Икона Божией Матери «Троеручица» 28 х 32 см
Наведите для увеличения

Икона Божией Матери «Троеручица» 28 х 32 см

Артикул. МБ-43 В наличии
Количество:   
14900 руб.
Вид иконы: Божья матерь
Материал: дерево (ясень), золочение, серебрение
Бесплатная доставка по России

Икона Божией Матери «Троеручица» покрыта серебром и золотом методом гальванопластики. Лики Богородицы и Иисуса Христа, а также кисти рук сделаны в виде изображения, напечатанного типографским способом. Рамка и основание выполнены из дерева (ольха).

Дата празднования 11 июля, 25 июля

Икона относится к типу «Одигитрия». Богоматерь изображена по пояс, фронтально, с младенцем Иисусом Христом на правой руке. Внизу иконы можно увидеть третью руку. Часто она может быть частью оклада, в русских иконах часто третью руку рисуют как бы принадлежащей Богородице.

Информация об иконе Икона Божией Матери «Троеручица» 28 х 32 см

Молитва Божией Матери пред иконой Ее Троеручица

О, Пресвятая Госпоже Владычице Богородице, велие чудо святому Иоанну Дамаскину явившая, яко веру истинную - надежду несумненную показавшему! Услыши нас, грешных, пред чудотворною Твоею иконою усердно молящихся и просящих Твоея помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печалей, прости содеянныя нами грехи, исполни радости и веселия всех, чтущих святую икону Твою, да радостно воспоем и любовию прославим имя Твое, яко Ты еси от всех родов избранная и благословенная во веки веков. Аминь.

Молитва иная Божией Матери пред иконой Ее Троеручица

О, Пресвятая и Преблагословенная Дево, Богородице Марие! Припадаем и покланяемся Тебе пред святою иконою Твоею, воспоминающе преславное чудо Твое, исцелением усеченныя десницы преподобнаго Иоанна Дамаскина, от иконы сей явленное, егоже знамение доныне видимо есть на ней, во образе третия руки, ко изображению Твоему приложенныя. Молимся Ти и просим Тя, Всеблагую и Всещедрую рода нашего Заступницу: услыши нас, молящихся Тебе, и якоже блаженнаго Иоанна, в скорби и болезни к Тебе возопившаго, услышала еси, тако и нас не презри, скорбящих и болезнующих ранами страстей многоразличных, не презри, усердно к Тебе от души сокрушенныя прибегающих. Ты зриши, Госпоже Всемилостивая, немощи наша, озлобление наше, нужду, во Твоей помощи потребу, яко отвсюду врази окружают нас, и несть помогающего, ниже заступающаго, аще не Ты умилосердишися о нас, Владычице. Ей, молим Ти ся, вонми гласу болезненному нашему и помози нам святоотеческую Православную веру до конца дней наших непорочно сохранити, во всех заповедех Господних неуклонно ходити, покаяние истинное о гресех наших всегда Богу приносити и сподобитися мирныя христианския кончины и добраго ответа на страшнем суде Сына Твоего и Бога нашего. Егоже умоли за нас матернею молитвою Твоею, да не осудит нас по беззаконием нашим, но да помилует нас по велицей и неизреченной милости Своей. О, Всеблагая! Услыши нас и не лиши нас помощи Твоея державныя, да, Тобою спасение получивше, воспоем и прославим Тя на земли живых и Рождшагося от Тебе Искупителя нашего, Господа Иисуса Христа, Емуже подобает слава и держава, честь и поклонение, купно со Отцем и Святым Духом, всегда, ныне и присно и во веки веков. Аминь.

Тропарь Божией Матери пред иконой Ее 'Троеручица'

глас 4

Днесь всемирная радость возсия нам велия:/ даровася святей Горе Афонстей/ цельбоносная Твоя, Владычице Богородице, икона,/ со изображением тричисленно и нераздельно пречистых рук Твоих/ в прославление Святыя Троицы,/ созываеши бо верных и молящихся Тебе о сем познати,/ яко двема Сына и Господа держиши,/ третию же яви на прибежище и покров чтущим Тя,/ от всяких напастей и бед избавляти,/ да вси, притекающии к Тебе, верою приемлют неоскудно от всех зол свобождение,/ от врагов защищение,/ сего ради и мы вкупе со Афоном вопием:// радуйся, Благодатная, Господь с Тобою.

Тропарь Божией Матери пред иконой Ее Троеручица

глас 4

Днесь светло красуется царствующий град Москва,/ имеющи в себе, о Всемилостивейшая, всея твари Честнейшая,/ Заступнице наша Дево Богородице,/ честный образ Твой,/ имже подсолнечныя концы земли удивляеши/ и мир мирови даруеши,/ во образ бо Святыя Троицы являеши трие руце:/ двема убо Сына Своего, Христа Бога нашего, носиши,/ третиею от напастей и бед/ верно к Тебе прибегающих избавляеши,/ и от потопления изымаеши,/ и всем полезная даруеши,/ и преподобному Михаилу Малеонскую гору показа,/ и всех всегда милуеши,/ честною ризою Своею покрываеши жительство сие/ и вся грады и страны наша, да зовем Ти:/ радуйся, Обрадованная.

