Икона Божией Матери «Споручница грешных» 18,5 х 29 см

Молитва Пресвятой Богородице пред иконой «Споручница грешных»

О Владычице Преблагословенная, Защитнице рода христианскаго, прибежище и спасение притекающих к Тебе! Вем, воистинну вем, яко зело согреших и прогневах, Премилостивая Госпоже, рожденнаго плотию от Тебе Сына Божия, но имам многии образы прежде мене прогневавших Его благоутробие: мытари, блудницы и прочия грешники, имже дадеся прощение грехов их, покаяния ради и исповедания. Тыя убо образы помилованных очесем грешныя души моей представляя и на толикое Божие милосердие, онех приемшее, взирая, дерзнух и аз, грешный, прибегнути с покаянием ко Твоему благоутробию. О Всемилостивая Владычице, да подаси ми руку помощи и испросиши у Сына Твоего и Бога матерними и святейшими Твоими молитвами тяжким моим грехом прощение. Верую и исповедую, яко Той, Егоже родила еси, Сын Твой, есть воистинну Христос, Сын Бога Живаго, Судия живых и мертвых, воздаяй комуждо по делом его. Верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестающую к Богу Ходатаицу, зело любящую род христианский, и Споручницу покаяния. Воистину бо несть человеком иныя помощи и покрова, разве Тебе, Госпоже Премилостивая, и никтоже, уповая на Тя, постыдеся когда и, Тобою умоляя Бога, никтоже оставлен бысть. Того ради молю Твою неисчетную благость: отверзи двери милосердия Твоего мне, заблуждшему и падшему в тимение глубины, не возгнушайся мене, сквернаго, не презри грешнаго моления моего, не остави мене, окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моей; яко да и аз со всеми, получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.

Тропарь Божией Матери пред иконой Ее Споручница грешных

глас 4

Умолкает ныне всякое уныние/ и страх отчаяния исчезает,/ грешницы в скорбех сердца обретают утешения/ и небесною любовию озаряются светло./ Днесь бо Мати Божия простирает к нам спасающую руку/ и от Пречистаго образа Своего вещает, глаголя:/ Аз Споручница грешных к Моему Сыну,/ Сей дал Мне за них руце слышати Мя выну./ Темже людие, обремененнии грехми и скорбьми многими,/ припадите к подножию Ея иконы со слезами, вопиюще:/ Заступнице мира, грешных Споручнице!/ Умоли Матерними Твоими молитвами Избавителя всех,/ да Божественным всепрощением покрыет грехи наша/ и светлыя двери райския отверзет нам,/ Ты бо еси предстательство и спасение рода христианскаго.

Ин тропарь Божией Матери пред иконой Ее Споручница грешных

глас 3

Тебе, милосердия источнику присно текущему/ и Споручнице грешных, недостойный раби Твой, Богородице,/ припадающе, скорбяще, вопием Ти:/ спасай нас от бед, Владычице,/ и матерним Твоим ходатайством испроси всем нам вечное спасение.

Кондак Божией Матери пред иконой Ее Споручница грешных

глас 1

Честное жилище бывшее/ неизреченнаго естества Божественнаго/ выше слова и паче ума/ и грешным еси Споручница,/ подававши благодать и исцеление,/ яко Мати всех Царствующаго:/ моли Сына Твоего/ получити нам милость в День судный.

Акафист Пресвятой Богородице пред иконой «Споручница грешных»

Кондак 1

Избранней от Всевышняго, грешных Споручнице, преклоняющей на милосердие Сына Своего, да спасет яже созда рукою Своею, благодарственное пение приносим Ти, Мати Дево и Владычице, о явлении дивныя Твоея и чудотворныя иконы, Ты же яко предстательство ко Господу имущи, потщися от обстояний многообразных избавити ны и вечное спасение нам соделати, да, воспевающе, вопием Ти:

Радуйся, грешным Споручнице, всегда о нас руце Свои в поручение Богу приносящая.

Икос 1

Ангелов лики благоговейно Тебе служат и святии вси немолчными гласы Тя ублажают, Богородице Дево, яко рождшую Ангелов Царя, Христа Бога нашего, мы же, грешнии, подражати им дерзающе и благохвалити Тя недоумеюще, смиренномудренно архангельский глас вопием Ти, Чистая:

Радуйся, Благодатная, Господь с Тобою; радуйся, Преблагословенная в женах, Дево Всенепорочная.

Радуйся; Дщи Отца Небеснаго; радуйся, Мати Сына Превечнаго.

Радуйся, Духа Святаго селение; радуйся, Ангелов и человек непрестанное удивление.

Радуйся, Честнейшая Херувим; радуйся, Славнейшая без сравнения Серафим.

Радуйся, грешным Споручнице, всегда о нас руце Свои в поручение Богу приносящая.

