже до смерти, смерти же крестныя.

Радуйся, яко николиже противу повеления Господня что сотворил еси; радуйся, яко волю свою пред Создателем нивочтоже вменил еси.

Радуйся, не людем, но Богу, якоже апостол Павел, угождати восхотевый; радуйся, сим благодать велию, яко истинный раб Господень стяжавый.

Радуйся, Николае, благоверный Царю и великий страстотерпче!

Кондак 4

Бурю внутрь имея помышлений сумнительных, благоверный Царю, зряще смуту велию и Церкве нестроение, рекл еси ко архиереом: аще восхощу царства земнаго отрещися и образ ангельский восприяти, да вам Патриархом стану, приимите ли мя? Тии же умолчаша. Скорбя же за Отечество свое, изшел еси оттуду, вопия горце в сердце своем: Аллилуиа.

Икос 4

Слышав, Царю Николае, яко люди злы неправедно поношаху тя и супруги твоея Царицы Александры имя честное, ничтоже отвещал еси им, царя Давида помышляя, о Семее рекшаго: оставите, да сей злословит Давида, яко Господь повеле ему сие творити. Сего ради призре Господь на уничижение твое, возвыси бо тя паче иных царей земных, якоже и Давида иногда, да вси восхваляют тя сице:

Радуйся, кротостию и незлобием Царю-псалмопевцу уподобивыйся; радуйся, ревностию о Бозе Давиду подражавый.

Радуйся, яко врагом своим за зло отмщения не воздал еси; радуйся, яко сим веру ко вся в деснице Своей содержащему показал еси.

Радуйся, смиренномудрием своим духа гордыни низложивый; радуйся, незлобием велиим и Ангелов удививый.

Радуйся, Николае, благоверный Царю и великий страстотерпче!

Кондак 5

Боготечной звезде, путь в горняя указующей, уподобился еси, Николае, в житии твоем, пекийся о людех царствия твоего, яко ин никтоже когда; не вкушая брашна, дондеже последний из воев ополчения твоего напитан будет. О сем дивящеся, зовем: Аллилуиа.

Икос 5

Видевше отроковицы, чада твоя, чистое и непорочное житие твое, не восхотеша женихов именитых, богатства и почестей мирских, имуще пред собою благочестия пример и добродетели, отца своего, емуже вопием:

Радуйся, не токмо семьи, но и всея России отец чадолюбивый; радуйся, супруг верный и родитель благочестивый.

Радуйся, от корене благаго благия ветви, чада твоя, израстивый; радуйся, яко тыя ветви принесоша благочестия плод, прославляюще отца своего.

Радуйся, яко семью твою образом Церкви Христовой явил еси; радуйся, яко целомудренным житием твоим народ твой ко благочестию наставил еси.

Радуйся, Николае, благоверный Царю и великий страстотерпче!

Кондак 6

Проповедницы воли Господни быша святыя Его, темже рече Серафим преподобный: будет Царь, иже мя прославит, по сем же смута велия на Русь приидет, зане восстанут на Царя того и державу его, и восставши погибнут, Царя же Господь возвеличит. Сбывшуся же пророчеству сему, радующеся зовем: Аллилуиа.

Икос 6

Возсиял еси яко солнце праведностию своею, Царю Николае, Иову Многострадальному уподобляяся, емуже и подобен по множеству скорбей обрелся еси, с кротостию приемля злая и благая от руки Господни. Рекл бо еси: имам веру непоколебиму, яко судьба России, такожде моя и семьи моей выну в руце Господни содержатся. Сие же упование не посрами тя, тем восхваляюще вопием ти:

Радуйся, якоже Иов от Бога славою и богатством возвеличенный; радуйся, из руки Божией злая якоже благая приемый.

Радуйся, яко за скорби и поношения Бога благодарил еси; радуйся, яко и в помыслах на Господа не возроптал еси.

Радуйся, в уповании на Бога столпе непоколебимый; радуйся, по искушении якоже Иов Самим Богом утешенный.

Радуйся, Николае, благоверный Царю и великий страстотерпче!

Кондак 7

Хотяще отвратити гнев Божий, на народ Российский за отступление от Бога излиянный, рекл еси: несть таковыя жертвы, юже аз не принесл бых за благо Отечества моего; и прият Господь жертву твою, Емуже вовеки зовем: Аллилуиа.