Кондак Божией Матери пред иконой Ее 'Троеручица'

глас 8

Днесь веселое наста ныне Твое торжество, Богомати Пречистая,/ вси вернии исполнишася радости и веселия,/ яко сподобльшеся изрядно воспети/ предивное явление честнаго образа Твоего/ и рождшагося из Тебе Младенца, истинна же Бога,/ Егоже двема рукама объемлеши,/ и третиею от напастей и бед нас изымаеши// и избавляеши от всех зол и обстояний.

Кондак Божией Матери пред иконой Ее 'Троеручица'

глас 3

Дева днесь благоволение к нам являет,/ Гора же Афон благодарение Ей приносит,/ Ангели и иноцы славословят,/ Троеручица из Сербии чудесно путешествует:/ нас бо ради прииде// и вселися во святую обитель Хиландарскую.

Ин тропарь Божией Матери пред иконой Ее Троеручица

глас 4

Яко звезда светозаряющая,/ из Сербии на Афон чудесно прииде/ всечестная икона Твоя Троеручица,/ юже обитель Хиландарская благоговейно восприемши,/ яко Божественный дар свыше,/ прославляет Тя, Владычицу,/ и умильно вопиет:/ не остави милость Твою от нас,/ но пребуди с нами во веки.

Величание Божией Матери пред иконой Ее «Троеручица»

Величаем Тя, / Пренепорбчная Дево, / и чтим чудеса образа святаго Твоего, / трех пречистых рук Твоих явление / в славу Божества, в Троице Бога нашего.

 

Акафист Пресвятой Богородице пред иконой «Троеручица»

Кондак 1

Взбранной Воеводе, Богообрадованной Приснодеве Богородице, посетившей Гору Афонскую явлением чудотворныя иконы Своея и многия милости ею дарующей роду христианскому, похвальное возглашаем ныне пение; Ты же, о Богомати, яко имущая державу непобедимую и Матернее о нас попечение, предвари на помощь к нам и от всяких бед избави зовущих Ти:

Радуйся, Помощнице наша, Троеручною иконою Твоею нам помогающая.

Икос 1

Ангел земный и человек небесный преподобный Иоанн Дамаскин от любве теплыя к Тебе, Богомати Владычице, икону Твою святую соорудити потщася и сию в келлии своей благоговейно поставив, пред нею сице Тебе в молитвах усердных глаголаше:

Радуйся, Радость вечную, Спасителя миру рождшая; радуйся, всегубительнаго ада силу Рождеством Твоим поправшая.

Радуйся, пророческих глаголов исполнение принесшая; радуйся Адама и Евы преступление загладившая.

Радуйся, Единаго от Троицы на руку Твоею нетрудно носившая; радуйся, Огнь Божества неопально во чреве Твоем вместившая.

Радуйся, Помощнице наша, Троеручною иконою Твоею нам помогающая.

Кондак 2

Видя преподобный Иоанн Дамаскин десницу свою, много писавшую в защиту чести и поклонения святых икон, по навету царя иконоборца немилостиво отсеченную, испроси ю от невернаго мучителя и, приложив к усеченному ея составу, пред честною иконою Твоею, Пречистая Дево, слезно моляшеся Ти, о еже исцелитися ей. Ты же, Всеблагая и Всемощная рода нашего Заступнице, молитву его скоро услышала еси и, во сне представши ему, исцеление усеченной руце его даровала еси, да благодарственно поет Богу: Аллилуиа.

Икос 2

Разум человеческий не может постигнути силу исцелений благодатных, иконою Твоею, о Богомати, чудесно являемых, не может изъяснити и чудо велие, како отсеченная десница преподобнаго во едину нощь цела и здрава обретеся, на нейже токмо червленный знак бывшия язвы оставлен бысть Врачебницею Благою, слышащею от нас сия похвалы:

Радуйся, скоро являющаяся утешительнице скорбящих душ; радуйся, радостотворная посетительнице болезнующих сердец.

Радуйся, безнадежных страдальцев надеждою исцеления ободряющая; радуйся, врачми оставленных болезнующих на Свои руце приемлющая.

Радуйся, усеченную десницу Божия избранника целу и здраву вышеестественно соделавшая; радуйся, яко ничтоже невозможно Тебе, Милосердая Предстательнице, нам всегда заступление показующая.

Радуйся, Помощнице наша, Троеручною иконою Твоею нам помогающая.

Кондак 3

Силу десницы Всевышняго в исцелении усеченный десницы своея познав богоглаголивый Иоанн, песньми красными воспе Тя, Владычице Всеблагая, и подобие усеченныя руки своея приложи к целебному Твоему образу ради памяти всегдашния о великом чудеси. Тем ныне видима есть и именуется сия святая икона Твоя Троеручица, тремя руками, на ней написанными, проявляющая таинство Святыя Троицы, чудесы же, от нея бывающими, всех приводящая хвалебно взывати ко Господу: Аллилуиа.