Кондак 2

Видящи Премилосердная Матерь Божия земное скорбное житие наше, немощи и болезни, благоизволи дати нам в благословение и утешение, в радость и спасение и от всяких бед и напастей ограждение икону Свою святую, Споручницею грешным в ней нарекшися, да, радостная пред сею иконою Ей приносяще, радостно всегда поют Богу: Аллилуиа.

Икос 2

Разум небесный открывающи, Богородице Дево, благоизволила еси многими чудесы прославити икону Твою святую, Споручница грешных именуемую, да вси, ведуще таковое Твое о ней благоволение, песненно Тебе зовут:

Радуйся, Милосердная, всех нас о Христе Мати; радуйся, неистощимая сокровищнице Божественныя благодати.

Радуйся, Тобою бо нисходит к нам Божие благоволение; радуйся, Тобою бо имамы вящее к Богу дерзновение.

Радуйся, молитвы всех христиан приемлющая; радуйся, и самых отчаянных грешников моления не отвергающая.

Радуйся, яко предстательством Твоим спастися уповаем; радуйся, яко молитвами Твоими Царство Небесное получити чаем.

Радуйся, грешным Споручнице, всегда о нас руце Свои в поручение Богу приносящая.

Кондак 3

Сила благодатная осеняет всех, Преблагословенная Матерь Божия, с верою к Тебе, яко Споручнице грешных, притекающих и святей иконе Твоей поклоняющихся: Единей бо токмо Тебе дадеся дар всякое благое прошение скоро исполняти и грешных миловати и спасати, и Едина токмо Ты можеши воистину всем помощи елика хощеши, Богу поющим: Аллилуиа.

Икос 3

Имеющи Матернее о всех всеблагое промышление,Ты, Всеблагая Мати Божия, и самых отчаянных грешников ко спасению призываеши, глаголющи: Аз есмь Споручница грешных к Сыну Моему и Богу, Иже и обеща Мне слышати Мя всегда, да радостная Мне приносящии вечно радоватися будут чрез Мене. Сего ради мы, грешнии, Тебе, яко Споручнице нашей, радостно зовем:

Радуйся, Заступнице усердная, от Бога нам дарованная; радуйся, к Небесному отечеству Путеводительнице наша Благодатная.

Радуйся, от рова погибели исхищающая; радуйся, безпомощных на Свои всемощныя руце приемлющая.

Радуйся, непрестанное уныние отгоняющая; радуйся, падших ко благодати возставляющая.

Радуйся, слово премудрости просящим дарующая; радуйся, и неразумных разумными соделывающая.

Радуйся, грешным Споручнице, всегда о нас руце Свои в поручение Богу приносящая.

Кондак 4

Бурею сомнений искушаемая некая жена не хотяше веровати чудесем, от иконы Твоея, Споручницы, бываемым, но внезапну язвою смертоносною пораженная, позна силу Твою всемощную, Владычице, и чудотворныя иконы Твоея благодать, и, раскаявшися, слезно моляше Тя о прощении неверствия ея, милосердием же Твоим исцеленная, благодарственно Богу о Тебе всегда вопияше: Аллилиуа.

Икос 4

Слышит Господь Твоя о нас на Небеси ходатайства, Царице Небесная, и исполняет Твоя прошения, мы же, грешнии, яко всеблагую Скоропослушницу и Споручницу нашу, просим и молим Тя: Владычице, скоро услыши моления наша и вся наша печали на радость преложи, и прошения всех зде молящихся скоро исполни, да радостно всегда поем Ти:

Радуйся, приносящая к Сыну Твоему и Богу моления верных; радуйся и Сама у престола Сына Твоего всегда о нас молящаяся.

Радуйся, Споручнице грешных; радуйся, Взыскание погибших.

Радуйся, нечаянную радость верным дарующая; радуйся, и наша прошения скоро исполняющая.

Радуйся, Милостивая, всегда нас милующая; радуйся, житие наше доброе устрояющая.

Радуйся, грешным Споручнице, всегда о нас руце Свои в поручение Богу приносящая.

Кондак 5

Яко лучезарную звезду, весь мир озаряющую, подавала еси нам, Владычице Мира, честную Твою икону, Споручницею грешных именуемую, на нюже взирающе, Самой Тебе, истинней Божией Матери и Деве, поклоняемся, глаголюще: Владычице, приими молитвы раб Твоих и избави ны от всякия нужды и печали, восхваляющих Тя и Богу воспевающих: Аллилуиа.

Икос 5

Некий благоговейный муж страхом велиим преисполнися, егда в нощь Светлаго Христова Воскресения виде икону Твою, Споручнице Всеблагая, светом Небесным блистающуюся и, яко дождевныя капли, миро источающую и молниевидныя искры испущающую, познав в сем знамении милости Твоея к людем, со слезами умиления и благодарения радостно воспе Тебе, Преблагословенней Матери Божией:

Радуйся, Огнь Божественный неопально державшая, Имже грехи наша попаляются; радуйся, Свет неприкосновенный носившая, Имже души наша просвещаются.