Икос 7

Новое откровение Божие бысть ти, егда вшедшу ти с Царицею к блаженней Параскеве, показуя смиренномудрие свое, сел еси на пол по повелению старицы Господни; та же прорече ти кончину мученическую, повелев, егда приидет час, престола Царскаго отрещися; о сбытии словесе сего дивящеся, вопием:

Радуйся, яко прозорливый Авель за столетие провиде скорбное житие твое; радуйся, яко преподобный Варнава Гефсиманский велию славу имени твоему прорече.

Радуйся, при жизни от затворника Агапия славословие, яко великомученик услышавый; радуйся, со смирением от старцев схимников земное поклонение приемый.

Радуйся, от святых угодников Божиих на подвиг благословленный; радуйся, сих молитвами свыше от Бога на страдания укрепленный.

Радуйся, Николае, благоверный Царю и великий страстотерпче!

Кондак 8

Странно и недоразумеваемо сильным мира сего бысть житие твое, како посещению храмов Божиих прилежал еси, моляся на всяк день Богу пред начатием дел своих. Сему подражати ищуще, вопием и мы Господеви: Аллилуиа.

Икос 8

Весь себе самаго на служение Господу и народу своему освятивый, рекл еси, Царю Николае: не положу оружия моего, дондеже последний из врагов на земли Русской истребится; людие же едиными усты отвещаша ти: Боже, Царя храни, — якоже древле иудеи: осанна Сыну Давидову вопияху, да вскоре: распни Его возопиют; сие поминающе зовем:

Радуйся, Христу подобяся себе в жертву за грехи людския принесый; радуйся, добровольне на Голгофу Российскую возшедый.

Радуйся, яко никтоже изочтет болезни и борения твоя, егда царства земнаго отреклся еси; радуйся, яко в нощь тую якоже Господь в Гефсимании молился еси.

Радуйся, иже от слуг неверных, якоже Спаситель Иудою, лестию лобзанный; радуйся, якоже Христос тогда, всеми оставленный и други твоими преданный.

Радуйся, Николае, благоверный Царю и великий страстотерпче!

Кондак 9

Всякое естество Ангельское удивися высоте смирения твоего, зане Сыну Божию уподобился еси. Якоже Христос за род человеческий смерть поносную прият, да грехи наша Своею Кровию омыет, тако и ты за беззакония народа своего в Господе нашем себе самаго в жертву принесл еси. Преклоняющеся высоте подвигов твоих зовем: Аллилуиа.

Икос 9

Вития многовещанныя суетнаго мира сего не прияша величия твоего, Царю; не бо разумеша, како человек немощен сый, возмогл еси в лице святых обрестися и Царю славы предстати. Сих посрамление зряще, восклицающе рцем:

Радуйся, Царю православный, венцем терновым от Бога увенчанный; радуйся, за други, паче же и за враги своя душу предавый, да вся с собою во Отечество Небесное приведеши.

Радуйся, яко по словеси Христову, большия любве никтоже имать, юже явил еси; радуйся, яко кровию своею со всеми новомученики Российскими грехи России омыл еси.

Радуйся, от престола и скипетра добровольно отрекийся, да нас научиши не домогатися власти в мире сем; радуйся, от царскаго Помазания Святаго Духа никогдаже отрекийся, да нас научиши верности Христу Богу.

Радуйся, Николае, благоверный Царю и великий страстотернче!

Кондак 10

Спасти хотя удел Пресвятыя Богородицы, страну нашу Российскую, избрал еси в видении дивном, от Бога посланном, чашу горькую страданий и мук крестных, помы-шляюще в сердце своем: погибну аз, да спасена будет страна моя; чашу, юже послал ми Господь, не имам ли пити ю? Темже, поминающе Спасителя своего вопиял еси: Аллилуиа.

Икос 10

Стена еси тверда и ограждение непоколебимое, Царю православный, для Отечества своего. Предан бо сый, обманут же и оставлен всеми, не оставил еси молитвы своея, скорбя и сетуя за царство Российское, в бездне пороков гибнущее. Сего ради и мы из мрака греховнаго взываем ти:

Радуйся, яко агнец на заклание веденный; радуйся, от беззаконных слуг антихриста заушенный.

Радуйся, Царю, чашу горькую предательства, оцет с желчию вкусивый; радуйся, мучителей твоих Евангельски простивый.

Радуйся, от врагов, клеврет сатанинских убиенный; радуйся, якоже тучное всесожжение ко Престолу Вседержителя вознесенный.

Радуйся, Николае, благоверный Царю и великий страстотерпче!