Икос 3

Имеяй велию ревность по Бозе, духоносный песнописец Святыя Церкве и Божественный славитель ея, сладкий преподобный Иоанн, хвалебными пеньми до конца жизни своея прославляше Твою к нему дивную милость, Богородительнице, в память же бывшаго чудесе плат, имже усеченная рука его обязана бе, на главе своей ношаше, икону же Твою многоцелебную, яко наследие богатое, святей Лавре преподобнаго Саввы Освященнаго по себе остави, да вси вернии зовут к изображенней на ней Целительнице душ и телес сице:

Радуйся, врагов святыя православныя веры крепкая поборнице; радуйся, проповедников Евангельскаго учения покровительнице.

Радуйся, благочестивых христиан защито и похвало; радуйся, боголюбивых иноков утешение.

Радуйся, ведущим брань противу мира, плоти и диавола добрая споспешнице; радуйся, ревнующим о целомудрии и чистоте изрядная пособнице.

Радуйся, Помощнице наша, Троеручною иконою Твоею нам помогающая.

Кондак 4

Буря недоумения смущает ми ум, како возмогу недостойными усты воспети славу Твою, Пречистая Дево, юже во иконе Твоей святей явила еси, даровавши ю нам в помощь и защиту от враг видимых и невидимых. Темже, величая неисчетныя милости Твоя к роду христианскому, исповедую чудеса Твоя и смиренномудренно пою Вседержителю: Аллилуиа.

Икос 4

Слышавше иноцы святыя Лавры Саввы Освященнаго о великих добродетелех пришедшаго в Лавру на поклонение первосвятителя сербскаго Саввы, по внушению Твоему, Богомати, дароваша ему на благословение святую икону Твою Троеручицу, юже он со благоговением, яко дар многоценен, в страну Сербскую принесе, поучая паству свою звати Тебе:

Радуйся, от востока и до запада силу всемогущества Христова иконою Твоею возвещающая; радуйся, болезни душевныя и телесныя иконою Твоею скоро врачующая.

Радуйся, Сербстей стране икону Твою в залог благоволения даровавшая; радуйся, чудесы Твоими Православие в ней крепко утвердившая.

Радуйся, Симеона Мироточиваго область благодатно посетившая; радуйся, Саввы первопрестольнаго паству Матерним покровом Твоим приосенившая.

Радуйся, Помощнице наша, Троеручною иконою Твоею нам помогающая.

Кондак 5

Боготечней звезде подобна явися икона Твоя, Богородительнице, по воли Твоей святей на осля поставленная и отпущенная из Сербии: осляти, никимже водиму, принесеся им на Гору Афонскую ко вратом обители Хиландарския, юже яко дар небесный восприимше иноцы, поставиша в алтаре соборныя церкве обители, зовуще во умилении глубоцем благих Подателю Богу: Аллилуиа.

Икос 5

Видевше иноцы хиландарстии Твое к ним благоволение, Преблагословенная Дево, в чудеснем пришествии к ним святыя иконы Твоея Троеручицы явленное, с радостию и любовию ей поклоняхуся, целующе и песненно возглашающе Ти благохваления сицевая:

Радуйся, путеводительнице подвижников благочестия к горнему Сиону; радуйся, пустыннолюбивых иноков приводящая к небесному Иерусалиму.

Радуйся, безсловесное осля воли Твоей святей чудесно покорившая; радуйся, на осляти икону Твою благодатную от Сербии на Афон дивно принесшая.

Радуйся, пустыню Афона благоуханием святыни исполнившая; радуйся, Хиландарскую обитель благоволением Твоим облагодатствовавшая.

Радуйся, Помощнице наша, Троеручною иконою Твоею нам помогающая.

Кондак 6

Проповедует обитель Хиландарская на Афоне богатство милостей и щедрот Твоих, Богородице Дево, и светло красуется, имущи святую икону Твою Троеручицу во игумена себе, ибо таковая бысть воля Твоя, еже пребывати иконе Твоей тамо на игуменстем месте во храме Божием и в душах братии, от Тебе Единыя благословение на всякое послушание приемлющей и хвалебно зовущей тако благоволившему о них Творцу: Аллилуиа.

Икос 6

Возвестила еси волю Твою, Богомати, иноком хиландарским, разногласием во избрании игумена смущенным, чудесно поставивши святую икону Твою на игуменстем месте во храме Божием и открывши единому от них в видении, яко Сама Ты хощеши пребывати настоятельствующею в обители их иконою Твоею честною, и да прочее не избирают себе игумена. Они же во умилении душ и сердец, обрадованнии возопиша к Тебе:

Радуйся, иноков благоподвизаюшихся известная и всемощная Покровительнице; радуйся, к Сыну Твоему и Богу теплая о них Предстательнице.

Радуйся, жезл игуменский в Хиландарстей обители невидимо приемшая; радуйся, обитель сию доселе целу и благоустроену сохраняющая.

Радуйся, страхом и благоговением сердца братии, благословение от иконы Твоея приемлющих, исполняющая; радуйся, неблагоговейныя и дерзостныя грозно наказующая.