Радуйся, руце Свои в поручение о нас Богу приносящая; радуйся, вход в Царство Небесное и нам, грешным, отверзающая.

Радуйся, яко молния тьму грехов наших разсекающая; радуйся, яко миро благовонное, сердца наша умягчающая.

Радуйся, источники чудес всюду источающая; радуйся, иконою Твоею вся люди возвеселяющая.

Радуйся, грешным Споручнице, всегда о нас руце Свои в поручение Богу приносящая.

Кондак 6

Весь мир христианский проповедует милости и чудеса Твоя, Препрославленная Мати Господа, и светлокрасуется многими чудотворными Твоими иконами, среди коих икона Твоя, Споручница грешных именуемая, яко луна полная, лучами милости Твоея и чудес немерцаемо сияет, просвещающи и освещающи души наша светом Божия благодати, подвизающи нас хвалебно Богу взывати: Аллилуиа.

Икос 6

Возсия в одну из нощей свет небесный в храме Николо-Хамовническом, егда прият образ Твой чудотворный, Споручнице грешным, светильники тогда и лампады невидимою силою в храме сем возжигахуся, свеща горящая, аки в служении, незримо кем окрест престола ношашеся. Людие же, вне храма стоявшии и сия вся видевше, дивляхуся, славяще Тя, Мати Божия, и Сына Твоего, мы же, воспоминающе дивное сие видение, с умилением Тебе глаголем:

Радуйся, скорби наша в радость претворяющая; радуйся, ненадеющихся несомненною надеждою возвеселяющая.

Радуйся, Свеще, у престола Божия присногорящая; радуйся, Лампадо, елеем Божественным светящая.

Радуйся, Свете лучезарный, путь жизни нам показующий; радуйся, Храме одушевленный, всех нас освящающий.

Радуйся, уповающим на Тя непостыдную жизнь дарующая; радуйся, и по смерти неотступно о них пред Богом ходатайствующая.

Радуйся, грешным Споручнице, всегда о нас руце Свои в поручение Богу приносящая.

Кондак 7

Хотя Долготерпеливый Господь явити Бездну Своего человеколюбия и щедрот, избра Тебе, Пресвятая Дево, в Матерь Себе и яви Тя неисчерпаемым источником милостей Своих, да аще кто праведным судом Божиим осуждения достоин, Твоим ходатайством, яко грешным Споручницы, сохранен будет, велегласно зовый: Аллилуиа.

Икос 7

Дивная дела Твоя показал еси нам, Господи, в Пречистей Твоей Матери и дивну даровал еси нам Ея икону, паче лучей солнечных просвещающу люди, яко Самую зрящих Богородицу и верою сердечною от души любовию, яко Божией Матери и Деве, Ей вопиющих:

Радуйся, Купеле, в Нейже вся скорби наша погружаются; радуйся, Чаше, Еюже радость и спасение вси восприемлем.

Радуйся, Живоносный Источниче, всех нас оживотворяющий; радуйся, Цвете неувядаемый, всех нас облагоухающий.

Радуйся, скорбей наших услаждение; радуйся, печалей наших утоление.

Радуйся, болезней наших врачевание; радуйся, от бед скорое наше избавление.

Радуйся, грешным Споручнице, всегда о нас руце Свои в поручение Богу приносящая.

Кондак 8

Странники и пришельцы есмы на земли и, по глаголу Апостола, не имамы зде пребывающаго града. Но к кому прибегнем, Владычице, в скорбех жития нашего, аще не к Тебе, Всеблагая Споручнице о нас грешных! Не отвержи нас, Мати Божия, и не рцы нам: Не вем вас грехов ради ваших, но помилуй нас, сирых и безпомощных, и приими нас в вечныя кровы, Покровительнице наша, да радостно вопием во славе Небесней Царю славы Христу: Аллилиуа.

Икос 8

Всем верным утешительно есть взирати на святую икону Твою, Владычице, Споручнице грешным, на нейже зрим Тя, на руку Твоею держащую Превечнаго Младенца, Господа нашего Иисуса Христа, Ему же покланяющеся боголепно, яко Творцу и Богу нашему, Тебе, истинней Богородице, умильно глаголем: Владычице, помози, на ны милосердовавши, потщися, погибаем от множества прегрешений, не отврати Твоя рабы тщы, Тебе вопиющия:

Радуйся, алчущих Питательнице; радуйся, нагих одеяние.

Радуйся, вдов Защитительнице; радуйся, сирот Покровительнице.

Радуйся, гонимых и обидимых Заступнице; радуйся, страждущих и плененных скорая Освободительнице.

Радуйся, грешным Споручнице, всегда о нас руце Свои в поручение Богу приносящая.