Кондак 11

Пение всякое не довлеет к восхвалению чудес твоих, Царю Николае, егда ныне, предстоящи у Престола Господня, ходатайствуеши о стране твоей и людех ея, всем же притекающим к тебе скорую помощь подаеши. Сего ради и мы к тебе прибегаем, помощи твоея небесныя чающе, Богу же зовуще: Алдилуиа.

Икос 11

Яко светоприемную свещу на свещнице высоцем, да светит всем, поставленную, поминаем тя, великий Царю Российский, и со слезами припадающе, молим: спаси предстательством своим страну Российскую, по слову преподобнаго твоего под игом бесовским доныне томящуюся, и изведи из сего плена вавилонскаго сынов Российских, да возможем невозбранно звати ти:

Радуйся, яко от рук беззаконник, якоже некогда святый князь Андрей Боголюбский кончину приял еси; радуйся, яко вторый Николай чудотворец на Руси явился еси.

Радуйся, яко сын твой вторый Димитрий царевич явися; радуйся, яко супруга твоя древней Александре царице уподобися.

Радуйся, яко дщери твоя Христу уневестишася и в чертог Небеснаго Жениха взыдоша; радуйся, яко верныя слуги твоя к лику мученик причтошася.

Радуйся, Николае, благоверный Царю и великий страстотерпче!

Кондак 12

Благодать отъят от России Господь во дни тыя, посла же карающую десницу Свою, правителей безбожных, да накажет народ непокорный за преслушание клятвы, древле отроку Михаилу Романову данной; сего ради реки крови потекоша, за убиение Помазанника Господня излиянныя, и бысть на Руси тьма великая, казнь египетская. Сего ради взываем: из тьмы зол сих возведи ны, угодниче Божий, кающихся и вопиющих Богу: Аллилуиа.

Икос 12

Поюще славную кончину твою, Царю Николае, семьи твоея и верных слуг твоих, преклоняем колена наша, не смеем бо возвести очеса наша от земли безмерных ради беззаконий наших, и просим от тебе заступления и скудными словесы глаголем и вопием:

Радуйся, Богу угодивый и козни диавола посрамивый; радуйся, венец царский на венец мученический пременивый.

Радуйся, тем велие дерзновение ко Христу Богу возымевый; радуйся, униженный на земли и возвеличенный на Небеси.

Радуйся, с лики святых Русских Господеви молящийся; радуйся, купно с ними прощение народу Российскому ходатайствующий!

Радуйся, Николае, благоверный Царю и великий страстотерпче!

Кондак 13

О святый великомучениче и страстотерпче благоверный Царю Николае, просим и молим тя: предстояще ныне Престолу Пресвятыя Троицы, исходатайствуй у Господа отпущение грехов народу Русскому и испроси у Царя царей, да возставит царство православное в страждущей стране Российской, да посрамятся вси врази, хотящии нам злая и да вопиет во веки Русь Святая: Аллилуиа.

Этот кондак читается трижды, затем 1-й икос «Яко Ангел светлый …» и 1-й кондак «Избранному сыну Руси …».

Житие страстотерпца царя-мученика Николая Второго

В Русской православной церкви царь Николай II и его семья – царица Александра, дети Алексий, Ольга, Татиана, Мария и Анастасия – почитаются как святые страстотерпцы.

Будущий монарх воспитывался в любви к Богу и получил хорошее образование: владел несколькими языками, знал военную науку, демонстрировал эрудицию во всех отраслях знаний. Обязанности императора Николай принял на себя в возрасте 26 лет, когда в 1894 году скоропостижно умер Александр III. В этом же году состоялось его бракосочетание с внучкой английской королевы Виктории принцессой Алисой, которая перешла в православие и получила имя Александры Фёдоровны. В государственных делах Николай II проявлял ум, благородство и скромность манер, всегда помня наставления отца: «Вера в Бога и святость твоего царского долга да будет для тебя основой твоей жизни».

В царской семье царили согласие и взаимопонимание, забота о слабых, уважение детей к родителям. Посещались церковные службы, строго соблюдались посты, делались пожертвования на постройку храмов. Во время одной из паломнических поездок в 1903 году царская чета участвовала в прославлении святого преподобного Серафима Саровского, просила Всевышнего, чтобы он послал им наследника престола. Император с супругой мечтали о нём, имея уже 4 дочерей. По молитвам Бог послал им сына, названного Алексием.

О нуждах церкви царь заботился непрестанно. За время его правления было открыто 250 новых монастырей, на десяток тысяч увеличилось количество приходских церквей, канонизировано много святых Русской земли. Религиозно-нравственные мировоззренческие принципы императора влияли на внешнюю политику государства. Гаагские конференции стран Европы в 1889 и 1907 годах, состоявшиеся по инициативе Николая II, имели огромное значение для сохранения мира. До Первой мировой войны Россия развивалась быстрыми темпами.