Радуйся, Помощнице наша, Троеручною иконою Твоею нам помогающая.

Кондак 7

Хотя соделати не токмо Афон, но и вся иныя страны православныя причастны благодати великих чудес, иконою Твоею Троеручною изливаемых и бываемых, Пречистая Владычице, сию во всех градех, весех, церквах и обителех иноческих распространила и дивными чудесы прославила еси. Темже вся верная чада святую икону Твою Троеручицу любовию чествуют и на ней вкупе с Тобою изображенному Христу усердно зовут: Аллилуиа.

Икос 7

Дивно являеши, Преблагословенная Дево, милости верным людем и святою иконою Твоею Троеручицею преславныя чудеса содеваеши силою Благодати Христовы: слепыя просвещаеши, разслабленныя укрепляеши, недужныя врачуеши и всем прибегающим к целебному Твоему образу скорую помощь Твою присно являеши, подвизающи звати к Тебе:

Радуйся, Святую Гору Афонскую в жребий Себе избравшая; радуйся, и вся страны православныя покровом милости Твоея осенившая.

Радуйся, Хиландарския обители настоятельнице неизменная; радуйся, многих мест и пустынь сокровище исцелений неоскудное.

Радуйся, на Афоне, в России, Сербии и иных странах иконою Твоею преславно чудодействующая; радуйся, любящия и чтущия Тя от всяких бед избавляющая.

Радуйся, Помощнице наша, Троеручною иконою Твоею нам помогающая.

Кондак 8

Странно есть видети иноки хиландарския, к иконе Твоей, яко к игумену приходящия и от Нея благословение на послушания своя приемлющия. Но, о Всеблагая, якоже приемлеши их милостивно и благословляеши, тако и нас, недостойных, не лиши Матерняго Твоего милосердия и попечения, приими благоутробно молитвы наша пред святою иконою Твоею возносимыя, осени нас благословением Твоим благодатным, избави от всяких бед и скорбей и научи богоугодно пети Триединому Богу: Аллилуиа.

Икос 8

Весь мир преисполнен, яко звездами богосветлыми, чудотворными иконами Твоими, Богородице Дево, в нихже, яко денница лучезарная, икона Твоя Троеручица предивными чудесы благодатно сияет и согревает хладныя сердца наша знаменьми Твоего к нам милостиваго призрения. Сего ради чествуем пречистаго лика Твоего святое изображение и Тебе пред ним вопием:

Радуйся, Богообрадованная и Пренепорочная Приснодево; радуйся, Едина Чистая и Благословенная в женах.

Радуйся, нетленная и неискусобрачная Агнца и Пастыря Мати; радуйся, прекрасная и светоносная палато святых святейшаго Слова.

Радуйся, крине белоснежный и благовонный девства и чистоты; радуйся, Царице и Владычице Небесе и земли.

Радуйся, Помощнице наша, Троеручною иконою Твоею нам помогающая.

Кондак 9

Всяк возраст верных благопользуется Твоим Матерним попечением, Всеблагая Владычице: младенцы милосердно окормляеши, отроки невидимо руководствуеши, мужи во благочестии утверждаеши, старцы в немощех укрепляеши, всем же вся благая и душеполезная даруеши всесильным ходатайством Твоим у Престола Пресвятыя Троицы, Ейже благодарно поем: Аллилуиа.

Икос 9

Витии человечестии не могут достойно восхвалити Тя, Богородице, честнейшую Херувим и славнейшую Серафим, рождшую Единаго от Троицы Христа Жизнодавца. Мы же, любовию к Тебе воодушевленнии, смиренномудренно дерзаем приносити Тебе песни таковыя:

Радуйся, державная заступнице рода христианскаго; радуйся, благосердая Мати всех скорбящих и обремененных.

Радуйся, кротким сиянием Твоим мрак грехов и страстей наших разгоняющая; радуйся, на стези покаяния нас премудро наставляющая.

Радуйся, в грозный час смерти всем нам крепкая защитнице; радуйся, добраго ответа нам пред Судиею Праведным усердная ходатаице.

Радуйся, Помощнице наша, Троеручною иконою Твоею нам помогающая.

Кондак 10

Спасения залог даровася нам святая и всечестная икона Твоя, Богородительнице Дево, ибо, якоже древле прорекла еси божественному евангелисту Луце, с нею и доныне сила Твоя благодатно пребывает, чудесы преславными веру в нас утверждает, недужныя безмездно врачует и на путь спасения души наша приводит, да зовем прославльшему имя Твое во вселенней Царю Небесе и земли: Аллилуиа.

Икос 10

Стена еси девам и ликом иноческим, Богоневестная Дево, всем усердно к Тебе прибегающим, икону же Твою святую благоговейно чествующим, ибо сию дарова нам благих податель Господь в помощь и врачевство недугом душевным и телесным и сим внушает пети Тебе:

Радуйся, добрая младопитательнице дев и безматерних сирот; радуйся, иноков и инокинь благоскорбящих предводительнице к наградам небесным.

Радуйся, в узах и темнице седящих посещающая утешением благодатным; радуйся, благословение домов и супружеств благочестивых.