Кондак 9

Все естество ангельское похвальныя песнопения приносит Тебе, Божией Матери и Споручнице всех припадающих Тебе и просящих Твоея помощи и Твоего утешения, яко твердым и крепким Твоим предстательством праведных веселиши, грешных заступаеши и от бед избавляеши и печали утоляеши, и молишися о всех, верою зовущих о Тебе Богу: Аллилуиа.

Икос 9

Витийствующий всяк язык недоумеет благохвалити Тя по достоянию, изумевает же ум и премирный пети Тя, Богородице; обаче, Благая сущи, веру приими, ибо любовь веси божественную нашу; Ты бо христиан еси Предстательница, Тебе зовущих:

Радуйся, сиянием Пречистыя души Твоея всю землю просветившая; радуйся, чистотою телесе Твоего вся небеса возвеселившая.

Радуйся, всех нас при Кресте Сына Твоего усыновившая; радуйся, всегда Матернюю любовь Твою к нам являющая.

Радуйся, всех даров духовных и телесных всемощная Подательнице; радуйся, благ временных и вечных усердная нам Ходатаице.

Радуйся, двери Царствия Христова верным отверзающая; радуйся, и на земли радостию и веселием сердца наша исполняющая.

Радуйся, грешным Споручнице, всегда о нас руце Свои в поручение Богу приносящая.

Кондак 10

Спасти хотя род человеческий от вечныя муки и непрестающия скорби, Человеколюбец Господь Тебе, Матерь Свою, дарова земным на помощь, глаголя: сынове человечестии, се Мати Моя покров и прибежище вам да будет, печальным — утешение, скорбящим — радование, обидимым — Заступница, бедствующим — помощь, больным — Целительница, грешным — Споручница, да всех из глубины греховныя воздвигнет, вопиющих: Аллилуиа.

Икос 10

Царю Небесный, Сыне и Боже Мой, — тако молит за нас всегда Небесная Царица, — приими всякаго человека, славящаго Тя и призывающаго Имя Твое Святое, и прославляющих Мя Имени Твоего ради, и не отрини их от лица Твоего, но благоволи в них и приими от них всякое благое моление и всех от бед избави. Мы же, грешнии, надеющиися на Твоя Матерния молитвы, зовем Ти:

Радуйся, яко Ты еси Молитвенница наша к Богу теплая; радуйся, яко Твоя молитва всегда пред Богом многомощна.

Радуйся, Твоими молитвами и наша убогая моления богоприятными соделовающая; радуйся, и наше недостоинство Твоим предстательством восполняющая.

Радуйся, кающихся грешников непостыдная Споручнице; радуйся, всех христиан православных Заступнице.

Радуйся, вся наша болезни исцеляющая; радуйся, облак страстей и искушений разгоняющая.

Радуйся, грешным Споручнице, всегда о нас руце Свои в поручение Богу приносящая.

Кондак 11

Пение всеумиленное приими от нас, Небесная Споручнице наша, и молитву, приносимую Тебе, Дево Богородице, скоро услыши; к Тебе бо в напастех, скорбех и печалех прибегаем и пред Тобою в бедах наших слезы проливаем и молим: Владычице, утоли печали и приими молитвы раб Твоих, о Тебе поющих: Аллилуиа.

Икос 11

Светлыми лучами знамений и чудес немерцаемо сияет святая икона Твоя, Богородице Дево, и всех благодатно озаряет, с верою пред нею Тебе молящихся, прогоняющи всякое вражие действо силою Божиею, от нея исходящею. Темже радуемся мы, грешнии, имуще таковую чудную икону Твою в храме своем, яко залог Твоего к нам и храму нашему благоволения, и Тебе, Споручнице нашей и Скоропослушнице молений наших, благодарственно взываем:

Радуйся, радость благодатную нам изливающая; радуйся, утешение духовное скоро нам подающая.

Радуйся, желания богоугодныя исполняющая; радуйся, во всяких скорбных обстояниих на помощь нам поспешающая.

Радуйся, в вере и благочестии живущих зело любящая; радуйся, сердца их любовию к Богу и людям воспламеняющая.

Радуйся, в час недоумения мысль благу на сердце полагающая; радуйся, во всем упование на Бога имети нас научающая.

Радуйся, грешным Споручнице, всегда о нас руце Свои в поручение Богу приносящая.

Кондак 12

Благодать Божия, присущая святей Твоей иконе, Споручницею грешных именуемой, Богомати Владычице, влечет к ней всех скорбящих и грехми многими и напастьми обремененных, и не тщи отходят они от сего источника многообразных Твоих милостей и щедрот, но в скорбех — отраду, в напастех — защиту, в болезнех — цельбу и вся для души и телес благопотребныя неоскудно получают от чудотворнаго образа Твоего, Всеблагая, аще по Бозе все упование на Тя возлагают, поюще: Аллилуиа.