Во время войны после принятия царём обязанностей Верховного главнокомандующего армией и флотом императрица помогала государю в ведении политических дел, с дочерьми Ольгой и Татьяной ухаживала за раненными в царскосельском лазарете.

Зимой 1917 года враждебные монарху политические силы усложнили ситуацию в стране. Смутьяны забыли слова первоверховного апостола Петра о почитании царя и любви к Богу, братстве и мире. Беспорядки в столице и бессилие Думы повлиять на события, тяжёлое положение на фронте и желание избежать гражданской войны при угрозе интервенции заставляют Николая II принять требование Временного правительства об отречении от власти в пользу брата Михаила. «..во имя спасения России и удержания армии на фронте в спокойствии нужно решиться на это шаг», – записал Николай II в дневнике. Получив известие о своём аресте, царь обращается с призывом к войскам быть верными Временному правительству во имя блага государства и воевать до полной победы над внешним врагом. Император морально страдал, но не жалел о царстве, так как жизнь готов был отдать за Родину.

Пребывая 5 месяцев под арестом в Царском селе, а затем в Тобольске, все члены царской семьи страдали безропотно, предав свою судьбу в руки Божии. Тяжело переживая за будущее Родины, они могли только молиться о её спасении и не теряли надежды и веры. «Счёта нет грязи и страданиям, а Господь не допускает уныния: Он охраняет от отчаянья, даёт силу…»,– находим в записях страстотерпцев. Весной 1918 года их переводят в Екатеринбург и содержат в «доме особого назначения». Свидетели последних дней жизни членов семьи царя отмечают их спокойствие, заботу друг о друге, несмотря на невыносимые условия жизни. В одном из писем Ольги Николаевны есть просьба о том, чтобы за них не мстили (об этом просит отец) и что зло нельзя победить злом, а лишь добром. В ночь с 16 на 17 июля арестованных расстреляли в подвале дома и тайно вывезли тела в ближний лес.

По благословению патриарха Тихона уже с 21 июля началось церковное почитание царской семьи. К моменту их канонизации была собрана масса свидетельств о чудесной помощи царственных особ разобщённым семьям, об исцелении больных, защите церкви от раскольничества. Память страстотерпцам императору Николаю II и его семье совершается 17 июля по новому стилю, а также в день соборной памяти новомучеников и исповедников Российских 7 февраля, если этот день приходится на воскресенье, а если не приходится – то в ближайшее воскресенье после 7 февраля.

Всего храмов, посвященных Святому царю-мученику Николаю, около 15 (с учетом пределов, посвященных ему).

Москва, Россия

Церковь Николая, царя-мученика и Новомучеников и исповедников Церкви Русской на Головинском кладбище.

Адрес: г. Москва, Головинское ш., 13, стр. 3

Есть икона Святого Царя-мученика Николая, икона святых Новомучеников

Церковь Николая, царя-мученика.

Адрес:  г. Москва, Варшавское шоссе, д. 160А

http://www.tsar-hram.ru

По средам в 18.00 Водосвятный молебен с акафистом царю страстотерпцу Николаю о строительстве храма

Санкт-Петербург, Россия

Церковь Николая, царя-мученика.

Адрес:  Россия, г. Санкт-Петербург, Кирочная ул., 55, лит.В

Екатеринбург, Россия

Храм-Памятник на Крови во имя Всех святых, в земле Российской просиявших

Адрес: Свердловская область, г. Екатеринбург, улица Толмачева, 34

http://hram-na-krovi.cerkov.ru

Монастырь в честь Святых Царственных Страстотерпцев в урочище Ганина Яма

Адрес: г. Екатеринбург, урочище Ганина Яма.

http://ganinayama.ru

Есть икона Святых царственных страстотерпцев.

Курск, Россия

Храм Святых Царственных Страстотерпцев

Адрес: г. Курск, ул. Прогулочная, д. 5 "Е"

http://strastoterpcy.ru

Помня подвиг царя Николая и всей его семьи, ему молятся об укреплении семейных уз, о сплочении семьи и преодолении невзгод, скорбей и страданий, о помощи в воспитании детей православными христианами.

Икону можно подарить:

- любому православному человеку - на любой праздник;

- семейным людям для молитв об укреплении семьи и о воспитании детей в вере и благочестии;

- мужчинам с именем Николай – для молитв святому заступнику.