Радуйся, юных наставнице целомудрия и воздержания; радуйся, старцев приводящая к благому житию и мирней кончине.

Радуйся, Помощнице наша, Троеручною иконою Твоею нам помогающая.

Кондак 11

Пение молебное наше, Тебе пред пречистым образом Твоим с верою и любовию возносимое, милостивно услыши, Госпоже Всемилостивая, и сохрани нас от тлетворных учений, неверия и суеверия, имиже наветуется в нас святоотеческая православная вера, избави нас от лукавых совращений, сохрани нас и Отечество наше от всяких крамол и от всяких нестроений и злых развращений, врагами веры и Отечества нашего воздвизаемых, и сподоби в любви и единомыслии со всеми верными чадами Святыя Христовы Церкве богоприятно пети Создателю нашему: Аллилуиа.

Икос 11

Светоприемлемая свеща икона Твоя святая, Богородице Дево, мир весь сиянием чудес просвещает, сердца же наша любовию воспламеняет к Тебе, Пречистей и Преблагословенней Матери Сладчайшаго Господа нашего Иисуса Христа, даровавшаго нам Тебе в покров и защиту противу полчищ сатанинских, иже боятся и трепещут самаго имене Твоего, ведающе силу Твою, юже величаем и Тебе зовем:

Радуйся, враги наша видимыя и невидимыя премудро запинающая; радуйся, хулителей святыя православныя веры невидимо карающая.

Радуйся, духов злобы от нас державно отгоняющая; радуйся, преовладети им над нами не попускающая.

Радуйся, любовию к Богу и ближним нас воодушевляющая; радуйся, вся благая прошения наша скоро исполняющая.

Радуйся, Помощнице наша, Троеручною иконою Твоею нам помогающая.

Кондак 12

Благодать свыше даровася святей иконе Твоей Троеручице, Владычице Преблагая: скорбящия утешати, болящия исцеляти, слепыя просвещати, разслабленныя укрепляти, верныя во благочестии утверждати, неверныя к познанию истины приводити, знаменьми и чудесы от нея бываемыми, яже воистину превосходят разумение человеческое и токмо верою постигаются, приводяще верныя души к немолчному славословию Творца богокрасною песнию: Аллилуиа.

Икос 12

Поем чудеса Твоя, благодатная Богородительнице, не таим щедрот Твоих, исповедуем благодеяния Твоя, прославляем неисчетную милость Твою к роду христианскому, юже ведят вси концы земли, ибо от востока до запада хвально имя Твое святое, благословляемое от всех родов и в молитвах призываемое во всех странах. Тебе убо, сице прославленней и превознесенней Сыном Твоим и Богом, и мы хвалебно вопием:

Радуйся, тихое пристанище плавающих в пучине житейскаго моря; радуйся, треволнение страстей умиротворяющая Своим сердобольным участием.

Радуйся, во уныние и отчаяние впадших подъемлющая надеждою спасения; радуйся, сомнениями в вере колеблющихся вразумляющая знаменьми и чудесы.

Радуйся, в обителех иноческих подвизающимся богоугодно подательнице блаженнаго упокоения; радуйся, и в мире благочестно живущия не лишающая Твоего заступления.

Радуйся, Помощнице наша, Троеручною иконою Твоею нам помогающая.

Кондак 13

О Всепетая Мати Сладчайшаго Искупителя нашего Господа Иисуса Христа! Вонми гласу молебному, Тебе пред святою иконою Твоею нами смиренно возносимому, и Матернею молитвою Твоею к рождшемуся от Тебе святых святейшему Слову от всякия избави напасти и вечныя муки всех имя Твое молитвенно призывающих и о Тебе благодарно зовущих Богу: Аллилуиа

Этот кондак читается трижды, затем икос 1-й «Ангел земный…» и кондак 1-й «Взбранной Воеводе…».

 

Канон Пресвятой Богородице пред иконой «Троеручица»

глас 4

Песнь 1

Ирмос: Несть Тебе подобен, Препрославленный Господи: рукою бо крепкою избавил еси люди, яже стяжал еси, Человеколюбче.

Просвети душу мою, ум и сердце, Премилостивая Мати Божия, и даждь ми дар воспети Тя, крепкую Предстательницу, благих Ходатаицу и в печалех сладкое утешение.

Облак светозарный явилася еси преподобному Иоанну Дамаскину, егда молитву его скоро услышала еси и отсеченную десницу его здраву сотворила еси.

Днесь согласно торжествуют вси концы земли, вкупе Тя воспевающе, твердую Помощь и Хранительницу жизни нашея.

Твою всечестную и чудотворную икону Троеручицу стяжавши, святая обитель Хиландар вопиет Ти: радуйся, стено нерушимая и крепкое заступление обители сея.

Песнь 3

Ирмос: Свят еси, Господи Боже наш, утверди и наша сердца непрестанно вопити Тебе: праведен несть, паче Тебе, Господи.

Верных собори совокупляются днесь к прославлению Твоего благосердия, еже явила еси преподобному Иоанну Дамаскину, исцеливши отсеченную десницу его.