Икос 12

Поюще неизреченное Твое Матернее к нам грешным милосердие, хвалим Тя, яко Всемощную Споручницу нашу, благословим Тя, яко Всеблагую Скоропослушницу молений наших, и со умилением поклоняемся Тебе в честней Твоей иконе, веруем бо и уповаем, яко и ныне испросиши нам у Сына Твоего и Бога, да в жизни сей и по смерти нашей милосердие Его неотступно будет о всех, с любовию поющих Ти:

Радуйся, Твоими молитвами весь мир спасающая; радуйся, Твоими ходатайствы всю Вселенную заступающая.

Радуйся, яко всем с верою притекающим скоро помогающая; радуйся, и Небеснаго Царствия им испрошающая.

Радуйся, яко на икону Твою взирающе, Самой Тебе, истинней Богородице, поклоняемся; радуйся, Твоим предстательством вся благая желания наша скоро исполняющая.

Радуйся, и в час смертный верных Своих не оставляющая; радуйся, и по смерти о вечно блаженнем их упокоении ходатайствующая.

Радуйся, грешным Споручнице, всегда о нас руце Свои в поручение Богу приносящая.

Кондак 13

О, Всепетая Мати, Всеблагая Споручнице спасения грешных, Богородице Дево! Приими милостиво и нынешнее наше моление, еже от усердия нашего во благодарение Ти принесохом, и испроси нам у Всещедраго Бога в вере православней непоколебимость, в любви христианской преспеяние и грехов наших прощение, да предстательством Твоим унаследим Царствие Небесное и сподобимся со всеми святыми пети Богу: Аллилуиа.

Этот кондак читается трижды, затем 1-й икос «Ангелов лики …» и 1-й кондак «Избранней от Вышняго …».

Канон Пресвятой Богородице пред иконой «Споручница грешных»

глас 2

Песнь 1

Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть, препрославленный Господь славно бо прославися.

В нарочитый день праздника нашего отверзем, людие, уста своя и новыми песньми величия Приснодевы воспоем. Се бо явлением святыя Своея иконы — грешным Споручницы — множеством чудес от нея славно прославися.

Якоже светозарное Солнце, от горы Синайския возсиявшее, облиста нас образ Споручницы грешных, имже благодати залог миру даровася и спасение на земли возвестися, покров и прибежище верным, любовию почитающим Его.

Рукою крепкою люди Своя от горькия работы Избавльшему и из глубины морския Изведшему простри руце Твоя, Дево Чистая, и молися прилежно, да изведет из плена греховнаго души верных, празднующих светло заступление Твое.

Всех падших востание, заблуждающих Наставнице, унывающих радование, болящих исцеление и всех грешных спасение, соблюди и сохрани нас, Госпоже, Божественным к Сыну за ны ходатайством Твоим.

Песнь 3

Ирмос: Неплодствовавший мой ум плодоносен, Боже, покажи ми, Делателю добрых, Насадителю благих, благоутробием Твоим.

Свыше данною Ти благодатию обновила еси, Споручнице мира, многими грехми обветшавшия сердца наша, и, воздеющи руце, молишися к Сыну Твоему за люди согрешившия: спаси, Дево, нас молитвами Твоими.

Яко облак дожденосный, видим образ Твой, Владычице мира, воду бо спасительную чудес от Него испущающи, грехми изсохшия сердца благодатию напаяеши и приводиши нас к творению добродетелей плода, сего ради любовию ублажаем Тя.

Жезл Ааронов процветший именова Тя древле Моисей, Цвет бо живоносный — Христа — прозябла еси, Емуже простерши длани, молися, Богомати, страстьми умерщвленныя души наша оживити плодоносною благодатию Своею.

Ороси нас росою молитв Твоих, Богородительнице, и неплодная в пустыне греховней увядающая сердца наша плодоносны ныне соделай всесильным к Богу ходатайством Твоим.

Песнь 4

Ирмос: Пришел еси от Девы, не Ходатай, ни Ангел, но Сам, Господи, воплощся, и спасл еси всего мя, человека. Тем зову Ти: слава силе Твоей, Господи.

Пришла еси в мир за грешники Ходатаица, и яко Ангел утешаяй и ко исправлению вся подвизаяй; темже убо, Мати Божия, Споручница буди ми во благо, яко да обращуся и прежде согрешенных разрешение прииму, радостно вопиюще: слава силе Твоей, Господи.

Сокровище безценное обретохом — светоносный образ Твой, Богородице, мироточный и многоцелебный, благодати Божия обильно преисполненный, Емуже покланяющеся, источити просим освящение душам и телесем нашим.

Лествица явилася еси образно Иакову, от земли к высоте утвержденная, еюже сниде Владыка Неба и земли, да Тою путь правый покаяния покажет нам и к чертогам Небесным возведет люди согрешившия.

Едина надежда несумненная и грешным Споручница Ты еси, Пречистая, Тобою бо Христос Бог, преклонь Небеса, на землю сниде обновити падшее создание Свое; темже, проси, Дево, грехов прощение даровати нам, верою поющим Ему: слава силе Твоей, Господи.