Очи сердец наших воспущаем к Тебе, Владычице, егда взираем на чудотворную икону Троеручицу, буди нам держава и ограждение и Вышняго причастия сподоби нас.

Юже славословят силы Небесныя, поем Тя, Всепетая Дево, спаси ны от греховнаго пленения и всякия скорби, находящия на ны.

Моли, Егоже родила еси, Мати Безневестная, о всех, притекающих к честней иконе Твоей, яко да защитит их и просветит.

Седален

Егда иноцы Хиландарстии видеша пречестную икону Твою, Владычице, на осляти, никимже водимем, ко вратом обители Хиландарския принесенную, радостию велиею возрадовашася и, покланяющеся ей, прославляху Твое к ним благоволение.

Песнь 4

Ирмос: Услышах слух Твой, Господи, яко явился еси на земли, и прославих Твою силу.

Источника Приснотекущаго источила еси, Пречистая Дево, вся удолия напаяюща, погрузи и вся наша соблазны и до конца потреби.

Лествицу Иаковлю, Гедеоново руно, радости Ходатаицу, крепость и похвалу всех верных, приидите, вси воспоим, глаголюще: радуйся, Дево Чистая.

Образ Твой честный целующе, Всечистая, к Твоей благости прибегаем и, колена преклоняюще, с плачем молим Тя: не презри нашего воздыхания, но в День судный буди нам покров и Помощница.

Слово Божие рождшая, посети нас благодатию Твоею, и омраченныя наша души и сердца просвети, и подаждь нам от бед избавление и всех грехов оставление.

Песнь 5

Ирмос: Законом заповедей Твоих, Едине Человеколюбче, просвети сердце мое, молюся, Господи, и помилуй мя.

Твоя всечестная икона Троеручица ясно всем свидетельствует, яко Ты крепость наша и сила еси, сего ради прославляем матернее Твое к нам милосердие.

Преподобный Иоанн Дамаскин слезно моляшеся Тебе пред честною иконою Твоею, Ты же молитву его скоро услышала еси и усеченней руце его исцеление даровала еси.

Радости Ходатаице, мольбы раб Твоих приими, вся противных врагов советы разжени и стадо Твое невредимо сохрани и от всех скорбей спаси.

Избавляемы прегрешений Твоими святыми молитвами, Благословенная Богородице, благоразумно Тя вси ублажаем.

Песнь 6

Ирмос: Вечер, и утро, и полудне хвалим Тя, Господи Боже наш, услыши глас наш.

Блажим Тя и славим, Богородице Дево, ибо Ты, о Благодатная, благодатию Твоею всегда нас осеняеши, покрывающи, и заступающи, и от лукавых врагов избавляющи.

Ездяй на Херувимех и Певаемый от Серафим из Твоих ложесн явися, и все человечество спасено бысть, сего ради славим Тя, яко Заступницу нашу Непостыдную.

Грядите, людие, на поклонение Божией Матери, благодать бо света Ея и нам возсия и научи пети: сподоби нас, о Благодатная, Вышняго причастия.

Ангелов радость Ты еси, Богородице, и всех человеков воистину веселие; спаси души всех, поющих Тя, Чистая.

Кондак, глас 3

Дева днесь благоволение к нам являет, Гора же Афон благодарение Ей приносит, Ангели и иноцы славословят, Троеручица из Сербии чудесно путешествует: нас бо ради прииде и вселися во святую обитель Хиландарскую.

Икос

Воистину пречудное явление: преславная икона Твоя Троеручица, юже первосвятитель сербскии, Савва, от святыя Лавры Саввы Освященнаго, со благоговением, яко многоценен дар, в страну Сербскую принесе, на безсловеснем осляти от Сербии на Афон чудесно приносится и ко святей обители Хиландарстей прииде. Иноцы же обители сея, восприимше сию с радостию, яко дар Небесный, поставиша ю в олтари соборныя церкве обители, ибо разумеша сбытие сие яко явное Твое к ним благоволение. Сего ради с радостию и любовию покланяхуся всечестней иконе Твоей, целующе ю и Тебе воспевающе: радуйся, святую икону Твою залогом милости нам даровавшая, всем верным скорое поможение.

Песнь 7

Ирмос: В начале Безначальное Слово, со Отцем и Духом Сын Единородный, благословен еси, и превозносимый Боже отец наших.

Едину Тя обрете Чистую Содетель всех и вселися в Тя, яко в храм прекрасный, сего ради поем Ти: Христа Бога нашего Мати, благословенна еси.

Милостию Твоею весь мир обогащаеши и души просвещаеши, Едина Всепетая, темже воспеваем Ти: Христа Бога нашего Мати, благословенна еси.

Безневестная Дево, многоплодное древо явилася еси, снедию Небесною вся насыщающее, добродеяния всем источи, да вси поем Ти: Христа Бога нашего Мати, благословенна еси.

Образа Твоего пришествием от злых избавляемся и посрамляются вси, рабом Твоим злая являющии, сего ради вопием: благословенна еси, Мати Христа Бога нашего.

Песнь 8

Ирмос: Во образе Ангела, явльшагося в пещи огненней песнословцем, Христа Бога пойте, отроцы, священницы, благословите, людие, превозносите во вся веки.

Гласы молебными, приидите, вси воспоем Чистую Деву, се бо ныне веселие приближается, вернии спасаются, и воскликнем в веселии: Богородицу пойте и превозносите во вся веки.

Очима ангельскима глубина неудобозримая, человеческими помыслы высота неудобовосходимая прииде к нам во образе Троеручицы, поклонимся убо честному образу и возопиим: Богородицу пойте и превозносите во вся веки.

Радующеся, приступаем образу Твоему честному и, умильно молящеся, из глубины души взываем: Богородицу пойте и превозносите во вся веки.

Огнем возгарашеся гора Синайская, не терпяше бо снития славы Божия, Ты же, весь Божественный Огнь сущ, Божие Слово во чреве Твоем неопально носила еси, сего ради поем: Богородицу пойте и превозносите во вся веки.

Песнь 9

Ирмос: Безсеменное Рождество Твое, Богородице Чистая, Христа Бога нашего песньми немолчными величаем.

Днесь радуется Православная Сербия и вся Гора Афонская, изряднее же обитель Хиландарская, ибо прииде и вселися в ню всечестная икона Троеручица, являющи к нам благоволение Божия Матере.

Имеющи святую икону Твою Троеручицу во игумена себе, Твоя воля бысть, Богородице, обитель Хиландарская благоуханием святыни исполняется и непрестанно славословит имя Твое.

Цвете прекрасный, облагоухаяй вся, противных нахождения отгоняяй и веселия всех исполняяй, буди нам стена, и ограждение, и спасительное прибежище.

Егоже воспевают Ангели, родила еси, но и Девою пребыла еси, сего ради вопием Ти: радуйся, скорая Помощнице и крепкая Заступнице всего мира.

Светилен

Светом благосердия Твоего всех озаряющи, всякую болезнь и недуг исцеляеши, не забуди и нас, верных раб Твоих, но да знаменается на нас свет лица Твоего во вся дни живота нашего.

 

История образа иконы Божией Матери «Троеручица»

Чудотворная икона Божией Матери «Троеручица», почитаемая в Православной церкви, принадлежит к иконографическому типу «Одигитрия» («Путеводительница») с Богомладенцем на правой руке. Богородица изображена слегка наклонённой к Иисусу Христу и левой рукой указывает на Него как на Спасителя. Богомладенец правой рукой благословляет того, кто обращён к иконе, а левой держит священный свиток. Особенностью уникальной иконы, что и послужило причиной её названия, является изображение кисти человека внизу в левом углу. В первообразе «Троеручицы» кисть выполнена из серебра и приложена к серебряному окладу. На многих русских списках третью руку пририсовывают Божией Матери. В тропаре на честь иконы объясняется, что этой рукой Богородица ограждает молящихся от бед и опасностей. На обратной стороне образа написан Николай Чудотворец.

Существует множество свидетельств о чудесной помощи Богородичного святого лика при болезнях и травмах рук и ног, глаз, в избавлении от пожара, эпидемий, душевного разлада, защите от воров и других недоброжелателей. Образ Божьей Матери «Троеручица» покровительствует занимающимся рукоделием, помогает восстановить мир и согласие в семье и обществе. К нему обращаются при затруднениях в любом деле, при потере своего пути в жизни и получают быструю помощь.

Возникновение иконы связывают с иконоборческим периодом в Византии и именем святого Иоанна Дамаскина. В 8 веке при императоре Льве Исавре велась война против почитателей икон. Святые лики уничтожали, а с творившими молитвы перед ними жестоко расправлялись. Иоанн Дамаскин, живший в столице Сирии Дамаске и состоявший на высокой должности при халифе, распространял среди друзей в Византии свои пламенные статьи с разоблачением иконоборчества как ереси и приводил подтверждения из Евангелия. Для императора он был недосягаем, потому что жил на территории другого государства. Тогда Лев оклеветал Иоанна перед халифом, направив тому написанное почерком Дамаскина письмо и свой ответ на него. В ложном письме содержался призыв к захвату столицы Сирии. По приказу халифа святой был схвачен и наказан отсечением руки, которую вывесили на площади для устрашения бунтовщиков. Страдая от физической и душевной боли, Иоанн попросил вернуть кисть. Получив её, приложил к ране. Слёзно молясь перед образом Божией Матери, просил защиты и исцеления. Так и уснул. Во сне Богородица обещала вернуть святому руку и велела прославлять Бога. Проснувшись, Иоанн увидел чудесно приросшую кисть. В благодарность он сочинил хвалебную песнь «О Тебе радуется, Благодатная, всякая тварь», которую и поныне используют в богослужении. Святой также заказал и присоединил к исцелившей его иконе кисть из серебра. Так образ Божьей Матери получил название «Троеручица».