Песнь 5

Ирмос: Ходатай Богу и человеком был еси, Христе Боже: Тобою бо, Владыко, к Светоначальнику, Отцу Твоему, от нощи неведения приведение имамы.

Ходатай Богу и человеком, Христос Бог, Ходатаицу Тя миру показа и грешным Споручницу. Егоже милостива соделай нам, Пресвятая Мати Дево, теплым заступлением Твоим.

Паче солнца светлеется образ Твой, Богоневесто, всю страну нашу осиявающий знамении и чудесы, тьму же греховную разгоняющий и благое всем источающий Небесное миро во спасение верных и миру христианскому во обновление.

Руно Тя Гедеон вообрази орошенное, на негоже, яко роса, Христос Бог сниде, да, росою молитв Твоих орошеннии, грешницы к покаянию подвигнутся и к вечным обителем Светоначальника Отца Небеснаго приведение да имут.

Се плачу и рыдаю горце, егда от нощи нерадения во ум прииду от многих моих злых прегрешений. Темже молю Тя, Мати Благая: Споручница буди ми и настави мя на путь, еже ходити во истине, слезы приносяще о своих согрешениях.

Песнь 6

Ирмос: В бездне греховней валялся, неизследную милосердия Твоего призываю бездну: от тли, Боже, мя возведи.

Радости нам вечныя и жизни нетленныя Ходатаица явилася еси, Богородительнице, приносяще за ны руце к Сыну Твоему и Спасу всех, всяку слезу от лица земнаго отъемшему и неизследную милосердия Своего бездну Тобою миру показавшему.

Святителя Николая, предстояща образу Твоему, благоговейный муж узрети сподобися и благоволения Твоего глаголы от Тебе, Царице, услыша, яже верным быша во утверждение и о людех промышления Твоего во свидетельство.

Свиток нов Тебе Исаия, Дево, предвидев, на немже написася живое слово Отчее, Егоже моли, Чистая, Всеблаженная, в книзе мне живых написатися и многих зол моих разтерзати свиток покаяния предобрыми образы.

Из глубины бездны греховныя к Тебе руце простираю и сквернии устне мои к молению отверзаю, подножию же ног Твоих, Владычице, припадаю и, рыдающи, вопию Ти: молися, Заступнице, Сыну Твоему, прощение улучити ми и милость в День судный.

Кондак, глас 1

Честное жилище бывшее неизреченнаго естества Божественнаго выше слова и паче ума и грешным еси Споручница, подаваеши благодать и исцеление, яко Мати всех Царствующаго: моли Сына Твоего получити нам милость в День судный.

Икос

Светоноснаго явления и преславнаго Твоея иконы, Споручницы грешных прославления, чудес же многих пучины и мира многоцелебнаго излияния витийствующих уста не возмогают исповедати достойно; мы же, грешнии и смиреннии, что возглаголем Ти, Богоневестная Дево? Токмо: помилуй нас. Едину бо Тя жизни нашея стяжахом Хранительницу и Надежду крепку спасения. Темже молим Тя, о Благосердная: Споручница нам покаяния явися и ходатайствуй к Сыну Твоему: да будущих истязаний избавимся и милостива Его обрящем в День судный.

Песнь 7

Ирмос: Богопротивное веление беззаконнующаго мучителя высок пламень вознесло есть. Христос же простре благочестивым отроком росу духовную, Сый благословен и препрославлен.

В нощи, и во дни, и во всяких обстояниих спасение твердо имамы Тя, Богородице, христианом покров и прибежище, выну бо руце ко Господу простерши, росою молитв Твоих, якоже отроки благочестивыя, охраняеши от напастей верныя, зовущия: благословенна еси, Мати Дево, и препрославлена.

Не терпя муж благочестивый зрети неизреченнаго от образа Твоего осияния, на землю ниц паде, моляся; мы же, грешнии, благодатную икону сию зряще, любовно вопием Ти: благословенна буди, Споручнице спасения нашего, и препрославлена во веки.

Серафим древле, клещами угль носяй горящий, во уста коснуся Исаии, попаляя грехи его. Ты же, клеща светозарная сущи, Богородице, Угль Божественный носившая, Христа Иисуса, прикоснися Его милосердию, да опалит грехи наша и беззакония лютая.

Не отвержи мене от лица Твоего, Всенепорочная, егда к Пречистому образу Твоему воззрю, стеняще о гресех тяжких, но милостива буди ми Заступница к Сыну, милосердием бо преклоняется и спасение грешников соделывает ходатайством Твоим.

Песнь 8

Ирмос: В пещь огненную ко отроком еврейским снизшедшаго и пламень в росу преложшаго Бога пойте, дела, яко Господа и превозносите во вся веки.

В пещь огненную страстей мира снизшедшую и пламень греховный в росу покаяния спасительнаго преложшую Богородицу, прекрасный лик весело сплетши, пойте, дела, яко Заступницу мира Деву Чистую, и превозносите во вся веки.