После этих событий Иоанн Дамаскин роздал всё, что имел, бедным и церкви и, взяв с собой чудотворную икону, отправился в Иерусалим, где в обители Саввы Освящённого принял постриг. Перед смертью в возрасте 104 лет святой завещал отдать икону епископу с именем Савва. В 13 веке образ подарили архиепископу Сербскому Савве, который отдал святой лик в монастырь Студеница. Когда в начале 15 века в Сербию пришли османские захватчики, христиане, спасая икону, положили её на ослика и отпустили животное на свободу с тем, чтобы Богородица позаботилась о сохранении святыни. Ослик принёс образ Божией Матери «Троеручица» на Афон в Хиландарский монастырь, где он с тех пор и находится.

В 17 веке с образом Божией матери «Троеручица» произошло чудо, которое вошло в историю монастыря и изменило порядки в нём. После смерти игумена монахи не могли прийти к одному мнению в выборе кандидатуры на освободившееся место, из-за чего сильно ссорились. Одному из иноков Богородица явилась во сне и сказала, что игуменьей будет она сама. Потом ночью икона «Троеручица» со своего постоянного места в алтаре перенеслась на кресло игумена, и так было трижды. С тех пор в Хиландарском монастыре делами управляет священник-проигумен, а игуменьей считают чудесный образ «Троеручица» и получают от него благословение.

Во время войны с турками монастырь остался невредим, так как враги боялись часто появлявшегося видения неземной женщины, охранявшей обитель.

В Россию список с этой иконы Божьей Матери был доставлен из Афона 28 июня (11 июля н.с.) 1661 года в подарок Святейшему Патриарху Никону. Он поставил святыню в храме Воскресенского (или Новоиерусалимского) монастыря на Истре. В 1716 году с него выполнили список, который до нашего времени находится в храме Успения Богородицы на Болгарском подворье в Москве. Заступничеству святого образа приписывают то, что храм за время существования никогда не закрывался, а колокола его не тронули даже в советское время.

Древний список 17 века есть в московском Троицком соборе Свято-Данилова монастыря. Поклоняются святому лику в храме Покрова в Голиках и церкви Покрова на Малой Ордынке в Москве, в Чернигове в Спасо-Преображенском соборе, в Брянской Белобережской пустыни и множестве других мест.

В Киевском Свято-Троицком монастыре пребывает чудотворный список, принесённый основателем обители преподобным Ионой после 10-летнего обитания в Белобережской пустыни под Брянском.

Небольшой домашней иконе «Троеручицы» молилась семья императора-мученика Николая II во время заключения в Екатеринбуржском Ипатьевском доме. Образ был найден белогвардейским офицером после временного освобождения города от большевиков и в 1920 году отдан матери царя Марии Фёдоровне, хранился семьёй Романовых. В 2003 году святыня передана в Екатеринбург, в построенный на месте гибели царской семьи Храм-на-Крови во имя Всех Святых, в земле Российской просиявших.

В Болгарии в Троянском монастыре также находится список 17 века.

Празднуют день иконы Божьей Матери «Троеручица» 11 июля – в память встречи иконы в России, и 25 июля н.с. в память чуда с Иоанном Дамаскином. День Киевской иконы празднуется 14 и 22 марта н.с. в память о явлениях Богоматери святому Ионе.

Храмов, посвященных иконе Божьей Матери «Троеручица», около 30 (вместе с приделами, посвященными ей).

Оригинал иконы Божьей Матери «Троеручица» хранится в Хиландарском монастыре на Афоне.

Москва, Россия

Церковь Николая Чудотворца на Рогожском кладбище с иконой Божьей Матери «Троеручица»

Адрес: г. Москва, Рогожский поселок, д.1а/29

Храм-часовня иконы Божией Матери "Троеручица" в Орехове-Борисове

Адрес: г. Москва, Каширское шоссе, 63, стр. 2

http://www.troeruchitsa.ru

Храм Успения Пресвятой Богородицы в Гончарах на Болгарском подворье

Адрес: г. Москва, ул. Гончарная, д. 29

Главной святыней Успенского храма является чудотворная икона Божией Матери Троеручица (18 век).

http://bolgarskoe-podvorie.com/

По пятницам, в 17.00 в храме проходит акафист Богородице перед ее чудотворной иконой «Троеручица»

Свято-Данилов монастырь

Адрес: г. Москва, ул. Даниловский Вал, 22

Хранится чудотворная икона Божией Матери Троеручица (17-18 век). Несколько чудес было явлено уже в наше время: у рестовратора иконы вернулось зрение и во время акафиста перед иконой у женщины исцелилась рука.

http://msdm.ru

 

Санкт-Петербург, Россия

Церковь Симеона Богоприимца и Анны Пророчицы с приделом иконы Божией Матери «Троеручица»

Адрес: г. Санкт-Петербург, Моховая ул., 46/ ул. Белинского, 6

Сейчас оригинал иконы Божьей Матери «Троеручица» хранится в Хиландарском монастыре на Афоне. Икона известна множеством исцелений, в том числе от болезней рук, ног и глаз.

Икону можно подарить:

- любому православному человеку - на любой праздник;

- молодым на свадьбу или венчание в составе венчальной пары;

- людям, страдающим от болезней рук, ног или глаз.