Света Небеснаго в нощи многообразными играньми славят всечестную икону Твою, Владычице, Горнии чини и Тебе, Богоневестную Матерь, ублажают радостно. Юже, яко Световодительницу из тьмы греховныя, людие, превозносите во вся веки.

От древле до ныне Саму Матерь Царя Христа Утешительницу тверду в напастех имущи, в скорбех же и печалех присное избавление, в бедах помощь и в покаянии Споручницу, благословите, сынове человечестии, пойте Сию и превозносите во вся веки.

Даждь рабом Твоим, Всеблагая Царице, прошения спасительная в храме сем, в немже источник преславных чудес показала еси, токи мира источая от святаго образа Твоего, имиже страсти душ и телес врачуеши неизреченным милосердием Твоим.

Песнь 9

Ирмос: Безначальна Родителя Сын, Бог и Господь, воплощся от Девы, нам явися, омраченныя просветити, собрати расточенная, тем Всепетую Богородицу величаем.

Не возмогает слово человеческое, ниже язык всяк похвалити Тя достойно, но Ты, Пресвятая, благодать неоскудную от Господа приимшая и грешным Споручница свыше преднареченная, вретище прегрешений наших расторгни и омраченныя просвети ны, веселием же добродетелей препоясующи, не остави нас заступлением Твоим, да Тя, Всепетую Богородицу, величаем.

Светом невещественнаго светолития сияя, образ Твой, Отроковице Непорочная, омраченныя грехми просвещает и расточенная вся под кров спасительный храма Твоего собирает, тем, веселящеся, Тя, Всепетую Богородицу, величаем.

Якоже Давид праотец древле пред сенным ковчегом взыграше радостно, сице и мы Царице Неба пришедшей песньми взыграем немолчными, славяще образа Ея многоцелебнаго всечестное прославление.

Срадуемся днесь и свеселимся неизреченному Божию дарованию — дивному образу Приснодевы, радость бо вечную от Него источает нам, напастей и печалей свобождая. Темже благодарственныя песни воспеваем веселия Ходатаице и верно любовию вси яко Богоматерь величаем.

Храмов, посвященных иконе Божией Матери «Споручница Грешных», около 20 (вместе с приделами, посвященными Ей).

Оригинал иконы Божией Матери «Споручница Грешных» находится в Николо-Одринском женском монастыре (Одрино Карачевского района Брянской области).

 

Москва, Россия

Храм Николая Чудотворца в Хамовниках

Главной святыней храма является чудотворная икона Божией Матери «Споручница грешных», от которой исцелились многие болящие.

http://nikola-khamovniki.ru/

Адрес: г. Москва, ул. Льва Толстого, 2.

 

Новосибирск, Россия.

Часовня иконы Божией Матери "Споручница грешных"

Адрес: Россия, Новосибирская область, г. Новосибирск, Железнодорожный район, Владимировский спуск, 2а, корп. 16

 

Шанхай, Китай.

Собор иконы Божией Матери "Споручница грешных"

Адрес: Китай, г. Шанхай, на пересечении улиц Julu и Fumin

История образа иконы Божией Матери «Споручница грешных»

Икону Божией Матери «Споручница грешных» назвали так в соответствии с надписью на ней: «Аз Споручница грешных к Моему Сыну», что значит «Поручительница» за грешный человеческий род перед Спасителем. Иконография святого образа «Споручницы грешных» уникальна. Хотя она типологически больше всего напоминает «Одигитрию-Путеводительницу», всё же во многом отличается от неё. Левой рукой Богородица держит Богомладенца, Который здесь не благословляет, а руками держится за правую руку Матери. Этот жест – как обещание помощи по молитвам Ходатаицы за людей, раскаявшихся в своих грехах.

Перед иконой Божией Матери «Споручница грешных» молятся в безвыходных ситуациях и в отчаянии о себе и близких людях, о спасении грешников. Она помогает в осознании грехов и обретении надежды, облегчает душевное состояние, исцеляет от тяжёлых болезней, физических и душевных. История иконы хранит чудеса избавления от смерти во время эпидемий чумы и холеры. Она покровительствует пребывающим вдали от дома.

Самые давние воспоминания об образе Богоматери «Споручница грешных» относятся к 17 веку, к Корецкой иконе, принадлежавшей корецким князьям и называвшейся ими «благодатной». В 1622 году один из православных братьев- князей Самуил был убит турками в плену, а другой, Иоанн, принудительно принял католическую веру во время латинского нашествия. Перед обращением в католичество он отдал семейную реликвию сестре, игуменье православного, существовавшего с 11 века, Свято-Воскресенского монастыря Серафиме. В честь торжественного перенесения иконы в святую обитель, состоявшееся в четверг по Троице в 1622 году, празднование образа совершается доныне. Со временем монастырю передали развалины другого, Свято-Троицкого монастыря, который в 1889 году освятили, а икону поставили в Свято-Троицкий храм. Теперь монастырь стал называться Свято-Тороицким Корецким женским. В 1923 году здесь на Святую Троицу после вычитки произошло исцеление одержимого. В следующем году тоже в Пятидесятницу по совершению крестного хода вокруг обители прекратились проливные дожди и разрушительные разливы рек на Волынской земле. Записаны свидетельства верующих о помощи иконы в разрешении семейных неурядиц, облегчении скорбного и тоскливого состояния души. В 1998 году образ Богоматери «Споручница грешных» Корецкая внесён в Патриарший церковный календарь как чудотворный.

В 19 веке в Одринском Николаевском монастыре Орловской губернии (ныне Брянская область), известного своими святыми старцами и упоминавшегося в грамоте инокини Евпраксии ещё в 14 веке, была обнаружена другая древняя икона Божией Матери «Споручница грешных». Она находилась в деревянной часовне у ворот обители и особого внимания не привлекала до тех пор, пока не явилась в сны сразу нескольким верующим с обещаниями исцелений. После излечения в 1843 году одного за другим трёх малолетних детей от тяжёлых болезней (эпилепсии, слепоты и паралича) икону почистили и перенесли в монастырский храм Святителя Николая. В 1847-1848 годах она прославилась во время эпидемии холеры. Святой образ находился в обители близ городка Карачева до Великой Отечественной войны, хотя монастырь в 20-х годах прошлого века был закрыт. Во время войны верующим удалось спасти икону. В послевоенное время образ передавался из рук в руки и оказался в частной коллекции на Украине. В 1996 году святыню вернули в Николо-Одринский монастырь при содействии схимонаха Макария.

Самый известный список с Одринской иконы Божией Матери «Споручница грешных» находится в московском храме Николая Чудотворца в Хамовниках. Эта копия была прислана подполковнику Бонческулу иноком монастыря в 1848 году в благодарность за гостеприимство. Икона, поставленная в домашнем иконостасе, оказалась чудотворной: от неё исцелилась женщина с болезнью спинного мозга. От святого лика начало исходить сияние, образ Божией Матери мироточил и исцелял, поэтому был отдан в Николольский храм в Хамовниках. Там продолжалось мироточение и чудесное сияние. Получили исцеление множество людей.

Копия иконы «Споручница грешных» из церкви святого Николая в Хамовниках с 1854 года находится в Троице-Савском соборе города Кяхты в Забайкалье. Список был заказан тем же Д. Н. Бонческулом после того, как во сне неким монахом ему было велено отдать икону именно в этот собор. От чудотворного образа по молитвам исцелились очень многие верующие. «Сибирский патерик» повествует об особом почитании и распространении в Сибири списков с иконы Божией Матери «Споручница грешных» даже среди язычников-бурятов, а не только в среде православных, заселявших необжитые здешние места. Копии находятся в некоторых монастырях этого края России, в том числе Чикойском.

Чудотворный список с иконы в церкви в честь иконы Казанской Божией матери с. Срезнево Рязанской области привлекает паломников всей России. Он создан в 19 веке в Пронинской Спасской обители, закрытой в годы преследований за веру.

Известные копии с иконы «Споручница грешных» пребывают также в московской церкви Ризоположения в Леонове, храме Рождества Богородицы в городе Верхний Уфалей Челябинской и Златоустовской епархии. В Шанхае (Китай) в 1935 году был сооружён собор в честь иконы Божьей Матери «Споручница грешных» – самый большой православный храм в стране, вновь освящённый после временного закрытия. Святой образ Богоматери «Споручница грешных» был родовой иконой семьи Арсеньевой, бабушки М. Ю. Лермонтова. С 1995 года, уже отреставрированный, святой лик находится в Тарханах в музее поэта и поставлен в его комнате.

Празднуют икону Божьей Матери «Споручница грешных» 20 марта и 11 июня по н.ст., а также в четверг по Святой Троице.

Образ прославился чудесами в 19 веке, в Одрино-Николаевском монастыре. Божья Матерь открыла местным жителям чудесную силу иконы и перед ней произошло несколько исцелений.

Оригинал иконы Божией Матери «Споручница Грешных» находится в Николо-Одринском женском монастыре (Одрино Карачевского района Брянской области).

Старинный почитаемый список иконы хранится в Москве, в Храме Святителя Николая в Хамовниках (http://nikola-khamovniki.ru/). Икона неоднократно мироточила и являла чудеса и исцеления.

Перед иконой молятся о ходатайстве Богородицы перед ее сыном, Иисусом Христом: о прощении грехов и исправлении нашей жизни, об исцелении от тяжелых недугов, о защите от всяких скорбей.

Икону можно подарить:

- любому православному человеку - на любой праздник;

- молодым на свадьбу или венчание в составе венчальной пары;

- болящим для молитв о своем исцелении.